رواية عز القمر الفصل التاسع 9 - بقلم دنيا فادي

مصطفي: وحياة أمك. محمد: ومالها أمي بس يا باشا، الست الله يرحمها، فكني انقلها الفاتحة. مصطفي: وعلى أي؟ استنى أقرأها عليكم انتو الاتنين. محمد: يا باشا، مش هتستفاد مني حاجة، صدقني. يقاطعهم عز. عز: كنت فاكر هتروح مني فينه. محمد وجسمه يتلبش ويبتلع ريقه بصعوبة. عز ويقرب له: فين العربية يا لمّي؟ محمد بإنكار: عربية إيه؟ انتوا عايزين مني إيه؟ أنا مش فاهم حاجة. مصطفي ويرفع المسدس على دماغه: شكل الذوق مش جايب.

عز بتسرع وكذب: اهدى يا مصطفى، دي هتبقى رابع مرة تقتل فيه. محمد بخوف: خلاص يا باشا، هقول على كل حاجة، العربية مع أخواتي. عز: فين؟ محمد: نفس المكان اللي خدتني منه يا باشا. مصطفي: مكنش في حد غيركم. محمد بتوتر: ما هما خدوا العربية يبيعوها. عز بعصبية: كلمهم حااااالااا قبل ما يعملوا حاجة. محمد: حاضر. مصطفي: أنا جالي فكرة. شحته: ما ترد، مش سامع الزفت. كابو بإستغراب: مين ده؟ كابو: الو. محمد: بقولك يا كابو.

كابو بإستغراب: إنت بتتكلم منين يلا؟ محمد: مش وقته، اتصرفتوا في العربية. كابو: لا. محمد: حلو، هاتها. أنا شوفت واحد هياخدها بسعر حلو أوي، أنا عنده دلوقتي، تعالي على ********** بسرعة قبل ما يغير رأيه. ويقفل. شحته: في إيه؟ كابو: مش عارف، أخوك بيقولي نروح ل ********* وهو معاه واحد هياخد العربية بسعر حلو. شحته: وهو يعرفهم منين وإزاي؟ أنا بقولك أخوك هيودينا في داهية، أنا عارف. قمر بإستغراب: هو في حاجة ولا إيه؟

هايدي: لا، أنا كنت معدية من جنبكوا صدفة، قولت أجي أقعد معاكوا شوية، لا أكون عاملة إزعاج ولا حاجة. قمر بإبتسامة: لا أبداً، تنوري. هايدي وتتلفت حوالين نفسها. هايدي: أومال فين عز؟ برن عليه مبيردش، والفون اتقفل. قمر: امم، يبقى إنتي مش معدية صدفة ولا حاجة، إنتي جاية عشان تسألي على عز. هايدي: لا، معدية صدفة، أنا قلقت بس عليه. قمر بعدم فهم: وإنتي تقلقي لي؟

هايدي: عادي، بنت عمو، وبعدين إنتي عشان اتجوزتيه يبقى خلاص منسألش عليه. قمر: آه. هايدي بلامبالاة: ما علينا، هو فين عز؟ قمر: عايزاه لي. هايدي: لا، ده سر، مينفعش أقولك. قمر: والله؟ هو في بينكم أسرار؟ هايدي بإستفزاز: آه، هو إنتي متعرفيش؟ قمر: لا معرفش. هايدي: أصل عز مبيرتحش في الكلام غير معايا، وأنا برضه. قمر بضيق خلق: اممم. هايدي: طيب أي مش هتضيفيني؟ قمر: يا سلام، من عينيا. هايدي: هو فين الحمام؟ قمر: تعالي أوديك.

عز: بس إنت وصلتله إزاي بسرعة كده؟ مصطفي: عيب عليك. عز بإبتسامة: اخلص وقول، ده أنا كده أخاف منك. مصطفي: رنيت عليك لقيت الموبايل مفتوح، وكان مسهلي كل حاجة، راقبته لحد ما وصلت، ولقيت الموبايل في إيده، بقولك كل حاجة، كان مسهلهالي الغبي. عز: مصاحب جاسوسي؟ مصطفي: أومال يا ابني. عز: هات الموبايل أكلم قمر. هايدي بتخرج من الحمام. قمر: خلصتي؟ هايدي: هو إنتي إزاي حامل وإنتي عندك البريود؟