رواية اغتصاب صالونات الفصل الثالث والعشرون 23 - بقلم اية

قيس : أخوها إزاي؟ هادي قام من على الأرض : أنا مش فاهم حاجة. عم علي : البارح أنا دخلت الأوضة ولقيت التسجيل ده بتاع جدوكم. افتحوه وهتفهموا. ليث خد الفيديو وشغله. في الفيديو:

الجد : ازيكم يا أحفادي. الفيديو ده لو اتفتح يبقى اللي بيسمعوه هما صبا كريم الجارحي وهادي ناصر العاصي. أحب أقولكم انتوا الاتنين إنكم إخوات. أيوا إخوات من نفس الأم ومن نفس الأب كمان. أبوكم هو ناصر ابني. بصراحة هو اتجوز واحدة عرفي وبعد فترة حملت فيك يا هادي. وفي الوقت ده كانت أنا بجوّزه. وبعد سنة بدأ الموضوع يتكشف إن ناصر متجوز واحدة في السر وبدأ يحصله مشاكل مع مراته إنه بيخونها وكده. فوقتها كان لازم أدخل عشان أنقذ حياة

ابني وخصوصاً إن مراته سومية كانت حامل في رهف ساعتها. وخلّيته يقطع الورقة العرفي اللي بينه وبين البت دي. واخدتك منها. أيوا خدتك من حضن أمك يا هادي. ومكنتش أعرف إنها حامل في أختك برضه. وساعتها هي هربت باللي في بطنها. وانت اتربيت مع أبوك وأختك رهف بعد موت أمها وهي بتولدها. كأن ربنا بيعاقبنا. ساعتها عرفنا إن أمك كانت هربانة وفي بطنها من عيلة العاصي. ودورنا عليها وكأن فص ملح وداب. بس بعدين عرفت إنها ماتت بعد ما ولدت بنت

برضه. وإن البنت دي حد من عيلة العاصي عارفها. والاحتمال الأكبر والأكيد إن صبا هي أختك. وده عشان السن. وعشان بنتي نورا كانت صاحبة أمك يا هادي. أنا كان ناقصني بس إني أعملكم تحليل DNA. أنا آسف يا بني. أتمنى تسمحني أنت وصبا.

هادي كان متعصب جداً. صبا : أنت كويس؟ هادي مشي من الفيلا ومن أسوان من غير أي كلام. قيس لعم علي : وأنت إيه اللي أكدلك إنهم إخوات فعلًا؟ إذا كان جدّهم مش متأكد. عم علي : من يومين صبا كانت تعبانة وبتنزف. وهو اللي اتبرعلها. صبا بشرود : والممرضة قالت إن جسمي كان متقبل دمه جداً واستقبله بسرعة. ... تسارع أحداث ... في أمريكا فؤاد : اممم تمام. يعني انتي تبقي بنت خالي. روز نفخت : آه يا رب نفهم.

فؤاد : وصبا وهادي دلوقتي في أسوان بيدوروا على الكنز. روز بقرف : بسم الله ما شاء الله. ودي عرفتها لوحدك. فؤاد : مالك يا به؟ مش طايقة اللي جابتني كده ليه؟ روز نفخت بعصبية : يعني واحد خاطفي من يومين ولسه راجع بيته من ساعتين. وبيعملني ولا كأني مجرمة وقاعد يحقق معايا. دانتا تقيل يا جدع. فؤاد : أولاً كان ورايا شغل ومعرفتش أكون في استضافتك الكريمة. وثانياً لما صدقت إني ألاقي صبا أختي دي. على فكرة.

روز : بقالك أكتر من خمس شهور متعرفش عنها حاجة. وجاي دلوقتي تدور؟ يا خبتي. فؤاد : انتي متأكدة إن حياتك كلها كلها كلها كانت في المانيا؟ بالله احلفي كده. روز : أيوا يا حبيبي. انت مفكر علشان عشت بره إني ناسيه أصلي ولا إيه؟ لا يا بابا أنا بنت بلد أوي. وفين العيال بقى؟ فؤاد : دول عيال أختي وأمانة عندي. وانتِ هغوري في داهية تاخدك على ألمانيا. روز بتلقائية : ليه؟ هو انت عارف تحافظ على ابنك عشان تحافظ على ولاد أختك؟

فؤاد قام بعصبية : انتي ملكيش دعوة. العيال هيفضلوا هنا وانتي هتغوري بليل. ومشي وسابها. فؤاد دخل غرفته بتفكير : هي عرفت إزاي إني عندي ابن؟ إيه اللي حصل في اليومين اللي غبتهم دول؟ ... في مصر في أحد الحدائق الرخيصة ... يجلس فادي ويتأمل الطبيعة. كانت بتجري بسرعة كبيرة واتعكبلت ووقعت قدامه. فادي قام ساعدها : انتي كويسة يا آنسة؟ بصتله بإحراج : آآآه شكراً. ومشت. وجت واحدة تانية بتجري وراها : مسكتك يا ليلي.

ليلي بتعب من الوقعة : بس بقى حرام عليكي. أديني وقعت وقعه. فادي كان بعيد بس سامعهم وضحك بخفة. ... في أسوان ... نزلت صبا. علي : خلاص يا بنتي هتمشي؟ صبا بلطف : أيوا يا عمو همشي. معدش له لازمة قعدي هنا. أوعدك إني هاجي أزورك. قيس : يلا يا صبا. أنا حضرت العربية. ليث بغيرة ونرفزة : وهي تركب معاك ليه؟ وتأمنلك تاني إزاي؟ قيس : وأنت مالك؟ دي مراتي لحد دلوقتي. ليث : أنت بتتكلم كأنها متجوزة ملاك. دانت شيطان بتتحول في ثواني.

صبا : باااااس. قيس أنا مش هروح مع ليث ولا هروح معاك. ليث واحد غريب عني. وأنت... قيس : حبيبك. صبا : كنت... أنت لآخر لحظة كسرت الأمل اللي كان ممكن يرجع علاقتنا تاني. ومشت. وسألتهم صبا لنفسها طول الطريق. ... في المساء ... دخل هادي قصر فؤاد في أمريكا. هادي : أختي فين يا فؤاد؟ فؤاد : أهي عندك فوق. هادي بصوت عالي : روووووووووز. روز نزلت بأيهاب ومهاب وفضلت تبص لفؤاد بخوف. فؤاد : سيبي ولاد أختي. ملكيش دعوة بيهم.

هادي خد العيال من دراعها وراح حطهم على كنبة بجوار فؤاد. روز بصت لأخوها باستغراب. هادي : ابقي قولي لصبا إني حبيتها. وقلها إنها متحولش تلقيني تاني. وروح بركلها على الكنز. ومشي هو وروز. في العربية الهادي المستأجرة. روز : أنت سبتله الأطفال ليه؟ هادي وهو كاتم الدموع : هو أخوها وخالهم. وأكيد هيخاف عليهم أكتر مننا. روز بحزن : انتوا عرفتوا صح؟ هادي بص لها : عرفنا إيه؟ روز : إن بسبب ماما انت وصبا اتفرقتوا وبابا طلق مامتكوا.

هادي : انتي بتقولي إيه؟ روز بحزن : متكذبش. كلامك بيعبر إنكم عرفتوا إنكم إخوات يا هادي. هادي وقف العربية بحركة سريعة. هادي : انتي عرفتي إزاي؟ روز : من ماما الله يرحمها. بابا صارحها وقالها كل حاجة. عند مامتك انت وصبا وهي حامل فيا في الشهر الأخير. وكتبت رسالة ليا وليك وللبابا. وبابا ادالهالي قبل ما يموت. صمت سيد الموقف. روز ببكاء : أنت مش هتحب صبا أكتر مني صح؟ هادي حضنها ودموعه في عينه.

عاوز يرجع ياخد ولاد أخته بس مش عاوز فؤاد أو أهلها يعرفوا بأنها مش بنتهم ولا أختهم. ... عند صبا ... نزلت مصر في فيلا الجارحي. نورا أول ما شافتها جرت عليها تحضنها. وهي استقبلت الحضن ده بحب. وقعدوا. نورا : أمي اللي مطلعتش أمي. كنتي فين؟ صبا : في أسوان. نورا اتصدمت. هي عارفة إن صبا مش بنتها ودموعها نزلت. صبا : ماما. متعيطيش. انتي هتفضلي أمي اللي حبيبتني وحبيتها. نورا خدت نفس : بصي أبوكي ميعرفش ده. صبا : إزاي؟

أنا مش فاهمة حاجة. بصي. لما حملت مرات أخويا روحت أقعد معاها في القصر في أسوان. ووقتها عرفت أمك كانت خدامة عندنا. وعرفتها إنها مرات أخويا الأولى. وبالصدفة عرفت إنها حامل من أخويا للمرة التانية. في الوقت ده مراته التانية شكت في الموضوع و...

أخويا طلق أمك ساعتها. وأبويا خد هادي منها وعاش مع أبوها وكأنه طفل واتبناه وشفقوا عليه. في الوقت ده مكنتش أعرف إن هادي ابن أخويا أصلاً. مكنتش أعرف إنه خلف من أمك قبل كده أصلاً. واقترحت على أمك تهرب. وفعلن هربت. في الوقت ده مرات أخويا التانية كانت حامل فيكي يا روز. وسافر ألمانيا مع هادي ومراته الحامل. ووقتها أنا عرفت مكان أمك وروحت أزورها. وبت عندها يومين. قلتلي فيهم على كل حاجة وعلى ظلم أبويا ليها. قالتلي إن هادي ده ابنها هي. وقبل ما أمشي من عندها كانت ولدتِ وتوفت. وأنا خدتك على إنك بنتي. واتولدتِ عند صحبتي وأنا في السابع. وكده.

صبا : انتي كنتي حامل؟ نورا : آه. كريم جه قعد معايا أسبوع كده وحملت. والكل عرف. وبعدها سقطت. وأنا في شهري الأول بسبب الضعف. مكنتش عاوزة أقول الموضوع لكريم. ولقيتك قدامي فرصة. أنا آسفة. صبا اترمت في حضنها وعيطت.