رواية ابنة الراقصه الفصل الثالث عشر 13 - بقلم روزا اليوسف

حسين : ايوه هنا من فضلك تطلع الشنط معايا. حسين طلع بيت شبه قديم وفتح الباب ودخل الشنط. ايناس واقفه مش فاهمه حاجه وحاسه أنها في حلم. ايناس قفلت الباب : هو إحنا هنقعد هنا كتير؟ حسين بدون ما يتوجهلها : ادعي الموضوع يخلص. ايناس : طيب هتروح الصيدلية إزاي؟ حسين : واحد صاحبي هيروح بدالي الفترة دي وربنا يستر بقي. ايناس : أنا آسفة يا دكتور أنا ما كانتش لازم تساعدني. حسين

وهو بيتوجه لغرفة من الغرف: ده نصيب وإن شاء الله تعدي على خير.. ادخلي ريحي جسمك من المشوار ودخلي حاجتك. ايناس : حاضر بس هو البيت ده بتاع مين؟ حسين كمل كلامه وهو بيدخل حاجته ببرود : بيت والد أمير صاحبي وتوفي وأمير في فرنسا وكان سايب معظم حاجته عندي أوراقه مفاتيح البيت والعربية تقريبا كل حاجة وشكله مش راجع تاني. ايناس : تمام. حسين : تصبحي على خير. ايناس بإرهاق : وانت من أهله.

تاني يوم الصبح حسين فاق ولسه بينادي عليها لقي البيت كأنه جديد وهي واقفه على الكرسي تعلق الستاير وتكاد أشعة الشمس تخرج منها وليس من حولها بردائها القصير نسبيا الذي يظهر ساقيها بوضوح وشعرها المتطاير من نسمات الهواء خلف الستار. عينيه تتأملها وكأنه لم يرها من قبل يسأله قلبه من تلك الحسناء. ايناس بسرعة وهي بتنزل من على الكرسي وبتسحب الستارة التانية تختبئ من عينيه : معلش لقيت البيت مكركب وقلت إنك مش هتقوم دلوقتي أنا آسفة.

حسين بإحراج من نظراته ليها : اااا لا ولا يهمك مش عايزة تفطري أنا جايب كل حاجة في المطبخ شوفتيها ولا إيه. ايناس : اه اه ثواني وهحضرلك الفطار. حسين : مش مهم كملي وأنا هحضره. ايناس : لا ما تتعبش نفسك كتر خيرك انت اتبهدلت امبارح. حسين بجدية وهو بيتوجه للمطبخ : بطلي رغي بقي هعمله خلصنا. ايناس ابتسمت لما شافت نفسها في مراية النيش: إيه المنظر ده وخدت نفس.. بس حلو أوي وهو متعصب. وسندت على الحيط وحضنت الستارة..

دا إحنا قولنا إيه مافيش كلام فاضي بقي مش هبصله تاني كفاية اللي عمله معايا. هو أنا لي طماعة كدا.. وبعدين هو هيبصلي على إيه لا مال ولا جمال ولا شهادة.. عيني عليا. ودخلت تلبس الإسدال عشان تعرف تفطر معاه. حسين بيخبط : ايناس الأكل خلص هتيجي ولا إيه. ايناس : جيت اهو.. إيه دا فين الأكل ده اللي خلص. حسين : ما هو في المطبخ كنت بناديلك تاخدي الأطباق معايا.

ايناس دخلت المطبخ تاخد الأطباق وهو بيناولها مسكت إيديه غصب عنها سابت الطبق نزل على الأرض. حسين بحده : يا بنتي ما تاخدي بالك. ايناس بصوت مهزوز : معلش أنا ما.. ما كانش قصدي. حسين بصلاها وسابها وخرج يحط الأطباق. ايناس لنفسها : جاتكواكسة يا مهببة مش عارفة تمسكي نفسك وأيدي بتترعش لي هي كمان يا دي الحوسة.. نوسة بصوت عالي وتأنيب لنفسها : كانت فين الخضة دي لما رميتي نفسك في حضنه.

وخرجت شدت كرسي وقعدت قدامه هو بياكل وهي بتاكله بعينيها. حسين : ما تاكلي يا بنتي.. الله في إيه يا ايناس مالك. ايناس : لا أبداً أنا بس كنت عايزة منك خدمة. حسين بتأفف : قولي يا ايناس. ايناس لما حست أنه اتضايق : خلاص مش وقته وسابته وقامت تدخل الأطباق. حسين دخل يعمل كوباية شاي جمبها. حسين : إيه دا فين السكر اللي أنا جبته. ايناس بزعل : جنبك في البرطمان أنا فضيته. حسين : لا دا عندك إنتي هاتيه. ايناس لفتله وحطت إيديها قدام

وشه وبعند لأنه كلمها وحش : إيدي مش نضيفة. حسين خد نفس طويل واتعصب والمطبخ ضيق فسند إيد جمبها واليد التانية بيجيب السكرية وبقي محاوطها وعينيه في عينيها وهي بتبصله ومصدومة من نظراته كأنه هيقتلها ومحستش غير وهي مش عارفة تاخد نفسها من قربه ليها.. حسين بعد بسرعة كان فاكر أنها خايفة منه. حسين وهو بيمسك كتفها الاثنين : ايناس أهدي أنا ما كنتش أقصد أخوفك. ايناس وهي بتشيل إيده : خلاص مفيش حاجة. وخرجت وسابته. *** عند غالية.

عليه : يا خراااابي عايز تعمل إيه تاني يا جامد سيب السلاح ده. حامد : يا وليه بطلي بقي كلامك ده هتفضحينا.. وبعدين انتي عايزاني أتحبس ولا إيه ما هي بنت الـ*** دي لو بلغت عليا هروح في حديد. غالية بدموع : طيب يا أخويا أنا أضمنهالك بلاش البت دي دي غلبانة أنا اللي مربياها يا حامد دي بنتي دا أنا واخدها من أمها لحمة حمرا.. أبوس إيدك يا أخويا اعمل أي حاجة تانية إلا القتل.

حامد : ما تقلقيش لسه ليها عمر أما أخلص من ابن الـ*** التاني الأول. غالية بصويت : استهدي بالله بس واقعد نتفاهم. حامد : ما بقاش في وقت للكلام ده. قالها وقفل الباب وراه. غالية بصويت : يا مرك يا غااااليه. ووقعت مغشي عليها لتوقظها إحدى الجارات. *** عند هدي. رامي رجع البيت لقي البيت هادي مفيش صوت الورقة زي ما هي الباب مقفول ما اتفتحش. رامي بيخبط : هدي هدي انتي لسه نايمة ولا إيه هدي. مافيش صوت بيطلع.. قرر أنه يفتح الباب.

واتصدم.. هداااااااا.