رواية عز القمر الفصل الثالث عشر 13 - بقلم دنيا فادي

حازم: استني هاجي معاكي ليجيلي ضيق تنفس. هايدي بعصبية: ضيق تنفس؟ الله يرحم ما كنت بتجري ورايا يا عر'ه. بيرلنتي: إيه انتي بتكلمي نفسك؟ هايدي: العر'ه بيكرفني عشانه. بيرلنتي: انتي ناسيه الي عملتيه فيه؟ ما انتي ياما كرفتيه زمان وعملتي حوارات قد كده عشان يبعد عنك. هايدي بقر'ف: وانتي فاكرة اني عايزاه؟ وتكمل بشر: أنا مش هخليهم يتهنو ببعض. *** محمد: يا جماعة والله ده فخ وكان لينا كلنا. كابو بعصبية: بس انت فلت منها.

شحته: اديك خرجت منها زي الشعرة من العجينة. ورينا هتعمل إيه. محمد: هخرجكم منها زي ما خرجت. كابو: انت عيل خيبان ومش هتعرف تعمل حاجة. ده انت ممكن تلبسنا تهم أكتر بسبب غبائك. محمد بشر: صدقوني هخرجكم منها وهتشوفوا. كابو: متفردش صدرك كده بس. وانت شكلك هتيجي تقف معانا هنا. شحته: فرصتك جت يا محمد. لو متصرفتش هتقل في نظري جامد وساعتها مش هشوفك. *** حياة: طمنيني عليكي يا قمر.

قمر بإبتسامة: أنا كويسة يا ماما. قوليلي انتي عاملة إيه وبابا ونور. حياة: كلنا كويسين يا حبيبتي. قمر بزعل: بس أنا زعلانة من نور. مجتش معاكم آخر مرة وبقالى كتير مشوفتهاش. حياة: النهاردة عندها آخر امتحان وقالتلي إنها هتعدي عليكي. هي كانت عملاهالك مفاجأة بس انتي عارفاني مبقدرش أخبي حاجة عليكي. قمر بضحك: ماما انتي بوظتي المفاجأة. حياة بضحك: يعني هي كانت هتخترعلك الذرة؟ قمر: خلاص عادي. هعمل نفسي متفاجئة.

حياة: قوليلي يا حبيبتي بتاكلي كويس وبتاخدي علاجك. قمر بإستغراب: باكل كويس أه. بس أنا مش تعبانة عشان آخد علاج. حياة: هو انتي مش حامل؟ يعني لازم تهتمي بصحتك. انتي بتاكلي لشخصين دلوقتي يا حبيبتي. قمر بتردد: أه أه طبعًا باكل كويس. *** هايدي: نور. نور: ممم. هايدي بإبتسامة: انتي مروحة؟ نور: أه. خير في حاجة؟ هايدي: كنت عايزة أتكلم معاكي. نور: ومن امتى في بينا كلام؟

هايدي: ماهو مفيش بينا كلام. بس في كام حاجة مهمة عايزة أقولهالك. وبالذات إنهم عن حازم. نور بفضول: قولي. هايدي بإبتسامة خبث: تعالي أوصلك بعربيتي وأحكيلك في الطريق. نور بنظرة شك وعدم فهم: ماشي. لما نشوف آخرتها.