رواية عز القمر الفصل الثاني 2 - بقلم دنيا فادي

بغيظ ويقوم يقف بثقة: أنا عندي ليكم خبر حلو، قمر حامل. قمر بصدمة وتقوم تقف: إيه! قمر بإبتسامة: عز بيهزر معاكم. عز بضحك: خلاص بقي يا قمر، أنا عارف إنك عايزاها تكون مفاجأة. حياة: مبروك يا حبيبة قلبي، مبروك يا عيوني. زينب بإبتسامة: مبروك يا حبيبتي، فرحتي قلبي. أدهم بخنقة: طيب أستأذن أنا، عندي حاجة مهمة. حياة بإبتسامة: ماشي يا حبيبي، خلي بالك من نفسك. قمر: بس بس، أنا مش... عز ويمسك إيديها: مش حابة تعرفكم دلوقتي.

قمر بغيظ وتشدو للأوضة: إيه اللي انت قولته ده؟ عز ويقعد على السرير: إيه؟ قمر: والله؟ إيه البرود اللي انت فيه ده؟ عز: عايزين يفرحوا بعيالنا، مش هنفرحهم؟ قمر بغيظ: يااااعزززز. عز: قلب عز. قمر: اتصرف واطلع قولهم إنك بتهزر. عز: لا، عايزاني أرجع في كلامي؟ قمر: قوول إنك بتهزر، مش هيصدقوني بعد اللي انت قلته ده. عز: يرضيكي أرجع في كلامي؟ قمر بضيق خلق والدموع تتجمع في عينيها: آه يا عز. عز: انتي هتعيطي؟ قمر: انت ليه عملت كده؟

عز: عشان ده لازم يحصل. قمر: هو إحنا مش اتكلمنا مليون مرة في الموضوع ده؟ ويقاطعهم زينب: عز يا حبيبي، إحنا ماشيين. عز ويخرج لهم: على فين؟ لسه بدري. زينب: لا خلاص، كفاية كده. اطمنا عليكم. عبدو: خلي بالك من بنتي يا واد يا عز. عز: على فين انت كمان يا عم؟ عبدو: ده معاد نومي، مش شايفني بسقط منك. حياة: يالا يا حبيبي، هنبقى نتصل نطمن عليكو. عز: ثواني، هاجي أوصلكم. حياة: لا، خليك انت مع مراتك. عز بإبتسامة: هتروح فين يعني؟

خليني أوصلكم. هايدي: هو صحيح الكلام ده يا عز؟ عز: كلام إيه؟ هايدي بغيظ: إن قمر حامل. عز: ههزر ليه، عقبال ما نجوزك ونشوف عيالك. هايدي: اللي بحبه شايفني زقرده. عز بضحك: عشان انتي زقرده، ويالا سابقوكي وهتروحي لوحدك كده. هايدي: وانت هتسبيني أروح لوحدي؟ عز: لا، يبقى الحقيهم. هايدي: بس أنا ملحقتش أقعد معاك يا عز، في حاجات حصلت معايا عايزة أحكيهالك. عز: حاضر، يبقى أفضالك مخصوص، بس يالا روحي دلوقتي قبل ما يمشوا. هايدي:

حاضر، ولما أروح هطمنك عليا. عز: ماشي. ويسيبها ويطلع البيت. عز وياخد نفسو ويفتح الباب براحة: قمر يا قمر. ويدخل الأوضة: قمر. عز بإستغراب: راحت فين دي؟ عز بإبتسامة: قمررر يا قمورتي، انتي هنا. ويكمل بصدمة بعد ما شاف في إيديها السكينة: يخربيتك يا مجنونة، هتنتحري ولا إيه؟ قمر بتوتر وتقرب السكينة عليه: وربنا يا عز لو قربت مني، لهغز السكينة دي في قلبك، وانت عارفني مجنونة وأعملها.