تحميل رواية «ابن عمي» PDF

جودي: إنت إزاي يا أفندي يا محترم تنام في حضن واحدة تانية غيري؟

أدهم: مين قالك كده بس؟ والله من يوم ما اتولدت هما ستتين، ماما الله يرحمها وإنتي.

جودي: متحلفش، أنا شفتك بعيني.

أدهم: طب هي مين دي؟

جودي: ست نور هانم، لسه عمرها عشر أيام وبتاخدها في حضنك من دلوقتي.

أدهم: والله أنا صدقتك، وعمال أقول افتكر مين دي يا أدهم.

جودي: هههه.

أدهم: أنا أول ما شيلتها قعدت تضحك لحد ما نامت، بتحبني.

جودي: أومال بتفضل تعيط وبتنام أما بتطلع عيني ليه؟

أدهم: قدرات يا ماما، واهو عشان تعرفي بتحب مين أصلاً. بتقعدي تقولي: "إنت مبتشلهاش، إنت مبتحبهاش، البنت هتكرهك". شفتي أول ما حضنتها نامت على طول.

جودي: خلاص يا أدهم، نيمها لي كل يوم.

أدهم: طبعاً من غير ما تقولي. أنا حبيت ضحكتها أوي، تعرفي إنها شبهك أوي وإنتي بتضحكي، بتغمض عينيها زيك.

جودي: طبعاً بنتي قمر شبهي.

أدهم: ماشي يا عم المغرور. بقولك إيه، رأيك نروح مع زين وكارما نعمل شهر عسل إحنا كمان بدل اللي باظ؟

جودي: بجد؟ يا ريت والنبي يا أدهم.

أدهم: خلاص اتجدعني وخلصي الامتحانات وتعالي نروح.

جودي: وناهد ونور وأحمد كمان نروح نصيف كلنا.

أدهم: خلاص اسأليهم إنتي، أنا رايح الشغل يا قلبي، مش عايزة حاجة؟

جودي: تسلملي يا حبيبي.

جودي راحت تخبط على نور وأحمد.

أحمد فتح الباب بسرعة.

أحمد: إيه يا جودي؟

جودي: نور فينا؟

أحمد: نايمة.

جودي: طب أدهم بيقولك إيه رأيك نروح كلنا نصيف مع زين وكارما.

أحمد: نروح معاهم إزاي؟

جودي: يعني إنت مقضتش شهر عسل إنت ونور، تعالوا معانا، هنروح كلنا.

نور: مااااااشي، موافقة.

أحمد: خضتيني يابنتي، إنتي مش نايمة؟

نور: لا مانا صحيت يا دودو. إنت موافق صح؟

أحمد: لا طبعاً، أنا عايز أوقف المستشفى على رجلها، نسيتي إن بقيت المدير؟

نور: خلاص مش مهم يا جودي، أنا داخلة للولاد أشوفهم.

جودي: أخص عليك، كسرت بخاطرها. إنت مش ملاحظ إنكوا مقضتوش شهر عسل؟ كان شهر زفت على دماغك.

أحمد: في إيه يا جودي؟ ماتتكلمي حلو.

جودي: أنا ماشية عشان عارفة لساني مش هيسكت.

أحمد: جودي!

جودي: نعمة؟

أحمد: موافق.

جودي: طب روح قول لمراتك وفرحها.

أحمد: ماشي.

كارما: أيوه يا زين، طلبت نخرج ليه؟

زين: عايزك في كام موضوع نتكلم فيهم قبل ما نقعد مع باباك بليل.

كارما: خير.

زين: أنا هشتري شقة، مش هنسكن عند حد، لا مامتك ولا في البلد.

كارما: تمام، بس ليه؟ ماما فرحانة وبتقولي أسكن معاها، وأصلاً أخاف أسكن في حتة بعيدة مع حد معرفوش.

زين: أنا هاخد الشقة اللي قدام شقة أدهم أخويا، إيه رأيك؟ واهي نفس تكوين شقة أدهم، إنتي شفتي شقة أدهم.

كارما: إنت شايف كده؟

زين: أنا نفسي يبقى عندي شقتي لوحدي وأكون فيها أسرتي، مراتي وولادي. مش حابب موضوع الفيلا وكله يبقى عارف أسرارنا، نضحك براحتنا، نقعد براحتنا، ناكل براحتنا، نبوس براحتنا.

كارما: وربنا إنت سافل.

زين: بصي والله أنا مبحبش حد يعرف عني حاجة، عايز تبقي أسرارنا مع بعض، صدقيني موضوع الفيلا ده صعب، وأنا محبش كده، ومحبش أسكن عند حماتي وحمايا.

كارما: عارف إنت كل يوم بتعجبني أكتر من اللي قبله، بس بعدي عن ماما صعب جداً. تعرفي إن أنا رفضت موضوع الجواز بسبب البعد عنها، وكل ما عريس يجيلي يقول: "عنده شقة"، أو "هسكن معاه في فيلا مع باباه ومامته"، كنت برفض عشان بعدي عنها.

زين: والله العظيم أنا عارف إن صعب وصعب جداً، بس هتتأقلمي والله. بعد ما نتجوز ولو عايزة تروحي لها كل يوم مش همنعك، بس أنا عايز حياة خاصة.

كارما: موافقة.

زين: بجد؟

كارما: أنا فهمت قصدك وأنا موافقة أعيش معاك حتى لو في عشّة فراخ.

زين: إيه ده؟ ما تقولي إنك هتموتي عليه.

كارما: طبعاً هموت عليك.

زين: إيه الكلام الجامد ده؟ وربنا مقدر عليه.

كارما: أنا جعانة أوي، إنت مش هتطلب أكل؟

زين: لو عايزة المطعم كله هطلبهولك بعد الكلام الحلو ده.

كارما: ربنا يخليك ليا ويقدرني وأسعدك.

زين: عارفة أنا كنت جاي وقلقان ترفضي، بس أنا لاحظت حاجة فيكي.

كارما: إيه هي؟

زين: بتحاولي ترضيني، يعني اتحجبتي عشاني، وموافقة تعيشي بعيد عن مامتك. عارفة أنا عمري ما حبيت قبلك، كنت بحب أهزر واضحك مع البنات، بس أن قلبي يدق، فمدقش غير ليكي.

كارما: زين، أنا أكتر مرة زعلت من نفسي فيها يوم ما كسرت بخاطرك وقلتلك إني مخطوبة لهاني. الكلام اللي كنت بتقوله لنور في البلكونة وإنت بتعيط، كانت دموعك سكاكين في قلبي، كان نفسي أتأكد إنك بتحبني، بس فعملت كده.

زين: وهفضل أحبك لحد ما أبقى راجل عجوز.

كارما: ربنا يخليك ليا يارب.

عند أحمد ونور.

أحمد: هما الولاد صحوا؟

نور: لا.

أحمد: طب قاعدة هنا ليه؟

نور: مفيش.

أحمد: على فكرة أنا وافقت.

نور: بجد؟

أحمد: أه، فكرت مع نفسي، وقلت مجتش على الكام يوم دول، الواحد نفسه يغير جو ويخرج مع حد بيحبه.

نور قامت حضنته.

نور: ربنا يخليك ليا يا حبيبي.

أحمد: ويخليكي يا عمري.

الكل متجمع بليل في بيت كارما.

محمود: إني مش هلاقي أحسن من بتك لابني.

حسين: ده إنتوا تشرفوا يا حاج محمود.

زين: عمي، أنا اتفقت مع كارما إننا هنسكن في شقة لوحدنا.

حسين: طب ليه يابني؟ ما الفيلا موجودة أهي.

زين: أنا حابب إن مراتي تسكن في شقتي أنا.

حسين: راجل ومن ضهر راجل يابني.

محمود: تسلم يا حج حسين. حاكم أنا ولدي زين طول عمره شخصية لوحديه، هو وأدهم. بحب شخصيتهم، بحس إني ربيت رجالة بجد.

حسين: ربنا يبارك فيهم يارب ويتمم على خير.

محمود: نقرا الفاتحة.

حسين: يلا يا جماعة نقرا الفاتحة.

نور وجودي قاعدين مع كارما.

نور: مبروك يا حبيبتي، أنا هبقى عمتو الحرباية أخيراً.

كارما: هههه، ده إنتي اختي وحبيبتي.

جودي: طب فكري كده، تبصي لكارما وأنا أكلك يا نور.

نور: ربنا يخلينا لبعض، الحمد لله، أنا بقيت ليه أخوات بنات وأصحاب كمان.

جودي: فاكرة اجيتي من الصعيد عشان كان نفسك في اخت، واجيتي عشاني، اهو دي الوقت بقينا تلت بناتي.

ياسمين أخت كارما: أخص عليكي يا جودي، وأنا فينج؟

جودي: أربع بنات، ها، مين يزود؟

الكل قعد يضحك، واليوم عدى على خير.

أحمد: هنروح إحنا بقى عشان الأساتذة وراهم امتحانات.

أم ياسمين: ربنا يعينهم يا رب.

الكل مشي، لسه زين.

زين: هتوحشيني لحد الصبح. هتنزل بكرة من بدري بقى عشان نشوف الشقة والعفش.

كارما: أوك يا حياتي. أول مرة أشوف عروسة تخلص كل حاجة في تلت أسابيع.

زين: اتجدعني معايا عشان نخلص كل حاجة الأسبوع ده.

كارما: ربنا يسهل.

وبعد تلت أسابيع، الفرح المنتظر.

كارما لبست الفستان، واجت الميكب أرتيست، زوقتها وزوقت جودي ونور.

زين دخل ياخد عروسته وينزل للمعازيم.

زين بذهول: إيه القمر ده؟ أنا مكنتش اتوقع الجمال ده كله.

كارما اتحرجت وبصت في الأرض.

زين نزل سجد شكر لله وقام أخد عروسته.

زين: أنا حاسس إن هيحصلي حاجة، أنا مش مصدق نفسي.

كارما: صدق يا حبيبي، أنا بقيت ملكك.

زين: ما تيجي نسيب المعازيم ونروح.

كارما: ياعم اسكت بقى.

زين: اسكت مين؟ هو أنا لسه اتكلمت.

كارما: ربنا يديمنا نعمة لبعض.

زين: اللهم آمين. يلا ننزل عشان المعازيم عشان نروح بسرعة.

كارما: ماشي يا زين، يلا بينا.

أدهم: والله يا أحمد الحق.

أحمد: في إيه؟

أدهم: بص عالسلم كده، في صاروخ نازل.

أحمد بضحك: أه، صاروخ وهضرب فيك دي الوقت.

أدهم: في إيه يابني؟ متع عينك معايا قبل ما أختك تنزل وتعكنن علينا.

أحمد: هو إنت مشوفتش فستان مراتك؟

أدهم: لا، بتقولي مفاجأة.

أحمد: هههه.

أدهم: إنت بتضحك ليه وبتسأل ليه أصلاً؟

أحمد: دي مراتك يا أهبل.

أدهم: احلف.

أحمد: والله مراتك لسه مكلماني من شوية ومعرفتهاش بردك.

أدهم: بس مراتي عينيها بني مش أخضر.

أحمد: عدسات يا أهطل. وبس بقى، أهي جاية علينا، اسكت لاحسن تعلقك.

جودي: إيه رأيك يا أدهم؟

أدهم: وربنا، وربنا، وربنا ما عارف.

أحمد قاطعه: عن إذنك يا جودي، وأخد أدهم وقاله: في حد يقول لمراته كده؟

أدهم: مانا فعلاً معرفتهاش.

أحمد: قولها قمر وخلاص، ومتعرفهاش إنك معرفتهاش، لأنها كانت بتبص عليك وإنت سرحان في أمها، عشان ليلتك متبقاش سودا.

أدهم: تصدق فعلاً.

أدهم راح لجودي.

جودي: كنت بتقول إيه؟

أدهم: بقولك وربنا إنتي قمر. أول ما شفتك قولت: "جودي بقت قمر".

جودي: مبتعرفش تكدب؟ أنا نفسي معرفتنيش.

أدهم: بصره.

جودي: هي نور فين؟

أدهم: معرفش، ليه منزلتش؟

جودي: نزلت منين؟ نور بنتي مش كانت معاك؟

أدهم: أووف، نسيتها في البيت.

جودي: يا مصيبتي، نسيت بنتك في البيت. يلا يا أستاذ نروحلها.

وجروا راحوا الفيلا يجيبوا بنتهم.

جودي: الحمد لله إن الفيلا جنب الفيلا، والبنت كمان مصحتش.

أدهم: الحمد لله.

جودي: والله إنت عسل.

أدهم: بقولك، ما تيجي منروحش الفرح ونطلع فوق وإنتي قمر كده.

جودي: امشي يا أستاذ، متحرجناش مع الناس، امشي.

أحمد: حضرتك مرتبطة؟

نور: أه يا فندم، واللي في إيدي دول ولادي.

أحمد: واو، مين سعيد الحظ اللي اتجوز القمر ده؟

نور: هما بيقولوا اسمه أحمد.

أحمد: اوف، ده على اسمي.

نور: أه، على اسمك.

نور ومحمد: بابا العروسة، العروسة فينا؟

أحمد: ماسكاكوا أهي، مش واخدين بالكم؟

نور: فاكر يوم فرحنا؟

أحمد: أه فاكر، أما مكنتيش طيقاني.

نور: طب اعتبر إنهرده يوم فرحنا.

أحمد: يوم فرحي، يوم ما رضيني عني وسامحتيني.

نور: طول عمرك راضي عنك، ربنا يخليك يا أجمل حاجة في حياتي.

أحمد: ويخليكي ليا يا قلبي.

زين: مين اللي جايب الرقاصات دول؟ أنا مجبتش حاجة.

كارما: مش عارفة.

زين بيبص لأدهم.

أدهم بضحك: رديتهالك يابرنس.

زين: ربنا يسامحك، دول مش لابسين حاجة، أنا كنت جايبهم محترمين.

أدهم بضحك: كده كده رقاصين، بس إيه رأيك؟

زين: ماشي يا أدهم، والله هقول لمراتك.

جودي: أدهم، مش دي الشغالة اللي كنت جايبها؟ والله قلبي كان حاسس إنها رقاصة.

أدهم: أنا معرفهاش والله، دي تبع هاني أخو كارما.

زين: جيبلي الراقصين، يرضيك يحرجني قدام الناس؟

جودي: بيردهالك ياقلبي، ده كان هيموت يوم فرحنا ويقوم يعلقك.

أدهم: روح اقعد جنب عروستك، مينفعش اللي إنت عملته.

زين: أدهم، لو سمحت مشيهم، بدل ما أسيب الفرح وأمشي.

أدهم: لو راجل، اعملها.

زين: طب يلا يا كارما، وأخدها وجرى خرج يركب العربية.

جودي: عجبك كده؟ روح هاتهم بسرعة.

أدهم: ماشي يا ستي.

أدهم: خلاص خلاص، همشيهم، ادخل بقى، ولا إنت واخدها حجة عشان تخلع؟

زين: طب تعالي يابنتي ندخل، وأمري لله.

ودخلوا يكملوا الفرح وسط قرايبهم، وكملوا الفرح على خير.

وهما مروحين بيتهم والكل بيزفهم بالعربيات، حصلت حادثة رهيبة في عربية.

زين، مبروك لينا ياحبيبتي، أخيرًا هنروح بيتنا.

كارما، الحمد لله ياحبيبي.

أدهم رايح يرخم على زين.

أدهم: يلا يا برنس انزل، وصلنا. إيه هتباتوا في العربية؟

زين: حظي الأسود هسكن قدامك.

أدهم رايح عشان يرجع لجودي العربية عشان ياخدها ويطلعوا.

عربية اجت بسرعة رهيبة خبطته ونزل على ضهره.

جودي نزلت جري.

جودي: ادهم فوق، يا ادهم فوق.

زين: ادهم فوق ياحبيبي، فوق. اطلب الإسعاف يا أحمد بسرعة.

أحمد: طلبته، حاول محدش يحركه.

الإسعاف اجت واخدت ادهم، وجودي راحت معاه.

جودي: ادهم، ماتسبنيش عشان خاطري.

راحوا المستشفى كلهم.

وأحمد دخل العمليات مع ادهم.

خرج أحمد من العمليات وعلى وجهه باين الإجهاد.

زين وجودي ونور جروا عليه وعلى وشهم علامات استفهام.

أحمد: اطمنوا يا جماعة، هو الحمد لله كويس، بس نزل على العمود الفقري، فللأسف مركب بسامير وشرايح، فهيقعد فترة ما يمشيش.

جودي: المهم هو هيعيش. أنا مش قادرة أصدق.

أحمد: الحمد لله، ما نقدرش نقول غير كده، الواقعة كانت جامدة.

جودي: على فكرة العربية كانت قاصدة، أنا شفته وهو كان واقف، وأول ما ادهم اجا يعدي، اجا جري وخبطه، لازم حق ادهم يجي، والله ما هسكت.

كارما: هاني أخويا اجا أهو، لازم نعرف مين اللي عمل كده.

هاني: هو في إيه يا جماعة؟ ادهم ماله؟

كارما: عربية خبطته وحصله كسر في العمود الفقري.

هاني: ده أكيد المعلم صبحي، ده تاجر المخدرات اللي ادهم قبض عليه، أكيد حد من ولاده حب ينتقم، والله ما هسيب حقك يا ادهم.

أحمد: زين، خد مراتك وروحوا، اقعدوا زي عدمه.

زين: مش هسيب أخويا يا أحمد.

أحمد: طب يعني عجبك مراتك اللي واقفة بالفستان؟ ولا جودي؟ خدوا وروحوا يا زين. عشان تشاله تغيروا وتيجوا، مينفعش كده. واجمد كده، هو إن شاء الله هيبقى كويس.

زين: انت بتقولي اجمد وأنا شفت أخويا وهو بيطير ووقع على الأرض، أنا شفته بعيني يا أحمد.

أحمد: طب اهدي بس وخد مراتك وجودي ونور وروحوا، وإن شاء الله الصبح ابقوا تعالوا يكون فاق. ومحدش يقول للحج محمود حاجة، هو فاته نايم، محدش يقلقه.

زين: خلاص ماشي، يلا يا جودي انتي ونور.

جودي: أنا مش همشي.

أحمد: معلش ياحبيبتي، اهدي بس، وأنا هقعد معاه للصبح وهخبرك بأخباره أول بأول، بس امشي عشان انتي هتقعي من طولك، وبنتك اللي على إيدك دي محتاجة تنيميها على سريرها.

جودي بصت لبنتها.

جودي: بابا حبيبك اللي بتنامي في حضنه هيبقي كويس ياقلب ماما، وهيخدك في حضنه تاني.

زين: يلا يا جماعة نمشي عشان مينفعش نقعد فعلاً زي عدمه.

نور: يارب، أنا مستودعاه عندك، احفظهولنا يارب، كلنا عايزينه.

نزلوا كلهم، عربية زين اخدهم وروح.

نور وولادها وجودي عند فيلا أحمد.

زين: انزلوا انتوا هنا، وأنا هروح عشان بابا ميحسش بحاجة. نور، جوزك في عملية مستعجلة. وجودي، جوزك راح نبطشية. لو بابا سألكم، وعشان خاطري متعيطوش قدامه عشان ميحصلوش حاجة.

جودي وكارما حركوا دماغهم ودخلوا الفيلا.

زين روح هو وكارما ودخل قعد على الكنبة ببدلته.

كارما دخلت غيرت الفستان، واخدت شاور ولبست بيجامة وعملت شعرها كحكة وخرجت لزين.

كارما: حبيبي، بطل عياط، والله هو هيبقي كويس.

زين: مش قادر أنسى منظره. تعرفي إن أكتر حاجة بحب أناكفها هو ادهم، وأكتر واحد بحب آخد رأيه هو ادهم. تعرفي أنا كنت بفكره هو أبويا من كتر ما كان بيخاف عليه أنا ونور واحنا صغيرين. كان أما حد يضربني كنت بروح أقوله وهو يجيبلي حقي. عارفة أنا اخترت الشقة دي ليه؟ عشان أشوفه على طول قدامي. أنا منظره وهو بيقع على الأرض، أقسم بالله حسيت إن قلبي وقع من مكانه.

كارما: ياااه يا زين، كل يوم ربنا بيأكدلي إنه بيحبني، وأكتر حاجة اتأكدت إنه بيحبني إنه رزقني بيك. ربنا يخليكوا لبعض وميحرمكوش من بعض يارب. وفعلاً زي ما رب العزة قال: "وسنشد عضدك بأخيك".

زين: يارب، مش طالب منك غير تقوملي أخويا على رجليه تاني. أنا عارف إنه صعب، بس عشان خاطره، عشان هو طول عمره كان نفسه يبقى ظابط كده. هيخسر وظيفته.

كارما: يا حبيبي، والله هيبقي كويس. استهدي بالله وقوم خد شاور وصلي ركعتين لله وادعيله، وهو هيبقي كويس والله.

زين اجا يقوم مكنش قادر يقف على رجليه. كارما ساعدته لحد ما هدي، واخد شاور وصلي ونام.

جودي ونور دخلو وطلعت كل واحدة غرفتها في هدوء عشان الحاج محمود نايم وميصحاش.

جودي: الو، أيوه يا أحمد، ادهم عامل إيه؟

أحمد: هو أخد حقنة منومة عشان الجرح، وهيفوق الصبح، وهيبقي كويس إن شاء الله.

جودي: يارب يا أحمد.

أحمد: حاولي تنامي عشان تعرفي تقفي على رجلك بكرة.

جودي: ماشي ياحبيبي، سلام.

تاني يوم الصبح، الحاج محمود قاعد بيفطر.

جودي ونور لابسين هدوم خروج ونازلين.

محمود: رايحين فين على الصبح كده؟

نور: رايحين لزين وكارما.

محمود: دي الوقيت.

جودي: هما كلمونا وعازمينا على الفطار.

محمود: انتوا هتروحوا لوحديكوا؟ اومال فين أجوازكم؟

جودي: ادهم روح على البيت امبارح.

نور قاطعتها: وأحمد راح من بدري عملية مستعجلة.

محمود: طب إني هاجي معاكم.

نور: لا خليك يا بابا، المشوار تعب عليك، وغير كده أنا هقعد عند جودي للعصر.

محمود: هو انتوا عنيكوا وارمة أكده ليه؟

نور: من دخان الصواريخ اللي كانوا بيفرقعوها قدام بيت زين، عينينا كلنا وجعتنا.

محمود: خلاص، أنا هقعد أستناكم، متتأخروش عليا.

نور: ماشي يابابا.

زين: كارما، أنا هروح لأدهم، وانتي خليكي عشان مامتك واختك لو اجو.

كارما: ماشي ياحبيبي، ربنا يطمنك عليه يارب.

زين: يارب، ادعي له والنبي يا كارما.

كارما: والله صليت الفجر وفضلت ساجدة أدعيله.

زين باسها من راسها.

زين: أنا ماشي ياحبيبتي، سلام.

كلهم راحوا المستشفى.

جودي: فاق يا أحمد؟

أحمد: للأسف حصل مضاعفات جامدة، وسيبينه في الرعاية. أول ما الحالة الصحية تظبط هننقله غرفة عادية.

جودي: طب أنا عايزة أشوفه والنبي يا أحمد.

أحمد: طب تعالي، هدخلك.

نور: وأنا والنبي أشوفه.

أحمد: أما تخرج هدخلك يا نور.

جودي دخلت وأول ما شافته وهو على جهاز التنفس وجسمه كله أسلاك، انهارت.

جودي: قوم يا ادهم، قوم لبنتك، أنا مقدرش أعيش لحظة من غيرك، سامحني لو زعلتك في يوم، أنا جبت نور بنتك معايا بره فوق عشان تشوفيها يا حبيبي.

أحمد دخل.

أحمد: يلا يا قلبي، اخرجي، هو مش سامعك بس اخرجي عشان ميحصلكيش حاجة.

جودي: أسيبه وأمشي إزاي يا أحمد؟

أحمد: معلش، كده غلط والله، يلا بس.

خرجت جودي ودخلت نور لأدهم.

نور: ادهم حبيبي، يعز عليا أشوفك كده، يا حبيبي، أنت أخويا وصاحبي. فاكر يا ادهم أما قعدت أعيط وأقولك العيال عندهم ماما بتيجي معاهم توصلهم وأنا لأ، كان نفسي يبقى ليا ماما توصلني وبابا على طول شغال. روحت أخدتني في حضنك وقلتلي هوصلك ياقلبي. وأنا فضلت تصحى كل يوم بدري عشان توديني المدرسة لحد ما دخلت ثانوي، والبنات كانوا بيفكروا إني خطيبتك. قوم يا ادهم، أنت بطل ياحبيبي، قوم عشان خاطر بنتك اللي متعرفش ربها دي.

أحمد دخل وخرجها.

نور وجودي قاعدين.

زين دخل.

زين: إيه الأخبار؟ فاق؟

جودي: لا، حصله مضاعفات.

ممرضة: هو حضرتك زوجة المريض؟

جودي: أه.

الممرضة: متخافيش، بس هو حصله فعلاً مضاعفات، وكنا محتاجين له دم نفس فصيلته يبقى طازة. والدكتور أحمد قال إنه أخوه، حللناه، طلع نفس الفصيلة، وأخدنا منه كيسين دم، بس قولناله كفاية عليك كيس، مرضيش، واتبرع باتنين. فحاولي مع الدكتور أحمد إنه يروح يرتاح، عشان كده غلط عليه، مش راضي يسمع كلامنا، ومنمش ولا دقيقة حتى يرتاح.

زين: متشكرين ليكي.

جودي راحت لأحمد.

جودي: أحمد، أنت اتبرعت لزين بالدم؟

أحمد: عرفتي منين؟

جودي: مش مهم، المهم دلوقتي روح ارتاح عشان كده غلط عليك.

أحمد: لا، هقعد عشان أراقب حالته.

زين: أحمد، معلش اسمع الكلام، خد مراتك وروحوا، وأنا موجود لو حصل جديد.

أحمد: خلاص ماشي، أنا هروح آخد شاور وأغير هدومي وأجين.

نور: يلا يا أحمد، مش هنتأخر.

أحمد روح.

محمود: إيه يا بتي، اجيتي بدري؟

نور: أصل أحمد خرج من المستشفى واجا أخدني نروح. وجودي قعدت في بيتها مع ادهم.

محمود: ماشي يابتي، اطلعي أحسن جوزك شكله تعبان وعايز ينام.

أحمد طلع غرفته، وأول ما قعد على الكنبة راح في النوم. نور مردتش تصحيه عشان سمعت كلام الممرضة وصعب عليها تصحيه.

نور: الحمد لله يارب، أنا عارفة إن اختبار صعب، بس أجبر بخاطرنا.

الحمد لله يا مدام، أدهم بيه فاق.

جودي: بجد؟ طب ممكن أدخله؟

الممرضة: والنبي، مش هينفع. هو هيتنقل غرفة عادية فوق، وتقدرِ تشوفيه فوق.

الو، أيوه يا جودي.

جودي: أيوه.

أحمد: أدهم فاق.

جودي: طب الحمد لله.

أحمد: هيخرج من العناية.

جودي: طب الحمد لله. أنا جاية حالًا.

نور: خير يا أحمد؟

أحمد: أدهم فاق.

نور: طب أنا جاية معاك.

أحمد: طب باباكي هيتغدى لوحده إزاي؟

نور: بابا لازم يعرف، ثم إن أدهم فاق خلاص، الخطر راح.

أحمد: طب قوليله أنتِ، أنا مقدرش.

نور: تمام، أنا هنزل أقوله على ما أنت تغير هدومك.

أحمد: ماشي.

نور: بابا.

محمود: خير يا بتي؟

نور: بابا، في حاجة حصلت وكنا مخبيين عليك عشان صحتكم.

محمود: في أي يا بتي؟ جولي بسرعة.

نور: بابا، واحنا بنوصل زين هو وكارما، عربية خبطت أدهم.

محمود: كيف؟ وولدي كيفه؟ وليه تخبوا عليه؟

نور: هو الحمد لله فاق دلوقتي، الحالة استقرت، واحنا رايحين له.

محمود: أنا جاي معاكوا.

في المستشفى.

جودي: هو ممكن أشوفه بقي؟

الممرضة: اتفضلي يا مدام، ادخلي له.

جودي: أدهم حبيبي، حمد الله على سلامتك. 😭😭 أنا مكنتش متخيلة إني هشوفك تاني. 😭😭

أدهم: إنتي داخلة تقولي عليه؟ اااااه.

جودي: بعد الشر عنك يا عمري. نور بنتك مبطلتش عياط، البنت اتعلقت بيك زيي.

أدهم: ربنا يخليكوا ليا. اااااه، ضهري أنا ضهري في ألم رهيب.

جودي: طب ثواني، هنده للممرضة تديك حقنة مسكنة.

زين دخل لأدهم وراح باس رأسه.

زين: أدهم حبيبي، عامل إيه؟ 😭😭😭

أدهم: هو في راجل بيعيط؟

زين: أنا لو معيطتش على سندي وضهري، هعيط على مين؟ أنا مبنمش، منظرك مبيروحش من بالي يا غالي. أوعى يا أدهم تسيبني، أنت وعدتني يوم ماما ما ماتت إنك هتفضل جنبي ومش هتسيبني.

أدهم: أنا كويس يا حبيبي، متخافش عليه. أخوك جامد.

محمود دخل هو وأحمد ونور.

محمود: ولدي ولدي 😭😭😭 مالك يا ولدي؟ أن شاله إني وأنت لأ يا ولدي.

أدهم: أنا كويس يا بابا والله.

(حاول أن يجلس)

الممرضة: لا، متقعدش. غلط. الحركة غلط. متتحركش. أنا هعطيك حقنة مسكنة، هتبقى كويس إن شاء الله.

أدهم: هو أنا أي اللي حصلي؟

(الجميع بصوا في الأرض)

الممرضة: كسر في العمود الفقري، واتركبلك شرايح ومسامير، عشان كده ممنوع الحركة.

أدهم: يعني إيه كسر؟ يعني اتشليت صح؟

أحمد: لا، مفيش شلل ولا حاجة. أنت هترتاح فترة، وبعد كده هتمشي عادي.

جودي: حبيبي، متخافش، والله هتبقى كويس.

أدهم: الحادثة كانت مقصودة صح؟

زين: هاني بيقول إن تاجر المخدرات اللي أنت قبضت عليه ممكن يكون ابنه.

أدهم: والله ما هسيبهم.

محمود: ابعد يا ولدي عن الشر.

الممرضة: ممكن تسيبوه يرتاح شوية؟ عشان الكلام الكتير غلط عليه.

أحمد: تمام، يلا يا جماعة.

جودي فضلت واقفة ببنتها.

الممرضة: يلا يا مدام.

جودي: ممكن تسيبني مع جوزي خمس دقائق، وهخرج لوحدي.

الممرضة: تمام.

جودي: أدهم، أنت ليه مبتخافش على نفسك؟ زمان قولتلي إنك كنت بتطلع مهمات ومكنتش خايف على نفسك، وأما طلعت المهمة الأخيرة، كنت خايف إنك متشوفش بنتك وهي في بطني. دي الوقت بنتك أهي على إيدي، أنت مش خايف إن لا قدر الله لو كنت حصلك حاجة، كانت بنتك دي هتبقى يتيمة؟ مش خايف عليها؟

أدهم: ليه بتقولي كده؟ أكيد خايف عليها.

جودي: ده لسه قايل والله ماهسيبه. أنت عارف إن تجار المخدرات مبيهمهمش حد. لو حد جه عليهم، آخره موت.

أدهم: طب وحقي ونومتي على السرير دي الوقت وأنا مش قادر أتحرك؟

جودي: في قانون هيجيبلك حقك. أكيد هيحققوا وهيعرفوا اللي عمل كده. بس أنا عايزة منك طلب، بلاش الشغلانة دي. أي نعم كنت فرحانة في الأول إني هتجوز ظابط، بس صدقني، أنا خايفة بجد. خايفة بنتي تعيش من غير أب.

أدهم: مش وقته الكلام ده.

جودي: لا، وقته يا أدهم. أنا بحبك ومقدرش أعيش من غيرك. أنا والله امبارح عدى عليا كأنه سنة، وبنتك طول الليل بتعيط. أخدتها في حضني، مرضيتش تنام عشان هي حبة ريحتك أنت. هي ممكن تكون لسه مش شيفانا، بس أكيد عرفانا من صوتنا وريحتنا. البنت كانت بتصرخ وأنا بعيط جنبها. بجد، إحنا من غيرك ولا حاجة. أنت عمري اللي فات واللي جاي. أنت حبيبي وابن عمي وأبويا وكل حاجة.

أدهم: ربنا يخليكي ليا. عارفة أنا بحمد ربنا كل يوم إنه رزقني بيكي أنتِ وبنتي.

جودي: أنا هخرج بقي عشان ترتاح شوية.

أدهم: ممكن تنزليلي بنتي أبوسها؟

جودي: روحي لبابا حبيبك، بوسيه يا نور.

(البنت أول ما باباها بصها ضحكت)

جودي: الله، هو انتي مبتضحكيش إلا لبابا بس؟

أدهم: بتحبني؟ 😜

جودي: لا، ده أنا كده أغير بقي. 😄😄

الممرضة: يلا يا مدام.

جودي: تمام، سلام يا حبيبي. أنا هقعد بره.

أدهم: (حرك دماغه بماشي)

عند أحمد ونور.

أحمد: عن إذنكم يا جماعة، أنا رايح أشرف على الشغل.

دكتور سها: أحمد، إزيك؟ عامل إيه؟

أحمد: تمام يا دكتور.

سها: أخبارك إيه؟

أحمد: الحمد لله. بقولك يا دكتور، أحنا ورانا عمليات النهاردة، أصل أنا تعبانة قوي وعايزة أريح النهاردة.

أحمد: مش عارف والله، اسأليهم في الاستعلامات، ولو مفيش، ممكن تروحي.

جودي: أي يا حاجة؟ سرحانة في إيه؟

نور: هااا، مفيش. أصل شوفي بتتمرقع إزاي، وأحمد واقف متقبل عادي.

جودي: طب اومي شوفي في إيه. أنا لو منك أروح.

نور: شايفه كده.

جودي: (حركت دماغها باه)

نور: مودي، معلش ممكن تجيبلي أكل؟ أصل أنا جعانة.

سها: (بابتسامة) موديا.

أحمد: طب تمام، روحي اقعدي معاهم، وأنا هكلم حد يجيب أكل، أو روحوا.

نور: لا، مش هروح ياحبيبي، أنا قاعدة هنا مع أخويا.

سها: (افتكرت أن أحمد وهو بيتبرع بالدم قال إن أدهم أخوه) هو أنتِ اخت أحمد؟ سبحان الله، مش شبهك خالص يا أحمد.

نور: مش لازم نبقى شبه بعض. وثم، إنه مش أخويا، ده جوزي.

سها: (بصدمة) هو أنت اتجوزت يا أحمد؟ مش كنت تقول.

أحمد: (عمال يبصلهم وهما بيكلموا بعض وكاتم الضحك بالعافية)

نور: آه، متجوزين وعندنا محمد وجودي.

سها: ما شاء الله، مع إن شكلك عيلة بتاعة 19 سنة.

نور: آه، ما إحنا كان في بينا قصة حب رهيبة، فاتجوزته وأنا عندي 18 سنة.

سها: قصة حب إزاي؟ وهو كان خاطب دكتورة هنا وفضل خاطبها تلت سنين، غير قصة الحب اللي كانت في الجامعة.

(نور وشها اتغير)

أحمد: (خد باله)

أحمد: روحي يا دكتورة سها على شغلك، يلا. نور، تعالي ننزل نتغدى في أي مطعم.

نور: مليش نفس.

أحمد: مش كنتي لسه بتقولي جعانة؟ غيرتي كلامك ليه؟

نور: نفسي اتصدت. أنا هروح عشان الولاد مع أم سيد.

أحمد: أوووف، هو أنا مكتوب عليا العكننة.

نور: هو أنا جيت جنبك؟ أنا ماشية، سلام. أنا ماشية.

أحمد: استني، أنا بكلمك.

نور: 😭😭 عايز إيه؟

أحمد: (خدها في حضنه أمام كل اللي واقفين) والله العظيم بحبك أنتِ يا وزعة.

نور: طب سيبني، الناس بتتفرج علينا.

أحمد: لو عايزاني أبوسك كمان، أنا مستعد.

نور: اتلم، بابا واقف بيبص علينا.

أحمد: لسه زعلانة؟

نور: لا.

أحمد: بقولك، أنا جعان. إيه رأيك ننزل نتغدى بره لوحدنا؟

نور: بس كلهم مأكلوش، حرام.

أحمد: تمام، أنا هبعت دليفري بأكل ليهم.

نور: تمام، يلا.

أحمد: أحبك أنا يا أبيض يا وزعة.

نور: أنا مش وزعة، أنت اللي طويل شوية. ومعنتش تقول كده، فاهما؟

أحمد: ماشي يا وزعة.

(نور خبطته في كتفه وبعدين)

أحمد: عن إذنك يا عمي، رايحين نجيب غدا وجايين.

جودي: يخربيتك، قادرة! خلتيه يزعق للبنت ويحضنك قدامنا كلنا. 🤣🤣

نور: اتعلمي يا ماما، اتعلمي. لاء، وكمان هيغديني بره.

جودي: لا، أنا ممكن آخد عندك درس خصوصي.

نور: تعالي بس، هيكلفك كتير. 😄😄

أحمد: يلا يا نور.

عند كارما وزين.

كارما: ألو، أيوه يا زين، بقولك إيه؟ أخبار أخوك إيه؟

زين: الحمد لله، فاق.

كارما: طب الحمد لله يارب.

زين: مامتك جت؟

كارما: كلمتني وبتقولي هتيجي كمان ساعة.

زين: طب أنتِ أكلتي إيه يا حبيبتي؟

كارما: لسه والله ما أكلت، بس هسخن العشا واتغدى بيه، لأنه زي ما هو.

زين: طب أنا هجيب أكل وجاي حالًا ناكل سوا. أدهم بقي كويس، هتغدى وأرجعله بليل، لأن الزيارة هتبدأ تسعة بليل.

كارما: بجد؟ طب ماشي، هستناك يا حبيبي.

زين: ماشي يا قلبي.

زين دخل لأدهم.

زين: أدهم، أنا هروح أتغدى وأجيلك بليل يا حبيبي.

أدهم: ماشي يا حبيبي.

زين: مش عايز حاجة أجبهالك؟

أدهم: تسلملي يا غالي.

الحاج محمود وجودي.

محمود: ما تيجي يابتي ننزل ناكل سوا في أي مطعم.

جودي: نور وأحمد هيجبولنا أكل.

محمود: لا، تعالي ننزل نغير جو ونتغدى سوا ونكلمهم. مبحبوش حاجة.

جودي: وأدهم؟

محمود: هو مش محتاجنا يابتي، ربنا ينجيه يارب. تعالي بس ننزل يابتي.

جودي: خلاص، هقوله الأول يا عمي.

محمود: ماشي يابتي.

جودي: أدهم حبيبي، ممكن أنزل أتغدى مع عمي؟

أدهم: روحي ياحبيبتي.

جودي: هو الريموت وقع، استنى، خد أهو ياحبيبي.

أدهم: استنيت حد يجي عشان يجبهولي عشان أغير القناة دي، مفيش حد جه.

جودي: أدهم، أنا هقعد معاك، مش نازلة.

أدهم: لو بتحبي أدهم، انزلي اتغدي مع بابا عشان خاطري.

جودي: بس.

أدهم: مفيش بس، انزلي يالا.

جودي: ماشي ياحبيبي.

نور وأحمد.

نور: أحمد، هو أنت كنت بتحب هنا؟

أحمد: أنا بحبك أنتِ.

نور: رد على سؤالي.

أحمد: مش سألتيني السؤال ده قبل كده؟

نور: بس.

أحمد: مفيش بس. نور، متعكننيش على نفسك، أنا بحبك وهفضل لآخر نفس أحبك أنتِ.

نور: طب في خبر مش عارفة هيبسطك ولا إيه.

أحمد: في إيه؟

نور: أنا حامل. 😔😔

أحمد: بجد؟ والله الحمد لله. طول عمري كنت بقول أما أتجوّز هخلف كتير، عشان كنت طول عمري حاسس إني لوحدي.

نور: يعني فرحان؟

أحمد: طبعًا، ويا رب يطلعوا اتنين كمان.

نور: حرام عليك، أنا عندي عشرين سنة، ويبقى عندي أربع ولاد.

أحمد: وماله، أما تبقي تلاتين يبقوا عشرة.

نور: حرام عليك، أول ما أولد بالسلامة، هشوف وسيلة، عشان كده كتير عليا، وعشان جامعتي ومستقبلي.

أحمد: متقوليش كتير دي، ربنا يزيدنا مينقصناش.

نور: يارب يا حبيبي، ويخليك لينا يارب. يلا بقي اطلب لينا أكل، أنا جعانة أوي.

أحمد: ماشي ياحبيبتي.

مالك يابتي؟

خايفه اوي ياعمي، ادهم يروح مني. كل شويه يحصله حاجه.

ده قدر ومكتوب يابتي.

بس لازم يسيب الشغل ده.

ادهم طول عمره كان نفسه يبقى ظابط، مش هنيجي في يوم وليلة ونقوله سيب شغلك.

موبايل جودي رن.

الممرضة: الو مدام جودي، تعالي حالا.

جودي وقفت مرة واحدة: في ايه؟

ادهم بيه عايز يقوم وعمال يزعق ومش راضي يهدي، وده غلط على العملية اللي عملها.

جودي: أنا جايه حالا.

محمود: في أي يابتي، جلجتيني.

جودي: هقولك في الطريق، بس يللا ياعمي.

وطلعت تجري على عربيتها.

***

ادهم: محدش ليه دعوة، أنا عايز أتحرك، تعبت من النومة دي.

جودي دخلت عليه جري: في ايه ياادهم، كده غلط عليك ياحبيبي.

ادهم: أنا حاسس إني اتشليت، وانتو بتخبوا عليا.

جودي: لا ياحبيبي، اهدي بس عشان خاطري، وأنا هقولك كل حاجة.

ادهم بص لها لقى عينيها كلها دموع.

ادهم: إيه ياجودي، اتشليت وعشان كده كنتي بتقنعيني أسيب شغلي عشان أما أعرف إني اتشليت ما ازعلش عليه؟

جودي وطنت باست رأسه: حبيبي اهدي، والله المسألة مسألة وقت مش أكتر، وهترجع أحسن من الأول. عشان خاطري اهدي والنبي، أنا مش قادرة أشوفك كده.

ادهم: اطلعي بره، مش عايز أشوف حد.

جودي: اهدي بس ياادهم.

ادهم: قولت مش عايز أشوف حد.

***

جودي: أحمد، تعالي معلش.

أحمد: مالك ياجودي، في إيه؟

جودي: ادهم حالته النفسية وحشة وطردني وعمال يزعق جامد.

أحمد: طب أنا جاي فوراً ياحبيبتي، بس اهدي.

نور: في إيه ياأحمد؟

أحمد: ادهم بيزعق ومش عايز يشوف حد.

نور: طب يللا بينا.

***

جودي: أحمد، ممكن أطلب طلب؟

أحمد: إيه ياجودي؟

جودي: ممكن بلاش ممرضة لادهم، وأنا ممكن أعالجه.

أحمد: بس انتي لسه مخلصة تانية طب، يعني لسه متعرفيش قد كده.

جودي: لا أعرف ياأحمد، ولو حصل حاجة ومعرفتش هكلم الدكتور أسأله.

أحمد: طب وبنتك؟

جودي: ممكن نور تاخدها عمّا ادهم يخرج من المستشفى.

أحمد: طب وترضع إزاي؟

جودي: هاتهالها لبن ياأحمد، الله.

أحمد: خلاص ماشي ياستي.

جودي: طب روح قول للممرضة وخد نور اديها لنور مراتك، وأنا هقعد مع ادهم.

***

جودي لبست لبس الممرضة ودخلت لادهم تركبله المحلول.

ادهم: انتي إيه اللي جابك تاني، وإيه اللي انتي لبساه ده؟

جودي: أنا قتلت الممرضة وأخدت لبسها.

ادهم: 😊😊

جودي: لو سمحت افرد دراعك عشان أعرف أركب المحلول.

ادهم فرد دراعه وجودي ركبتله المحلول وراحت قعدت عالكنبة تقلب على القنوات.

ادهم: هو انتي هتقعدي معايا؟

جودي: آه.

ادهم: بس الممرضة كانت بتديني المحلول وتخرج.

جودي: أنا ممرضة رخمة، بحب أقعد مع المريض.

ادهم: بس أنا مبحبش القناة دي.

جودي: مانا عارفة، بس أنا بحبها.

ادهم سكت وفضل باصص عليها.

ادهم في سره: هو في حد ممكن يستحمل حد كده؟ بيعدل نفسه على السرير، ضهره بيوجعه. اااااه.

جودي جرت عليه: مالك ياحبيبي، أعطيك حقنة مسكنة؟

ادهم: ضهري الألم رهيب، مش قادر.

جودي: طب ثواني.

وفتحت أبرة وعطتهاله وفضلت واقفة.

جودي: إيه يا حبيبي، الوجع خف؟

ادهم: آه الحمد لله.

جودي: متحاولش تتحرك، وانت هتبقى كويس.

ادهم: أنا جعان.

جودي: طب ثواني هجبلك الأكل.

جودي طلبتله الأكل من المطبخ بتاع المستشفى.

جودي: الأكل وصل، يللا يا ادهم، أنا هرفع راسك على المخدة بس عشان تعرف تاكل.

فضلت تأكله معلقة معلقة.

ادهم: خلاص مش قادر، كفاية.

جودي: طب خلاص ماشي، براحتك.

ادهم: هتروحي امتى؟

جودي: مش هروح.

ادهم: طب ونور؟

جودي: مع أختك، متقلقش.

ادهم: امشي روحي للبنت، أنا كويس.

جودي: البنت مع عمتها، واكيد هتخاف عليها زيي بالظبط.

ادهم: هتقدري تنامي وبنتك مش وياكي؟

جودي: بنتي في أمان، أما قلبي لو مشيت مش هيحس بلحظة أمان.

ادهم: يعني إيه؟

جودي: مفيش، نام يللا ريح شوية.

ادهم: جودي.

جودي: ها.

ادهم: تعرفي أنا اتعصبت ليه الصبح؟

جودي: ليه؟

ادهم: عشان رجلي مش حاسس بيها، وعرفت إني اتشليت. أنا خايف تسيبيني.

جودي: هو أنا لو كان حصلي كده كنت هتسيبني؟

ادهم حرك دماغه بلا.

جودي: أنا مش هرد عليك وأريحك، عارف ليه؟

ادهم: ليه؟

جودي: عشان انت مبتحسش.

ادهم: يعني هتكملي معايا؟

جودي: انت الهوا اللي بتنفسه، لو بعدت عنك أموت. أنا محبتش راجل في حياتي غيرك، انت واتنين تانيين.

ادهم: مين دول؟ بتحبي غيري؟

جودي: آه، واحد اسمه أحمد والتاني محمد، بس محمد مات الله يرحمه.

ادهم: ممكن أطلب منك طلب، بس توعديني أول إنك هتسمعي كلامي وتنفذيه.

جودي: إيه؟

ادهم: اوعديني أول.

جودي: لا مش موافقة يا ادهم.

ادهم: هو أنا قولت إيه؟

جودي: روحي لبنتك، مش هروح لبنتي، أنا قاعدة هنا مع جوزي، ولو سمحت، معادش تتكلم معايا. والله شكلها الممرضة اللي مطلعالي قصة من الطرحة عجبتك، عشان كده عايزني أمشي؟

ادهم: بضحك، والله انتي مجنونة.

جودي: ماشي، مش هرد عليك.

ادهم: هو زين مجاش؟

جودي: لا، معاد الزيارة الساعة تسعة، لسه ساعتين، نام بقي، ريح جسمك شوية.

ادهم: ماشي.

***

زين وكارما.

زين: ازيك يا حبيبتي، أنا جبت الغدا اهو، هدخل آخد شاور عالسريع عشان نتغدى مع بعض.

كارما: ماشي ياحبيبي.

زين خرج من الحمام حاطط الفوطة على وسطه وشعره نازل على وشه وعضلاته مبروزة وباينة.

كارما بشهقة: إيه ده؟ حطت إيدها على وشها. في حد يخرج كده؟ انت نسيت إن أنا في البيت.

زين راح شال إيدها من على وشها: هو انتي متعرفيش إني جوزك؟

كارما: يعني جوزي تخرج كده؟ لو سمحت سيب إيدي عشان أخرج وألبس بسرعة.

زين: انتي مجنونة صح؟

كارما: سيب إيدي والنبي.

زين: لا.

كارما فضلت ترجع للخلف حتى التصقت في الحيطة.

زين قرب منها.

الباب خبط.

كارما: الباب.

زين: سيبيه يخبط.

كارما: ماما.

زين: في إيه ياكارما؟ هو أنا متجوز عيلة؟

كارما: ماما على الباب.

زين: ماشي ياستي، اخرجيلها وأنا داخل ألبس بيجامة. هو في حد بيبصلي في أم الجوازة دي.

كارما: ماشي يازين.

وراحت فتحت الباب.

كارما: تعالي ياماما، ادخلي، اتفضلي يا ياسمين.

أم كارما: أخبارك إيه ياقلبي؟

كارما: الحمد لله.

أم كارما: اومال جوزك فين؟

كارما: جوه، لسه جاي حالا من المستشفى.

أم كارما: يا مصيبتي، هو نزل الشغل يوم صبحيته؟

كارما: لا ياماما، ده ادهم، عربية خبطته واحنا طالعين امبارح، وكانت حادثة صعبة جدا.

أم كارما: ياساتر يارب، وهو عامل إيه دلوقتي يابنتي؟ ومقولتولناش ليه؟

كارما: الوقت كان متأخر، وفضلنا في المستشفى للفجر.

أم كارما: طب أنا هنزل أروح المستشفى مع أبوكي نطمن عليه، سلام دلوقتي وهنجيلكوا بكرة.

كارما: ماشي ياماما.

أم كارما: ماشي، سلام.

***

زين خرج: هما فين؟

كارما: راحوا المستشفى لأخوك.

زين: طب كانوا يقعدوا شوية.

كارما: ماما صممت إنها تنزل.

زين: تمام، هو إحنا كنا بنقول إيه قبل ما ماما تخبط؟

كارما: بنقول أنا جعانة.

وطلعت تجري قعدت عالسفرة تاكل.

***

نور: أم سيد، البنت مبتبطلش عياط خالص.

أم سيد: دي جعانة يابنتي.

نور: مش راضية تاخد اللبن الصناعي خالص.

أم سيد: طب وديها لمامتها، هي شكلها عايزة ترضع من مامتها بس.

نور: ماهي قاعدة مع ادهم عشان نفسيته تعبانة.

أم سيد: وديهالها يابنتي بدل ما يحصل ليها حاجة.

نور: انتي شايفه كده؟

أم سيد: آه يابنتي.

***

زين: أنا ماشي ياحبيبتي، رايح لادهم.

كارما: ماشي، هو أنا ممكن أجي معاك؟

زين: طب ماشي، يللا بينا.

***

ادهم لقي جودي نايمة عالكنبة.

ادهم: شكلها منامتش امبارح خالص، جودي، ما صلتش، نامت دي الوقت.

فجأة الباب خبط وكلهم اجوا يطمنوا على ادهم.

أحمد: هي جودي نايمة دي الوقت؟ ما صلتش، عملتها.

نور: أنا هروح اصحيها، جودي، ياجودي، الحق يااحمد، هدومها كلها دم.

زين: هاتوهم أوضة الكشف بتاعتي بسرعة.

ادهم: في إيه مالها؟ وحاول يقوم معرفش.

أحمد شالها وطلع يجري راح أوضة الكشف بتاعة زين.

زين: للأسف، كان فيه حمل ونزل، بس فيه نزيف جامد.

أحمد: طب أنا هحضر العمليات، يللا يا زين.

زين: بس ادهم رفض يخليها تولد عند دكتور راجل، أكيد مش هيرضى إني أعملها تنضيف.

أحمد: يللا يا زين، أختي هتموت، يللا.

***

ادهم: جودي؟ مالها يانور؟

نور: حبيبي، معلش، كانت حامل، بس البيبي نزل.

ادهم: نزل إزاي؟

نور: اللي حصل لك أثر عليها جامد وعلى نفسيتها، فعشان كده ربنا مأردش إن البيبي يجي، وربنا يعوضكم يارب.

ادهم: هو أنا ليه بيحصلي كل ده؟ أنا معملتش حاجة وحشة في حد.

نور: المؤمن مصاب ياحبيبي، جودي إن شاء الله هتبقى كويسة وهيبقى عندكم دسته عيال.

ادهم: طب هي عاملة إيه دلوقتي؟

نور: في العمليات، بتعمل عملية تنضيف.

ادهم: مين بيعمل لها العملية؟

نور: مكنش عندنا حل تاني غير زين أخوك، هو مكنش راضي عشان عارف إنك مبتحبش مراتك تكشف عند دكتور، بس الحالة كانت مستعجلة وكان ممكن يحصلها حاجة لا قدر الله لأن النزيف كان شديد، وأحمد أصر إنه يلحقها.

ادهم: ربنا يستر، أنا مش عايز حاجة غير إنها تقوم بالسلامة، أنا حاسس إني السبب في اللي حصلها، عمري ما هسامح نفسي.

نور: ده قدر ومكتوب ياحبيبي، وعلى فكرة الصبح هتبقى كويسة بإذن الله.

***

زين خرج من العمليات.

أحمد: إيه الأخبار يا زين؟

زين: الحمد لله، النزيف وقف.

أحمد: الحمد لله.

زين: هتحتاج راحة سنتين على الأقل عشان تحمل تاني، الرحم ميشيلش بيبي قبل سنتين، غلط عليه.

أحمد: هي فاقت؟

زين: بيفوقوها جوه.

***

عدى ٦ شهور على أبطالنا.

جودي: يللا يا ادهم، قوم عشان هنبتدي النهاردة نحاول نمشي.

ادهم: صباح الخير ياقلب ادهم.

جودي: صباح النور ياعمري. يللا بقي هسندك أقومك.

ادهم: مفيش وراكي جامعة انهارده وتحلي عن دماغي.

جودي: لا، مفيش ورايا غيرك انت، وعندي ليك مفاجأة.

ادهم: إيه هي؟

جودي: بص كده على نور.

وراحت حطتها على الأرض، بقت بتحبي.

ادهم حاول يقوم عشان يبص عليها: ماشاء الله.

جودي: امبارح لقيتها بتحبي، قولت أوريهالك أما تصحى.

ادهم: عقبال ما تمشي يارب.

جودي: يارب ياحبيبي، بس يللا بينا بقي.

***

عند كارما وزين.

زين: آخر كشف هخلصه ياحبيبتي ونروح سوا.

كارما: ماشي ياحبيبي، سلام.

زين: اتفضلي يا فندم، تحت أمرك.

اللي معاها: معلش يادكتور، هي مبتكلمش، بس هي عملت اختبار حمل وطلع فيه حمل، فجاية تتأكد.

اتنين داخلين لابسين عبايات سودا ونقاب.

زين: طب ممكن تطلعي على السرير نكشف سونار.

طلعت على السرير.

زين: آه، مبروك، فيه حمل، وده صوت نبض الجنين، هو شهرين.

قعدت تعيط بصوت، وفجأة قامت وحضنته.

زين: في إيه يا مدام؟

كارما: مبروك ياحبيبي، حبيت أعملك مفاجأة.

ورفعت النقاب.

زين: كارما، انتي حامل ياحبيبتي؟ أنا هبقى أب؟ يعني اللي على السونار ده ابني؟

كارما حركت دماغها بأيوة وعينيها شلال دموع.

زين: دي أحلى مفاجأة في حياتي، اومال مين اللي معاكي دي؟

كارما: دي الممرضة بتاعتي.

زين: فاكرة أما كنتي بتعيطي، أنا مش هخلف، بقالنا أربع شهور متجوزين، روح اتجوز واحدة تانية؟

كارما: كان نفسي أبقى أم عيالك، مش حبيبتك بس.

زين: ربنا يجبهولنا بالسلامة ياحبيبتي.

كارما: يارب ياحبيبي، يللا بقي نروح عشان جعانة نوم أوي.

زين: بدأنا أعراض الحمل.

كارما: إحنا لسه في أول الطريق.

أحمد: أنا خايفة المرة دي أوي. خلي بالك من العيال والنبي.

متخافيش ياقلبي. مش هيربيهم غيرنا سوا إن شاء الله. ثم إني هدخل معاكي. متخافيش بقي.

جودي: متخافيش يابنتي. اتوكلي على الله وادخلي.

دخلت نور غرفة العمليات لتضع مولدها الجديد.

كارما: خرجت من العمليات وشايلة البيبي. جابت ولد زي القمر.

جودي: هاتيه يا كارما والنبي أشوفه.

محمد: هاتيه يا عمتو. ده بتاعنا.

جودي: لا هاخده أعطيه لنور بنتي تلعب بيه.

جودي: لا ده بتاعنا أنا. هدخل لماما تجيبه منك.

جودي: خدي خلاص. مينفعش تدخلي جوه.

محمد: سيبيه يا جودي. دي نور هتلعبه شوية وتجيبه.

جودي: أنا هموت وأعرف أنتوا لمضين كده لمين.

أحمد: هههههه. لامي. حاكم أمي كانو مسمينها لمضة.

جودي: 😬😬 خفيف.

أدهم: ده أنا شربات.

جودي: طبعًا ياحبيبي. 😜😜

أحمد: نور فوقي.

نور: حمدالله على السلامة.

زين: الحمد لله. فاقت من البنج.

أحمد: حمدالله على السلامة يا نور. جبتلنا بيبي قمر زيك.

نور: اااه بطني يا أحمد.

أحمد: معلش ياحبيبتي.

نور: ولادي فينا.

أحمد: إحنا هنخرج ليهم حالا.

زين: ياللا خارجها يا أحمد على غرفة البيبي هنا.

محمد: مامي مامي. هو البيبي ده بتاعنا.

نور: اااه متهزش السرير يامودي.

أحمد: تعالي ياحبيبي بعيد عن مامي عشان هي تعبانة.

محمد: بابي هو أنا ممكن أشيله.

أحمد: لا ياحبيبي. سيبه هو نايم حرام.

جودي: على فكرة يابابي عمتو هتاخد النونو بتاعنا وتديه لبنتها تلعب بيه.

أدهم: وربنا هي بالظبط. حد قالكوا تسموا نفس الاسم. 🤣🤣🤣

أحمد: لا عندها سنتين ونص. ولمضة الدنيا فيها. أومال أما تكبر شوية هتعمل فينا إيه. 🤣🤣

محمود: البت لعمتها. 🤣🤣

جودي: عجبك كده ياست جودي. الكل بيقول إنك ياأم لسانين. طلعالي بقي أنا لمضة كده.

جودي: معرفش. بس مش هنديكي النونو.

كلهم قعدوا يضحكوا ويهزروا لحد الليل.

زين: ياللا يا نور تروحي ولا الصبح.

نور: لا هروح. مبحبش المستشفيات.

أحمد: طب ياللا بينا.

نروح أبطالنا كل واحد بيته.

كارما: بصراحة منظر نور ميشجعش خالص. أنا خايفة أوي.

زين: هي الولادة مش سهلة. بس بذمتك أما شيلتي عز حسيتي بإيه.

كارما: قلبي كان طاير من مكانه. أنا أصلًا بحب البيبهات أوي.

زين: طب وبالنسبة للكبار إيه الأخبار.

كارما راحت حضنته. وبحب من الكبار واحد بس اسمه زين قلبي.

زين: أيوه بقي. أحبك وأنت فرفوش.

كارما: أنا أصلًا فرفوشة بطبعي. 😜😜

زين: إنتي هتقوليلي طبعًا.

أدهم وجودي.

أدهم: مسامحاني يا جودي.

جودي: مسامحاك في إيه.

أدهم: أنا عارف إني السبب في إن البيبي ينزل. وكان فات ولادتي مع نور.

جودي: سبب في إيه.

أدهم: عشان كنت بزعقلك. وكنت بتعصب عليكي وأنا في المستشفى.

جودي: لو كنت السبب فأنت السبب في الخوف اللي كان جوايا عليك. خوفي عليك أما شوفتك وأنت العربية بتخبطك. خوفي عليك وأنت نايم في السرير مش عارف تتحرك. خوفي عليك إنك متمشيش على رجلك تاني. خوفي على نفسيتك. أنا عمري ما زعلت منك. لو ابنك نزل فده ممكن يكون بسبب الخوف اللي جوايا إنك تبعد عني.

أدهم: وأنا عمري ما هبعد عنك.

جودي: ربنا يخليك ليا. أكتر حاجة مخلياني حابة الدنيا إنك بدأت تمشي على رجليك. أنا مش عايزة حاجة تانية. ولعلمك أنا مكنش في دماغي أجيب ولاد على طول ورا نور. ده البنت كانت أربع شهور.

أدهم: أنا بعشقك يا أحلى ما في في حياتي. وراح حضنه.

نور بتزق في جودي.

نور: أنا أنا.

أدهم: طبعًا إنتي حبيبتي. تعالي حضني بابا.

جودي: هي بقت كده. ماشي يا نور. إنتي وأدهم.

أدهم: نيم البنت وراح ينام جنب جودي. يا حجة نيمتها. إيه نمتي.

جودي: اه. تصبح على خير.

أدهم: وإنتي من أهله. اتخمدي.

أحمد ونور.

أحمد: الولاد نيمتهم في أوضتهم. بس جودي طلعت عين.

نور: هي جودي صعبة شوية. بتطلع عين الواحد على ما تنام.

أحمد: أخبار عز إيه.

نور: نايم في سريره. أما الحق أنام قبل ما يصحى.

بعد ٦ شهور.

كارما: ااااااه. الحقني يا زين.

زين: في إيه يابنتي مالك.

كارما: بطني سكاكين بتقطع فيها. هموت يازين.

زين: شكلك بتولدي. أومال نروح المستشفى يلا.

كارما: بقولك بموت. اااااه. ربنا يسامحك أنت السبب.

زين: سبب مين. مش بمزاجك.

كارما: والله ما أنا مسامحاك. اااااه.

الباب خبط.

جودي: أنت بتعمل إيه. بتضرب مراتك الفجر يا محترم.

كارما: اااااااه بموت.

جودي: دي لسه بتصرخ. 😧😧

أدهم: تعالي هنا. رايحة فين.

جودي: هشوف مالها.

زين: بتولد. كارما عندها طلق.

جودي: طب هي بتصرخ ليه.

زين: يعني عايزها ترقص. مالك يا جودي. أنا داخل أغير هدومي عشان رايحين المستشفى.

أدهم: طب أنا هنزل أسخن العربية عما تنزل. يلا.

جودي: وأنا هغير هدومي وجاية معاك.

زين دخل لكارما.

زين: فضحتيني. يخربيت شيطانك.

كارما: فضحت إيه. أنا همووووووت. 😔😔😔

زين: معلش ياحبيبتي استحملي.

كارما: كلمي ماما وقولها تيجي. اااااه.

زين: ماشي. يلا ننزلك.

كارما: غابت عن الوعي من شدة الألم.

زين شالها ونزل بيها. ركبها العربية وراح على المستشفى.

جودي: أيوه يا نور. إحنا في المستشفى. كارما بتولد. كلمي مامتها.

نور: طب أنا جايه حالا. وهقولها. نخدها واحنا رايحين.

أحمد: في إيه. ده الفجر هيأذن أهو. مين بيكلمك دلوقتي.

نور: كارما بتولد.

مع أول تكبيرة للفجر شرفت على الدنيا الملاك الصغير حور.

زين: مبروك ياحبيبتي. حمدالله على السلامة.

كارما: هاتها يا زين والنبي.

زين: خدي ياقلبي.

كارما: ماشاء الله. يا خلاصي. دي قمر خالص.

زين: إيه ده. دي فتحت عينيها زرقا زيك.

كارما: هي أصلًا كلها مني.

زين: طبعًا قمر ليكي ياقلبي. طب أنا هخرجك بقي من العمليات لأوضة عادية.

كارما: أوك.

كارما خرجت مع زين وهو مسندها. والممرضة شايلة البيبي. وراحت غرفة عادية.

جودي: ماشاء الله. القمر ده. الصراحة ليه حق أن يخلي مامته تصرخ وتفرج علينا العمارة الفجر. 🤣🤣

نور: هي شبهك خالص يا كارما. إيه يا عم زين. كل ده حب. ما هو الواحد لو بيحب مراته أوي البيبي بيطلع شبهها.

زين: أنا مش بحبها. أنا بعشقها. عارفة يا كارما. كل يوم عندي ولادة طبيعي بولد الستات عادي. أول مرة أحس أن قلبي بيتقطع معاكي.

كارما: مانا شوفتك وأنت بتعيط. 🤣🤣 أنا أصرخ وأنت تعيط.

أدهم: فضحتنا. في راجل يعيط. المفروض تزعق الزعقة تقوم والده على طول. 🤣🤣

جودي: فكرتني بفيلم عمر وسلمى. أما السبكي قالها أولدي راحت والده على طول. 🤣🤣

زين: إنتوا هتعملوا عليه حفلة.

كارما: زين من الأول أهو. ولادة طبيعي بعد كده. لا. مش هقدر.

زين: هو إنتي ناويه تعيديها. هي حور وبس.

كارما: لا ياحبيبي. أنا نفسي يبقى عندي أربعة.

زين: ده عند أمك يا أدهم.

أدهم: ما تلم نفسك ياض.

نور: خلاص قررتوا هتسموا إيه.

زين: أه. كارما عجبها الاسم أوي.

نور: بصراحة جميل أوي يا كارما. وفعلا هي حور.

بعد سنتين.

نور: أخيرًا اتخرجنا وهبقى دكتورة قلب زي ما كانت عايزة.

جودي: الحمد لله خلصنا على خير.

نور: أنا هفرح أحمد وأقوله.

جودي: لا تعالي نروح ليه المستشفى ونعملهاله مفاجأة. عشان يشغلنا فيها. أنا أبقى ليه مكتبي. الدكتورة جودي قسم العظام. وإنتي الدكتورة نور دكتور القلب والجهاز الهضمي.

نور: ماشي. يلا بينا.

أحمد: هنا إيه اللي جايبك هنا.

هنا: أنا جايه آخد حقي منك. رميتني في السجن. وخدت المستشفى ليك إنت وأختك. ومضيت بابا على التنازل. خدت كل حاجة. أنا مش ماشيه غير ما آخد حق بابا منك وحقي.

أحمد: نزلي المسدس. عشان كده غلط. ومترجعيش تندمي. أنا رميتك في السجن من الباب للطاق. معملتيش حاجة. إنتي بريئة. مش كنتي عايزة تحرقي قلبي على ولادي.

هنا: عشان دول هما السبب في إنك سبتني. 😔😔

نور: تعالي ندخل نعمله مفاجأة مع بعض من غير ما نخبط. وراحوا فاتحين الباب وداخلين.

هنا: أهلًا. ده كده أحلوت أوي. ☺️☺️

أحمد: إنتوا إيه اللي جابكم. 😣😣

نور: في إيه يا أحمد. هي خرجت إمتى. 😱😱

هنا: أه خرجت من يومين. وكنت جايه أخلص منكم واحد واحد وأهرب. بس القدر رايد إنكم كلكم تروحوا لوكشة واحدة. ☺️☺️

أحمد: حس إنها مش مظبوطة. حس إن أعصابها تعبانة.

أحمد: هان عليكي يا هنا.

هنا: زي ما هنت عليك واتجوزت دي وسبتني. 😔😔

أحمد: ما إحنا ممكن نرجع لبعض عادي. دي حتى نكدية. أما إنتي. لا. إنتي. وراح مقرب عليها وشادد المسدس. وراح لافف إيدها ورا ضهره.

نور بدموع: طب وربنا صدقتك. 😄😄

أحمد: اتصلي بالأمن. مش وقته.

الأمن جاب مسك هنا وكلم البوليس. أجا أخده.

نور: أحمد ده أنت ممثل بارع. مش دكتور.

جودي: أنا شكلي بولد.

نور: يا مصيبتي. كلم زين بسرعة وأدهم.

جودي جابت أحمد على اسم أخوها. وكارما بعدها بسنة جابت إيان.

أحمد ونور.

قرروا إنه نور تروح شغلها يومين في الأسبوع. والباقي لأولادهم. وزين معترضش نور أما قالتله يشاركها في التربية.

أدهم وجودي. حياتهم اتحولت لمشاكل على طول. البنت متعلقة جامد بباباها. ومبتسمعش كلام مامتها. ودماغها ناشفة زيه. أما أحمد فمتعلق بمامته أكتر من باباه.

كارما وزين. قرروا ميخلفوش تاني. قرروا يربوا البنات تربية كويسة. حور وإيان.

الجزء القادم عن الأولاد وهما كبار مشاكلهم حبهم غيرتهم.

نور، أيوه ياماما أنا جهزت وهنزل أهو.

جودي، طب ياللا عشان ولاد خالك تحت بيستنوكي.

نور، طيب أنا جهزت وراحت بايسه مامتها صباح الخير يا ست الكل.

جودي، صباح الفل ياقلب ماما.

نور، أنا نازلالهم حالاً.

جودي، طب مش هتفطري؟

نور، مش هتأخر أما أجي بقي.

نزلتلهم تحت.

جودي، مالسه بدري ياست نور من أولها كده.

نور، معلش بقي راحت عليا نومة.

محمد، طب اركبي ياللا.

محمد، نور المحاضرة بتاعتك بدأت ادخلي واتأسفي للدكتور على التأخير.

نور، ماشي.

جودي، ياللا بينا احنا كمان يامحمد على محاضرتنا.

نور خبطت، أنا آسفة يادكتور على التأخير.

الدكتور، ولا يهمك اتفضلي عشان أول مرة بس بس مفيش تأخير تاني.

نور حركت رأسها، ماشي ودخلت.

بعد المحاضرة ماخلصت نور خرجت تتفرج على الجامعة.

القمر واقف لوحده ليه هو جديد هنا؟

نور، وانت مالك؟

أنا مالي ونص انتي عارفة بتكلمي مين؟

نور، لمي نفسك وابعد أحسنلك.

وان مبعدتش هتعوضني.

محمد، لا هعلم عليك ياخفيف.

وراح عطيله بوكس في وشه.

الولد قام وضرب محمد وفضلوا يضربوا في بعض.

الأمن أجا أخدهم أوضة العميد.

نور بعياط، والله العظيم يادكتور هو اللي.

الولد، هو اللي إيه مش انتي اللي جاية تتمايصي عليه وتقوليلي نتعرف؟

نور، طب وربنا كذاب.

محمد، أقسم بالله كلمة كمان وشوف هعمل فيك إيه.

العميد بزعيق، بس اخرسوا كلكوا جايين عاملينلي بلطجية من أول السنة.

نور، على فكرة هو إنسان مش محترم.

العميد، أنا بقولك اخرسي.

محمد، انت متزعقلهوش انت فاهم ولا لأ؟

العميد، انت بتزعقلي ياولد؟ طب والله لهفصلك ووريني هتكمل إزاي.

الولد، أيوه يا بابا افصله ده مش محترم.

محمد، بابا عشان كده.

طب والله لهوريكوا.

ومسك الموبايل واتصل على أدهم.

أدهم، أيوه يا محمد.

محمد، أيوه يا أنكل تعالي ضروري الجامعة في مشكلة.

العميد، هات التليفون ده وأنا هوريك تتصل وأنا واقف إزاي.

أدهم سمع الكلام ساب شغله وراح الجامعة بسرعة.

في الجامعة.

أدهم، جودي في إيه أخوكي مكلمني وبيقولي تعالي.

جودي، 😭😭😭 واحد عاكس نور ومحمد ضربه وهما في أوضة العميد.

أدهم، طب ونور فين؟

جودي، مع محمد.

أدهم راح جرى غرفة العميد دخل لقى محمد واقف ماسك إيد نور وهي عمالة تعيط.

أدهم، في إيه؟

نور سابت إيد محمد وراحت في حضن بابها.

نور، بابي الولد ده ساق قلت الأدب عليا وهو ومحمد ضربوا بعض والعميد زعقلي عشان الولد ابنه وفصل محمد.

أدهم بعد جودي وراح شد العميد من ياقة القميص.

انت إزاي تعلي صوتك على بنتي.

الولد، سيب بابا ياحيوان.

أدهم، ساب أبوه وراح للولد لطشه بالقلم على وشه.

عيد الكلمة كده تاني.

العميد، انت مين أصلاً؟

أدهم، أنا اللواء أدهم مساعد وزير الداخلية وهوريك قيمتك انت وابنك حالا.

العميد، إحنا آسفين ياباشا والله هو ولد قليل الأدب.

وراح ضارب ابنه بالقلم وقاله اعتذر للباشا ياكلب.

أدهم، زي ما أدبته على بنتي يعتذر لها أحسن له.

الولد، أنا آسف والله معاد هتتكرر تاني آسف يا آنسة نور.

محمد، أبقى أسمعك تجيب اسمها على بقك تاني.

العميد، خلاص بقي يامحمد المسامح كريم يا بني.

محمد، دلوقتي ابنك ماشي.

أدهم، هتعمل إيه هتقبلوا أسفهم ولا.

العميد، ولا إيه خلاص بقي يا آنسة نور.

نور، خلاص يابابي ياللا نروح.

أدهم، ياللا بينا اتفضلوا.

واقفين قدام العربيات.

أدهم، شكراً يامحمد عشان انت بجد راجل والحمد لله إني وافقت إنها تروح نفس الجامعة اللي انتوا فيها.

محمد، دي أختي يا أنكل زيها زي جودي يعني لو كانت جودي مكنتش هسكت الاتنين أخوات.

نور في سرها، بردك يامحمد أختك وأنا اللي فكرتك عملت كده عشان بدأت تحس بيا.

جودي، نور هتركبي معايا واللا هتروحي مع أنكل أدهم؟

نور، بابي انت رايح.

أدهم، أه ياللا تعالي معانا.

نور، طب سلام يا جودي سلام يا محمد.

في بيت نور وأحمد.

نور، وصلتنا يا حبايبي تعالوا حمد الله على السلامة تعالوا اتغدوا.

محمد، أنا طالع آخد شاور.

نور، أول بصتله، يا مصيبتي إيه اللي مبهدلَك كده؟

محمد، مفيش خناقة في الجامعة.

نور، من أول يوم كده ليه؟ محمد مالسنة اللي فاتت مكنش سمعنا لك حس انت واختك.

جودي، مامي حبيبتي سيبيه ياخد شاور وأنا هحكيلك يا مزتي اللي حصل.

نور، مزتي إنتي مش في اللسن ولا في إيه؟

جودي، جرى إيه يا حاجة أنا غلطانة خلاص مش هحكي.

نور، مرة لله في الألفاظ دي تعالي احكي.

أدهم وجودي.

أدهم، حبيبي واقف بيطبخ يا ناس.

جودي، أه ياقلبي أنا بحب أطبخ دكتور دي على جنب أنا في الطبيخ مليش دعوة بالطب خالص.

أدهم، وأنا بعشقك وبعشق أكلك يا جميل.

جودي، هو انت جاي انت ونور ليه مع بعض؟

أدهم، مفيش كان في مشكلة في الجامعة وروحت حلتها خلاص.

جودي، مشكلة إيه؟

أدهم، اتحلت خلاص يا قلب أدهم ياللا بقي أنا هموت من الجوع هدخل آخد شاور تكوني خلصتي.

جودي، ماشي.

وراحت نادهة لنور.

نور، نعم يا ماما.

جودي، انتي كان عندك مشكلة إيه؟

نور، مفيش حاجة يامامي أنا رايحة أغير هدومي سلام.

جودي، أوعي تريّحيني يانور أوعي.

زين، أيوه يابابا أخبارك إيه؟

محمود، والله يا ولدي الصحة شكلها خلاص.

زين، لبعد الشر عنك.

محمود، أنا عايز أشوفكوا كلكوا انت وإخواتك ضروري يا ولدي.

زين، ماشي يابابا عايزنا امتى يا حاج؟

محمود، بكرة ياريت يا ولدي.

زين، هقفل معاك وهتصل بيهم عشان نجيلك بكرة.

محمود، ماشي يا ولدي خبرهم إني عايزهم ضروري.

زين، ماشي يابابا سلام.

جودي، نور روحي باتي مع جودي ومحمد وأحمد ولاد خالك انتي وأحمد وأنا هروح مع أبوكي البلد.

نور، ماشي ياماما هتقعدوا هناك كتير؟

جودي، هنطمن على جدك ونيجي عالطول يومين تلاتة بالكتير.

نور، ماشي ياماما هجهز شنطتي حالا.

جودي، أنا فرحانة أوي إنك هتباتي معانا يانور.

نور، وأنا والله ياللا بقي عايزة أحط حاجتي في الدولاب.

أحمد، جودي طلعي نور أوضة مامتها لسه زي ما هي.

نور، بدباديبها.

أحمد، اممم.

نور، هي كانت بتنام إزاي مكنتش بتخاف منهم؟

أحمد، دول كانوا أصحابها جودي طول عمرها كانت بتحبهم.

نور، اتخلت عنهم ببابا.

أحمد، اسكتي عشان وراك.

نور، بجد؟

وبتبص وراها.

أدهم، في إيه؟

نور، بابي حبيبي.

أحمد، بنتك بكاشة أوي.

أدهم، لعمتها. كل واحدة اتسمت على اسم واحدة أخدت طباعها.

أحمد، ربنا يخليهم لنا كلهم.

أدهم، يارب. عارفة إنك هتوحشيني أوي يانور عينيا.

أحمد، أه ماهي نور هتوحشك وأنا لأ.

أدهم، لا والله ليه بتقول كده أنا هسيبلك مسؤولية أختك انت راجلها.

أحمد، ماشي يابابا متخافش هربيها لك من أول وجديد.

أدهم، لا مش عايز تربيتك خالص خليك في حالك الله يخليك.

نور، معادش إلا العيال هتربيني؟

أحمد، سامع يابابا.

أدهم،. اسمعوا كلام بعض بس ومتزعلوش بعض أنا همشي عشان أروح أجيب ماما وتسافر ياللا يا حبايبي خلوا بالكم من بعض.

نور وأحمد، ماشي يابابا.

أدهم، لا إله إلا الله.

نور وأحمد، محمد رسول الله.

الكل سافر للحج محمود بليل عشان الصبح يكونوا وصلوا.

نور، جودي أنا جعانة تيجي ناكل إندومي.

جودي، مسمعتكيش ماما كانت علقتك.

نور، طب أنا هنزل أبعت البواب ونعمل ليه أعملك معايا؟

جودي، ياريت.

نور، طب أنا نازلة أجيب وأعمله وهطلعلك.

جودي، اعمليلي شوربة كتير عشان بعشقه.

نور، أوك.

نور جابت الإندومي ودخلت تعمله في المطبخ.

محمد نازل المطبخ يشرب.

نور، انتي بتعملي إيه؟

نور، بببببع.

محمد، هو إيه اللي ببببببببببببببع؟

نور، بعمل إندومي.

محمد، من غيري أخص عليكي هتاكلي كل ده لوحدك؟

نور، لا أنا وجودي.

محمد، فكك من جودي أنا ناكل معاكي وأروح أجيب لجودي.

نور، ماشي.

محمد، أنا ممكن أساعدك.

نور، لا اقعد انت بس على الترابيزة وأنا هجبلك.

محمد قعد يستنى الإندومي.

نور، أهو اتفضل.

محمد، اقعدي كلي معايا.

نور، أنا عملت لجودي هطلع لها الطبق ده عشان متزعلش.

محمد، شدها، مش أنا قولت هروح أجيب لها؟

نور، ااااه أيدي.

الطبق الشوربة اتكب على إيده.

محمد، أنا آسف والله تعالي اقعدي هجبلك كريم حروق ثواني.

نور حركت دماغها بماشي وقعدت.

محمد جاب الكريم، افردي إيدك كده.

ونزل قعد على ركبته يدهن الكريم.

فجأة دمعة نزلت على إيده.

محمد، طب بتعيطي ليه؟

نور، بتوجعني.

محمد، طب تعالي نروح المستشفى بسرعة.

نور، لا مش هروح.

محمد، لا ياللا عشان كده غلط.

راحت ركبت معاه العربية.

نور، براحة يامحمد عشان خاطري براحة والله قلبي هيقف بتجري ليه هنعمل حادثة.

محمد، عشان نوصل.

نور، أنا كويسة والله خلاص.

محمد، أومال بتعيطي ليه دلوقتي؟

نور، عشان خايفة والله.

محمد وقف مرة واحدة.

يعني بقيتي كويسة؟

نور، أه.

محمد، يعني نروح؟

نور، لا استني في بتاع حمص شام أنا عايزه والنبي.

محمد، طب متنزليش انتي لابسة بيجامة.

نور، أووف ده أنا مغيرتش هدومي.

محمد، هجيبلك اهو وأجيلك.

نور، محمد والنبي اقف شوية على الكورنيش.

محمد، شكلنا هيبقى وحش بملابس البيت.

نور، لا محدش يعرفنا ياللا.

محمد، أمرى لله.

انزلي.

وقفوا على الكورنيش يشربوا حمص الشام سوا.

نور، الدنيا شكلها هتمطر.

محمد، طب ياللا نمشي.

نور، نفسي أمشي مرة تحت المطر مامي مكنتش بترضى.

محمد، انتي مجنونة؟

نور، مانا عارفة.

أووه مطرت وقعدت تدور تحت المطر لحد ما دوخت.

محمد، راح يمسكها عشان متقعش راح واقعة في حضنه.

نور، متسبنيش يا محمد هقع.

محمد تااه في حضنها معقول دي نور اللي كنت بحس عالطول إنها أختي أنا ليه حاسس إني عايز أدخلها جوه قلبي أنا فعلاً مش عايز أسيبها.

نور، محمد خلاص معنتش دايخة.

محمد، بيحضنها جامد.

نور، محمد الدنيا بتشتي جامد هنبردم.

محمد، أنا آسف ياللا.

ومسك إيدها وجروا على العربية.

نور حست إنه بدأ يحس بيها وبعدين قالت لنفسها أكيد بردك بيحبني زي أخته.

محمد، في إيه؟ متردي عليها خايفة ليه؟

نور، هتعرف إني نزلت وهتقلق عليهم.

محمد، طب ردي عليها طمنيني.

نور، أرد إزاي وصوت العربيات؟ يا محمد، هتعرف تمشي بسرعة؟

محمد، طب ما انتي بتخافي من السرعة.

نور، مش هخاف، أجري.

محمد، طب اه.

نور، خلاص أنا رجعت في كلامي، براحة والنبي.

محمد، انتي جبانة كده ليه؟

نور، أنا مش جبانة بس بخاف من السرعة الزايدة، والنبي بطّأ.

محمد، خلاص وصلنا، انزلي يا جبانة.

نور، شكلنا هناخد دور برد في التمام.

محمد، ربنا يستر. بس أقولك على حاجة؟

نور، إيه؟

محمد، انتي مجنونة.

نور، شكراً.

محمد، خلاص، متزعليش بقى.

نور، ومين قالك إني زعلت؟ انت أخويا، ومفيش واحدة بتزعل من أخوها.

محمد، (في سره) والله كنت حاسس إنها معتبراني أخوها.

نور، (في سرها) أنا هحاول محسسكش إني بحبك عشان انت شايفني زي جودي.

محمد، يلا يا حاجة، واقفة سرحانة ليه؟

نور، هااا، بتقول حاجة؟

محمد، اللي أخد عقلك، اطلعي كلمي مامتك.

نور، ماشي.

نور، أيوه يا مامي.

جودي، مبترديش ليه يا زفتة، قلقتيني عليكي.

نور، متقلقيش يا مامي، أنا مش صغيرة.

جودي، أخوكي كويس؟

نور، اه، كلمتيه؟

جودي، لا، مبيردش، والله قلبي هيقف منكم.

نور، سلامة قلبك يا جودي هانم.

جودي، أيوه يا بكاشة، اضحكي عليه.

نور، أنا أقدر ده، انتي الحتة اللي جوة.

جودي، ماشي يا بكاشة، سلام.

نور، سلام يا حبي.

جودي، نور، كنتي فين؟

نور، ككك.

محمد، كانت بتعمل إندومي، أيدها اتحرقت، أهداها أوديها المستشفى، مردتش.

جودي، هو انتي متعرفيش تعملي حاجة لوحدك؟

نور، لا أعرف، بس في ناس ربنا يسامحها كانت السبب في إيدي يحصلها.

جودي، انتي بتعطسي؟ انتي عيانة؟

محمد، أخدتي برد، اطلعي غيري بسرعة.

نور، ماشى.

محمد، اعمليلها حاجة سخنة يا جودي عشان تخف.

جودي، ماشي.

بالليل والكل نايم.

جودي، محمد، الحقني، نور سخنة مولعة.

محمد، طب روحي لها، اعمليلها كمادات وأنا جايلك حالاً.

جودي عملت الكمادات لنور وفردت لها شعرها على المخده.

محمد، الحرارة نزلت يا جودي؟

جودي، لا.

محمد، طب أنا ممكن أدخل أشوفها.

جودي، ادخل، ما إحنا كلنا أخوات.

محمد دخل، نور فوقي يا نور.

نور بدأت تخرف من شدة السخنية.

نور، أنا مش أختك يا محمد، أنا.

جودي، طنط كارما في فيلت مامتها، أنا هكلمها تيجي تشوفها.

محمد، طب انزلي كلميها.

جودي، ماشي، بس خليك معاها عما أجي.

محمد، ماشي.

نور، الله يا مامي، سبيني أحضن بابي، أنا بحبه هو ومحمد.

محمد واقف مزهول.

محمد، بتحبيني يا نور؟

نور، أه بحبك، بس مش زي أخويا، فاهم؟ بحبكم.

محمد، طب خلاص، فوقي، طنط كارما جاية وهنتفضح، أعمل إيه بس فيكي.

جودي، الو، أيوه يا طنط كارما.

كارما، خير يا جودي؟

جودي، نور سخنة أوي وبتخرف، ممكن تيجي تشوفيها؟

كارما، ماشي يا حبيبتي، أنا جايه حالاً.

محمد قعد على الكرسي جنب نور وفضل يعمل كمادات ليها ويملس بإيده على شعرها.

محمد، أول مرة أشوف شعرك مفرود، ده انتي بجد قمر من غير الطرحة. أنا حاسس إني حبيتك، ويا رب تكوني بتحبيني، ميكونش تخاريف بس.

جودي دخلت.

جودي، طنط كارما جاية حالاً.

محمد، هو في حد يدخل على حد كده؟

جودي، محمد، نور محجبة، انت بردك مينفعش تشوفها بشعرها. أنا إزاي نسيت، اديني أخدت ذنب إنك شفت شعرها. وثم انك بتحسس على شعرها ليه؟

محمد، كانت بتخرف، كنت بحاول أهديها تنام.

جودي، اطلع بره يا محمد، اطلع بره.

كارما وصلت.

كارما، إيه الأخبار يا ولاد؟ نور عاملة إيه؟

جودي، اهي يا طنط.

كارما، فعلاً الحرارة عالية، أنا عايزة ميه فاترة وتقعد فيها عشان الحرارة تنزل.

جودي، تمام، أنا عملت البانيو.

كارما، محمد، انده لأخوها يشيلها ينزلها في الميه معانا.

محمد، ماشي.

أحمد، والله ما قادر حد يشيلها معايا، جسمها سايب خالص.

محمد، حاسبوا كده. وراح شالها ودخل ينزلها الميه.

بعد ما حطها في الميه.

محمد، فوقي بقي يا نور، فوقي.

كارما، خليكي معاها يا جودي عما الحرارة تنزل.

كلهم وصلوا قصر الحاج محمود.

نور، بابا حبيبي، وحشتني.

محمود، فين الولاد؟

أدهم، سيبناهم هناك عشان الجامع.

محمود، كان نفسي أشوفهم.

نور، طب ما تيجي معانا يا بابا، مصر تعيش معانا.

محمود، لا، أنا هموت على سرير أمك، وأنا حاسس إني قربت خلاص.

جودي، بعد الشر عنك يا عم.

محمود، الموت عمره ما كان شر.

نور، أنا أعيش إزاي من بعدكم؟

محمود، عندك أولادك وجوزك وإخواتك. الحمد لله إن العيلة اتجمعت بيكم يا ولاد أخوي.

جودي وأحمد، حسك في الدنيا يا عم.

محمود، ربنا يحفظكم يا ولاد أخوي.

زين، بابا، الدكتور قالك إيه؟

محمود، سيبك من الدكتور، دي الوقية. أومال مراتك فين؟

زين، كارما، البنات صغيرين وخافت تسيبهم لوحديهم.

محمود، ربنا يبارك لك فيهم يا ولدي.

زين، تسلم يا حاج.

محمود، أنا جمعتكم النهارده عشان أوزع الورث. أنا أبويا كتب كل حاجة باسمي، ومرضاش يعطي حاجة لأخوي محمد عشان اتجوز من مصر، ومتجوز زينب بنت عمه. وأنا طاوعته. أخوي عمره ما طلب مني جنيه من ورثه، اشتغل وتعب لحد ما بقى أشهر دكتور في مصر. بس إني عايز أقابل وجه كريم وأنا مش أجيت على حق ولاده. أنا هعطيكم حقكم على داير مليم، وسامحوني يا ولاد أخوي.

جودي، بابا مطلبش حقه.

إحنا هنطلب.

أحمد، دي حاجة أبويا كان مسامح فيها، إحنا مش عايزينها.

محمود، لو بتحبوني هتجبلو فلوس أبوكم، واللا إيه يا نور انتي وأدهم؟

أدهم، اللي شايفه صح يا بوي.

زين، انت حر يا بوي.

نور، اللي انت شايفه يا بابا.

محمود، الحمد لله، ولادي ولاد حلال.

محمد، جودي هي نور عامله ايه انهارده؟

نور، بقت كويسه الحمد لله السخنيه راحت. طنط كارما طول الليل قاعده بيها.

عز، مرات خالك المزه كانت هناك.

كارما خرجت من الأوضة وسمعت عز، 😄😄

كارما، لسه موجودة يازيزو.

عز، بإحراج، أنا آسف والله يا طنط بس انتي فعلا مزة.

محمد، ماتلم نفسك ياعز عيب 🤧🤧 كده خالك لو سمعك هيعلقك.

عز، ملكش دعوة طنط كارما صحبتي ومبتزعلش مني صح يا طنط؟

كارما، أنا أقدر أزعل منكم.

محمد، طنط هي نور عاملة ايه؟🤧🤧

كارما، بقت كويسة بس هي عندها دور برد جامد.

محمد، 🤧🤧

كارما، على فكرة انت كمان تعبان، خد من العلاج اللي جبتهولها عشان متزدش في التعب.

عز، ولو في حقن عادي يا طنط اعطيهملي.

محمد، تصدق إنك رخم.

كارما، لا مفيش حقن ياعز.😄😄

جودي، مامي بترن عليا.

نور، أيوه يا جودي أخباركم ايه؟

جودي، كويسين والله يا مامي.

(محمد عطس)

نور، هو مين اللي بيعطس ده؟

جودي، ده محمد أخد دور برد.

نور، طب هاتيه ياحبيبتي أطمن عليه.

جودي، خد مامي عايزة محمد.

محمد، الو أيوه يا مامي.

نور، مالك ياحبيبي؟

محمد، مفيش تعبان شوية بس طنط كارما جايبالي علاج هاخد منه.

نور، سلامتك ياحبيبي، البس تقيل واشرب حاجات سخنة.

جودي، نور هو انتي بتكلمي مين؟

نور، محمد ابني.

جودي، طب هاتيه كده عشان ولادي مبيردوش.

محمد، الو أيوه يا عمتو.🤧🤧

جودي، ازيك ياحبيبي عامل ايه؟ شكلك عندك برد.

محمد، اه تعبان شوية.

جودي، سلامتك يا قلبي.

محمد، الله يسلمك ياعمتو.

جودي، هي نور جنبك أنا عايزة أكلمها.

محمد، ثواني هجبهالك.

محمد راح خبط على باب نور.

نور واقفه قدام المراية بتسرح شعرها.

محمد، ادخلي يا عمتو.🤧🤧

محمد دخل لقاها واقفه تسرح في شعرها فضل واقف سرحان في طوله وجماله.

نور بتدور، في ايه يا بنتي؟

محمد، أي عمتو عايزكي.🤧🤧

نور، هو انت تعبان؟🤧🤧

محمد، ربنا يسامح المجنونة اللي كانت السبب.😤🤧

نور، طب أنا مجنونة طاوعتني ليه؟

محمد، عشان مش بحب أزعلك.

نور، لية؟

محمد، اه بالحق فكرتيني الكلام اللي كنتي بتقوليه 🤧🤧 وانتي سخنة ده بجد؟

نور، أنا قولت ايه؟😧😧

محمد، قولتي إنك بـ... مفيش خدي كلمي مامتك على الخط.

نور، يالهوي يعني سمعتنا وعرفتي إنها خرجت؟😣😣

محمد، كلمي مامتك على الخط أنا عامل كتم للصوت.

نور، طب الحمد لله كويسة.

محمد، أنا خارج وابقي هاتيلي تليفوني.

نور، اوكي. الو أيوه مامي.

جودي، مبترديش ليه وقافلة تليفونك من الصبح.

نور، موبايلي فاصل شحن.

جودي، طب والزفت أخوكي؟

نور، هتلاقيه بيلعب مع عز بلايستيشن وسايب الموبايل.

جودي، هو مال صوتك؟

نور، مفيش يا مامي دور برد.

جودي، طب أخدتي دوا؟

نور، طنط كارما كانت هنا بتطمن علينا وجابتلي علاج.

جودي، والله كتر خيرها. ماشي خلي بالك على أخوكي.

نور، ماشي يا مامي.

جودي، باي.

(وقفلت)

نور مسكت الموبايل وقعدت تتفرج على صور محمد.

يخربيت طعامتك بجد والله أنا ليه حق أعشقك. أما أفتح الرسايل أشوف بتكلم مين؟ واللا أقولك لا عشان حرام. لا أنا هفتح، سامحني يارب. إيه ده يا محمد أنت بتكلم بنات وأنا اللي مفكراك بدأت تحبني؟ هو أه بيحبني بيحبني زي جودي بس أما كان حضني كان بيحضني جامد حسيت إن عضمي هيتكسر. ليكون مفكرني زي البنات دي. أنا اللي غلطانة أنا لازم أبعد عنه بس أنا بحبه. أعمل إيه يارب.

خرجت راحت لغرفته وخبطت.

محمد، مين؟🤧🤧

نور، أنا نور جيبالك الموبايل.

محمد، ادخلي مش قادر أقوم.🤧🤧

نور فتحت وهي خايفة منه بسبب الرسايل اللي على الموبايل بتاعه.

نور، محمد الموبايل أهو.

وبتبص عليه لقت وشه أحمر من شدة السخونة.

محمد، اندهيلي جودي عشان تعبان أوي.

نور راحت حطت إيدها على جبينه، ده انت سخن نار. أنا هكلم جودي تجيلك حالا.

،،،،،،

نور، جودي سيبي الأكل وتعالي بسرعة.

جودي، في إيه؟

نور، محمد سخن نار.

جودي، طب هاتي العلاج اللي طنط كارما جبتهولك بسرعة عما أعمله كمادات.

نور، ماشي.

(وراحت جري تجيب العلاج)

،،،،،،

جودي، محمد انت لسه تعبان؟

محمد، انتي شايفة إيه؟

جودي، اه فعلاً ده انت متدمر. استني هحطلك الكمادات حالا والحرارة هتنزل إن شاء الله.

محمد، اااه عضمي بيتكسر.

جودي، هو انت ونور عييتوا مع بعض ليه؟

محمد، المجنونة كان نفسها تجري تحت الماية بتاعة الشتا.

جودي، نور قالت إنها نفسها تعمل كده مع الإنسان اللي هتحس إنها بتحبه بجد ويفضلوا يدوروا تحت المطرة مع بعض. معني كده إنها...

محمد، مأ قصدهاش. ماتكبريش الموضوع في دماغك. نور معزتها في قلبي زيك بالظبط وهو قال كده عشان محدش ياخد باله إنه بيحبه.

نور داخلة بالعلاج وسمعت كلام محمد قالت لنفسها، مش قولت إنه بيحبني زي جودي.

نور، إخباره إيه يا جودي؟

جودي، لسه السخونيه منزلتش. شكله لازم يقعد في البانيو زيك عشان الحرارة تنزل.

نور، هو أنا قعدت في البانيو؟

جودي، اه محمد شالك وحطك في البانيو وأنا غيرتلك هدومك أنا وطنط كارما لأنك كنتي بتخرفي جامد.

نور بإحراج، كنت بقول إيه؟

جودي، أنا فاكرة. بصي هنزل أكلم طنط كارما تيجي تشوفه عشان ميحصلوش حاجة.

نور، ماشي وأنا هفضل جنبه بالكمادات.

جودي، ماشي.

نور فضلت سرحانة في محمد وجمال ملامحه.

فجأة افتكرت كلامه إنه كان قالها إنها كانت بتقول حاجة وهي بتخرف.

نور، محمد.

محمد، إيه؟

نور، هو أنا كنت بقول إيه وأنا سخن؟

محمد، ليه ااااه عضمي.

نور، قول بقي والنبي كنت بقول إيه؟

محمد، كنتي بتقولي إنك بتحبي حد.

نور، 😧😧 قولت اسمهم؟

محمد، متخافيش مش هقول لحد.

نور، قول بس أنا قولت اسمهم؟

محمد، لا مقولتليش.

نور، احلف.

محمد، لا مش هحلف.

نور، لية؟

محمد، عشان أنا كمان بحبك.

نور، 😧😧 انت السخونيه مأثره جامد.

جودي دخلت، طنط كارما جايه حالا.

نور، اممم طيب تعالي اقعدي وأنا رايحة أوضتي.

محمد مسك أيدها، وهتسبيني؟

جودي، 😄😄😄

نور اتحرجت، لا بس سيب إيدي بس.

جودي، معلش أصلكوا زي اللي أخوات. 🤣🤣 لا عمرك ما مسكت إيدي كده يابتاع أختي. 😉😉

نور بإحراج، أنا رايحة أوضتي عن إذنكم.

محمد، أحرجتيها.

جودي، أنا بردك ولا سيادتك؟

محمد، سكتي بقي عشان مش فايقلك.

جودي، أنا نازلة أشوف طنط كارما فاتها اجت.

،،،،،،

في البلد.

نور، بابا شكله مش عاجبني يا أحمد أنا خايفة عليه أوي.

أحمد، وأنا بردك شكله تعبان أوي.

نور، خايفة يسيبني أوي يا أحمد.😭😭

أحمد، بصي تعالي ناخده معانا نطمن عليه عند دكتور كبير صاحبي دكتور مسالك بولية شاطر. اكيد باذن الله هيبقي كويس.

نور، يارب بس يرضي يجي معانا.

أحمد، خلاص المحامي كتب كل حاجة وباباكي رجع نصيب بابا ليه أنا واختي. اكيد معدش وراه حاجة ويرضي يجي معانا.

نور، خلاص أنا هروح أعرض عليه لو وافق ناخده معانا واحنا مسافرين بكرة.

أحمد، ماشي ياحبي. روحي عما أخلص بس كام حاجة بعملها على اللاب.

نور،. ماشي ياحبيبي.

،،،،،،

نور، بابا حبيبي عامل إيه؟

محمود،. بخير والله يا بتي طول مانتي بخير.

نور، أنا هطلب منك طلب بس والنبي ماترفض.

محمود، جولي يابت.

نور، أحمد عارف دكتور كويس ممكن ياخدك ليه وهو يطمنا عليك يا حبيبي.

محمود، خلاص ماشي يابتي هاجي معاك.

نور، أنا مكنتش مصدقة أحمد أما قالي إنك هتوافق. أحمد بقي بيفهمك أكتر مني.

محمود، مش ولد أخوي.

نور، ماشي ياحبيبي أنا محضرة شنطتك عشان تيجي معانا بكرة.

،،،،،،

في القاهرة.

كارما، محمد لازم تاخد الحقنة دي ضروري.

عز، أيوه بقي صح كده مش أنا قولت لازم حقنة كان لازم كده من الأول.

محمد لقوا بالمخده، اطلع بره ياحيوان.

عز، يرضيكي كده يا طنط بقي عشان خايف عليه؟

كارما، 😄😄 اه يامحمد أخوك وخايف عليك. يللا بره بقي ياعز عشان أديله الحقنة.

عز، لا أنا عايز أتفرج.

محمد، اطلع بره ياحيوان.

عز، ماشي يا كبير.

كارما، 😄😄 أخوك ده مشكلة.

محمد،. ربنا يهديه.

،،،،،،

جودي، نور افتحين.

نور، نعم يا جودي.😭😭

جودي، بتعيطي ليه بس؟

نور، مفيش حاجة. كنتي عايزة حاجة؟

جودي، مالك يانور قولي بس في إيه؟

نور، مفيش مامي وبابي وحشوني.

جودي، هو انتي بتحبيه أوي كده؟

نور، هو مين؟

جودي، اللي بتعيطي عشانه.

نور، أنا مش عارفه أصدقه. عارفة كاتب لكام واحدة إنه بيحبها في رسايل وكام واحدة كتباله بحبك وحشتيني.

جودي، وانتي عرفتي منين؟

نور، مفيش عرفت وخلاص.

جودي، طب بصي سيبي الموضوع ده عليا وروقي. يللا تعالي نتعشى سوا في أوضتي.

نور، لا مليش نفس.

جودي، ده أنا عاملة إندومي.

نور، يللا بينا.😉😉

جودي، والله انتي مسخرة.😄

محمد، جودي هي نور فينجودي، راحة الجامعة عندها محاضرة.

محمد، طب مقلتليش ليه عشان أوصلها؟

جودي، فاتها جاية يامودي خلاص متقلقيش يا بيضا.

محمد، ماتكلمي حلو.

جودي، مانا بتكلم حلو اهو، الله!

محمد، الباب بيخبط شكلها جت.

جودي، دي مامي، مامي جت يامحمد.

نور، تعالي يابابا اتفضل.

جودي، جدو حبيبي، أخيرا جيت ياجدو.

محمود، عاملة ايه يا جلبي جدك؟

جودي، كويسة والله، تعالي اقعد ياجدو.

كلهم دخلوا الفيلا.

جودي، هي نور وأحمد فين يا جوجو؟

جوجو، أحمد راح المدرسة، طنط كارما أخدته توديه مع أيان ونور في الجامعة عندها محاضرة النهارده.

نور، مين بيجيب في سيرتي؟ أكيد مامي حبيبتي، حمد لله على السلامة. جدو حبيبي وحشني أوي ياجدو والله.

راحت حضناهم.

محمد نزل، حمد لله على السلامة يا ماما، ازيك ياجدو.

محمود، محمد كبرت وبقيت راجل.

محمد، تسلم ياجدو، أنا هطلب غدا دليفري يجي بسرعة.

قعدوا كلهم يتغدوا ويضحكوا.

زين، كارما وحشتيني أوي أنتي والبنات، أول مرة أبعد عنك كده.

كارما، وآخر مرة، أنا بعد كده رجلي على رجلك.

زين، أنتي مقصرتيش رقبتي في غياب أخواتي، كنتي بتراعي ولادهم.

كارما، عيب ياحبيبي دول ولادي بردك.

زين، عارفة النظرة في عنيكي دنيا، أنا بتوه جواها حتى بعد مرور السنين دي كلها على جوازنا.

كارما، تعرف أنا اللي كنت تايهة من غيرك بجد، متسبنيش وتسافر، أي كان يا حبيبي.

زين، أنا عمري ماهسيبك تاني، هاخدك معايا حتى أواخر الدنيا.

***

أحمد، نور أنا كلمت الدكتور وقالي نبعتله عمي بكرة.

نور، تسلم ياحبيبي يارب، بس يكون خير.

أحمد، متقلقيش خير باذن الله.

نور، يارب يا أحمد، تعرف سريري كان وحشني أوي.

أحمد، سريرك بس مفيش حاجة تانية؟

نور، لا في، ولادي كانوا وحشني بردك.

أحمد، طب نامي يا نور نامي.

نور، ماشي ياحبيبي، تصبح على خير.

***

تحت في الجنينة بتاعة الفيلا.

محمد، نور أنتي مقولتليش ليه أنك رايحة الجامعة؟

نور، عادي، مجاش في بالي.

محمد، هو إيه اللي مجاش في بالك؟ أنتي المفروض قاعدة هنا مسؤولة مني لحد ما باباك ومامتك يجوا.

نور، وأهم أجو خلاص بقي يامحمد، خلصنا.

محمد، هو إيه اللي خلصنا؟

نور، محمد أنا مش فايقالك، الله يسترك.

محمد، أنا آسف ياستي، ولو اتكلمت معاكي تاني أبقي تفي في وشي.

نور راحت جرى وراه، أنا آسف.

محمد، ماشي، عن إذنك.

نور، والله آسفة، بس أنا تعبانة بجد بسبب الرسايل اللي على موبايلك.

محمد، رسايل إيه؟

نور، أنا فتحت الرسايل اللي بينك وبين بنات كتير، وبجد مكنتش أتصور أنك كده.

محمد، وبتفتحيهم ليه؟ أنا أذنتلك؟

نور، أنا آسفة، عن إذنك.

محمد، ردي عليا، فتحتيهم ليه؟

نور، عشان كنت فاكرة حاجة، بس اتأكدت أنها وهم زي باقي الحاجات اللي في الرسايل.

محمد، أنا فعلاً كنت بتسلى، بس والله من ساعة ما حسيت بشعور غريب وأنا معاكي، والله طنشتهم.

نور، اممم.

محمد، قولي بقي إيه هي الحاجة اللي كنتي بتأكدي منها في الرسايل؟

نور، مفيش، عن إذنك بقي.

محمد، يعني بتحبيني يانور؟

نور وشها أحمر، مامي بتنده، أنا رايحالها.

محمد شدها من أيدها، محدش بينده، قولي بقي.

نور، أقول إيه؟

محمد، بتحبيني زي ما بحبك.

نور، طب سيبني وأنا أقولك.

محمد، أهو، قولي بقي.

نور سابته ودخلت الفيلا جرى.

أدهم، في إيه يابنتي بتجري ليه كده؟

نور، بابي، أنت جيت؟

راحت حضناه جامد، مجتش معاهم ليه؟ جيت متأخر.

أدهم، روحت الشغل أخلص أوراق مهمة وجيت.

نور، تعرف أنك وحشني حبة منار أاااااد كده.

أدهم، والله أنتي أكتر يا جلبي بابا، هي ماما فين؟

نور، طلعت تنام فوق، اتغديت يابابي؟

أدهم، لسه والله.

نور، طب تعالي أغديك، اقعد يا حبيبي وأنا هجبلك الأكل حالا.

محمد واقف وشاف حوارهم، هي إيه البت دي؟ أنا مستحيل أشوف الرقة والجمال ده تاني، كنتي قدامي الوقت ده كله ولسه أخد بالي منك، أنا بعشقك يانور.

***

صباح تاني يوم.

محمد، اركبوا يا أساتذة ياللا عشان نلحق الجامعة.

جودي، ماشي، بسرعة يا سواق.

محمد، ماشي يا هانم.

نور، والله أنتو مسخرة انتو الاتنين.

محمد، مضطر استحملكم انتوا الاتنين، واحدة لمضة وواحدة مجنونة.

جودي، يلا يامجنونة.

نور، شكرا يامحمد.

محمد، العفو يا جلبي محمد.

جودي، ياسيدي ياسيدي، جلبي من أولها، يارب ارزقني بواحد يقولي يا فشتي.

حتى نور اتحرجت وسكتت وفضلت باصة من شباك العربية تداري إحراجها.

بعد شوية.

محمد، يلا وصلنا، انزلوا ياللا وأنا هروح أركن العربية.

جودي ونور، ماشي.

***

نور دخلت محاضرتها، وجودي ومحمد راحوا محاضرتهم.

بعد انتهاء المحاضرة.

الدكتور، محمد ممكن كلمة بعد إذنك.

محمد، تحت أمرك.

الدكتور، أنا بصراحة معجب بجودي أختك وعايز أخطبها، فكنت بسألك أول هي مخطوبة؟

محمد، لا.

الدكتور، أنا حسام معيد هنا، ووالدي الدكتور منصور، فلو أمكن نقابل والدك.

محمد، تمام، أنا هكلم والدي وأرد عليك.

الدكتور، يكون ليه الشرف إني أتشرف بيكم.

محمد، طب عن إذنك عشان ألحق أوصل أخواتي.

الدكتور، ماشي.

***

جودي، هو الدكتور عايز منك إيه؟

محمد، مفيش، عايز يخطبك.

جودي، ده بجد؟ ده لو حصل البنات هيكلوني، دول بيفضلوا قاعدين يسبولهم.

محمد، بصي يا أختي، أهو اختارك انتي.

جودي، بجد أنا مش مصدقة.

محمد، طب اعملي حاجة من حاجات البنات واتكسفي.

نور.

محمد، أعرف واحدة كل ما أكلمها وشها يحمر.

جودي، عارفاها.

نور.

محمد، أهي كشرت أهي.

***

محمد، بابا في حاجة حصلت وعايز أقولك عليها.

أحمد، خير ياحبيبي.

محمد، المعيد بتاعنا ندهلي وطلب أنه يقابلك عايز يخطب جودي.

أحمد، والله؟ طب هو مين بالظبط؟ وأنا أسأل عليه أول قبل ما يدخل البيت.

محمد، هو باباه الدكتور منصور الزياني، دكتور أسنان.

أحمد، اه عرفه طبعاً، ده دكتور محترم. طب أنت إيه رأيك فيه؟

محمد، هو محترم جداً وخلوق ومبيشتمش زي دكاترة كتير وهادي كده.

أحمد، طب رأي أختك إيه؟

محمد، دي هتتجنن من ساعة ما عرفت.

أحمد، خلاص ياحبيبي، قوله ييجي يوم الجمعة يشرفنا.

محمد، خلاص ماشي يابابا.

أحمد، هو إيه صوت الزعيق ده؟

عز، بابا أنا مش هنام في أوضة مع حد، الأستاذ أحمد بياخد السرير كله.

نور، في إيه ياعز؟ إيه الزعيق ده؟

عز، بقولك إيه أنا مش هنام تاني جنب حد، خلي أحمد ينام جنب محمد، اهو محمد أوضته كبيرة.

محمد، محدش ليه دعوة بمحمد.

نور، عيب يا عز، أحمد ضيف، كلها يومين ويروحوا، وأخوكي محمد أنت عارف مبيحبش حد ينام جنبه.

عز، والله لو نمت جنب اللي اسمه أحمد ده لهوقعه أكسره من على السرير.

أحمد، عيب كده، عمتك لو سمعتك هتزعل.

نور، خلاص تعالي نام جنبي.

عز، ماشيا.

أحمد، جنب مين؟ وأنا هنام عند الجيران؟

نور، أهي ليلة يا أحمد معلش.

أحمد، طب روح يامحمد نام أنت واعمل اللي اتفقنا عليه، وأنت يازفت ادخل نام.

عز، ماشي ياللا يا ماما تي يا حبيبتي هنام أخيراً في حضنك.

نور، تعالي ياحبيبتي.

أحمد، تعالي فين وحضن مين ده؟ شحط في تالتة ثانوي مش عيل صغير، وبعدين أنت هتنام على الطرف، أنا اللي هنام في النص.

نور، هههه، في إيه يا أحمد؟

أحمد، مش عجبكم؟ هينام على الرضع.

عز، لا وعلي إيه، ماشي، أهي ليلها.

أحمد أخد نور في حضنه.

عز، اختشي يا حاج، أنا نايم جنبك.

أحمد، تصدق أنك لازم تنام على الأرض زي الكلاب.

عز، خلاص، وعلي إيه، ولا كأني شايف حاجة.

أحمد، اتخرس ونام بقي.

نور، والله أنت مسخرة يا أحمد، ده ابني.

أحمد، اسكتي أنتي كمان ونامي.

***

صباح تاني يوم.

حسام، عملت إيه يامحمد؟

محمد، بابا مستنيك يوم الجمعة في البيت، تشرفنا.

حسام، إن شاء الله، ربنا يقدم اللي فيه الخير.

ودخلوا المحاضرة.

جودي في سرها، ده أنا أمي دعيالي، إيه القمر ده ياولاد.

حسام كل ما ييجي يشرح يسرح بعنيه على جودي لحد ما أخدت بالها.

جودي، أول ماراح يكتب على السبورة قامت من مكانها وراحت مكان تاني عشان تشوف هيعمل إيه.

حسام في باله، هي راحت فين؟ كانت لسه هنا. أوف، أخدت بالها عشان كده غيرت المكان، أنا لازم أسيطر على نفسي شوية ومبصش عليها تاني.

جودي، أي ده؟ هو مدورش عليه ليه؟ شكله زعل ولا حاجة.

***

يوم الجمعة.

أحمد، إزيك يادكتور منصور؟

منصور، الحمد لله يادكتور أحمد، والله أول ما عرفت أنها بنتك انبسطت جداً، إحنا مش هنلاقي نسب أحسن منكم.

أحمد، تسلم يارب، رأيك إيه يا حج محمود؟

محمود، ربنا يجيب اللي فيه الخير.

أحمد، الحج محمود عمي وحمايا.

منصور، ربنا يخليهولكم يارب.

أحمد، يارب.

منصور، حسام ابني الوحيد، مامته توفت وهو في أولى ابتدائي، وأنا ربيته لوحدي ومردتش أخلي ليه مرات أب.

محمود، ربنا يجعله دائماً بار بيك يا ولدي.

منصور، الله يخليك يا حج محمود، أومال فين العروسة؟

أحمد، داخلة حالا.

محمد، ادخلي يا عروسة عايزينك جوه.

جودي، بلاش والله، محروجة أوي.

محمد، إيه ده؟ جودي بتتحرج؟ مش معقول.

جودي، يارب متكسفيش أكتر من كده، أنا داخلة.

محمد لنور، عقبالنا يارب.

نور اتحرجت وبصت في الأرض.

جودي دخلت تقابل والد حسام.

منصور، بسم الله ما شاء الله، تبارك الخلاق، نقرا الفاتحة.

أحمد، اقعدي يا جودي، ماشي، ياللا يا جماعة هنقرأ الفاتحة.

وبعد ما قعدوا يهزروا ويضحكوا، الكل مشي.

***

محمد، بابا عايز منك طلب.

أحمد، خير يامحمد.

محمد، أنا عايز أخطب نور بنت عمتي.

أحمد، مش لسه بدري شوية عليك يامحمد؟

محمد، طب هخطبها واما أخلص وأشتغل أتجوز.

أحمد، تمام، هروح أخطبهالك من خالك، أقوله إيه؟ ابني اللي لسه بياخد مني المصروف عايز يخطب بنتكم؟

محمد، أنا بحبها ونفسي أخطبها، بس بعد ما تخلصي هتجوزها.

أحمد، لا يامحمد، لسه بدري عليك، أما تقف على رجلك وتبقى راجل ملو هدومك أبقى قولي، عايز أخطب مش لسه بتاخد مصروفك مني وتقولي عايز أخطب.

محمد، بس.

أحمد، مفيش، بس اتفضل اطلع أوضتك ياللا.

أحمد، محمد

محمد، نعم يابابا

أحمد، طب استنى خد هنا

محمد، نعم

أحمد، بتحبها؟

محمد، وبموت فيها كمان

أحمد، خلاص ماشي، خلص السنة دي وهخطبهالك

محمد، بجد؟ وراح حاظن أبوه، أنا بحبك قوي يابابا، انت أجدع أب في الدنيا

أحمد، ماشي، بكاش اطلع نام بقى عشان وراك جامعة الصبح

محمد، ماشي يا كبير، تصبح على خير

نور، هو محمد كان عايز إيه يا أحمد؟

أحمد، كنت شايفك وإنتي واقفة تصنتي 😉😉

نور، أنا 😔😔 أبداً

أحمد، طب ماشي، تصبحي على خير

نور، طب هتكلم أدهم إمتى؟

أحمد، ليه؟

نور، عشان تخطب نور لمحمد

أحمد، ما تقولي يا حبي واعترفي إنك كنتي بتصنتي 😜😜

نور، العيال كبرت يا أحمد وبقوا بيحبوا وعايزين يتجوزوا

أحمد، ربنا يسعد أيامه

نور، يارب، المهم هتكلم أدهم

أحمد، لأ، بعد ما السنة تخلص، أنا اتفقت مع محمد أول ما يخلص امتحانات

نور، إن شاء الله ياحبيبي، تصبح على خير

أحمد، وإنتي من أهله يارب

محمد، الو، القمر معايا؟

نور، لأ، النمرة غلط، أنا نوره بس

محمد، إنتي نور قلبي مش نور القمر بس

نور، شكراً

محمد، هو مفيش كلمة حلوة مرة تقوليها؟

نور، مفيش

محمد، طب على فكرة، أنا كلمت بابا إني عايز أخطبك، قالي أما السنة تخلص

نور، 🤭🤭

محمد، الو يابنتي، روحتي فين؟

نور، أناااام

محمد، يخربيت كسوفك

نور، بص، أنا هقفل عشان أنام، باي

وراحت قافلة السكة

محمد، والله مجنونة، وراح بعتلها رسالة، طب ما فيش حتى تصبح على خير

نور بعتتله، وإنت من أهله

محمد، هتوحشيني لحد ما أشوفك الصبح

نور، إن شاء الله

محمد، سلام ياقلبي ❤️❤️

نور، سلام

عدت السنة على خير وخلصوا امتحانات

حسام، جودي، أنا هكلم باباكِ عشان الفرح، اتفاقنا كان أما تخلصي امتحانات

جودي، طب ما تستني أما أخلص جامعة خالص

حسام، استني إيه؟ إنتي تسكتي خالص، أنا مصدقت إن السنة خلصت، أنا هكلم باباكِ حالا، إنتي عايزاني أفضل رايح جاي أبص عليكي ومعرفش أشرح؟

جودي، 😄😄

حسام، بتضحكي على إيه؟

جودي، على استعجالك، في إيه؟ هو أنا هطير؟

حسام، مش نفسك نخرج براحتنا ونقعد براحتنا؟

جودي، نفسي والله، بس مش متخيلة إن ممكن أسيب مامي وبابي وإخواتي

حسام، لو عايزة تروحي لهم كل يوم معنديش مانع، بس أهم حاجة إني أروح من الشغل ألاقيكي في بيتي، أنا مش مصدق إني هفتح عيني ألاقيكي في حضني وهغمض عيني وإنتي في حضني

جودي، إن شاء الله ربنا يجمع بينا على خير

حسام، إن شاء الله يارب

أدهم، جودي

أدهم، الولاد خلصوا امتحانات، تعالي نطلع نصيف في الغردقة في الشاليه بتاعنا

جودي، لأ، ده نحس

أدهم، متخافيش، أنا اتغيرت

جودي، بس لو روحت هفتكر اللي حصل

أدهم، متخافيش، تعالي وحاولي تنسي بقى، ما شي؟

جودي، خلاص ماشي، بس إحنا هنروح لوحدنا؟

أدهم، تعالي ناخد بابا ونور وأحمد وأولادهم وزين وكارما

جودي، ده فرح جودي الشهر الجاي

أدهم، إحنا هنروح نصيف، نقعد أسبوعين ونرجع

جودي، خلاص، هسألهم

الكل وافق إنه يروح المصيف

أدهم، أنا هاخد أبويا في عربيتي مع جودي وولادي

أحمد، خلاص ماشي، يلا يا نور بسرعة، فين الولاد؟

عز، أنا جيت يا حاج وجايب العوامة بتاعتي

أحمد، تصدق أنا قفلت من الرحلة دي بسببك 😡😡

نور، مالك يا أحمد، واقف للولد على الكلمة ليه؟

أحمد، لبسلي شورت من دلوقتي، طب بذمتك اللي لابسه ده يرضيك؟

نور، 😄😄 ده قمر

عز، الله يجبر بخاطرك يا حاجة، الله، هي المزة جاية معانا؟

نور، مين المزة دي؟

جودي، دي طنط كارما يا مامي 😜😜

نور، اسكت خالص، مش عايزة أسمعلك صوت

أحمد، لأ وماله، سيبه يتكلم، ماهو قمر

نور، عجبك كده يا عز، أهو أبوك بيتمألس عليها

أحمد، اركبوا يلا، خلوا اليوم ده يعدي على خير

وصلوا الشاليه

محمود، ياااه، الشاليه ده كنت شاريه لأمك يا نور، كنا بنيجي نصيف هنا كل سنة

نور، بس أنا تقريباً مدخلتوش خالص

محمود، عشان من يوم ما أمك ماتت وأنا مدخلتوش، وراحت عينه مدمعة

نور بنت جودي، ياااه، كنت بتحبها أوي كده يا جدو؟

محمود، دي كانت روحي، الله يرحمها، كنت بشوفها في نور كشكل وطيبة ورقة، عشان كده مكنتش بحس إنها راحت مني

محمد، هو البعد عن الحبيب صعب يا جدو؟

محمود، ده أصعب ما في الدنيا يا ولدي

نور، إنت شكلك كنت رومانسي قوي يا جدو

أحمد، مالك يا عمي بتعيط ليه؟ وهو إنتوا كلكم بتعيطوا ليه؟

أدهم، افتكرت أمي الله يرحمها، ماهو كان جايب لها الشاليه ده

جودي، كان جايب لها الشاليه؟ ياااه، هو في رجالة رومانسية كده؟

أحمد، متسكتوا بقى، صحيتوا مواجع الراجل، تعالوا نتغدى يلا

حور، بذمتك منتش مكسوف من نفسك، إنت بتعمل إيه؟

عز، نازل البحر، هكون بعمل إيه؟

حور، بالشورت ده؟ 😄

عز، ماله الشورت؟ هو إنتِ وبابا عليه؟

حور، بصراحة مسخرة، جايبه منين ده؟

عز، من المول، عايزة واحد أجيبلك معايا كتير

حور، إنت لابسّه عشان السمك في البحر يخاف منك؟

عز، آه، قصدك عشان سمكة القرش اللي عليه، أخده بالك، فاتحة بقها إزاي؟

حور، آه، واخده بالي 😄😄

عز، عندي واحد بقى بس على شكل عروسة بحر، ممكن يمشي حريمي أجبهولك؟

حور، هو إنت شارب حاجة؟

عز، لأ

حور، طب ابعد يا أبو دم خفيف

عز، ما البحر قدامك واسع

حور، طب سلام

محمد، هتنزلي البحر؟

نور، لأ، مبحبش، وبصراحة مبعرفش أعوم

محمد، طب ما تيجي أعلمك العوم

نور، لأ شكراً، أنا مبحبش البحر

محمد، طب براحتك، هو إنتي قاعدة لوحدك ليه؟

نور، مامي وبابي نايمين، وجودي مع خطيبها

محمد، اممم، طب ينفع أقعد معاكِ؟

نور، ما إنت قاعدت خلاص

محمد، هو إنتي ليه كده؟

نور، مالي، ما أنا كويسة

محمد، ليه منتيش رومانسية وعلى طول بتتكسفي؟

نور، عشان بخاف تفتكرني زي اللي إنت بتكلمهم، وغير كده أنا والله بتحرج، مش بقدر أرد

محمد، أنا نفسي أسمع منك مرة كلمة حلوة، ليه دايماً أنا اللي بقول وإنتي لأ؟ المرة الوحيدة اللي اعترفتيلي فيها إنك بتحبيني، كنتي بتخرفي من السخنية

نور بدموع نازلة زي السيول 😭😭، أنا طالعة أنام

محمد مسك إيدها، استني، بتعيطي ليه دلوقتي؟

نور، عشان مش هقدر أقولها، بس إنت أكيد حاسس

محمد، خلاص والله أنا آسف، متعيطيش بقى، واقعدي، اهو نتفرج على البحر

نور، 🤣🤣 هههه

محمد، إنتي مجنونة؟ بتضحكي ليه دلوقتي؟

نور، بص على أخوك كده، عز طالع من البحر

محمد، في إيه يابني، مش أبوك لسه ماسك فيك عشان الشورت اللي كنت لابسه؟ إنت بتجيبهم منين؟

عز، مالكش فيه، تعرف تجيب زيه؟ ده أنا أخدت كل الأشكال اللي عند الراجل عشان أنوع فيهم

حور، والله هموت وأعرف أخوك بيجيب الثقة دي كلها منين

محمد، والله مانا عارف، إيه ده؟

عز، إنتوا هتعملوا عليه حفلة؟

نور، لأ، إحنا نقدر يا زيزو، ده إنت أبو الموضة كله

محمد، طب اطلع غيره يا وحش قبل ما أبوك ينزل

عز، إنت مالك أصلاً؟ قول إنك هتموت عليه

نور وحور، ههههه

محمد، ضحكت البنات عليك

عز، المزة بتاعتي جت أهي، سلام بقى، أروح أسلم عليها

حور، هي مين المزة دي؟

محمد، اللي واقفة مع أبوكي

حور، مامي 😧😧

محمد، أنا لو منك مسيبش حق أمي

حور، طب عن إذنك إنت يا أستاذ عز

عز، نعم

حور، ينفع أقول على مامتك موزة؟

عز، آه عادي

حور، تصدق إنك مش محترم وأهبل

عز، ما تحترمي نفسك، أنا أكبر منك على فكرة

حور، خمس شهور تبقي أكبر مني

عز، آه أكبر منك يا حور، وعيب تشتميني يا محترمة

حور، أنا آسفة، بس إنت اللي قولت على مامي موزة، وعيب أوي كده

عز، ماهي فعلاً قمر، بصي كده على عينيها، قمر خالص، عنين لون السما، صافيين

حور، طب أنا هقول لبابا

عز، خلاص خلاص، أنا آسف، متزعليش بقى

حور، خلاص يا عز، حصل خير

عز، ما تيجي ناكل آيس كريم أصالـحك بيه

حور، أوك، بس مانجوع

عز، ماشي، يلا، بس استنى، هجيلك أهو، هروح أجيب فلوسي من محمد، أنا بسيبهم معاه قبل ما أنزل البحر

حور، هعتبر نفسي صدقتك، يلا روح بسرعة

عز، محمد حبيبي يا أخويا، يا طويل يا قمر

محمد، عايز إيه يا زفت؟

عز، زفت زفت، بقولك عايز خمسماية

محمد، ليه؟

عز، هجيب لحور آيس كريم أصالـحها بيه

محمد، طب وأنا مالي، امشي يلا

نور، خد يا عز، وابقي هاتلي معاك بالمانجا

محمد، استنى، خد وهاتلي شوكولاتة، ونور مانجا لنور

عز، طب سلام

محمد، جرى وراه، مسكه من قفاه، هات فلوس نور

عز، خد ياعم وحاسب بقى، خليت شكلي وحش قدام البت

محمد، امشي ياله

نور، أنا بعشق عز ده، مسخرة 🤣🤣

محمد، طب خدي فلوسك أهي، وبلاش كلمة بعشق دي لحد غيري

نور بإحراج، على فكرة عادي يعني، ده أخويا الصغير

محمد، لأ، مش عادي، فاهم؟

نور، ماشي 😄😄

محمد، بتضحكي ليه؟

نور، أصلك بتغيري يا أبيض

محمد، طبعاً

نور، عز شكله خلع ومش هيجيب لينا حاجة 😄😄

محمد، قلبي كان حاسس والله، بصي، أومي نتمشى شوية، وأجيبلك أنا الآيس كريم واحنا ماشيين

نور، أوك، ماشي، يلا

أدهم، جودي

أدهم، تعالي ننزل نقعد قدام البحر شوية

جودي، ماشي ياحبيبي

أدهم، فاكرة أول يوم خرجنا فيه من الشاليه، كنا بالليل ونزلنا البحر سوا؟

جودي، آه طبعاً فاكرة

أدهم، طب تعالي نعيده

جودي، إحنا كبرنا يا أدهم

أدهم، لأ، كبرنا إيه وبتاع إيه، تعالي ننزل

جودي، ماشي، يلا بينا، هجهز اهو وأنزل معاك، بس نتمشى بس

محمد، نور، تعالي ننزل البحر

نور، قولتلك لأ، بخاف، ثم إننا بقالنا أربع ساعات ماشيين، تعبت، عايزة أروح

محمد، إحنا بالليل ومحدش هياخد باله، أنا عارف إنك محرجة

نور، بس يا محمد والله بخاف

محمد، فاكرة دور البرد اللي أخدته بسببك عشان كان نفسك تنزلي في المطرة؟ أنا وافقتك، وافقي بقى ننزل، والله ما تخافي، أنا نفسي أنزل معاكِ

نور، ماشي يا محمد

محمد، يلا بينا

نور، محمد بلاش لجوه، الدنيا ضلمة

وراحت الموجة موقعاه

محمد جرى عليها، اوف، خلاص، تعالي نخرج بدل ما تغرقي

نور، منين؟

نور رشت عليه ميه، أنا مغرقتش يا أستاذ محمد

محمد، بترشي عليه ميه؟ طب اهو

نور، والله إنت رخـم، خلاص بقى

محمد، مش هبطل غير أما تقولي إنك بتحبيني

نور، أنا مش هقول، واهو

أدهم، نور اللي في البحر دي يا جودي صح؟

جودي، بتهيألي، وإيه اللي منزلها البحر بالليل كده؟

نور، راحت زقه محمد موقعاه في البحر، طب اهو، بس كده، وطلعت تجري

محمد، طب والله ما سيبك

أدهم بزعيق، نووووور

نور اتخضت، ده بابي، وخرجت من البحر

أدهم، إيه اللي منزلك البحر دلوقتي؟ وإيه قلت الأدب دي؟

نور، بابي، ده محـ... راح أبوها ضربها بالقلم

أدهم، اتفضلي عالبيت يا هانم

محمد واقف مصدوم مكانه، معرفش يدافع عنها

في البيت

محمود، مالك يا نور، بتعيطي ليه؟

نور سابته وطلعت جري على أوضتها، هي وجودي وحور وايان

نور طلعت هدوم واخدتها ودخلت الحمام

حور، مالك يا نور، في إيه يا نور؟

جودي، هي فين؟

حور، دخلت الحمام يا طنط

جودي، أما تخلصي يازفتة تعاليلي الأوضة، أنا مستنياكِ

نور سمعت الكلام، انهارت أكتر

محمد، روح الشاليه ودخل الحمام ياخد شاور

محمد، أنا لازم أقول لبابي عشان يلحقها قبل ما يبقى فيه مشكلة

نور خرجت من الحمام وراحت غرفة مامته

نور خبطت على الباب ودخلت

أدهم، ممكن أعرف إيه اللي حصل ده؟

نور، والله العظيم أنا آسفة يا بابي ومش هيحصل تاني 😭😭

أدهم، ده مش أخوكي وإنتي محجبة؟ ينفع المرقّعة وقلت الأدب دي؟ هي دي تربيتي فيكي؟ أما ألاقي بنتي في البحر الساعة حداشر بليل وسايقة قلت الأدب مع ابن خالتها الشاب، عارفة دي الوقت هو مفكرك رخيصة

نور، والله آسفة يا بابا، والله مش هتكلم معاه خالص تاني

جودي، وإن حصل من قلت الأدب دي تاني؟

نور، والله ما هيحصل، ولو حصل ابقوا اعملوا اللي عايزينه فيا 😭😭

جودي، على فكرة محمد بتاع بنات، وأمه كانت اشتكتلي منه إنه بيسهر طول الليل يكلم بنات

نور، بس محمد اتغير عشاني

أدهم، اتغير عشانك إزاي؟

نور، هو قالي إنه بيحبني وساب كل البنات عشاني 😭😭

أدهم، ظاهر كده ابن أخوكي بيرسم يعمل في بنتي زي ما أبوه عمل مع أختي، بس والله ماهسيبه

جودي، مينفعش الكلام ده قدام البنت

أدهم، بصي يا زفتة، إنتي لو شفتك بتكلميه، أقسم بالله لهقتلك

نور، خلاص والله يا بابي، متزعلش مني، والله ما هكلمه

جودي، اتفضلي روحي أوضة البنات يلا، ومتخرجيش غير رجلي على رجلك، فاهمة؟

نور، ماشي يا مامي 😭😭

جودي، اهدي يا أدهم، قولتلك ابقي اتحكم في عصبيتك، مينفعش كده

أدهم، إنتي راضية عن اللي حصل؟

جودي، لأ، بس لازم نتكلم بالعقل، مينفعش كده

أدهم، طب أنا خارج

جودي، استني، هاجي معاك

أدهم، لأ، عايز أخرج لوحدي

جودي، يارب أموت لو خرجت لوحدك

أدهم، جودي، أنا مضايق، سيبيني لوحدي

جودي، لأ، مش هسيبك يا أدهم، يلا بقى عشان نكمل التمشية اللي باظت