رواية اجبرتني على عشقها الفصل الثاني عشر 12 - بقلم ضحى خالد

دخلت كرستين بسرعة على الأوضة اللي فيها حبيبة، صحبها جنبها بيحاولوا يهدوها. فلاش باك. دخل ياسين بالصدفة للأوضة يطمن على المريض ابن حد مهم. دخل وشاف المنظر ده، هو شايف تصلب جسمها. من غير ما يشوف وشها، زقها فوقعت. مش من قوة الدفع، هي مكنتش قادرة تقف. من كتر الضغط واللي اتعرضتله في حياتها، سبب لها حالة نفسية أنها مش بتستحمل أي صوت عالي، أي خناقة بتخلي جسمها يرتعش. ووصل بيها الموضوع أن أي راجل عصبي بتتخيله هشام.

ياسين مسك في مريض وعنفه من غير ما يمد إيده عليه، هو أصلاً عامل حادثة مكسراه مش حمل خبطة. سابه ولف يشوف مين دي ومكنش مصدق أنها هي، إزاي وفيه إيه؟ قرب منها بهدوء. لاحظ رعشة جسمها. ملحقش يتكلم، لقاها اغمى عليها. باك. كرستين بلهفة: حبيبة انتي بخير؟ حبيبة بتعب: أنا تمام. كرستين: الحمد لله أن ياسين دخل، صوتي عمل لك رد فعل يا حبيبة، فرضا محدش دخل كان مصيرك هيبقى إيه؟ حبيبة: خلاص يا كرسين، مش قادرة.

ردت كرستين عليها بلين: الحمد لله إنك بخير، قلبي وقع في رجلي لما رنوا عليا. ومتخافيش من الجدع ده، أبوه نقله مستشفى تانية. ردت حبيبة بغيظ: في داهية. كرستين: طب يلا نروح؟ إيمان: امشي يا حبيبة، ولما ترتاحي خالص تعالي. هند: خدي يا حبيبة اللي طلبيه. حبيبة: شكراً. كرستين: طلبتي إيه؟ قامت حبيبة من على السرير: مش وقتو، عايزة أروح. خدتها كرستين فعلاً وروحوا، بس ماشفتش ياسين. دخلت البيت ورميت نفسي على الكنبة.

قعدت كرستين جنبي تهديني. كرستين: محصلش حاجة يا حبيبة. رديت بخوف: مش هروح الشغل تاني. كرستين: حبيبة حبيبة، مش منا. مش مشكلة توجهك تنسحبي، لسه العالم فيه كتير. كل ما قررتي تواجهي يبقى مينفعش تتسحبي من أول مشكلة. ماشي؟ هزت راسي بالموافقة. كرستين: ناكل وتنزلي كرسك وخلي بالك من نفسك، وأي حد يقرب منك قطيعة. ماشي يا حبيبة؟ حبيبة: ماشي. أكلت وأخذت دوش وغيرت هدومي ونزلت. روحت عندها، ست طيبة أوي. دخلت

عليها وقولتلها بابتسامة: ازيك؟ سناء بفرحة: أهلاً شفتها، الحمد لله، ازيك انتي؟ حبيبة: الحمد لله. سناء: هتعملي إيه النهارده؟ رديت عليها بكسوف: أنا أنا عندي طلب صغير بس، والله أنا هجيب كل حاجة. سناء بابتسامة: عايزة إيه يا حبيبة؟ حبيبة بحرج: في واحدة من أصحابي في المستشفى، خطوبتها قربت وهي مش قادرة تجيب فستان، فأنا قررت أفصل فستان، أنا هدفع تمن القماش وكل حاجة. ابتسمت

سناء على طيبة هذه الحبيبة: حاضر يا حبيبة، معاكي مقاساتها. حبيبة بفرحة: آه آه، معايا عباية ليها. سناء: طب يلا يا بنتي نشتغل عليه. حبيبة بفرحة: يلا. عند ياسين. كنت محتار إزاي هي أكيد سابت البلد وطفشت. طب طب وجوزها ده راح فين؟ ده لو عرف فيها هيقتلها. لا لا أنا لازم أقعد معاها بكرة وأفهم منها. أو على الأقل أقدر أحميها من جوزها. عدى أكتر من تلات أيام وحبيبة خلصت الفستان لـ نسمة وكانت فرحانة أوي بيه.

حبيبة بفرحة: مش عارفة أقولك إيه. سناء بابتسامة: متقوليش، انتي طيبة أوي يا حبيبة. هو لسه حد زيك كده؟ حد بيفكر في غيره؟ حد مهتم بسعادة غيره؟ ردت حبيبة عليها: أنا بحاول أخليها مبسوطة. سناء: ربنا يبسط قلبك كمان وكمان. استأذنت ومشيت. وصلت المستشفى وكنت مبسوطة أوي وعايزة أشوف رد فعلها. قبل ما إيدي تحط على الباب، سمعتها ومكنتش متخيلة أنها تقول كده. ليه؟ جوه. نسمة: مش عارفة يا جماعة انتوا بتحبوا اللي اسمها حبيبة دي على إيه؟

دي فلاحة. إيمان بضيق: وملها الفلاحة يا ست نسمة؟ نسمة: بجد بتعصبني. هند: يا بنتي حرام عليكي، دي غلبانة، هي عملتلك إيه؟ نسمة: مش عارفة، بس هو كده. بره. حبيبة عينها كانت مدمعة. الفستان وقع منها وهي سابت كل حاجة ومشيت. راحة تقعد مكانها. فتحت إيمان الباب: لاقت حاجة في كيس كبير واقعة. إيه ده يا جماعة؟ هند بضحك: ياما انت كريم، فلوس، شنطة فلوس. نسمة: شنطة فلوس؟ مرة واحدة. إيمان: شكله فستان. نسمة فتحت الكيس ولاقت فستان تحفة.

نسمة بانبهار: الله، بتاع مين ده؟ شكله جديد أوي. هند كانت بتفتكر كلام حبيبة وأنها مصممة على أنها تاخد مقاس نسمة. هقولك ده بتاع مين ومين عمله وليه. نسمة باستغراب: إيه كل ده؟ هند: يا ستي حبيبة عملاهولك عشان خطوبتك. نسمة بصدمة: إيه؟ إزاي؟ هند: لما كنتي زعلانة من يومين كده، هي عرفت إنك نفسك في فستان الخطوبة، بس مش عارفة بسبب ظروفك اللي زي الطينة. هي صممت تاخد أي حاجة ليكي، كنت مش فاهمة وقتها ليه، بس هفهم دلوقتي.

نسمة بتوتر: طب الفستان موجود وحبيبة مش موجودة، ده معناه إيه؟ إيمان: أنها سمعت كل كلمة قولتيها. هي بتفكر إزاي تفرحك وانت جرحتيها. نسمة ندمت أوي على كلامها. حبيبة راحت عند البحر وقعدت تعيط للمرة اللي متعرفش عددها. اتخذلت من واحدة كانت بتفكر في سعادتها وبس. حبيبة بدموع: ليه يارب؟ قلبي بقى مفهوش حتة سليمة لجروح جديدة. أخذت نفس وقامت روحت. دخلت البيت من غير ولا كلمة. كرستين بلهفة: حبيبة انتي كويسة؟

حبيبة: الحمد لله، أنا هنام. كرستين: ياترى مالك يا حبيبة. عدى تلات أيام. وحبيبة بتتحجج عشان متروحش الشغل. عن هشام اللي بقى عصبي أكتر من الأول وبقى يمد إيده على رحاب وهي زهقت وكل شوية عند بيت اهلها مغبونة. منى عمالة تسخن في هشام على حبيبة ورحاب في نفس الوقت. دورك جاي يا عقربة انت. الباب بيخبط جامد. راح هشام وفتح. قابل حد: معايا محضر من المحكمة. هشام باستغراب: بيجي إيه يعني؟ يابه، مرفوع عليك قضية خلع.

هشام اتجنن: إزاي هشام يتخلع؟ مين اللي رافع عليا؟ توقع رحاب، وانتوا اتوقعوا رحاب؟ لا حبيبة. ومين قادر أنه ياخد خطوة جريئة زي دي؟ البارت التالت عشر. ستكون بداية جديدة مشرقة مليئة بالمفاجآت ولحب ولمصاعب أيضاً. حبيبة نزلت تاني الشغل. دخلت غيرت هدومها وبدأت تباشر عملها بهدوء. كل المرضى فرحوا جدا جدا لما شافوها، محبوبة جدا بسبب طيبتها. شافتها إيمان جريت وسلمت عليها. إيمان: ازيك يا حبيبة؟ رديت بهدوء: زين.

إيمان: مش بتيجي ليه؟ حبيبة: كنت عيانة شوية. إيمان: ألف سلامة عليكي. رديت بكل هدوء: الله يسلمك، عن إذنك عندي شغل. مشيت من غير ما أبص ورايا. إيمان بضيق: منك لله يا نسمة. خلصت شغل وقعدت شوية. مكنش عندي حالات. طلعت الطارة بتاعت التطريز وقعدت أتطرز اسم ملوك حبيبتي. قلبي وحشتيني واصل. أول حاجة عملتها بعد ما اتعلمت التطريز هي اسم حبيبتي.

أخذت نفس. بس كله وجع وخذلان من الدنيا اللي كسرتني وهدتني. هي أخدت مني كل حاجة حلوة، أنا لسه مأخدتش منها. مش متأكدة إذا كنت هاخد حاجة منها ولا لأ. عملتني زي اللعبة مربوطة بخيط. خطر في بالي أغنية. بدأت حياتي وعشتها بحلوها ومرها، ولحد يوم مماتي لعبة. وخيوط كتير متشابكة في إيديا، ملعبكة. بتحركني وكأني لعبة. ياترى العيب في مين؟ فيا ولا في الزمن؟ ولا ده عيب السنين؟ وأنا اللي بدفع التمن. لعبة.

سمعت صوت حنين بيقولي: انتي مفكيش عيب يا قمر.