رواية اجبرتني على عشقها الفصل الثالث عشر 13 - بقلم ضحى خالد

ولا الزمن فى عېب الفكره كلها أن ربنا بيحطنا فى اختبارات صعبه اوى علشان يشوفنا هنتحمل وهنصبر ولا هنيأس. حبيبه وبعدها ضحكت وقالت: بيعوض عوض كبير اوى لدرجة أنك هتتمنى أن الزمن يرجع بيك الف مره وتبتلا علشان ربنا يعوضك ويفرح. وانت ربنا هيجبر بخاطرك بس الصبر كمان شوية صغيرين. ابتسمت وحولت: صابره اهو. هو انتي محتاجه حاجة؟ هزت راسها بلا وطلعت. ربنا بعتها تجولي الكلمتين دول هونت علي.

نرجع البلد اللي الدنيا اتقلبت فيها لما عرفوا أن قضية الخلع حبيبه اللي رفعتها. في بيت حبيبه هشام بعد ما سمع الخبر برج من ابراج دماغه طار. صالح: صدقني يا ابني احنا منعرفش أي حاجة عن الموضوع ده. هشام بعصبية: ايوه يعني هي فين بجا المحضر طالع من البلد يعني هي هنا. قاسم ببرود: كان فرحان فيا قوي حتى لو نعرف مكانها هنجولك ليه. هشام بعصبية: لازم تجولوا لي دي مرتي. ضحك قاسم بكل سخرية: من امتى يا ود عمي؟

مش دي اللي اتجوزت عليها؟ مش دي اللي ضربتها لحد ما سقطت؟ مش دي اللي بتها ماتت بسببك؟ من امتى يا هشام؟ رد هشام بعصبية: مرتي وانا حر فيها ان شاء الله أحرجها. وقف قصاده قاسم: أحرجك وتريحنا من شكلك. الله يرحمك يا عمي كان سدد بوقك. بوقك يا كلب. هشام بعصبية: جول الفاجرة اللي هربانة اني مش ماضي على المحضر ولو وجعت فيها افصل راسها عن جسمها. مسكوا قاسم

من هدومه وقال بكل عصبية: والله لانت ماضي يا ابن حافظة وياك تمس شعرة واحدة من حبيبة. زقوا هشام بعيد عنه. قاسم ببرود: أمضي بمزاجك احسن ما تمضي مكسور يا ود عمي. هشام: معاش ولا كان اللي يكسرني. طلع هشام وغضب الدنيا فيه. عنده احساس غريب مش قادر يفسره هو زعلان ليه من القضية؟ مش عارف يحدد مشاعره ايه غير أنه متضايق. نرجع لحبيبه. جه وقت الغداء. قررت مش هحتك بيهم تاني واكل لوحدي في الأوضة وبعيد عنهم. لجأت اللي قعد جنبي.

بصيت لها. نسمة. بصيت بطرف عيني وكملت أكلت. نسمة كانت مكسوفة قوي. مش عارفة تبدأ منين. نسمة بتوتر: تدوقي المخلل ده حلو قوي. حبيبه: لا شكرًا. نسمة: تاخدي ميه؟ مرضيتش عليها. خلصت أكل قومت لميت حاجتي وجيت أخرج بره. مسكت إيدي. نسمة: حبيبه أنا آسفة والله العظيم مكان قصدي. رديت عليها بهدوء: سبيني يا نسمة. نسمة: لا مش هسيبك والله العظيم مكان قصدي. حبيبه والله أنا بحبك وبعتبرك أختي بس أنا لساني طويل وفالت.

حبيبه: علشان خاطري الذنب هيموتني. أنا مأجلة خطوبتي علشانك. حبيبه: ليه؟ نسمة: علشان انت مش موجودة. حبيبه بسخرية: وجودي فارق قوي جدًا. نسمة: أيوه فارق كتير معي. آسفة حقك عليا. حبيبه لأنها طيبة سمحتها. وابتسمت في وشها. حضنها نسمة وبدلتها حبيبه الحضن. وراحوا يكملوا شغل. في البلد عند منى اللي وصلت ظلمها وقدرها تضرب حماتها. أه مستغربين ليه؟ نشوف اللي حصل. منى زي كل يوم نزلت متأخرة. والست الكبيرة روقة البيت كله لوحدها.

منى بقرف: صباح الخير يا حماتي. انعام بطيبة: صباح النور يا بتي. كل ده نوم ده أنا حالي اتهد في الدار. منى: مش دارك يا اختي وبتروجي جرف عيال بناتك. إني أصلا زهجت وجرفت منهم. انعام: هم بيجوا عندك يا بتي؟ ده دار خيهم وابوهم. همست في سرها: بكرة أقطع رجلهم من هنا واصل. انعام: بتجولي إيه؟ منى: مبجولش. وحتى لو بجول هتعملي إيه يعني؟ انعام: وه عيب يا بتي أنا زي أمكم. منى: لا يا اختي انت مش زي أمي ولا هتكوني. انعام: ليش جد؟

منى: لأن أمي عمرها مهتكون هبلة زيك. انعام: وه صدقي أنك قليلة حياء ولما يجي محمود هجوله. منى: أنا قليلة حياء؟ طب والله لأوريك. للأسف لأن منى إنسانة مش متربية ومريضة. خلعت شبشبها ومسكت الولية ضربتها. من غير ما قلبها يرق. نروح لحفيظة. فعلاً داين تدان. حافظة: متقومي تعملي لجمه لرجلك. ضحكت رحاب بخسرية: رجلي؟ حافظة: أيوه راجل وسيد الرجالة كمان. رحاب: متقومي تعمليله انت يا اختي. حافظة: بت انت مش ناقصاكي.

رحاب: مش بعمل تطفح لحد. حافظة: طيب لما يجي. رحاب بسخرية: ييجي يا اختي هيعمل إيه ابنك أصلاً مش فالح غير أنه يتشطر على الحريم. حافظة قربت منها علشان تجبها من شعرها. رحاب مسكت إيديها زقتها وقعتها على الأرض. رحاب: أقسم بالله لو فكرتي بس يا حافظة الكلب تمدي إيدك على لهكون قاطعاها وراميها لكلاب السكك. وسبتها وطلعت تحت نظرات حافظة المصدمة. نرجع عند حبيبه اللي ورديتها خلصت. نسمة: حبيبه مش هعمل خطوبة من غيرك.

حبيبه: هاجي والله يا نسمة. نسمة: خلي بالك من نفسك. مشيت حبيبه وراحت للست سناء اللي حكتلها كل حاجة حصلت في يومها. سناء: وسمحتيها يا حبيبه؟ حبيبه بطيبة: إيه؟ ليه في حاجة؟ سناء: واحدة غيرك كان المفروض متسامحش. حبيبه: يا خالتي سناء ربنا بيسامح. إني مش هسامح. سناء بابتسامة: وصلتي لحد فين التطريز؟ ورتها حبيبه اللي عملته. سناء: الله حلو أوي أوي شاطرة يا حبيبه بس مين ملوك؟ ردت بهدوء: بنتي. سناء بدهشة: انتي متجوزة؟

ردت بحزن: والله معرف أنا متجوزة والا مطلقة. سناء: طب فين بنتك؟ صوت فوق وعنيها كلها دموع. فوق. سناء بعدم فهم: فوق فين؟ بصت لها وعنيها كلها دموع: عند ربنا. في لحظة دي قلب سناء اتخلع من صدمة: يا حبيبتي يا بنتي ربنا يعوض عليكي. ماتت إزاي؟ مسحت دموعي وتنفست: حادثة. طبطبت عليها: ربنا يعوض عليكي. أنا مش هسأل إيه حكياتك بس ربنا هيجبرك في يوم. حبيبه: ونعم بالله. جيت أقص شوية فساتين وهي راحت تعمل شاي. دخل واحد بينادي عليها.

ماما. بصيت لها. هو دكتور ياسين. وجال: ماما هي خالتي سناء تبقى أمو. خرجت خالتي سناء: أهلا يا حبيبي. ياسين كان مش مصدق أنها هنا. سناء بابتسامة: ياسين يا حبيبي ركز معايا. ياسين بخجل: نعمة. سناء بابتسامة: يعني جيتي. ياسين باص إيديها: جيت علشان أطمئن عليكي. خلصت شغل قولت آخدك. معرفش أن معاك حد. سناء بابتسامة: دي مش حد دي حبيبه بعملها تفصيل. بصلها ياسين وابتسم. سناء بابتسامة: تعرفها؟

ياسين بهمس لها: معرفة قديمة بس هي حاليًا زميلتي في الشغل. حبيبه بحرج: طب أنا همشي يا خالتي. سناء: استني خلى ياسين يوصلك. ياسين في سره: يا رب توافق. حبيبه بحرج: لا ملهوش داعي. ياسين: لا إزاي الوقت اتأخر صح يا ماما. سناء بابتسامة: صح يا حبيبه مش هينفع. خلي ياسين يوصلك. هزت راسي بالموافقة. ابتسم ياسين لها مما أربكها. طوال طريق حبيبه متلزمه الصمت. ياسين حاول يكلمها في أي حاجة

لكسر الحاجز اللي بينهم: تعرفي أن اسكندريه حلوة قوي. حبيبه بحرج: فعلاً جميلة جوي. بص ياسين لحبيبه وقال بحب: أوي. حبيبه بحرج: هي إيه؟ ابتسم ياسين: اسكندريه. اتوتر شوية وأنا لاحظت ده. خايفة أسألها هي جات إزاي. ياسين: أنا مش عايز أعرف انت بقيتي في اسكندرية إزاي وإيه اللي حصل. مش هسأل علشان انتي اللي هتيجي وهتحكيلي. حبيبه باستغراب: أحكي بمناسبة إيه؟ ياسين: مثلاً صديقك المقرب.

حبيبه وه وه: صدقك أنك قليل الحياء. مفيش صداقة بين ست ورجل يا دكتور يا محترمي. ياسين بغموض: مش هبقى أي راجل. حبيبه خافت منه وحمدت ربنا أنها وصلت تحت بيتها. دخلت.