رواية اغتصاب غامض الفصل الثاني 2 - بقلم جوري محمد

الأرض بتسحبها والكرسي المتحرك جاي عليها. وفجأة تليفونها رن. "خير اللهم اجعله خير. الحلم الغريب ده." بصت على التليفون. "ايه ده، ما فيش حد رن. بس أنا صحيت على صوت التليفون. أكيد كان حلم." جوري راحت اتوضيت وصليت قيام الليل. "إيه حكايتك يا كفر نجم؟ ونسيـبها ونروح كفر نجم. الشخص الأول: مش ضروري يعمل الحكاية النهاردة. الشخص الثاني: ما ينفعش، لازم يكمل الطريق. أي كسر يلخبط الدنيا كلها.

الشخص الأول: طيب، هاتي السجلات علشان أسلمها للكبير. الشخص الثاني: هات الفلوس الأول، ولا أنا هشتغل معاكم ببلاش؟ الشخص الأول: خدها. حر ونار في جسمك طالع واكل نازل واكل. الشخص الثاني: يعني هو انت اللي ما بتاخدش؟ ما انت بتاخد على قلبك قد كده وقاعد في القصر واكل شارب نائم مبتدفعش حاجة. الشخص الأول: أعوذ بالله على عينيك. غور. ونسيبهم ونرجع تاني عند جوري. الفجر أذن وقامت تصلي وبتدعي ربنا.

"يا رب، أنا مش عارفة الطريق اللي ماشيه ده صح ولا غلط، بس أنا توكلت عليك واستعنت بيك في مشواري ده وعندي إيمان إنك هتساعدني إني أوصل للحقيقة." وراحت متصلة على بلال. بلال: الو. تصدقي بالله، أنا مراتي هتدخل الجنة لأنها بتتحمل اتصالات بالليل دي. ده اللي بيحبوا بعض بياخدوا هدنة. جوري: إحنا هنستهبل؟ هي تدخل الجنة عشان اتجوزتك. المهم، انت جهزت الحاجة اللي طلبتها؟ أوعدي تكوني نسيت. أكل الكلب.

بلال: لا، ما نسيتش. كل حاجة جاهزة. وهتعملي إيه في باقي حديقة الحيوانات اللي عندك دي؟ جوري: المرة دي أنا مش عارفة هتاخر قد إيه، عشان كده هجيبهم عندك. بلال: نعم! أنا شقتي صغيرة ومراتي بتخاف من الحيوانات. جوري: خلاص يا عم، أنا هتصرف. سلام. بس أنا كنت هادفع إيجار لك. بلال: بجد؟ إذا كان كده، ماشي. جوري: واطي واطي. مراتك أجدع منك. قالت هاتيهم وأنا أهتم بيهم. بلال: طب كويس، أداء هي قالت يبقى هتنفذ.

جوري: لا، أنا أخذتهم ووديتهم عند واحد يهتم بيهم. يلا استعدوا. وطلع الكرفان وعدي علي وأنا هصحى مراد. سلام. مراد: الو. أنا جهزت كل حاجة ومستعد. جوري: يا عم، صباح الخير الأول. مراد: معلش، أصل أنا متحمس جداً. حاسس إن القضية دي هنكشف فيها حاجة جديدة. جوري: اوكي، ساعة وهنبقى عندك. ونسيبهم ونروح كفر نجم في القصر. الجد: أصيل، روحي صحي نجم عشان يفطر.

فاطمة: أيوه يا حاج، أنا صحيته وهو قال لي ها ننزل دلوقتي لما تروح له مدام نجلاء. وهنا نجلاء جاءت. نجلاء: صباح الخير. اصيل: انت لسه صاحية من النوم؟ نجلاء: هنبدأ الموال بتاع كل يوم. معلش يا عمي، أنا هطلع أصحى نجم وننزل على طول. نجلاء بتخبط على الباب. نجم: ادخل. نجلاء: يلا يا ابني علشان تفطر جدك مستنينا تحت. نجم بيتحرك الكرسي. وهم قاعدين يفطروا. نجلاء: يا ابني سيبك من أكل العيانين ده وافطر أكل حلو زي اللي إحنا بنعمله ده.

اصيل: انت إيش فهمك؟ الأكل اللي هو بياكله هو المطلوب عشان يقدر يقف على رجليه. نجلاء: يا عمي، ما أنا سألت الدكتور وهو قال لي ياكل كل حاجة. اصيل: نجلاء، من إمتى والحريم بيكلموا رجالة؟ ما تدخليش في حاجة بعد كده. نجلاء: خلاص يا عمي، أنا آسفة. اصيل: فاطمة. فاطمة: أيوه يا حاج. خير. اصيل: هاتي الأكل بتاع نجم. فاطمة: حاضر يا حاج. جاهز. ونسيبهم ونروح عند جوري ومراد وبلال في الكرفان. جوري: بقول لك من أولها، تسوق حلو ولا لا؟

المرة اللي فاتت مصلحة بفلوس كتير. بلال: لا، ها سوق حلو المرة دي. جوري: لا، مش متجوزة. مراد: أفندم. جوري: انت عايز تسألني إزاي جوزك بيسمح لك بالسفر في أي وقت؟ مراد: أيوه فعلاً، كنت عايزة أسأل. جوري: وأنا رديت عليك، أنا مش متجوزة. جوري: أنا كل اللي مخليني قلقانة، احتمال نوصل ونلاقي الضحية السادسة. مراد: طب، وإيه اللي مخلياكي متأكدة كده؟

جوري: هاقول لك، بس لو حصلت وتوقعي طلع صح. أنا كل اللي خايفة منه إن تطلع الجرائم دي كلها لغرض تاني خالص. مراد: غرض زي إيه؟ جوري: استحضار روح مثلاً. مراد: انت بتتكلمي بجد؟ جوري: أيوه، أنا بحثت عن تاريخ كفر نجم، لقيت الجرائم دي حصلت قبل كده من 10 سنين ومن قبلها بعشر سنين. يعني كل عشر سنين بتتكرر الجرائم دي. بلال: على فكرة، إحنا خلاص دخلنا على أول البلد.

جوري: اوكي. انتوا هتطلعوا على قسم الشرطة، استنوني هناك عند الاستراحة. مراد: طيب، وإنتي هتنزلي لوحدك؟ هتروحي فين؟ والليل دخل، غير كده انتي المكان ما تعرفيهوش. جوري: الليل ليه أسرار كتير، وإحنا في قضية كلها أسرار. وأكيد يعني ما حصلتش بالنهار بتحصل بالليل. مراد: بس ده خطر عليكي. جوري: والحياة إيه غير مخاطرة؟ بلال: ما تتعبش نفسك، بس يا ريت التليفون ما يتقفلش. جوري: اوكي. ميجو، يلا بينا. ومشيت هي والكلب بتاعها.

مراد: إيه ده، الضابط ده ليه ناسيه إنها بنت بترمي نفسها وخلاص؟ بلال: احمد ربنا إنها ما سمعتكش. النقيب جوري، عارف ليه سموها الضابط الأعرج؟ مراد: لا. بلال: هحكي لك النهارده الحكاية. ونسيبهم ونرجع تاني عند جوري وهي عدت من قدام بيت قديم جداً جداً. وبصت لقيت البنت الصغيرة اللي حلمت بيها واقفة عليه. البنت: تعالي، تعالي. جوري: انت بتندهي علي أنا؟ البنت الصغيرة: ادخلي. الكلب بيهوهو. جوري: اسمك إيه؟ البنت: اسمي ورد.

جوري: وانت قاعدة هنا لوحدك؟ البنت: لا، جدتي قاعدة لوحدها. ادخلي. جوري دخلت. الجده: مين، مين اللي داخل؟ جوري: أنا يا حاجة، ممكن شوية ميه. الجده: حاضر، بس انتي دخلتي كده مش باستئذان. ثم انت مش خايفة؟ ماشية ليه في الليل؟ حد يمشي في ليل كفر نجم. جوري: أصل أنا غريبة. الجده: يعني زي حالاتي. جوري: قصدك إيه؟ مش فاهمة. الجده: عمياء. الغريب أعمى، حتى لو كان بصير. وأنا عمياء يبقى زي بعض ولا لأ؟ جوري: آسفة، بس مش باين عليكي.

الجده: زيك انتي بردك مش باين عليكي إنك بنتعرجي. جوري: وانت عرفت إزاي؟ الجده: من خطوتك. اشربي الميه وما تخافيش، أنا بغسل الماعون كويس. جوري شربت. جوري: شكلك من سكان الكفر من زمان قوي. الجده: من زمان قوي، من حوالي 49 سنة مولودة هنا. وجدتي نفس الحكاية، يعني إحنا أساس الكفر. جوري: أكيد بقى تعرفي حكايته إيه؟ الجده: انت صحفية؟ جوري: حاجة زي كده. الجده: يبقى جاية عشان البنات اللي بتموت. جوري: أيوه.

الجده: هاحكي لك بالرغم من إنك دخلتي البيت كده من غير استئذان. جوري: لا، أنا دخلت لما ورد قالت لي ادخلي. الجده: ورد؟ ورد مين؟ أنا عمية مش مجنونة. ورد ماتت من زمان، من حوالي 50 سنة. جوري: إزاي؟ دي هنا. الله! راحت فين؟ يمكن خرجت بره. جوري بتدور عليها مش لاقياها. الجده: ورد يا بنتي، والله ماتت. اسألي أهل البلد دي. ماتت في حادثة ما يعلم بها إلا ربك. حرقة قلب أبوها وأمها، وماتوا بعدها على طول. جوري: طيب، احكي لي يا حاجة.

الجده: لا، أنا تعبت. بكرة أحكي لك، بس في الليل. جوري: بعد العشاء. الجده: ماشي، بعد العشاء. بس بأقول لك إيه، أوعدي تشربي ميه أو تاكلي شيء في البلد. ميتك في إيدك، وأكلك جارك عشان تعرف الحقيقة. وأنا ساعدتك وشربتي ميتي، وهتعرفي قيمتها بعدين. آه، وما تصدقيش إلا اللي تشوفيه بعينيك. سلامة، وخذ الباب في إيدك. جوري: سلام. وهي ماشية، تقصد إيه بكلامها ده؟ تكون الميه فيها حاجة؟ طب والأكل، ما هو معمول من الميه.