رواية اضيئي عتمتي الفصل العاشر 10 - بقلم ايلا ابراهيم

مراته بتخونه مع أخوه. الكلام ده بيتردد في دماغه، مش عايز يصدقه.. مش عايز يفكر فيه حتى.. لكن هو متأكد، مستحيل أخوه يعمل كده.. حتى مراته، هو أه بقاله كم شهر متجوزها بس، لكنها طيبة وبنت حلال، مستحيل تعمل كده. كانت الأفكار بتهاجمه. لما دخلت عليه نواره بابتسامة: "قاعد لوحدك ليه يا بسام؟ بسام وهو بيبصلها: "مفيش.." نواره: "مفيش إزاي؟ وشك قالب من الصبح كده ليه؟ بسام: "مفيش يا نواره." نواره بقلق: "بسام.." بسام: "همم." نواره:

"هتروح فين دلوقتي؟ بالوقت ده، بسام بيحاول يداري شكه بيها لحد ما يفهم اللي بيحصل. ابتسم بتكلف وقال: "هروح مشوار ورجع، مش هتأخر." "أنت زعلان مني؟ أنا عملت حاجة غلط؟ "أزعل منك ليه؟ انتي مفيش زيك، بس أنا بفكر بالشغل مش أكتر." بابتسامة ودلال: "طب متتأخرش ممكن؟ بابتسامة: "مش هتأخر، ولو اتأخرت نامي، متستنيش." ومشي. نواره بتبص بأثره بضيق: "هو فيه إيه؟ ماله بسام متغير من الصبح؟ بعد مدة.

بسام فضل يراقب أخوه ونواره فترة. وكل يوم يبعد عن مراته أكتر، ومهما حاولت تقرب منه، هو بيبعد. لحد ما لاحظ نظرات أخوه لمراته.. لكنه اتأكد بنفس الوقت أن نواره مكنتش حاسة بحاجة. وكل اللي هاممها هو بسام وبعده عنها. بتحاول تقرب منه بأي طريقة.. مش عاوزة تخسر بسام. نواره: "بسام، هو أنا عملت حاجة زعلتك مني؟ بسام: "أنا بصراحة كنت عاوز أتكلم معاكي." نواره اعتدلت بسعادة على السرير وبصت ناحيته باهتمام وابتسامة:

"اتكلم اللي انت عاوزه، أنا هسمعك لحد الصبح." بسام: "احم.. بصي يا نواره، كل حاجة قسمة ونصيب. وأنا مش هعرف أكمل بالجوازة دي." ابتسمت بخوف وشك وهي بتحاول تمنع دموعها، مش مصدقة هو بيقول إيه. وسألته بريبة: "يعني إيه؟ بسام وقف واتكلم بجدية: "انتي طالق يا نواره." ومشي وسابها. *** سما: "انت واخدني فين يا جواد؟ جواد بانزعاج: "بلاش تسألي كتير، اطلعي العربية من سكات." سما: "بس أنا لازم أفهم، إحنا رايحين فين؟ جواد:

"مش مهم تفهمي، اطلعي." بس... جواد بغضب: "اطلعي بقى من غير تحقيق." طلعت سما معاه من سكات. ماهي خلاص كلها كام يوم ويطلقها. مكنتش عارفة هي مستنيها إيه من الجوازة دي.