رواية ابن عمي الفصل الخامس والخمسون 55 - بقلم اميرة محمود

انتي دمرتي حياتي. مراتي عملت حادثة وكانت هتموت بسببك. والله ما هرحمك. سلمي: والله بحبك يا أدهم. ادهم: بتحبيني؟ بعد خمسة وعشرين سنة جاية تقولي دلوقتي بتحبيني؟ ده أنا بقيت أسترجيكي وأقولك اتغيري عشاني. سلمي بدموع: كنت عيلة ونفسي أفرح بشكلي. أنا كنت لسه في تالتة ثانوي يعني 16 سنة.

ادهم: مش هينفع دلوقتي. أنا قلبي اتقفل على جودي وبس. وحتى أما فتح فتح لولادي. عشان خاطري ابعدي عني وعن مراتي. أنا ممكن أأذيكي بس عشان خاطر أمك وأبوكي مش قادر. دول اللي رابطني. سلمي: أنا عمري ما نسيتك يا أدهم. حتى اتجوزت وخلفت وانت لسه في قلبي. ادهم: مراتي في المستشفى بسببك. لو حصلها حاجة مش هرحمك. خلينا أصحاب. لآخر مرة بطلب منك كده. جوليا كانت في الأوضة وسمعت الحوار. جوليا: انتي إيه؟ مش هتتغيري؟

أنا أما شفت حماتي واتدينها اتعلقت أكتر بابنها. واتمنيت إني أفضل طول حياتي معاه عشان عرفني كتير عن ديني وعلقني بالصلاة. أنا عمري ما شفتك بتصلي. دايماً سكرانة ولبس عريان. نفسي أشوفك بتقري قرآن. أنا جوزي صمم إني أجلك وأبدأ من تاني معاكي. بس أنا مش قادرة أستمر في موضوع إنك أمي. تخيلي كده أما أخلف أجيب ولادي أقولهم إيه؟ دي جدتكم؟ طب أما يروحوا ويشوفوا جدتهم أم باباهم هيقولوا إيه؟

هيقولوا دي بتصلي ولبسها محترم ودي سكرانة وعريانة. وفي الآخر تخربي بيت بقاله أكتر من عشرين سنة عشان مزاجك؟ ليه كده يا مامي؟ ليه؟ كان نفسي حماتي تبقى أمي بجد. مش عايزاكي. وسابتها ونزلت. ادهم: حتى بنتك مش طايقاكي. ربنا يهديكي. وسألها ونزل. سلمي قعدت تعيط على كلام بنتها ليها. *** أحمد: ماما انتي بقيتي كويسة؟ جودي: آه كويسة يا حبيبي الحمد لله. أحمد: أنا عايز أطلب منك طلب. ممكن تصدقي بابا؟

جودي: عمري ماهصدقه لأنه كذب عليا في الأول. حواراته زادت لحد ما اكتشفت المصيبة اللي عملها. أحمد: بس بابا يا ماما بيحبك والله صدقيني. جودي: أحمد غير الموضوع عشان خاطري. أحمد: خلاص يا ماما براحتك. *** ادهم: أيوه يا نور. أنا اشتريت شقة تانية. ابقي خلي جودي تروح بيتها. أنا كتبت الشقة باسمها واشتريتلي شقة تانية. نور: إن شاء الله الأمور تهدأ وترجع لمجاريها. ادهم: أنا هقفل عشان أنام. وابقي عرفي جودي إني مظلوم.

نور بدموع: مصدقاك يا حبيبي والله. وهي أكيد هتعرف الحقيقة. ادهم: سلام يا نور. *** أحمد وايان. ايان: انت اتغديت؟ أحمد: لا لسه. هنزل أجيب أي حاجة وأروح أشوف ماما. ايان: طب أنا عاملة أكل عشان مامي هتتأخر وبابي هييجوا مع مامتك. أحمد: لا شكراً مش عايز. ايان: على فكرة انت مغرور ورخم. ولو كلمتك تاني أبقى جزمة وحيوانة. ودخلت وقفلت الباب. أحمد خبط عالباب: هو انتي زعلتي ليه؟

أنا بجد مليش نفس. وثم إن أنا مش مغرور ومسمحلكيش تكلميني كده. ايان: امشي ياله من هنا. تصدق أنا غلطانة إني فتحتلك. امشي ياض. أحمد: في بنت تتكلم كده؟ فين الرقة؟ ايان: ملكش فيه. خليك في حالك. أحمد: أنا ماشي. مش عايز أتخانق مع حد. ايان: لا سبت ولا حد يا رخم. وقفل الباب وقعدت تعيط. بعد دقيقتين أحمد حب يصالحها. أحمد: افتحي. ايان: تؤ تؤ. امشي. أحمد: مش معايا فلوس وجعان. ايان: معنديش أكل.

أحمد: خلاص ندخل أعملي ساندوتش أي حاجة. دخل وبعدها بدقيقتين الباب خبط. أحمد فتح الباب: نعم. ايان: اطّفح. أحمد: إيه؟ ايان: خد كل. أحمد: شكراً مش عايز. ايان: طب براحتك. وجاية تلف ترجع البيت. أحمد: استني كده. راحة فين؟ هاتي. ايان: كان من الأول زي ما أنا قولت. والله انت رخم. أحمد أخد الأكل حاطه على الترابيزة. وراح ماسك إيدها لففها ورا ضهرها. أحمد: مين اللي رخم ها؟ مين؟ ايان: ااااااه. انت. والله انت.

أحمد: طيب خلينا لحد ما تتأسفي. ايان: هيتكسر والله. والله دراعي هيتكسر. أحمد: اتأسفي. ايان: لا مش هتأسف. أحمد ضغط أكتر على دراعها. ايان: آسفة والله. آسفة. أحمد سابها: أيوه كده. ناس مبتجيش غير بالعافية. ايان بدموع: معدش في كلام بينا. وسابته ودخلت. أحمد: يبقى أحسن. ودخل ياكل الأكل. *** بليل في بيت جودي بعد ما روحت. جودي: ااااه عضمي هموت. نور: سلامتك يا ماما. إن شاء الله هتبقي كويسة. جودي: هو مش هيجي يا نور؟ متأكدة؟

نور: هو حلف إنه هيبعد خالص. جودي: طب الحمد لله. أنا معادش عايزة أشوفه خالص. نور في سرها: مسيرك هتعرفي الحقيقة وهتندمي يا جودي. كارما دخلت تطمن هي وبناتها على جودي. أحمد: إزيك يا حور؟ حور: الحمد لله. وسابته ودخلت مع مامتها جوه. أحمد شد إيد ايان قبل ما تدخل. ايان: نعم. أحمد: آسف. ايان: ماشي. أحمد: المكرونة روعة والفراخ تحفة. ايان: ماشي. أحمد: خلاص بقي المسامح كريم. ايان: ماشي. أحمد: هو كل حاجة ماشي؟ خلاص أنا ماشي.

ايان: ماشي. أحمد: ههههه. ايان: ضحكت على منظره. أحمد: يخربيت جمالها. ايان: مين؟ أحمد: الغمازات. ايان وشها احمر: أنا داخلة عن إذنك. أحمد: استني. ومسك إيدها وباسها: لسه بتوجعك؟ ايان وشها النار هتطلع منه. أحمد: لاحظ كسوفها. خلاص ادخلي ادخلي. ايان سابته ودخلت جري. حور: مالك يا بنتي؟ ايان: مفيش. حور: ماهو باين إنه مفيش. *** بعد شهرين والوضع على ماهو عليه. جودي راحت تفك الجبس. سلمي راحتلها المستشفى.

سلمي: أنا آسفة يا جودي. والله أدهم بريء. كل اللي حصل إني كنت عايزاه يرجعلي فعملت الخطّة دي. جودي: أدهم؟ أجي جنبك؟ سلمي: لا. جودي: طب ليه كده؟ ليه خربتيلي بيتي؟ ربنا يسامحك. سلمي: أما والله بأغير من نفسي. ونفسي تسامحيني. جودي: أسامحك؟ طب أجيب أدهم تاني إزاي؟ انتي مش بني آدمة. سلمي: سامحيني. والله أنا اللي حصل غصب عني. الشيطان لعب في دماغي. جودي: اطلعي بره. برررررررره. جودي فكت الجبس ومروحة.

محمد: الحق ياعمتو. الحق نور بتولد ومفيش حد في البيت وعمالة تصوت. جودي: هاتها المستشفى بسرعة. بعد تلت ساعة. نور دخلت العمليات ومحمد دخل معاها. ادهم: إيه الأخبار يا ا... جودي: تمام الحمد لله. هي جوه. ادعيلها. ادهم: هي مش مخصماني؟ بعد ربع ساعة. جودي: يا خلاسي. شوف الطعامه يا أدهم. ادهم بزهول: ماشاء الله تبارك الله. وزي القمر. خد يا بوي آذن لها في ودانها. بكرة نكمل. أنا هموت وأنام. رواية ابن عمي البارت 56.

للكاتبة أميرة محمود. هتيجي الفيلا معايا يا أدهم؟ ادهم: أجي فين؟ احنا مش كل واحد راح شاف حياته. جودي: خلاص بقي يا دومي. انسي. ادهم: عرفتي إني مظلوم؟ جودي: سلمي جاتلي وحكتلي الحقيقة. ادهم: حقيقة؟ أمممم. طب على فكرة أنا ارتحت كتير في شقتي لوحدي. خلينا بعاد يا جودي. صدقيني البعد راحة. جودي: انت متأكد؟ ادهم: آه. كده أحسن. و راح معلي صوته: حد عايز حاجة من تحت. أنا نازل المطعم اللي على أول الشارع.

نور: لا ربنا يخليك يا حبيبي. جودي: أنا نازلة معاك. ادهم: خليكي هنا مع بنتك. وأنا هجبلك اللي عايزاه. جودي بإحراج: نور معلش خليكي معاها على ما أجي. نور: ماشي يا حبيبتي. ادهم: طب اتفضلي انزلي ياللا. *** محمد: حمد الله على السلامة يا حبيبتي. ماشاء الله الولد قمر شبهك. نور: والله ده شبهك انت. محمد: نسميه إيه؟ نور: إيه رأيك في أدهم؟ نفسي أ صالح بابي عشان حاسة إني زودتها معاه. محمد: خلاص ماشي يا أم أدهم.

نور: ربنا يخليه لنا يا حبيبي. *** في المطعم. جودي: ادهم انت بجد مش عايزني؟ ادهم: انتي مصدقتنيش وزمان بردك مصدقتنيش وأنا تعبت مش قادر كل شوية أقول محصلش محصلش أنا ارتحت لوحدي. جودي: بس أنا مرتحتش وراحتي معاك انت. ادهم: صدقيني خلينا بعاد أحسن لينا إحنا الاتنين. جودي: ماشي يا ادهم مش رخّص نفسي أكتر من كده، عن إذنك. ادهم: رايحة فين؟ جودي: رايحة لبنتي، وخليك انت كل لوحدك. بعد أسبوع.

محمد: النهارده السبوع ولازم تيجي يا خالو، ده سبوع حفيدك. ادهم: بإذن الله هخلص شغل وأجي. محمد: هتتغدى معانا؟ ادهم: ماشي، سلام دلوقتي. محمد: أنا كده عزمت كل أصحابي وعزمت العميد بتاع الجامعة كمان. نور: ربنا يعدي اليوم على خير. محمد: يارب. بليل في الحفلة. محمد: إيه ده مش مصدق نفسي، نورتيني والله يا دكتور. بابا ده العميد. احمد: أهلاً بيك، شرفتنا، اتفضل. العميد: انت عارف كويس انت غالي عندي إزاي.

محمد: والله مجيتك دي على راسي. العميد: أومال فين البيبي؟ محمد: جدته شايلاه هناك، ثواني وهجبهولك. محمد: عمته هاتي ادهم، العميد عايز يشوفه. جودي: اتفضل يا حبيبي، شيله وسمي. محمد: اهو يا فندم، ده ادهم باشا. العميد: ربنا يخليهولك يارب يا حبيبي. محمد: ربنا يخليك يا فندم. جودي: ربنا يسامحك يا عز، مش عارفة أقف من اللي لبساه، محروجة أوي. عز: لازم يا عمتو عشان خالو يرجع في كلامه ويرجعلك.

جودي: ده هيطلقني أول ما يلاقيي لبسة كده. عز: اهو اجي اهو، عايزك بقى تتضحكي وتتمايصي ومتديلهوش اهتمام. ادهم في سره: يخربيتك إيه اللي لبساه ده، وربنا ما أنا مديكي أي اهتمام. جودي لقت ادهم بيعيط، راحت تاخده من العميد. جودي: هو قارفكم صح؟ جودي: دكتور ممدوح. العميد: إيه ده، عرفاني؟ جودي: آه طبعًا، مش حضرتك كنت أخو فاطمة الزناري؟ العميد: أيوه. جودي: أنا جودي صاحبتها اللي كنت معاها في ثانوي. العميد: يااااه، لسه فاكراني؟

جودي: شكلك متغيرش خالص. ادهم قاعد كل شوية يبص عليهم، وبعدين راح قاعد جنبهم. العميد: أخبارك إيه؟ جودي: الحمد لله تمام، البيبي ده يبقى حفيدي، ابن بنتي. العميد: ياسلام، انتي اتجوزتي صغيرة على كده؟ فاطمة ولادها لسه في ابتدائي. جودي حبت تغيظ ادهم: آآآه اتجوزت صغيرة. ادهم: هي مالها بتقولها من مصارينها كده ليه؟ العميد: أومال فين جوزك؟ جودي: إحنا منفصلين حاليًا. العميد بفرحة: حد يسيب الجمال ده، ده أكيد مبيفهمش.

جودي برقت وبصت لادهم. ادهم عينه بتطلع شرار. جودي قامت مرة واحدة، خافت ادهم يعمل مشاكل: عن إذنك، أنا هسلم عالناس. العميد: طب ممكن رقم تليفونك عشان عايزك في موضوع ضروري. جودي: طب ثواني وجاية لحضرتك، ثواني. محمد اجي قعد مع العميد. العميد: هي عمتك منفصلة من زمان؟ محمد بص لادهم برق. العميد: في إيه يا محمد؟ أنا عايش لوحدي لأني منفصل بردك، أنا عايز أتقدملها ولو كده نتجوز عالطول. ادهم: هو حضرتك عايز تتجوزها كمان؟

العميد: آه، الوحدة وحشة والواحد عايز شريك يقعد معاه. هو حضرتك أخوها؟ ادهم سابه ومشي. العميد: هو ماله ده؟ محمد: ده خالي ويبقي جوزها، هما لسه مطلقوش. ادهم راح لجودي وشدها من إيدها وخرجوا بره في الجنينة. ادهم: أجيبلكوا المأذون بالمرة؟ جودي: وانت إيه اللي مضايقك؟ ادهم: إيه اللي مضايقني؟ انتي اتجننتي؟ جودي: اتجننت ليه؟ ادهم: إيه اللي انتي لبساه ده؟ احترمي إنك في سبوع حفيدك.

جودي: مش ذنبي إني اتجوزت صغيرة وبنتي اتجوزت صغيرة. ادهم: مدتهولوش رقمك ليه؟ ولا أقولك أجيبلكوا المأذون أحسن. جودي بزعيق: في إيه يا ادهم؟ ادهم: متعليش صوتك عليه، أنا ماشي وادخلي اقعدي مع الأوزعة اللي جوه. جودي: هو مش أوزعة أوي، ده حتى عينه زرقا لون السما. ادهم شدها من ياقة الشميز لدرجة إنه خنقها. ادهم: ماتحترمي نفسك!

أنا كان ممكن أضربه وأعلم عليه بس مرضتش عشان مضارش محمد في شغله، بس العيب مش عليه، العيب عليكي انتي اللي سمحتي له بكده. شوفي لبسه إيه خلاه يتطاول وعايز رقم تليفونك، محترمتيش إني قاعد خالص. جودي بدموع: ادهم انت خانقني. ادهم سابها ونفخ. جودي: شكراً يا ادهم، وراحت ركبت العربية روحت بيتها. ادهم دخل جوه في السبوع. نور: هي جودي فين دي؟ اختفت خالص. ادهم: روحت. نور: روحت إزاي؟ ده سبوع بنتها. ادهم: معرفش، أنا ماشي.

نور: هو إيه ده؟ انتوا في إيه انتوا الاتنين؟ ادهم مرضيش عليها ومشي. حور: الله، البيبي طعم أوي. عز: عقبالنا يارب. حور: يارب. ايان: هاتيه شوية بقى يا حور. حور: امسكي بس خلي بالك منه. ايان: يا خلاثي، إيه القمر ده. احمد: شبهي صح؟ ايان لفتت وشها الناحية التانية: لا. احمد: تعرفي، وحشتني المكرونة بتاعتك. ايان: أمممم. احمد: مش عيب نبقى ساكنين قصاد بعض ومبنشوفش بعض؟ ايان: حل عن دماغي ياض. احمد: ياض؟

وربنا ماهي لايقة عليكي، أول مرة أشوف باربي بتتكلم شوارعي. ايان: عايز إيه يا احمد؟ احمد: مش عارف، بس بحب أغيظك. ايان: بتحب تغيظني؟ والله انت رخم. احمد: لا، أنا عسل. ايان: والله هقول لبابي. احمد: عادي، قوليله احمد بيغيظني. البيبي عيط. ايان: يا خلاثي، متعيطيش ياقلبي، وراحت بايساه. احمد: ده سكت الولد، طالع لخاله، أخد بوسة سكت خاله بردك، لو أخد بوسة هيسكت؟ ايان وشها أحمر وسابته ومشت. احمد: يخربيت كسوفك، لسان طويل وبتتكسف.

ادهم: افتحي يا جودي. جودي بعياط: عايز إيه؟ ادهم: افتحي بس، الجيران هتسمعنا، مينفعش كده. جودي: مش فاتحة، امشي يا ادهم. ادهم: وحياة ولادك لتفتحي. جودي فتحت: نعم، عايز إيه؟ ادهم: بتعيطي ليه؟ جودي: ملكش فيه. ادهم: طب اغسلي وشك وتعالي نروح نقعد معاهم، مينفعش كده. جودي: مش هروح في حتة. ادهم: طيب. وقام شدها ودخل الحمام غسلها وشها. جودي بزعيق: بس بقى، سيب إيدي، انت إيه؟ مش قولت إنك مش عايزني ليه؟

الغيرة ضربت في قلبك من الراجل كده؟ ادهم: لو مغيرتش على مراتي هغير على مين؟ جودي: طب بالنسبة لكلام أنا اتعودت أبقى لوحدي وأحسن ليا وليك، ده إيه؟ بح نسيته؟ ادهم: كنت زعلان عشان مصدقتنيش. جودي: ودي الوقت إيه؟ خلاص زعلك راح؟ ده كان زمان يا ادهم، أنا دلوقتي اللي مش عايزّاك، أنا عايزة أعيش اللي باقي من حياتي لنفسي، نفسي أحب نفسي شوية، إيه، مستحقش؟ ادهم: ويعني أنا اللي كرهتك في نفسك؟

جودي: آه، بسبب عصبيتك وكل حاجة بمزاجك، ترجع مترجعش، وأنا مليش رأي. انت فعلًا عمرك ما حبيّتني. ادهم: أنا لو مكنتش بحبك، كان ممكن أضعف مع سلمى، أما روحتلها، وأكيد شفتي منظرها. سلمى كانت بتعرض نفسها عليا، وغيرها، بس أنا كنت برفض عشان مجرحكش. طول عمري من يوم ماشفتك وأنا بقول دي بتاعتي لوحدي وأنا ليها لوحدها، ماحبتش أشارك حد حبي غيرك، حتى أما قلبي حب يشارك حد في حبي، فكانت بنتنا. أنا عمري ما حبيت غيرك.

جودي: طب بالنسبة للكلام اللي لسه قالوهولي هناك. ادهم: أي واحد غيري كان عمل أكتر من كده. شوفي انتي اللي عملتيه هناك ده ينفع ولا لأ؟ شوفي هزارك مع راجل لدرجة إنه يتطاول ويطلب رقمك، ده صح ولا غلط؟ جودي: غلط، بس كان نفسي أشوف لسه في حب في قلبك ليا. ادهم: قلبي كل حبه ليكي وعمره ما قل. جودي بفرحة: بجد؟ ادهم: ادخلي غيري يا مجنونة، ويلا عشان ننزل نروح. جودي: هتقعد معايا ولا هترجع شقتك؟

ادهم: تعالي نروح السبوع ونرجع نتعشى بره ونرجع سوا. جودي حضنته: أنا بحبك أوي. ادهم: وأنا بعشقك، يلا جهزي بقى.