رواية اغتصبني واعطيته قلبي الفصل الخامس والعشرون 25 - بقلم اميرة محمود

مراد، انت فين يا حسام؟ الطيارة مش حسام، أنا في المستشفى. مراد، مالك في إيه؟ حسام، ابني تعبان ومحتاج زرع نخاع، ومستنين نشوف مين اللي ينفع يتبرع له. مراد، تمام، أنا جايلك حالا. حسام، ماشي، سلام. بعد ربع ساعة. نور نزلت من التاكسي، ومراد نزل من عربيته. مراد، نور. نور بلهفة، مراد. مراد مد إيده يسلم عليها، ازيك يا نور. نور سلمت عليه، الحمد لله، عن إذنك، وسابته وراحت ركبت الأسانسير.

مراد دخل معاها، وقف وربع إيده وفضل باصص عليها. نور عطياله ضهرها ومحاولتش تبصلهم. مراد، للدرجة دي يا نور؟ نور لفت وبصتله، نعم. مراد، مفيش حاجة. الأسانسير وقف وراحوا خارجين، راحوا لحور وحسام. نور، عملتو إيه؟ حور، لسه النتيجة مطلعتش. مراد، إن شاء الله خير. الدكتور خرج. حسام، خير يا دكتور؟ الدكتور، الحمد لله، انت اللي تنفع تتبرع لابنك. حسام، طب الحمد لله، وأنا موافق يا دكتور.

الدكتور، تمام، انزل شوف في الاستعلامات تكلفة العملية والتحضيرات، وأنا جاهز بإذن الله. حسام، متشكر لحضرتك. حور، حسام، أنا متشكره جدا ليك والله عشان اللي هتعمله ده. حسام، حور، أنا هدخل أعمل العملية بشرط. حور، شرط إيه ده ابنك، انت بتشرط عليه في ابنك؟ حسام، مهو عشان ابني أنا بشرط. حور، اتفضل قول الشرط. حسام، اتنازليلي عن ابني وهاخده معايا وأنا مسافر. حور بصدمة، انت اتجننت صح؟ انت مش طبيعي. نور، في إيه يا حور بتزعقي ليه؟

حور، الأستاذ بيساومني العملية قصاد إني أسيبله ابني ياخده معاه وهو مسافر. نور، ليه كده يا حسام؟ أنا طول عمري بدافع عنك وشايفاك إنك محترم. حسام، ليه عندك شك إني مش محترم؟ نور، مقصدش، بس بلاش كده يا حسام. حور، خلاص يا نور أنا موافقة يا حسام. نور، انتي بتقولي إيه؟ حور، بدل ابني هيعيش يبقى أنا موافقة. حسام، تمام، هكلم المحامي وتمضي على التنازل قبل ما أدخل العمليات. حور مسحت دموعها، ماشي.

مراد واقف مصدوم وهو بيشوف صاحبه بيدبحها بسكينة تلم. مراد، مش كفاية ظلم بقا يا حسام. حسام، انت بتقول إيه؟ مراد، بقول كفاية ظلم، وفضل يزعق جامد، انت ظااأالم، كفاية بقا. حسام، مراد انت اتجننت؟ مراد، أيوه أنا اتجننت، يوم أما صحبت واحد زيك، إحنا صحوبيتنا خلاص يا حسام، انساني. وسابه ومشوا. نور، هتبقي فرحان وانت بتكسر قلب أم يا حسام. حسام، مش هسيب ابني. نور، رجع مراتك وخدها مع ابنك.

حور، وأنا مش عايزاه، وجاهزة، هات المحامي عشان أمضي. حسام، تمام، هكلمه حالا يجيب. بعد ساعتين. حسام، المحامي وصل، اتفضلي يالا عشان تمضي، وبكرة الصبح هنعمل العملية وهنسافر كمان أسبوع أنا وابني. حور، ماشي يا حسام، أنا جاهزة. حور دخلت ومضت على التنازل لحسام، وخرجت تجري، دخلت الحمام وفضلت تعيط بهستيرية. حور لنفسها، أنا خسرت كده كل حاجة من غير ما أعمل في حد حاجة، يارب أنا عملت إيه لكل ده؟

بجد تعبت من الدنيا دي، أنا معدتش عايزة أعيش خلاص، أنا تعبت ومعدتش قادرة، كفاية كده. وراحت غاسلة وشها وراحت خارجة، داخلة قاعدة جنب ابنها وراحت ماسكة إيده، ومقدرتش تمسك دموعها. حسام، بتعيطي ليه؟ حور بصتله وعينيها كلها دموع ومردتش عليه. حسام، بقولك بتعيطي ليه؟ حور، وإيه اللي يخليني أضحك أو أفرح؟ انت واديك سبتني، أختي وحسستني إني بكرهها وبتحكم فيها، ابني وهيروح مني، قولي أعيش لمين؟

أنا معدتش قادرة أستحمل، بس أنا قررت إني أريحكم مني كلكم. وطلعت تجري خرجت بره. نور، حووور في إيه؟ استني بس يا حووور. حسام، نور ادخلي جوه للولد وأنا هروح وراه. نور، طب بسرعة يا حسام الحقها. حسام نزل جرى ورا حور وراح مسكها من إيدها. حور، سيب إيدي، لو سمحت سيب إيدي، ااااه، وراحت مزعقة، إيدي وجعتني. حسام، اخرسي بقا ولاحظي إننا في الشارع، وراح شددها وراح فتح عربيته. حسام، اركبي. حور، لا مش هركب، وسيب أيدي بقا.

حسام زعقلها جامد، اركبي. حور، لا مش هرمي يا حسام بيه، انسا. حسام زقها ركبها غصب عنها وراح ساكك الباب. حور، لو سمحت افتح الباب. حسام راح ركب وساق العربية. حور، افتح الباب يا حسام، افتحه بقلك. حسام، اخرسي بقا، صدعت. حور، مش هخرس. ووقف العربية. حسام مسألش فيها لحد ما وصلوا الفيلا، نزل من العربية وراح فتح الباب بتاعها وشدها ودخل بيها الفيلا. حور، سيب إيدي، هو أنا بقرة في إيدك بتشدني كده ليه؟

حسام مردش عليها، واخدها وطلعوا غرفتهم وراح ساكك الباب وراح سيبها. حور بتحاول تفتح الباب. حسام، انسي، مش هتعرفي. حور، انت عايز إيه؟ حسام، أنا تؤتؤ، انتي اللي عايزة إيه؟ حور، مش عايزة حاجة. حسام قرب منها ومسح دموعها، حور عايزاني واللا لأ؟ حور بصتله وعينيها حمرا من كتر العياط. حسام، ينفع كده؟ العيون اللي بعشقهم دول يبقوا كده من الدموع. حور، ما انت السبب. حسام، أنا واللا عنادك؟ ليه كل العناد ده؟ بتعاندي قلبك ليه؟

قوليلي ليه؟ قوليلي آخره ده كله إيه؟ حور، آخره انت هتاخد ابنك وهتبعد، ونور هترجع لمراد، وانسوني بقا. حسام، ولو قولتلك مقدرش أعيش من غيرك؟ حور، كداب، عشان انت كنت ماشي اصلا مسافر. حسام، كنت عايز أسافر عشان أحاول أبعد عنك، كفاية اللي حصلك بسببي، انتي مش قادرة، سامحيني، وكنت هاخد ابني عشان أنا السبب فيه، وعايزك ترجعي تعيشي وتحبي وتتحبي. حور، انت لو أخدت ابني أنا هموت يا حسام، هموت، انت فاهم. حسام، بعد الشر عنك يا حبيبتي.

حور، حبيبتك؟ حسام، أيوه حبيبتي ومراتي وأم ابني. حور، بس انت طلقتني. حسام، واديني رجعتك، إحنا لسه في العدة. حور، ومين قالك إني عايزة أرجعلك؟ حسام حط إيده على قلبها، ده يا حور؟ ده مبيكدبش، ده بيقول إنك بتعشقيني زي ما بعشقك. حور، ده مبيتكلمش. حسام، حط إيده على قلبه، ده بيحس بده. حور، بس انت قولت عليه أناني ووحش عشان مردتش إن صاحبك يتجوز نور. حسام، فعلا إنتي خنيقة أوي، إنتي ليه عملتي كده مع نور؟

سيبيها تعيش مع اللي بتحبه وبيحبها. حور، ماشي، مانا كنت راجعة القاهرة عشان أصلح مابينهم. حسام، يعني انتي موافقة إنهم يتجوزوا؟ حور، أيوه. حسام، طب واحنا؟ حور، مالنا؟ حسام، مش هنخاوي مراد. وراح غمزلها بعنيه. حور، ااااح. حسام، هو إيه ده؟ فين لسانك؟ القطة أكلته؟ حور، أنا عايزة أروح لابني. حسام، أخر مرة هقولهالك، عايزاني؟ حور، الولد فاته بيعيط. حسام، أفهم من كده إيه؟ حور ابتسمت، معرفش.