رواية عز القمر الفصل الثاني عشر 12 - بقلم دنيا فادي

عز بيمسك إيديها ويبوسها، ويدفن وشه في رقبتها برومانسية. قمر: مالك؟ في إيه؟ عز: بحبك. قمر بخجل: وأنا كمان. عز بهدوء: شعرك ريحته حلوة أوي. ويبعد وعينه تبقى في عينيها، ويلمس بصوابعه على شفايفها ويقرب يبوسها. قمر ضعف واستسلام. تبادلوا البوسة بحب. *** 9:01 AM حياة بنعاس: قومي يا بت. نور: إيه يا ماما. حياة: هتتأخري على كليتك يا نور، اخلصي. نور: شوية وهقوم.

حياة: قومي، مش هصحيكي تاني وهتيفوتك المحاضرة، وأنتي عندك امتحان وتصحي تزعلي وتقلبي عليا. نور: خلاص صحيت يا ماما، بس عايزة أنام، مش قادرة. حياة: معلش يا حبيبتي، لما تيجي ابقي نامي براحتك. نور: ماشي. حياة: يلا يا حبيبتي، فقي كده وراجعي على حاجتك وأنتي بتفطري، وإن شاء الله الامتحان هيكون سهل. *** قمر: رايح فين؟ عز: الشغل. قمر: شغل إيه ده؟ أنت مش شايف نفسك. عز: أنا كويس أهو.

قمر: كويس إيه يا عز، لا مش هتروح، أنت لسه تعبان. عز: يا بنتي كويس والله. قمر: والله تعبان. عز: أنتي عايزة تتعبيني وخلاص. قمر: أنا حاسة إنك تعبان. عز بضحك: هتحسي بنفسي أكتر مني. قمر: وليه لا؟ عز: هي الإجازة اللي كنت واخدها عودتك عليا ولا إيه؟ قمر بزعل: بصراحة أه. عز: معلش، دول كام ساعة وهتلاقيني. قمر: طيب اقعد معايا النهارده بس، عشان نفسك، على فكرة، مش عشاني. عز بضحك: يا سلام؟

والله صدقيني مش هينفع، لو عليا أقعد معاكي طول الوقت، بس بجد مش هينفع يا قمر. قمر بإبتسامة: طيب خلي بالك من نفسك. عز: حاضر، وأنتي خلي بالك، لتدخل قطة ترعبك. قمر بضحك: لا مش هفتح الباب لحد. *** بعد ساعتين. بيرلنتي: مش ده حازم؟ هايدي: حازم مين؟ بيرلنتي: اللي كان مرتبط بيكي من سنة، أنتي نسيتيه. هايدي: متقوليش مرتبط بيا، هو كان لازقة وأنا اللي بطنش. بيرلنتي: طيب بصي. هايدي: إيه ده؟ ده واقف مع نور. بيرلنتي: شكلهم مرتبطين.

هايدي بخبث: بجد؟ استني هروح أسلم عليه وأعرف بنفسي. *** حازم: متخافيش، طالما أنتي مذاكرة هيجي سهل. نور بإبتسامة: أه والله، سهرانه طول الليل بذاكر. هايدي بسهوكة: هاي حزومة، عامل إيه؟ حازم بضيق خلق: تمام. هايدي: إيه بطلت تقعد معانا لي؟ وحشتني قعدتنا سوا والسهر. حازم: متشوفيش وحش يا هايدي. هايدي بدلع: أنت بتكلمني كده لي يا حازم؟ أنت نسيت اللي كان بينا؟ نور: احم، طيب الامتحان شكله بدأ.

حازم: استني، هاجي معاكي، ليجيلي ضيق تنفس. هايدي بعصبية: ضيق تنفس؟؟ الله يرحم، ما كنت بتجري ورايا يا عر'ه. بيرلنتي: إيه؟ أنتي بتكلمي نفسك؟ هايدي: العر'ه بيكرفني عشانه. بيرلنتي: أنتي ناسيه اللي عملتيه فيه؟ ما أنتي ياما كرفتيه زمان وعملتي حوارات قد كده عشان يبعد عنك. هايدي بقر'ف: وأنتي فاكرة إن عايزاة؟ وتكمل بشر: أنا مش هخليهم يتهنوا ببعض.