رواية ابن عمي الفصل الخمسون 50 - بقلم اميرة محمود

الحمد لله حور فاقت وبقت كويسة. زين سجد شكر لله. كارما: أنا عايزة أدخلها يا أحمد بعد إذنك. أحمد: طب اتفضلوا، بس بلاش كلام يضايقها. محمود: إياك أسمع حد منكم يقول كلمة تضايقها. عز: ماما أنا ماشي، أنا اطمنت على حور الحمد لله، وانتي بقيتي كويسة. نور: لا يا عز متسبنيش يا ابني عشان خاطري. عز: معلش يا ماما مش هينفع، معلش سيبيني، والله هبقى أكلمك عالطول. نور: طب هتروح فين يا عز؟

عز: آدم صاحبي قاعد في البيت لوحده، باباه ومامته متوفيين. نور: هتقدر تسيبني يا عز؟ جودي دخلت عليهم. جودي: مامي عاملة إيه؟ مالك؟ أنا بابي أول ما قالي اللي حصلك جيت جري. نور: أنا كويسة يا حبيبتي. عز: خلي بالك من ماما يا جودي لأنها حامل. جودي: بجد يا مامي؟ ألف مبروك يا حبيبتي. نور: أنا هنزله. جودي: لا يا مامي حرام، ده ذنب كبير. أحمد دخل عليهم. عز أول ما شافه. عز: طب أنا ماشي، سلام يا ماما.

نور: ماشي يا حبيبي، خلي بالك من نفسك. أحمد: أخبارك إيه دلوقتي؟ نور: زي ما أنت شايف. جودي معلش روحي اطمني على حور وأنا جايه وراكي. جودي: ماشي يا ماما. أحمد: هتروحي وإلا تعبانة تباتي؟ نور: لا أنا هقعد لحد ما أطمن على حور وهمشي عالطول بس مع بابا علي الصعيد. أحمد: اللي انتي شايفاه اعمليه. نور: أنا عايزة زين عشان لو أنزل البيبي قبل ما أروح. أحمد: هندهله يعملك العملية أو يعطيكي حاجة تنزله.

نور: زمان أما اكتشفت أني حامل والحمل ده جاي من اغتصاب مرضتش تخليني أنزله، ودي الوقت وأنا مراتك عايز تنزله؟ لا حول ولا قوة إلا بالله.

أحمد: عشان زمان كنت ظلمك وأنا مش قاصد، وكنت حاسس إن دول هيكونوا سبب في إنك تنسي اللي حصل، وربنا رزقنا بيهم عشان تنسي ونحب بعض، بس بعد الحب اللي حبتهولك قولتيلي مش قادرة تنسي اللي عملته فيكي، وإنتي عارفة ومتأكدة إني مظلوم، لا وبتتهنيني قدام الكل. أنا مش عايزك يا نور، مش عايز حاجة تاني تربطني بيكي، كفاية إهانات فيه. نور بدموع: ولا أنا عايزة يا أحمد، وطلقني. أحمد: ماشي يا نور، بس تقومي بالسلامة وأنا هكلم عمي وأطلقك.

عند حور. زين: حبيبتي حمد الله على السلامة. إزاي تعملي كده فيا يا حور؟ حور عمالة بتعيط. كارما: حبيبتي انتي كويسة دلوقتي؟ حور: اطلعوا بره، مش عايزة أشوف حد، اطلعوا كلكوا بره، أنا بكرهكم. محمود: ماشي يا بنتي، اهدي بس ويلا اخرجوا بره. حور قعدت تعيط جامد بسبب اللي عملوه فيها. محمد ونور. محمد: يلا يا قلبي عشان نرجع لتعب القلب تاني. نور: تعب قلب إيه يا حبيبي بعد الشغل.

محمد: حاسس إن أدهم أبوكي ماهيصدق إننا رجعنا وهيرجع يقرف فينا. نور: أدهم أبويا؟ ههههههه مسمعكش. محمد قرب منها جامد. محمد: كان إيه؟ نور: كان... وراحت بصة وراه. نور: إيه ده؟ بابي؟ انت جيت؟ محمد بيبص بلهفة. نور: ههههههههههه، وضحكت عليكم. محمد: ما تيجي نقعد يومين كمان. نور: ما إحنا لو رجعنا مع بعض بردك يا مودي. محمد: مودي، والله الواحد كان بيتنشق على نظرة. نور: تعرف أنا مكنتش بحب أشوفكم. محمد: ليه؟ كنتي بتكرهيني؟

نور: هههههه، لا يا حبيبي، كان قلبي بيقعد يدق بسرعة وبحس إن في نار في دماغي. وياسلام بقي أما طردتني من السكشن، كنت هموت وأدخل وأقولك أسفة، والله اللي بيني وبين عز لعبة. محمد: لعبة؟ ده أنا كنت بموت أما كنت بشوفه بيتكلم في الموبايل، كنت بفكر إنه بيكلمك. نور: تصدق وحشني. محمد: والله. نور: والله، مش صحبي. محمد: ابقي اسمعك تقولي كده تاني. نور: ده أخويا الصغير يا أهبل.

محمد: تعالي نكلمه، هرن عليه، يارب يرد عشان مفيش حد بيرد خالص. عز: محمد عامل إيه؟ محمد: كويس يا حبيبي، أخبارك؟ عز: الحمد لله تمام. محمد: مال صوتك؟ وإيه الدوشة اللي جنبك دي؟ عز: مفيش. آدم: يا عز، النهارده أول يوم شغل ليك، سيب الموبايل عشان متترفدش. محمد: هو في إيه؟ انت بتشتغل ليه؟ عز: مفيش، أنا هقفل دلوقتي، سلام. وراح قافل السكة. نور: في إيه يا محمد؟ محمد: عز أخويا بيشتغل، في حاجة حصلت، لازم نرجع دلوقتي.

نور: طب يلا بينا، الشنط جاهزة. نور قامت دخلت لحور. نور: إزيك يا حبيبتي؟ والله عارفة إنك تعبانة من جوه، بس غلط، لازم تقومي على رجلك. حور: عمتو، مش عايزة أتكلم. نور: لا هتكلمي وتقولي كل حاجة، بتحبيه؟ حور: قلبي وجعني عليه وهو بيتكسر قدامي من بابي وانكل أحمد. نور: عارفة أنا اتبرعتلك بدمي ليه؟ عشان بيجرى في دمي حب عز، هو عن إخواته ليه معزة كبيرة في قلبي، وهو دلوقتي بقي في قلبك وفي دمك. حور: أنا بحبه أوي يا عمتو.

نور: خلاص يا حبيبتي، متعيطيش، وأنا هقف جنبك ومعاكي للنهاية. حور: هو فين؟ نور: اطمن عليكي ومشى وساب الدنيا وطفش من أبوه. حور: أنا عايزة أكلمه. نور: ماشي يا حبيبتي، هاتصلك بيه. أهو. عز: أيوه يا ماما. حور: أنا آسفة يا عز. عز: حور، انتي كويسة؟ حور: كويسة والله، متزعلش مني. عز: كنتي عايزة تسيبني وتروحي مني يا حور؟ حور: مقدرتش أشوف اللي حصلك، أنا عمري ماهكون غير ليك يا عز. عز: أنا هعافر لحد ما تبقي مراتي يا حور.

حور: وأنا معاك للنهاية يا عز. سلام يا حبيبي. عز: سلام يا أغلى من حياتي. نور أخدت التليفون. نور: أنا خارجة يا حبيبتي، مش عايزة حاجة منك. حور: خليكي معايا يا عمتو. نور: أنا معاكي، بس هخرج في موضوع كده هخلصه وأجيلك. حور: ماشي يا عمتو. زين: البنت مبقتش طيقانيك. كارما: أنا اللي غلطانة، ياريتني سمعت كلام ماما. أم كارما: بعد إيه؟ الحمد لله إن البنت مراحتش مننا. كارما: بس بقت بتكرهني يا ماما.

نور: زين لو سمحت، عايزة إيه في موضوع، تعالي معايا مكتب أحمد. زين خبط على باب أحمد ودخل هو ونور. نور: زين، أنا وأحمد اتفقنا إننا هنطلق وعايزة أنزل البيبي أول. زين: أظن إنه دكتور جراح وإنتي دكتورة وعارفين كويس إن الدكتور اللي بيعمل كده بتتحسب عليه جريمة، وده ضد القسم وضد أخلاقي المهنية. نور: أنا عندي حفيدة، إزاي أروح أخلف تاني؟ زين: نور، إنتي عندك كام سنة؟ نور: كلها ست شهور وأبقى أربعين.

زين: على فكرة ده غلط على حياتك، وكمان البيبي عمره أربع شهور، يعني لو حتى جيتي تنزليه فهتبقى عملية وممكن يحصلك نزيف. أحمد: بس أنا مش عايز. زين: الكلام ده متقولهوليش، كنتوا قلتوه لنفسكم. مابتخديش البرشام ليه يا نور؟ أحمد بص لنور بصدمة. أحمد: هو إنتي مكنتيش بتاخديه؟ نور: عشان بيتعبلي معدتي جامد. أحمد: نور، إنتي مكنتيش خايفة من الفضيحة زي ما بتقولي، إنتي كان نفسك تخلفي في العمر ده.

نور: آه يا أحمد، كان نفسي أخلف، وكنت حاسة كمان إني حامل، واتأكدت، وجبت شريط، وكنت مستنية أول ما بطني تكبر وأعملهالك مفاجأة. وعارف إيه كمان؟ أنا سيبالك الدنيا وماشية زي ابنك ما طفشته، ومش هنزل البيبي، وملكش دعوة تاني لا بيا ولا بولادي. وسابته وخرجت. نور: أيوه يا جودي، تعاليلي حالا، أنا تحت المستشفى. جودي: طب انزلي لك اهو. جودي نزلت جري. جودي: في إيه يا نور؟ نور: أنا ممكن آجي عندك النهارده. جودي: تنوري، بس في إيه؟

مالك؟ نور: مش قادرة أتكلم، تعالي معايا، عايزة أنام. جودي: طب يلا تعالي اركبي، أما أوصلك. أحمد روح الفيلا لقاها هادية، الأنوار مطفية، مفيش روح في البيت. طلع غرفته دخل وفضل يفكر في كلام نور لحد ما نام بهدومه. محمد ونور وصلوا الفيلا. محمد: هي الأنوار مطفية ليه؟ نور: طب تعالي نطلع نشوفهم. محمد خبط على غرفة باباه. محمد: بابا؟ ماما؟ أحمد صحي مخضوض، فتح الباب. أحمد: حمد الله على السلامة يا محمد.

محمد: بابا، هو إنت كنت نايم كده بهدومك؟ أحمد: راحت عليه نومة. محمد: طب ماما فين؟ أحمد: عند خالك أدهم. محمد: هو عز بيشتغل ليه؟ أحمد بصدمة: هو بيشتغل؟ محمد: آه، كلمته وكان بيشتغل في حتة كلها دوشة. أحمد: معرفش يا محمد. محمد: طب أنا هنزل أروح أنا ونور لماما نطمن عليها. أحمد: ماشي.