رواية ابنتي الصغيرة الفصل السابع 7 - بقلم نور محمد ابراهيم

حسن سمع صوت الباب بيخبط وراح يفتح. واتفاجأ بنادر. بصله لوهله وركز في ملامحه وعرف انه جوز خلود. حسن ببرود: خير، جاي ليه؟ نادر: انت حسن القناوي؟ حسن: أيوه أنا حسن القناوي. أفندم. نادر زقه ودخل وقعد. على أقرب كرسي وحط رجل على رجل وطلع سيجارة. أنا سمعت عنك كتير قولت أجيلك بنفسي وأتعرف عليك. حسن بصله واستغرب قعدته بس محطش في باله. راح قعد على مكانه واتكلم ببرود: وسمعت أي بقا إن شاء الله؟

نادر: سمعت إنك دكتور شاطر وناجح في شغلك ومحبوب من زمايلك. حسن بمكر: دا أنت متابع بقا. نادر بغضب وخبط على مكتب حسن بقوة: أنا نفسي أعرف بتحب فيك أي يخيلها تتعلق بيك بالشكل داا هااا. لبس وبيجيب لها من أغلى المحلات أكل وفلوس تغرقها هي وأبوها. عملت كل حاجة تتمناها أي بنت. يبقى لييه مش شايفني؟ حسن ببرود: وأنت جايلي أنا تقولي الكلام دا ليه؟ أهي عندك أهي روح اسألها ومتضيعش وقتي في كلام فاضي. واتفضل خد الباب وراك وأنت خارج.

ولف الكرسي بتاعه. ونادر اتغاظ أكتر وسابه ومش. حسن وقف بغضب. وكلام نادر بيرد في ودانه. وإنها لسة بتحبه هو. طب ليه سابته واتجوزت نادر؟ ليه وافقت من الأول؟ ألف سؤال وسؤال هيجننه. وخرج من مكتبه ونزل ركب عربيته وطلع عالبيت. زين في مكتبه…. دخل عليه خالد بتعب. خالد: حرام عليك يا مفتري. من ساعة ما جيت وأنا مش عارف ألم على روحي. زين بجدية: خلصت الزرقة المطلوبة منك؟ خالد بصله بغيظ: أه خلصت.

اتفضل أهو، ممكن تسيبني أروح بقا ونكمل بكرة. زين بصله ولاحظ تعبه ووشه دبلان. زين: طب روح أنت يا خالد وسبني أنا هكمل الباقي. خالد: مش هتعوز مني حاجة قبل ما أمشي؟ زين: لا بس بكرة تيجي بدري، معاد الصفقة بيقرب ولازم نخلص الشغل كله. خالد: تمام. وسابه زين. نزل وركب عربيته وروح. زين فضل قاعد في شركته بيدرس الأوراق بتركيز تام. بس لاحظ حاجة غريبة بتحصل حواليه وقام يشوف مين ملاقاش حد. ورجع مكتبه وجواه إحساس إن في حد بيراقبه.

سيدة بخبث: بجولك أي يا علوان؟ علوان بزهق: خير. سيدة: ما تيجي ي خوي نروح نزور البت ملك دي بتنا برضو ومن حق تشوفها. علوان بإستغراب وشك: انتي مالك ي ولية انتي النهاردة حاسك مش على بعضك. كل ما تشوفي وشي تتوتري وتخافي مني وتجري، انتي مخبية عني حاجة. سيدة اتوترت أكتر: ل… لاه ي خوي م.. مفيش حاجة. الحق على إني عايزك تتطمن على بتك. علوان بسخرية: طب نامي… نامي يا سيدة وعدي ليلتك على خير. سيدة: وأنت من أهله ي علوان.

ونامت جنبه وشدت الغطاء ونامت. ……: أيوا يبشا لسة خارج دلوقتي ومعاه شنطة. اكيد فيها الأوراق كلها…….: طب خليك وراه. واوعي حد يشوفك فاهم…….: فاهم يبيه، مع السلامة. زين ركب عربيته ومشي. واتجه لفيلته الجديدة وطلع لأوضته. وبصلها وابتسم. خلع الجاكيت بتاعه وفك زراير قميصه ورماه على الأرض. البنت بدلع: وقفت قصاده وباسته من خده. زين: وحشتيني. وشالها وحطها على سريره. وذهبوا معا في عالمهم.