رواية عز القمر الفصل الثالث 3 - بقلم دنيا فادي

ويكمل بصدمة بعد ما شاف في إيديها السكينة: يخربيتك يا مجنونة هتنتحري ولا إيه؟ قمر بتوتر وتقرب السكينة عليه: وربنا يا عز لو قربت مني هغرس السكينة دي في قلبك وأنت عارفني مجنونة وأعملها. عز بضحك: طب اهدي وصلي على النبي أنتي ماسكاها غلط. قمر: يااا بارد هموووتك وأنت بتضحك. عز ويمسك إيديها: اهدي بس. قمر برفع حاجب: ابعد إيديك أنت مش خايف لي؟ عز: هخاف لي؟ أنتي اللي هتتسجني لما تموتيني. قمر بضيق خلق:

هوووف اتصرف واقولهم إن أنا مش حامل. بابتسامة ويقرب وشه لوجهها: ما اتصرف وتبقي حامل. قمر بإحراج ووشها يصفر: عز هعيط والله. عز: عيطي. قمر: ابعد. عز: لا. قمر: عز!! عز: قلب عز. قمر بتوتر: ابعد بقى. عز ويلمس شعرها ويحاوطها بإيديه ورا ضهرها: تعالي اقعدي. قمر وتبصله باستغراب: لي؟ عز: اقعدي بقى. قمر وتقعد وعز يقعد جنبها. عز: أنتي لي خايفة مني يا قمر؟ قمر: أنا مش خايفة منك يا عز. عز:

لا خايفة مني، ده أنتي لو كده ومش خايفة مني دي تبقى مصيبة. قمر وتضحك. عز: يااه هو أنتي بتضحكي زينا كده؟ قمر: والله!! عز: برضو هربتي من سؤالي. قمر: سؤال إيه؟ عز: لي بتخافي مني يا قمر؟ قمر: مش بخافش منك يا عز ومش بخافش أصلاً. عز: احلفي. قمر بثقة: والله. بابتسامة وهو بيقرب ليها: بجد؟ قمر بتتردد: بجد. عز: عينك في عيني كده. قمر وعينيها في عينيه وقلبها يدق بسرعة من قربه ليها. عز: قلبك بيدق بسرعة لي؟

ويلاحظ سرحانها في عينيه ويدفن وشه في رقبتها ويقبلها بخفة. قمر وهي سرحانة ودموعها نازلة بخوف وتاخد نفسها بسرعة: عز ابعد. عز بيبعد ويلاحظ دموعها ويمسحها. قمر وتقوم من جنبه بسرعة. عز بيمسك إيديها: شوفتي إنك خايفة مني. قمر مترددتش. عز: مش بترديش لي؟ قمر ودموعها تنزل: أه يا عز بخاف منك وبخاف تقربلي. عز: وأنا إيه اللي عملتو يخوفك مني؟ ويكمل بجنون:

ده أنا بعمل كل حاجة أنتي عايزاها، قولتي مقربش منك قولت حاضر، قولتي إنك محتاجة وقت عشان تاخدي عليّ وعودي كتير ولسه حتى موثقتيش فيّااا!! قمر ودموعها نازلة زي السيل وتبعد نظرها عنه. قمر: خلاااص يااا أحمد والنبي. عز: أحمد؟؟ قمر بصدمة وتستوعب الاسم اللي قالته وتبصله بخوف.