رواية ادخلتني الى قلبها الفصل السادس عشر 16 - بقلم حنين محمد

هريهام: إيه اللي مخبيه عليا يا آدم يخلينا نخسر بعض؟ آدم بتوتر: لا يا حبيبتي، مفيش. ريهام: متكدبش عليا يا آدم، أنا مش عيلة صغيرة تضحك عليا بكلمتين. أنا سمعت بودني. آدم: قولتلك يا ريهام، مفيش. وآدم جاي يخرج. ريهام وعينيها مدمعة: على فكرة يا آدم، أنت اتغيرت أوي الأسبوع ده. آدم راح عندها ومسح دموعها: ضغط شغل بس يا حبيبتي. ريهام: طب إيه اللي مخبيه عليا؟ آدم: كنت يا ستي عاملالك مفاجأة وماكنتش عايزك تعرفي.

ريهام: وده اللي هيخلينا نخسر بعض؟ آدم: لا، عشان الهدية بتاعتك. بسنت أخدتها. ريهام بشك: ماشي يا آدم، عادي. أنا وبسنت واحد. آدم: ماشي، يلا تعالي تشوفي ماما. وهستناكي عشان نفطر سوا زي كل يوم. ريهام: ماشي. وروح أنت، أنا هلبس وأجي عشان كمان هروح الجامعة النهارده. آدم: أمم، طيب. آدم خرج بيقول: أنا آسف يا ريهام إني كدبت عليكي، بس مينفعش تعرفي دلوقتي. وبيروح لمريم. مريم بزعل: 🥺 آدم، أنا آسفة. أنا عرفت غلطتي.

آدم بغضب: متأخر أوي يا هانم. بصي يا بت، هتروحي لكريم وتجيبي ورق الصفقة اللي إنتي سرقتيه وتجيبي اللي سرقتيه. اتسرفي إنتي بقى. ومتفكريش إني بقالي أسبوع مخلياكي في القصر. أنا بس مخلياكي عقبال ما أفضى لكريم ده في الوقت المناسب وخد منه اللي أنا عايزه. مريم بزعل: آه، أنا عارفة. آدم بيخرج وبيخبط الباب. مريم وهي بتعيط: خلاص والله عرفت غلطتي. مروة بتدخل: إيه يا مريم، بتعيطي ليه؟ مريم: مفيش. وبتدخل الحمام وتقفل الباب وراها.

مروة: 🤔 مش عارف، هو اليومين دول البيت اتشقلب حاله ليه كدا؟ لما أروح أشوف الولية عبير. وبتروح أوضة عبير. عبير: تعالي يا مروة، مالك؟ مروة: معرفش، بس البيت حاله بقى غريب أوي اليومين دول يا عبير. عبير: آه، أخدت بالي. بس أهم حاجة إن ريهام وآدم قريبين، ومريم عدلت أسلوبها شوية في معاملتها مع ريهام. مروة: آه صحيح، كنت عايزة ننزل أنا وإنتي النهارده نجيب كام حاجة كدا من السوق. عبير: خلاص، ماشي. مروة: ماشي، هروح أجهز أنا.

عبير: ماشي. *** عند ريهام. بتلبس فستان لونه زيتي وطرحة بيج وكوتشي أبيض، وبتروح عند لمية. آدم كان قاعد مع مامته. ريهام بتدخل: ازيكم يا ماما. لمية: الحمد لله يا حبيبتي. ريهام: هنزل أهلي، حد يحضّرك الفطار؟ لمية: لا، أنا فطرت أنا وآدم. ريهام بزعل: هو آدم فطر؟ لمية: آه يا حبيبتي. ريهام: ماشي. يلا خدي الدوا. آدم: يلا يا ريهام عشان أوصلك الجامعة. ريهام مش بترد: ويلا سلام يا ماما. لمية: سلام يا قلب ماما.

لمية بتقول في ودن آدم: أنت مزعلها ولا إيه؟ يلا. آدم: لا والله، وأنا مالي يا لمبي؟ مزعلتش حد. لمية: ماشي، يلا روح وصلها. ريهام بتخرج. آدم: مالك بقى يا قلب آدم؟ ريهام: بالهناء والشفاء فطرت يعني. آدم: أها، وأنتِ زعلانة عشان كدا بقى؟ ريهام: توتو، يلا عشان اتأخرت. وبتنزل وبتسيبه. آدم بينزل وراها بيقول بصوت عالي: هصلحك بس لما نرجع. ريهام: يا لهوي، وطي صوتك، على طول بيبقى صوتك عالي كدا. آدم بيضحك.

وبيوصلها الجامعة: خلي بالك من نفسك، ولما تخلصي رني عليا. ريهام: حاضر. آدم بيروح الشركة. ريهام بتدخل الجامعة. روفان وكندا بيجروا عليها: وحشاني موت يا ريهام. ريهام: وأنتِ أكتر يا روحي. روفان وكندا: كدا الجواز خدم مننا؟ ريهام: لا خالص. المهم، إنتِ علاقتك عاملة إيه مع دكتور سالم؟ عرفت كدا من البت روڤان إنه عينه عليكي. كندا بصراحة: 🙈 أنا شكلي حبيته أوي. روفان: الحب ده محن أوي.

ريهام: بس إنتِ عشان سنجل فمتعرفيش إيه هو الحب. روفان: خلاص يا ختي منك ليها. إنتِ لسه هتحلمي. تعالي ندخل المحاضرة. وبيدخلوا. وبعد المحاضرة. سالم بينادي على كندا. ريهام: روحي يا كندا، شوفي دكتور سالم عايز إيه، بينادي عليكي. كندا: نعم يا دكتور. سالم: البيت عندكم فاضي النهارده؟ كندا: نعم، ليه؟ سالم: أصل عايز أشرب كوبايتين أنا والحاجة. كندا بخجل: آه يا دكتور، تنور. سالم بيغمز لها: آه، هنور. كندا بتمشي بسرعة.

ريهام: إيه الغمزة دي؟ روفان: لا بس يا ريهام، غمزة قمر. كندا بتضربها: بس بقى. دا قال إنه عايز يشرب كوبايتين شاي مع الحاج. ريهام: يبقى جاي يتقدملك يا هبلة. كندا بجد وفرحانة أوي. ويتخلص كل محاضرة بتاعتهم. وريهام بتروح القصر، بيكون مفيش حد في القصر غير تسنيم، لأن عبير ومروة في السوق، وعصام وآدم في الشغل، وبسنت خرجت مع يوسف، ومريم كانت بتشم هوا برا البيت. تسنيم: إيه يا ريهام؟ ريهام: عاملة إيه يا روحي؟ تسنيم: الحمد لله.

ريهام: أنا عايزالك في موضوع كدا. تسنيم: إيه، أنتِ قلقتيني؟ ريهام: لا، متقلقيش. أنا هغير وأجيلك. ريهام بتطلع تغير، وبتصلي فرضها وبتقرأ قرآن، وبتلبس، وبتروح عند تسنيم وهي ناوية تقولها أنها أختها. تسنيم: تعالي يا حبيبتي. ريهام بتروح عندها وبتتمسك إيدها. ريهام: تسنيم، أنا عايزة أحكيلك على حاجة، بس ياريت تتفهمي الموضوع. تسنيم: إيه يا ريهام؟ ريهام: بصي يا تسنيم، أنا عرفت مين عيلتك.

تسنيم: استحالة يا ريهام، أنا كل يوم بدور عليهم وبحاول افتكر أي حاجة ومش فاكرة. ريهام: لا، عرفت وعندي دليل على كلامي. تسنيم بفرح: مين يا ريهام؟ استني قبل ما تقولي، أنا أول حاجة هعملها هشتم أمي وأحضنها جامد أوي، بس هي ممكن تكون مش عايزاني، أنا متورطة. ريهام: استني يا تسنيم، اهدي. عيلتك هي إحنا يا تسنيم. تسنيم: إنتوا مين؟ ريهام: مامتك تبقى عبير، وأنا أبقى أختك. تسنيم بدموع: استحالة، إزاي؟ وبتقوم تقف. ريهام: عندي دليل.

وبتوريها حصل شعرها، وبتوريها التحليل اللي خلاها تصدق فعلاً إنها أختها. وعند مريم بتجري: لازم ألحق أروح البيت. و بتجري وهي بتنهج. *** عند آدم. أنا مش عارف قلبي مقبوض ليه، خايف أوي، كأني هخسر حد. أنا هرن على ريهام. وبيتصل، وريهام مش بترد. آدم بقلق: هي مش بترد ليه؟ نور السكرتيرة: الاجتماع هيبدأ يا أستاذ آدم. آدم: ماشي. و راح حاطط الفون في جيبه ودخل الاجتماع. عند ريهام.

ريهام: اهدي يا تسنيم، والله إحنا قلبنا عليكي الدنيا، معرفناش نلاقي عشان هويتك كانت متغيرة. تسنيم بتعيط شديد: بجد يا ريهام؟ ريهام بتروح وحضنها: اهدي يا حبيبتي ♥️ هعوضك عن كل حاجة. تسنيم: عايزة ميه. ريهام: حاضر. ريهام بتنزل المطبخ، وبيكون النور قاطع تحت. ريهام بتنادي: عم غفران؟ يا عم غفران؟ هو راح فين؟ خلاص هدخل المطبخ في الظلام وخلاص. وبت turned، بتلاقي حد ط*عن باطنها بسك*ينة. آه، بطني! بموت! تسنيم: ريهام! يتبع.