رواية ابن عمي الفصل السادس والخمسون 56 - بقلم اميرة محمود

بعد سنتين ونص وبالتحديد فرح عز وحور. عز: أخيراً، أنا كنت حاسس إني هموت قبل ما نتجوز. الحمد لله إن السنتين ونص دول عدوا على خير. حور: الحمد لله يا قلبي. بقولك أمي اجهزي بقى عشان الكوافير فاتها جايلك. كلي كويس عشان ما تقعيش في الفرح. عز: ماشي يا حبيبي، سلام بقى دلوقتي عشان أجهز نفسي. باي. *** أيان: الميكب أرتيست جت يا حور. حور: تمام، أنا جاهزة. أيان: هو أحمد هييجي الفرح؟ حور: معرفش والله، هو آجي؟

أيان: لا مجاش لسه، شكله معرفش ييجي. حور: حاولي تنسيه يا أيان، هو أكيد نساكي. أيان: مش قادرة. آخر مرة اتخانقنا مع بعض وقولتله يبعد عني قالي: "أنتي أصلاً مش في دماغي". حور: انسيه يا حبيبتي، ويلا تعالي نجهز. أيان: أوك، ماشي. *** عز: والله ما صعبان عليا غير إنك مش هتنام جنبي يا يزن. يزن: ليه؟ عز: ماهو معتش هينفع بقى، هروح أوضة كبيرة عشان حور هتيجي تقعد معايا فيها. يزن: وأنا كمان. عز: وأنت كمان إيه؟

أنت هتاخد أوضتي دي لوحدك. ولو عايز أدهم ييجي ينام معاك براحتك. يزن (بعياط) : بس أنا مش بحب أدهم، بحبك انت. عز: وأنا بحبك، بس عايزك راجل. يزن: في راجل بيعيط؟ عز: ههههه، طب يلا يا لمض ننزل ناكل عشان نروح الفرح. يزن: ماسع. عز: يلا يا حبيبي. *** عند حور. كارما: والله أنا خايفة أبوكي يزعقلك على الفستان ده، مينفعش خالص.

أيان: يا مامي، هو يوم ومش هيتلبس تاني. بصي أنا عايزة بابي أحطه قدام الأمر الواقع. يعني كلكم هتنزلوا وأنا هنزل في الآخر عشان ما يشوفنيش. كارما: ماشي يا مجنونة. أيان: أحبك يا مامي يا قمر. كارما: طب ادخلي، يلا أبوكي فاتك جاي. أيان: ماشي يا قمري. حور: يخربيتك، أنتي هتروحي الفرح كده؟ أيان: لا، وضحكت على مامي كمان وحطيت الطرحة دي. أما الصراحة هقلعها وأمشي كده. حور: طب وبابي ده يموت فيها. أيان: هو الفستان ماله؟

ماهو جميل أهو. هو صدره مكشوف شوية، والضهر كله، بس طويل من تحت. حور: عادي الناس تشوفك كده. وثم إن طويل من تحت إزاي؟ مارجلك باينة أهي. ده شفاف من بعد الركبة ده، تل يعني رجلك باين. أيان: خليكي في حالك الله يسترك. كارما: يلا يا حور، عز وصل تحت، اجهزي عشان تنزلي. حور: حاضر يا مامي. الحمد لله إني مش هبات هنا النهارده عشان الحرب اللي هتقوم بليل ده. بابي هيولع فيكي يا أيان. أيان: بقولك إيه؟

أنا منقياه أنا وسهيلة صحبتي، وهي جابت أخوه ولبسته في فرح بنت عمها عادي يعني. حور: عادي عادي، أنا ماشية. سلام. حور خرجت بالفستان الأبيض، كانت شبه الحورية فعلاً، سندريلا بجمالها وشعرها الطويل والفستان المنفوش. عز: ده بجد يا جماعة؟ يزن: إيه؟ أرجع في كلامي؟ عز: طب ارجع كده، وقسماً بالله هرمي نفسي من الشباك وأوديك في داهية وأقولهم خالي اللي حدفني. يزن: طب انط كده، ده أنت على ما توصل للشارع تكون بقيت بقايا بشرية.

كارما: في إيه يا جماعة؟ صلوا على النبي. يزن: خلي بالك منها، دي أول فرحتي. عز: ودي أول فرحة دخلت قلبي، أول عشق عشقته. وراح أحدها في حضنه. الحمد لله إنك بقيتي ليه. يزن (بعياط) : خلاص بقى، مش قدامي. حور سابت عز وراحت أخدت أبوها في حضنها. حور: أنا بحبك أوي يا بابي.

زين: وأنا بحبك يا قلب بابي. البيت هيبقى وحش من غيرك. خلي بالك من عز ده، استحمل كتير عشانك. اتمسكي بيه وأنت اتمسكي بيها، متخلوش أي حاجة هايفة تبقى مشكلة بينكم. حلو مشاكلكم سوا، ساعدوا بعض في كل حياتكم، خلو الحياة بسيطة، متعقدوهاش. إن لقيتيه مضايق اعرفي إيه اللي مضايقه، متسبيهوش لوحده. وأنت كمان الكلام ليك، وأوعى تغلطي فيه قدام حد، ولا تعلي صوتك عليه قدام حد. ضايقك هاتي الشبشب واضربيه على طول.

حور: هههههه، ماشي يا بابي. عز: إيه يا دكتور، أنت بتقول إيه؟ زين: يلا بينا، أومال أيان فين؟ كارما: في الحمام، يلا ننزل وهي هتقفل البيت. زين: يلا بينا. *** أيان خرجت من الأوضة بعد ما مشوا وخرجت جري. أيان: الو، أيوه يابنتي، بقولك أنتي تحت؟ طب تمام، أنا نازلالك أهو. هركب معاكي. وبتدور بعد ما قفلت الباب، لقت أحمد واقف ولابس لبس الشرطة لأنه دخل كلية شرطة. أيان: أحمد! أحمد: إيه اللي أنتي لبساه ده؟ أيان: فستان، هيكون إيه؟

أحمد: ده كل حاجة باينة. يخربيتك، خالي إزاي سابك تمشي كده؟ أيان: ملكش فيه. وسابته وجاية تنزل، لقت اللي بيشد إيدها. أيان: في إيه؟ أحمد: وقسماً بربي إن ما لبستي حاجة عدلة، لهحبسك هنا في البيت ومش هتروحي في حتة. أيان: وأنت مالك أصلاً؟ مامي شافتني وقالت حلو. أحمد: حلو؟ طب تمام. مسك إيدها جامد. أحمد: هاتي المفتاح. أيان: آآه، إيدي. أنت في إيه؟ أحمد (بزعيق) : فين المفتاح قولتي. أيان: مش معايا. أحمد: طب تمام.

وراح ماسك إيدها وفتح باب شقتهم ودخل وهي في إيده، وقفل الباب وسكها. أيان: أنت جايبني هنا ليه وبتسك؟ أحمد: أنا أصلاً مبحبش الأفراح، خلينا قاعدين مع بعض على ما الفرح يخلص. أيان: وربنا أنت مجنون. مينفعش، ده فرح أختي، لازم أكون هناك. أحمد: بذمتك أنتي مش محروجة وأنتم لبسة كده؟ وأنا ببص عليكي؟ مش مكسوفة؟ أيان: قولتلك ملكش دعوة. أحمد: خلينا قاعدين، محناش هنخسر حاجة. ده حتى في قدامي لحمة ببلاش. أيان: أنا لحمة ببلاش؟

أحمد: أيوه. أيان: أنت قليل الأدب. أحمد: والله قليل الأدب اللي واقف كده ومش مكسوف. قولي الصراحة، مش مكسوفة من نظرة عيني اللي عمالة تتفحص؟ أيان وشها احمر وبصت في الأرض. أحمد: مين اللي منقيلك الفستان؟ أيان: سهيلة صحبتي. أحمد: طب أنتي عارفة إن صحبتك دي بتضرك مش بتنفعك؟ عارفة إن أبوكي أصله صعيدي، يعني الفرح هيبقى فيه صعايدة كتير. تخيلي منظر أبوكي هيبقى إيه؟ أيان: طب افتح الباب. أحمد: ليها. أيان: هروح البيت هعمل حاجة.

أحمد حس إنها هتغير اللي لبساه. أحمد: ماشي، بس بردك هقف أستناكي بره. أيان: ماشي. أحمد فتحلها الباب وراح معاها قدام باب بيتها. أيان طلعت المفتاح تفتح. أحمد: الله العصفورة، جبتلك المفتاح بالسرعة دي. أيان: أه، أصلها بتحبني فجت بسرعة. أحمد: طب يلا ادخلي، بئم ضهرك ده. ده كله باين. يخربيت عقلك. أيان دخلت البيت وقفلت الباب في وش أحمد. أيان: فعلاً ده عريان خالص. ده بابي كان هيقتلني فيها. ألبس إيه دلوقتي؟

وراحت لابسة بلوزة حمرا على بنطلون جينز وخرجت. أحمد: هو إيه اللي أنتي لبستيه ده؟ أيان: مانا معنديش فساتين سهرة. أحمد: طب تعالي ننزل في السريع أي مول نجيب فستان ليكي وبدلة ليا. أيان: بس أنا مش معايا فلوس. أحمد: تعالي، أنا معايا. أيان: لا، مش عايزة فساتين. أحمد (بزعيق) : يلا بينا. أيان: ماشي، يلا، بس هجبلك الفلوس أما مامي تيجي. أحمد: ماشي، بس يلا، مفيش وقت. *** في المول وبالتحديد في الأتيليه. أحمد: إيه رأيك في ده؟

ممكن تقيسيه. أيان: ماشي. وأخدته ودخلت تقيسه. أحمد: بجد قمر. فعلاً سندريلا زي ما كنت بقول عليكي. أيان: أنا أصلاً بحب البيبي بلو. أحمد: هههههه، بيبي وأما يكبر يبقى أزرق. يلا يا رب صبرني. أيان: بالنسبة للبدلة هتعمل إيه؟ أحمد: شوفيلي انتي بدلة. أيان: خد دي، قيسها. أحمد: تمام. وأخدها ودخل يقيس. أحمد: إيه رأيك؟ أيان: تحفة. أحمد: بس مضيقاني من عند الأكتاف. أيان: ماهو بسبب عضلات أمك، طلعوا إمتى دول؟

أحمد: نمت صحيت لقيتهم عندي. يلا عشان معتش وقت. أيان: ماشي، يلا، بس الجرافيت لسه. أحمد: عايزها بيبي بلو؟ أيان: ههههههه. أحمد: عجبني اللون. أيان: طب خلص يالا. وسابته وخرجت. *** أحمد خرج. أحمد: بقولك. أيان: إيه؟ أحمد: تعالي معايا كده. أيان: فين؟ أحمد: تعالي بس. أحمد أخدها وطلعوا محل اكسسوارات عرائس. أحمد: البسي ده. أيان: بس ده تاج عروس. أحمد: هيبقي أحلى على الفستان عشان تبقي سندريلا بجد. أيان: بس أنت لسه معاك فلوس؟

ده شكله غالي. أحمد: البسي وملكيش دعوة. أيان: أوكي. ماشية. أحمد: كده خلاص خلصنا، يللا بينا على الفرح. أيان: يلا. *** في الفرح. عز دخل حور شبكة في إيديه القاعة. يزن: مامي، سيبيني. عز، آجي عايز أروحله. نور: مينفعش يا حبيبي، دي الوقت هو بيرقص مع حور. أما يخلصوا روح. يزن: أعاااااا، عايز أروح. أحمد: عاودتيه عليه، ربنا يستر دي الليلة هتبقي عكننة. نور: مالك يا أحمد؟ فيه إيه؟

أحمد: ماشي يا نور، بس والله لو عيط بليل وقال عايز يروحله لهوديهوله. نور: هههههه. هنيمه قبل ما نروح. أحمد: ماشي يا نور، أما نشوف. *** كارما: سهيلة فين أيان؟ سهيلة: قالتلي نازلة. قعدت استناها، وفي الآخر لقيتها نازلة مع واحد. كارما: يا مصبتي. واحد مين؟ سهيلة: معرفوش والله يا طنط. أهي اجت هناك أهي. اهو اللي معاها ده اللي كانت نازلة معاه. كارما: ده أحمد ابن عمها. سهيلة: طب عن إذنك يا طنط، أما أروح لها. وراحت جرى على أيان.

كارما: إيه ده؟ هي جابت الفستان ده منين؟ هي مجتش بالتاني ليه؟ سهيلة: أيان، أفضل أستناكي وبعدين تنزلي مع ابن عمك. أيان: معلش يا سهيلة، كان لازم أغير الفستان لأنه عريان أوي. سهيلة: وأنتي بقى اللي أقنعتيها تغيره على كده؟ أحمد: عن إذنك كده. وشد إيد أيان بعيد. أحمد: ابعدي عن البنت دي، دي شكلها غلط خالص. أيان: أحمد، مسمحلكش تغلط في صحبتي. أحمد: تمام، عن إذنك، خليكي مع صحبتك. وسابها وراح قعد جنب مامته وباباه.

جودي: أحمد حبيبي، حمد الله على السلامة يا قلبي. وراحت واخداه في حضنها. أحمد: الله يسلمك يا ماما. أدهم: جيت إمتى؟ أحمد: بعد ما مشيتوا على طول. أدهم: اممم. جودي: عقبالك يا حبيبي يا رب. أحمد بص على أيان، لقاها واقفة جنب أختها وبتبص عليه. أحمد: يارب يا ماما، يارب. *** حور: أومال فين الفستان؟ أيان: مش وقتك، خالصة. حور: وربنا الفستان اللي لبساه ده تحفة. حتى لايق مع لون عينك. أيان: بجد؟

حور: أه والله، جميل أوي والتاج تحفة. جبتيهم منين؟ أيان بصت على أحمد. أيان: هقولك بعدين. حور: هو اللي جيبهملك؟ أيان: هو مين؟ حور: اللي بتبصي عليه. بصراحة، هو بقى قمر من ساعة ما راح كلية الشرطة. بقي جنتل في نفسه أوي. أيان: اممم. عن إذنك دي الوقت عشان المأذون وصل. *** المأذون وصل واتكتب الكتاب. الدي جي: أي كابل عايز يرقص مع عرسانا ينورنا على المسرح. سهيلة راحت لأحمد. سهيلة: ممكن ترقص معايا؟ أحمد: وماله، يلا.

محمد: يلا يا نور، تعالي نرقص معاهم. جودي وحسام طلعوا معاه. أيان: ماشي، ماشي يا أحمد أنت وسهيلة. وفضلت قاعدة تبصلهم بغل. محمد: مبروك يا عز. عز: الله يبارك فيك. محمد: أخيراً هنخلص من زنك وهتتجوز أخيراً. عز: اسم الله عليك. على أساس يوم فرحك مكنش قلبك هيقف من الفرح؟ محمد بص لنور. محمد: بصراحة أه. مكنتش مصدق نفسي إن أخيراً حب عمري في إيدي. عز: بص بص على أحمد. الوله أحمد معلق موزة وبيرقص معاها. حور: دي سهيلة صحبت أيان.

عز: الله يسهلوا. يا أحمد باشا. أحمد: مبروك يا برنس. عز: الله يبارك فيك. عقبالك. أحمد: يااااارب. محمد: مالك يا حبيبتي؟ أنتي تعبانة؟ حاسس إنك مش مظبوطة. نور: أنا كويسة، بس دايخة شوية. محمد: من إيه؟ نور مسكت إيده وحطتها على بطنها. نور: من ده يا حبيبي. محمد: بجد؟ نور: امم. اتأكدت إنهرده الصبح. حسيت واتأكدت. محمد (بفرحة) : طب تعالي نقعد عشان متدوخيش يا قلبي. نور: ماشي يا حبيبي. *** جت أغنية "بنتي وحبيبتي".

زين راح لحور وحضنها وفضل يرقص معاها وهو حضنها. يزن: بجد مش هعرف أنام وأنتم مش في البيت. هغمض عيني إزاي وأنتم مش في البيت. حور: أنا بحبك يا أجمل وأطيب وأحن أب في الدنيا كلها. زين شالها وقعد يلف بيها. عز: سيبلي الشيلة دي يا حاج زين. زين: امشي ياله. وفضل يرقص مع بنته. *** أحمد: صحبتك دي لزقة. أيان: والله مانت كنت فرحان أوي وأنت معاها. أحمد: أنتي شايفة كده؟ أيان: أه. أخدت رقمها ولا أجبهولك؟

أحمد: لا، متجيبهوش. هي سجلته على موبايلي أصلاً. أيان: اممم. طب ما تروح تقف معاها؟ واقف معايا ليه؟ أحمد: هنا تراوه. أيان: أهي جاية علينا أهي. أحمد: طب عن إذنك، أنا رايح الحمام. أيان: هبعتهالك الحمام. هههههه. أحمد: ياريتا. أيان كشرت. أيان: امشي يا أحمد، الله يسترك. أحمد: عن إذنك يا سندريلا. سهيلة: الله! هو أحمد راح فين؟ أيان: الحمام. سهيلة: اممم. أصل أنا مروحة، مش عايزة حاجة. أيان: لا شكراً، سلام يا حبيبتي.

سهيلة: باي يا حبيبتي.