رواية عزيزه الفصل التاسع 9 - بقلم شيماء صلاح

بعد شهر عزيزه: أنا حامل يا زين زين بفرح: انتي بتكلمي جد؟ عزيزه بفرح: أه والله حامل. انت هتبقى أب يا روحي. زين أخده في حضنه: ألف مبروك يا روحي. لازم ننزل الغردقة بكرة. عزيزه: أكيد. زين: يلا جهزي حاجتك. عزيزه: حاضر. *** عند عليا خالد: مافيش أخبارك عن المحروسة بنتك؟ عليا: لا معرفش عنها حاجة. عرفت إنها سافرت باريس. خالد بزعيق: يا نهارك أسود يا عليا، ما قولتيليش ليه؟ عليا: وانت هتعمل يعني؟

خالد: كنت كلمت أي حد يقربها من هناك. عليا: انت هتتجنن يا عليا، فوق. انت في مصر مين هيقرب لك في باريس؟ خالد: عندي كتير. أنا لازم أشوف الموضوع ده. عليا: انت هتشوف. *** عند الحسيني الحسيني: أنا شوفت الكاميرات، هو زين بيضربك. ضربك ليه يا لميس؟ لميس بخوف: ها عشان... الحسيني بمقاطعة: عشان إيه؟ انتي عارفة إني كل شهر لازم أشوف الكاميرات بتاعة الشركة، وبصدفة شفتك انتي وزين. لميس: كنت بقوله... الحسيني: قولتي له إيه؟

لميس بزعيق: قولتي له إن أنا اللي خليتكِ تعملي كدا. الحسيني بسخرية: هههه، وصدقك. لميس: لا، دافع عنك مع إنك متستاهليش. الحسيني ببرود: طيب، عشان قلة أدبك دي، إنتي مرفوضة أصلاً. بس مش أنا اللي أردك، مين بقى؟ زين اللي يردك. لميس: لا، زين مستحيل يعمل كدا. الحسيني: وعمل. يلا اطلعي بره الشركة. أما أبوكي، متخافيش عليه. وطلعت لميس. *** وصل زين وعزيزة. نادين: إيه المفاجأة الحلوة دي؟ زين: إيه رأيك؟ نادين: لا جامدة. هههه.

عزيزة: تخيلي انتي يا مفعوصة هتبقي عمتو. نادين: عمتو؟ انتي حامل يا زوزو؟ زين: أيوه. نادين بفرحة وأخذتها في حضنها: ألف مبروك يا قلبي. لو طلعت بنت، من غير نقاش هتبقى اسمها نادين. زين: إن شاء الله. أومال بابا فين؟ نادين: في الشركة، لسه مجاش. زين: إحنا هنطلع نرتاح شوية. نادين: سيبلي عزيزة، هتعملي بيها إيه؟ زين وهو ماسك إيد عزيزة: عايزها يا ست الكل، إنتي مالك؟ وطلعوا. *** عند خالد

خالد: انتي لو كنتي قولتي من الأول إنها في باريس، كنت جبتها. بس هي مشيت. انهارده رجعت الغردقة. عليا: أنا مش مطمنالك، سيب البنت في حالها. خالد: طيب يا أختي، ما تتصلي عليها كدا، تطمني يا ست الحنينة، وتعرفي شوية حاجات. عليا: أنا هتصل، بس مش هقولك حاجة. خالد: طب اخلصي. ورنت عليا. عزيزة: الو يا ماما، لسه فاكرة ترني؟ عليا: معلش يا بنتي، كنا مشغولين مع خالك، والحمد لله طلع بسلام. عزيزة بتوتر: طلع؟ حمد على سلامته.

عليا: أخبارك إيه؟ عزيزة: الحمد لله. ماما، أنا حامل. عليا بفرح: حامل؟ ألف مبروك يا قلبي. عزيزة: بجد يا ماما، انتي فرحانة؟ عليا: طبعاً يا حبيبتي. عزيزة: طيب يا ماما، هكلمك بعدين، زين عايزني. عليا: مع السلامة. خالد: مالك فرحانة كدا؟ عليا: عزيزة حامل. خالد: 😳😳😳😳😳😳😳 *** عند الحسيني الحسيني: هما الأولاد جم؟ نادين: أيوه يا بابا. وعندي خبر حلو أوي ليك. الحسيني: خير يا نادين؟ عزيزة من ورا نادين: أنا حامل يا عمي.

الحسيني بفرح: ألف مبروك يا حبيبتي. نادين: إيه ده زوزو، أنا كنت هقوله. الحسيني: يلا اقعدي كلي، لازم تغذي نفسك واللي في بطنك. زين: قولي لها يا بابا، عشان دي مش بتسمع الكلام. عزيزة: متصدقوش. نادين: طيب، يلا ناكل. وقعدوا مبسوطين.