رواية ابنتي الصغيرة الفصل الخامس 5 - بقلم نور محمد ابراهيم

خلود راحت المطبخ ومسكت سكينة وقطعت شرايين إيديها ووقعت في الأرض ودمها سايل. المنشاوي بصدمة: خلود، بنتي! وجري عليها وقعد وحط راسها على رجله وفضل يبكي: قومي يبنتي ليه عملتي كدا؟ وشالها وجري بيها على المستشفى. وبعد شوية وصل ونزل من عربيته ودخل بيها: الحقوني بنتي بتموت، هاتوا ترولي بسرعة. واحدة من الممرضات جابت ترولي وحطها عليها. وبعد ساعة خرج الدكتور من أوضتها. أبوها راحله وقف معاه. المنشاوي بقلق: خير يادكتور، طمني.

الدكتور ريحان: الحمدلله، انت جبتها في الوقت المناسب، حمدالله على سلامتها، بعد إذنك. المنشاوي دخل بزعيق وبص لخلود بقوة: انتي فاكرة لما تعملي كدا هطلقك منه؟ يبقى بتحلمي، انتي هترجعي مع جوزك وتعيشي معاه وتخدميه، انتي سامعة؟ خلود دموع: حرام عليك يابا، بقولك بيضربني كل يوم وعايشة في ذل، حرام عليكوا بقا كفاية. بدأت تبكي بإنها. حسن في أوضته ماسك صورتها في إيده

وعيونه بتدمع على فراقها: عمري ماحبيت بعدك ي خلود، انتي ملكتي قلبي وخدتيه معاكي. وحشتيني أوي ي خلود، فين هلاقيكي؟ وأخدك في حضني ونهرب من هنا. فاق من شروده على خبط الباب. مسح دموعه وراح يفتح. حسن: خير يادادة، في حاجة؟ دادة سعاد: اتصلوا بيك يا حسن بيه، عايزينك في المستشفى في حالة خطيرة وطالبينك بالاسم. حسن: طيب روحي انتي وأنا هغير هدومي وأنزل. زين في أوضته مع ملك. زين بحب: ملك ي حبيبتي أنا مسافر بكرة.

ملك: خدني معاك ي زين. زين: مينفعش ي حبيبتي، عندي شغل ضروري، وانتي هتروحي بس ي ملك. ملك بزعل طفولي: خلاص مش عايزة. زين: أجاي معاك؟ ملك: ملوكة حبيبة زين، هما يومين بالكتير مش هغيب عنك، أوعدك أول ما أخلص شغلي هفسحك، إيه رأيك؟ ملك: بجد هتفسحني ي زين؟ زين ابتسم على براءتها: بجد ي قلب زين. حسن وصل المستشفى ودخل مكتبه ولبس البلطو. دخلت الممرضة. حسناء: دكتور حسن، كويس إن حضرتك جيت. حسن: في إيه ي حسناء؟

حسناء: في بنت جات من شوية وكانت قطعت شرايين إيديها ودكتور ريحان عالجها، بس المصيبة إنها دخلت في حالة انهيار شديدة، عورت نفسها بالمشرط. حسن بذهول: انتي بتقولي، تعالي معايا. وراحوا على أوضة المريضة ولاقى دكاترة واقفين حواليا أوضتها. دخل ومن وسطهم شاف البنت واقعة في الأرض ودمها سايل من جمبها. وراح يشوف مين دي. اتصدم لما شافها. خلود.