رواية اغتصاب غامض الفصل الأول 1 - بقلم جوري محمد

جوري ضابط شرطة عمرها 32 سنة، مصابة في قدمها اليسرى. حصلت على لقب "الضابط الأعرج" لأنها أول ضابط شرطة يستمر في العمل بالرغم من إصابته. بلال مساعد جوري، ضابط عمره 27 سنة. يفهم جوري من نظرة عينيها لأنهما دائماً يعملان معاً. عاصم ضابط شرطة، ولكنه ليس بكفاءة جوري. مدحت مدير الإدارة، وهو من ساعد جوري في الاستمرار في العمل. مراد الطبيب الشرعي المسؤول عن قضايا الاغتصاب والقتلى. أهلاً، كفر نجم.

نجم شاب في عمر الـ 35، قاعد على كرسي متحرك. فاطمة خادمة في قصر نجم. الجد أصيل، ويعتبر هو كبير الكفر. نجلاء أم نجم. شيخ الجامع محمود. *** "أنتم عارفين دي خامس حالة اغتصاب تحصل وما أعرفش مين الجاني في منطقة واحدة." "يا حضرة النقيب، إحنا عملنا اللي علينا والتحقيقات ما عرفناش نجيب من الجاني غير كده. البنت المغتصَبة متعرفش."

"أكثر كلمة بكرهها في حياتي كلمة 'ما أعرفش'. الكلمة دي ما تعلمناهاش في كلية الشرطة. والقضية دي بالذات تكررت نفس اللي بيحصل كل مرة والجاني مجهول. نستنى بقى لما بنات البلد كلها يحصل لها كده، يمكن نعرف ساعتها مين العنتيل اللي شايل الشلة دي كلها." "يا سيادة اللواء، يرضيك الكلام اللي بتقوله النقيب؟ "جوري، اللواء مدحت معها حق. من امتى إحنا بنحط في سجلنا الكلمة دي؟

ما أعرفش. متهيأ لي صعبة ننطقها. أربع قضايا اتقفلت واتقيدت ضد مجهول، ودي القضية الخامسة." "بعد إذنك يا فندم، أنا هافتح القضايا اللي اتقفلت تاني وعايزة أشوف الضحايا." "على فكرة الضحايا الأربعة ماتوا." "أوعى تقول الفاعل مجهول." "على فكرة يا حضرة النقيب، أنا حاسس إن كلامك فيه تريقة. مش عايزك تنسى إن أنا رتبة أعلى."

"تمام يا فندم، بس أنا مش بتريق. أنا بحاول أثبت إن فيه سر رابط القضايا ببعض. ممكن أطلع على تقرير الطبيب الشرعي للأربع قضايا؟ "نقيب جوري، ممكن تفتحي القضايا من جديد وتتصرفي بحرية تامة." "تمام يا فندم." *** "ها، طمنيني عملتي إيه؟ "هاكون عملت إيه؟ طلبت إننا اللي نفتح القضايا الأربعة اللي فاتوا." "إنتي كده بتعادي عاصم لأنه هو اللي قفلهم." "ما يهمنيش. وعلى فكرة، استعدي علشان احتمال كبير الأيام اللي جاية نسافر." "آه والله!

أنا عارف إن آخرتي هتبقى على يديك." "طيب، هو في حد بيموت ناقص عمر؟ كلنا هنموت. لنا ساعة لو جت خلاص، حتى لو إنتي قاعدة في بيتك مرتاحة." "ماشي يا ستي. المهم، أنا هاعمل إيه دلوقتي؟ "روح هات لي ملفات القضايا. وأنا معايا اسم الدكتور اللي قام بتشريح الأربع جثث. هغيب ساعة وارجع تكوني جهزتي كل حاجة. عايزة أعرف تحليله الشخصي بعد ما شرح الجثث، مش المكتوب في الورق." *** وصلت جوري عند الطبيب الشرعي. "مراد باشا موجود؟ "مين حضرتك؟

"النقيب جوري. اديله الكارت ده." "خليها تدخل." "أهلاً وسهلاً، مراد باشا. معلش تعاملنا الأيام دي هيبقى كتير. وأنا مش بحب الألقاب، نخليها مراد أسهل." "أهلاً وسهلاً." "أنا جاية علشان قضية ريم من كفر نجم، وده تصريح بفتح القضايا الأربعة المتشابهين معه في الأحداث." "أنا كتبت كل حاجة في التقرير." "أنا بحب أسمع الكلام بيجيب بعضه، وعايزة أعرف رأيك الشخصي مباشر، وبعد كده أقرأ التقرير."

"ماشي. أنا لاحظت إن فيه تشابه في طريقة الاغتصاب، ولكن الاختلاف في الحيوان المنوي الموجود. ما تكرر في الأربعة. يعني ممكن نقول أربع أشخاص." "أيوه، احكي بالتفصيل علشان أنا باقول نفس الكلام." "طيب، تعالي معايا المشرحة." "خدي بالك من كل أثر موجود على الجثة بيأكد إن العملية مش عملية اغتصاب للمتعة." "يعني ممكن يكون اللي بيقوم بالاغتصاب ده مجنون؟

"لأ، ده عارف هو بيعمل إيه بالظبط. الخمس جثث فيهم آثار لـ 'أنبول'. ودي إزازة صغيرة تستخدم في فض غشاء البكارة." "يعني قصدك الغشاء بينفض الأول وبعد كده بتتعمل العلاقة؟ "فهمتيني. الغرض من العملية هو الدماء الطاهرة الموجودة في الغشاء. ودي أول نقطة متشابهة مع الخمس جثث." "والنقطة التانية؟ "إن الحادثة بتحصل في آخر يوم في إتمام السنة، يعني يوم عيد ميلادهم. طبعاً في الأرياف ما بيعرفوش عيد ميلاد، ما بيهتموش بحاجة زي كده."

"يعني الجاني يعرف البنات كويس، أو يكون عنده صلة بمكتب الصحة بتاع البلد علشان يعرف ميعاد عيد ميلادهم؟ "هو كده بالظبط." "وثالث نقطة... "هم بيموتوا بعد العملية دي بيوم. ولاحظت إن جسمهم بتظهر فيه علامات زرقاء." "طيب، دي الملاحظات مكتوبة في التقرير ولا لأ؟ "مش كلها طبعاً. كاتبها لأنهم مش هيصدقوا كل الحاجات دي، فكتبت التقرير اغتصاب عادي. طيب، ما فكرتش ليه تعمل تحليل للسائل المنوي الموجود؟

"مهتمتش بمكوناته قد ما اهتميت إني أعرف إنه مختلف." "عايزة تتأكدي لي من حاجة، هل السائل المنوي موجود منه في الرحم؟ "فهمتك قصدك إيه. هو فعلاً ما كانش موجود منه في الرحم." "يبقى ده بيأكد النظرية اللي ما حصلش علاقة أصلاً، وكل اللي بيحصل علشان يداري الغرض الأساسي من اغتصاب البنات." "أنا قلت كده لعاصم باشا، بس هو ما اقتنعش وقال لي دي قضية اغتصاب واضحة جداً." "طيب، في تحاليل بيني وبينك كده عملتها على الجثث دي، حب استطلاع."

"كل اللي عرفته قلته." "طيب كويس." *** وصلت جوري على مكتبها في الإدارة. "أنا جهزت لك الملفات." "ماشي. اقرأ أول ملف ونشوف أول ضحية حكايتها." وبدأت جوري فعلاً تقرأ أول قضية. القضية الأولى: ليلى، عندها إعاقة في ذراعها الشمال. العمر 18 سنة، فتاة بسيطة، معاها دبلوم تجارة. اشتغلت في مصنع السكر قبل الحادثة بثلاثة أيام. القضية الثانية: سمر، 16 عام، إصابة في العين اليمنى. لسه بتدرس، كانت في الإجازة بتشتغل في مصنع السكر برضه.

القضية الثالثة: فاطمة، 20 سنة، خرسا. كانت شغالة في قصر نجم، ساقطة قيد. وتم تحديد سنها قبل موتها بساعات. القضية الرابعة: نرجس، 18 سنة، والدها في القصر شغال جنايني. القضية الخامسة: ريم، 22 سنة، ممرضة. وصلت الوحدة قبل موتها بيومين. وهنا دخل بلال. "إيه الأخبار؟ طلبت اتنين قهوة وسندوتشات. إنتي ما أكلتيش حاجة من الصبح." "الضحية الجاية هيبقى عندها 20 سنة." "طيب، وإنتي عرفتي إزاي؟

"نازل اتنين وطالع أربعة. وكلهم عندهم إعاقة ومش مرتبطين." "خذ مفتاح الكرفان علشان هنسافر النهارده، واعمل حسابك إنك تجهزوا على أساس تلاتة." "أنا وإنتي ومين التالت؟ "دكتور الطب الشرعي." "تمام يا فندم." "اتصلت بمراد، عايزك تستعد علشان هتسافر معنا كفر نجم." "خلاص، أحضر شنطتي." "حضر أدوات التشريح، كل شيء تحتاجه يلزمك في تشريح الجثة. محاليل الحفظ للعينات علشان هنحتاجها. وما تنساش محاليل خاصة بالتحليل الحمضي النووي."

"إنتي ناوية على إيه بالظبط؟ "هافتح القضايا في أرض الواقع." "أوعى تكوني هتعملي اللي أنا فهمته. مش هيسيبوك، استحالة حاجة زي كده تحصل. الكفر يقوم عليك." "قلت لك استعد وما تخافش، مش هيحصل حاجة. أنا عارفة هدخل بالطلب ده من زاوية هتخليهم يوافقوا." "خلاص، اوكي. هاجهز بكرة على الساعة سبعة صباحاً." أخذت جوري الملفات وراحت على شقتها. "الواحد محتاج حمام دافئ." وأخذت شاور ودخلت علشان تنام. وجوري بتحلم...

جوري ماشية بين مدافن، وراء كرسي متحرك. "إيه المكان ده؟ حتى دي مش المقابر بتاعت العيلة بتاعتي. واقفة على كل مقبرة بنت." "جوري، إيه ده؟ الخمس بنات دول أنا عارفاهم. البنات التانية دول مين؟ وهنا ماسكة أيدها بنت صغيرة. "الحقينا يا جوري." "إنتي مين؟ البنت زقتها، وقعت على الأرض، والأرض بتسحب جوري تحت. وجوري بتقاوم لحد ما فجأة...