رواية اغتصاب غامض الفصل الخامس 5 - بقلم جوري محمد

نجلاء: اتكلم يا أصيل. أصيل: أنا ما ليش دعوة ولا لي ذنب، ده عهد هم اللي أخذوه وإحنا بندفع الثمن، بس هم ما عرفوش يسيطروا. استحضروا الجن على أساس يطلعوا الكنز من الأرض. نجلاء: أه، على رأي المثل: "جيت تصيده راح صادك". أصيل: هو ده اللي حصل معاهم، وكل عشر سنين لازم يتولد بذرة جديدة عشان يفضلوا هم المسيطرين. نجلاء: يعني إيه؟ أنا مش فاهمة، اللي أنا اتجوزته ده إنس ولا جن؟ أصيل: بصي، البذرة دي كانت ابني.

نجلاء: بكلامك ده بتأكدي إنّي اتجوزت جن. أصيل: مش بالضبط، عشان في حالتك حصلت بعض المشاكل، ولما حاولت إني أعالجها زي ما هم طالبين، تسببت في العجز اللي حصل لنجم. نجم: أصييييييل! أنت اتجننت! وبدأ البيت كله يتكسر والقصر تحصل فيه أصوات كتير. أصيل: آسف يا سيدي، هي اللي صممت تعرف. نجلاء بتصوت. نجم: يلا كلكم على الجبل. وبدأ يظهروا الناس بأشكال مخيفة كتير، ومسكهم عشان يوديهم الجبل. *** نسيبهم ونروح عند فتحي وجوري.

جوري: اتكلم بقى يا عم فتحي. فتحي: أنا من بره البلد، أو بمعنى تاني، ما ليش جذور هنا. أنا جيت البلد عشان أدور على أكل العيش، حبيت اشتغل هنا وتجوزت من البلد. جوري: وطبعًا اطمنت إن بناتك في أمان من اللي بيحصل ده؟ فتحي: أيوه، عشان اللي بيحصل ده في بنات البلد بس. جوري: وأنا متأكدة؟

فتحي: أيوه، ولما جيت اتجوز، حمايا هو اللي اختارني وعرض عليا الجواز من بنته، مع إنّي كنت فقير وعايش في عشة، وهو كان عايش في بيت دورين وعنده حتة أرض بيزرع، هو ياكل من خيرها. سألته، قال لي: حماه فتحي: بص يا ابني، أنا كده ضمنت إن أحفادي في أمان، بنات وصبيان. فتحي: إزاي يعني يا حاج؟ حماه فتحي: هتعرف بعدين وتفهم. فتحي: وبعد كده فهمت وعرفت هو كان يقصد إيه.

جوري: ودلوقتي القلق دخل عقلك من ساعة ما شفت البنت المدفونة وعرفت إنها من خارج البلد. فتحي: أيوه، وعشان كده أنا هاتكلم... هم بيستخدم... وبدأ يتخنق ومش عارف ياخد أكسجين عشان يتنفس. جوري: خد نفسك بالراحة. فتحي: ما فيش وقت. في السحر الأسود عشان يسترجعوا. وهنا عينيه ابيضت وشكله بقى مخيف. فتحي: أهلاً بك في عالمي. جوري: بسم الله الرحمن الرحيم. وبدأت تقرأ قرآن، وفتحي فاق: فتحي: أنا مش هأقول حاجة. وراح بيجري.

جوري: عم فتحي استنى! فتحي: لا لا. *** وهنا جاء اتصال من مراد. مراد: عايزك في المعمل دلوقتي حالًا. جوري: نص ساعة وأكون عندك. ومشيت جوري عند مراد. جوري: خير يا مراد؟ مراد: فعلًا التحاليل الأولى بتؤكد إن العملية عملية اغتصاب عادي، بس الغريبة بقى في السائل المنوي. جوري: إيه الغريب فيه بقى؟ مراد: تكوينه، تكوينه مش تكوين سائل بشري. جوري: قصدك إيه؟ مراد: فيه عناصر تانية موجودة، استحالة تبقى موجودة عند بشر.

جوري: القضية دلوقتي بتاخد منعطف جديد. طيب، هل هي يعني فيها بعض من المكونات البشرية؟ مراد: أيوه، وده اللي خلاني أسأل: إزاي العناصر دول اتجمعوا مع بعض؟ مع العلم إن الحيوان المنوي البشري عايش، وهو المفروض يموت خلال دقائق قدام وجوده مع العناصر دي. جوري: طيب، دور على المكونات دي في القضايا اللي فاتت. مراد: أنا عملت كده فعلًا، ونفس النتيجة مع اختلاف النسبة، بس كانت أكبر نسبة موجودة في القضية دي.

جوري: لأن دي حالة اغتصاب عادية. على فكرة، ما تقولش المعلومات دي لطارق. ولو سألك، حاول تديله معلومات غلط. لأني عايزاه يحس إننا ما فهمناش القضية، إن فيها أي شبه غريبة. قضية اغتصاب عادية جدًا جدًا. مراد: ماشي، أنا برضه حسيت من ناحيته إحساس مخليني مش مطمئن. جوري: أنا حسيت إن هو عارف حاجات كتير عن القضية دي وساكت. جوري: أنا هاروح أصلي المغرب ومش هارجعك تاني. مراد: طب لو عرفت أي حاجة جديدة؟

جوري: ابقي قولي بالتليفون. بلال فين على فكرة؟ مراد: بلال كان هنا، قال هاروح يعمل التحريات اللي أنت قلتله عليها. جوري: خلاص، أوكيه. *** ومشيت جوري على الكرفان بتاعها، وصلت وبعد كده عملت فنجان قهوة وجابت الأكل بتاع ميجو. جوري: بتروح فين يعني يا ميجو؟ ما شفتهوش من الصبح. وخرجت بره الكرفان وشافته واقف بعيد. جوري: ميجو! وبيجري عليها وشكله مصعور وعينه حمراء. جوري: ميجو!

و بتجري وبتحاول إنها تهرب منها. هاجمت عليها وبتحاول تقاوم لحد ما اضطرت إنها تضربه بالنار. *** وهنا فاقت جوري. لقيت ميجو وائل جنبها بياكل الأكل اللي هي حطته. أعوذ بالله من الشيطان الرجيم. أنا أمشي ميعاد الجدة. يمكن أفهم منها إيه اللي بيحصل في البلد دي بالضبط. وصلت جوري المكان. الله! مش البيت كان هنا؟ راح فين؟ وهنا كان في ست معدية من جنب جوري. جوري: لو سمحت، يا حاجة. الست: يا لهوي! أنت البنت بتاعة المقابر؟

لا، أنا ما أعرفش حاجة. وسبتها ومشيت. جوري: غريبة، أول بلد دي استغربت إنّي فتحت المقابر ومش مستغربة اللي بيحصل للبنات. *** وهنا ظهرت البنت. ورد: جوري، أنت جاية بدري عن ميعادك ليه؟ جوري: قلت عادي، خلصت شغل، فقلت أجي بدري عشان أسمع حكايتك وأعرف سبب موتك. ورد: أنا مش ميتة، أنا عايشة. مين قال لك إني ميتة؟ جوري: جدتك. ورد: وهي ما تعرفش حاجة؟ أنت مش شايفاني واقفة قدامك أهو وبلعب كمان؟ جوري: اه، طب قربي كده مني عشان أمسكك.

ورد: لا، عشان أنا لو قربت أنت هتخافي مني قوي وتبعدي. جوري: ليه؟ ما أخافش. أنا مش هابعد. ورد: أنا كنت بلعب مع الكلب بتاعك من بعيد، وأول ما قربت هو جري وخاف مني قوي. جوري: لا، أنا مش هأجري. ورد: طيب، أنا هاقرب واحدة واحدة، بس ابعدي الكلب ده. جوري: حاضر. ميجو، روح عند الشجرة هناك. ميجو مش راضي يتحرك من مكانه. جوري: ميجو! وهناك ورد بتقرب وجوري وراها. الترعة على بعد 2 متر تقريبًا. ورد: أنا جيت. وراحت ضرباها.

جوري طارت 2 متر لحد ما وقعت في الترعة. وجوري بتحاول تطلع وحاجة بتشدها لتحت. ورد بتضحك: عشان أنا حبيتك وهتفضلي معايا وهأفضل ألعب معاكي على طول. وجوري بتحاول وما فيش فايدة. وميجو حاجة ماسكة واقف مكانه مش عارف يتحرك. *** ونسيبهم ونروح عند الجبل الشرقي. نجلاء: إيه المكان اللي هم جابونا فيه؟ أنا عمري ما شفت المكان ده. أصيل: ما تقلقيش، ده المكان اللي دائمًا بنيجي نقعد فيه لما بيكونو عايزين يحضروا. نجلاء: يحضروا إيه؟

أصيل: هي كده كده خربانة، يستحضروا أرواح. نجلاء: وابنك داخله إيه في ده كله؟ أصيل: ابنك هو الوعاء. وهنا دخل جلجميش ملك عشيرة الجان وحافظ المعاهدة بينهم وبين عائلة أصيل من زمان. أصيل: أنا آسف يا سيدي، هي اللي خلتني أقول لها. جلجميش: كشفت السر. أصيل: سامحني يا سيدي. جلجميش: كده أنت اللي اضطرتني إني أستخدم بديل. أصيل: لا يا سيدي، أنا راجل كبير، أو ما أستحملش أي ضغط. وهنا تدخل وزير جلجميش.

الوزير: سيبه المرة دي يا سيدي. البشر كده أول ما بيخافوا بيرجعوا زي العبيط. هو مش هيغلط تاني، صح يا أصيل؟ أصيل: أيوه، مش هاغلط تاني. نجلاء مش قادرة تتكلم من المنظر المرعب اللي هي شايفاه. جلجميش: والآنسية الثانية، نعمل فيها إيه؟ الوزير: هند سجن فيها جنيه من المحكوم عليهم بالإعدام. جلجميش: قلبك قاسي قوي يا وزير. الوزير: بدل السجن عندنا، يبقى مسجون في جسمها. هي جسمها صغير وقوتها ضعيفة، يعني هو هيتعاقب وهو جوه جسمه.

جلجميش: خلاص، نفذ. أصيل: يعني هي الثانية هتبقى عجزة؟ الوزير: لا، هتتكلم عادي وتتحرك عادي، بس هتنفذ اللي إحنا نقوله بس. جلجميش: يلا عشان نبدأ الطقس. الوزير: ماشي يا مولاي، كل حاجة هتجهز. جلجميش: والشيخ عسران؟ الوزير: جبناه، وهو محضر البخور والأدوات عشان نعمل الطقس، الأول استجمع قوتك عشان تبعد عن نجم وتاخد صورته الإنسية. ***

ونسيبهم ونروح عند جوري اللي بتحاول تخرج من الترعة، وكل محاولاتها باتت بالفشل لحد ما فجأة وظهر إيه اللي هنعرفه في اللي جاي.