رواية ابني الظريف الفصل الثالث 3 - بقلم ايسو ابراهيم

خالد بصوت: استنى أفهمك بس يا بابا دا مش أنا. مروان بغضب وماسك الحزام: أومال أمي ياض اللي عملت كده. خالد دخل أوضته وقفل الباب بسرعة وقال: الله يرحمها. كانت ست طيبة. مروان بيزع عالباب: افتح ياض الباب دا بسرعة بقى. رايح تجيب طلبات ليك من السوبر ماركت بمرتبي. خالد: كان نفسي في الحاجات دي بس طلعت غالية شوية. أمنية جت بخضة وقالت: في إيه، وماسك الحزام ليه؟

خالد من ورا الباب: عايز يموتني يا ماما. دا أنتِ محلتكيش غيري يا حبيبتي. مروان: عادي هنجيب غيرك يا ظريف. خالد: بعد دا كله ترميني كدا ولا فارق معاك. هتلاقي حد زي فين في طعامتي وخفة دمي. مروان: في السوبر ماركت يا ظريف. خالد: وأهون عليك يا راجل. مروان: أيوا تهون عليا عادي. خالد: مفيش حتى ذكرى حلوة تخليك تسامحني. مروان: ذكرى قاعدة في بيتهم دلوقتي بتندب حظها إنك ذكرت اسمها.

خالد: ليه بس يا ذكرى. دا أنت كنت ناوي أتجوزك ونجيب عيل أعمل فيه اللي أبويا يعملوا فيا. عايزة يشاركني تعبي. مروان: يا حبيبي ابني. تصدق اتأثرت بكلامك الحزين. خالد: قد إيه أنت أب أصيل. مروان: بردوا هتاخد علقة موت. خالد: يا شيخ كفاية اللي باخدها كل يوم. ارحمني بقى. مروان: ماشي يا خالد. أنت جاي تخليني أكفر عن ذنوبي. خالد: دي دعوات أبوك عليك يا حبيبي. فمتزعلش واشرب بقى. مروان: هشر*ب من دمك حاضر. بس اطلعلي.

خالد: مش طالع لو إيه اللي حصل. مروان بعصبية: ماشي. وسابه ومشي. خالد من ورا الباب: ماما حبيبتي. هو مشي. أمنية بضحك: أيوا دخل أوضته. خالد فتح الباب وبياخد نفسه: وقع قلبي في رجلي أول ما شوفته. وفتحتله الباب. دا إيه دا يا ولاد؟ أمنية: بطل تعصبه يا خالد. خالد: ما خلاص يا ست الكل. اتعودنا على كدا عادي يعني. أمنية: نتبجتك هتطلع امتى؟ خالد: إيه السيرة اللي ترعب دي. ممكن بكرة. دعواتك بقى. أمنية: بدعيلك دايما. خالد: قلبي أنتِ.

مروان من وراه: وجع في قلبك يا حيو***. بتقولها كمان في بيتي. ما أنت ناقص تربية بصحيح. وقام خبطه بشبشب الحمام. خالد بصوت: يعيني يامااااااا. أمنية بخضة: يا حبيبي يابني. في المساء كان خالد حاطط مكعب تلج على عينه اللي ورمت. نايم في أوضته ومغمض عينه التانية. فجأة حس بحركة حواليه. فتح عينه فاتصدم وقال: لاااااااااا. ياترى شاف إيه؟