رواية اغتصبني واعطيته قلبي الفصل السادس والعشرون 26 - بقلم اميرة محمود

الو معلش يا مراد بيه أنا آسفة إني بكلم حضرتك دلوقتي بس أصل حور وحسام نزلوا وهما شكلهم اتخانقوا بقالهم ساعة ومش معايا رقم حسام ممكن تكلمه بس وتطمني عليهم. مراد: تمام ماشي. نور: ماشي سلام. راحت قافلة السكة. مراد: البنت دي صعبة أوي. وراح متصل بحسام. حسام: أيوة يا زفت. مراد: إيه زفت دي؟ انت فين؟ حسام: ليه؟ مراد: رد بس انت فين. حسام: في الفيلا. مراد: هي حور معاك؟ حسام: وانت بتسأل ليه؟

مراد: نور قلقانة عليها رد بقى هي معاك. حسام: آه معايا. مراد: إيه ده انتوا اتصالحته؟ حسام: أيوة. مراد: بتعملوا إيه يا شقي؟ حسام: اقفل بقى. مراد: استنى بس بس انتوا مطلقين؟ حسام: رديتها العدة لسه مخلصتش. أي أسئلة تانية؟ مراد: لا يا عم هنيالك. حسام: ههههه. وراح قافل السكة. مراد اتصل بنور. مراد حب يغيظها: أيوة يا آنسة نور. نور: إيه لقيتهم يا مراد بيه؟ مراد: أيوة. نور: طب هما فين؟ مراد: في الفيلا. نور: بيعملوا إيه؟

مراد: والله مقدرش أقولك بس راجل ومراته هيكونوا بيعملوا إيه. نور: مرات مين دول؟ دول مطلقين. مراد: لا مهو رجعوا. نور: تمام ماشي شكراً لحضرتك سلام. وراحت قافلة. مراد فضل يضحك على كلامها: شكراً لحضرتك. وحياة أمي لهوريكي. وراح متصل على جنا أخت حسام. جنا: أيوة يا مراد خير. مراد: انتي فين؟ جنا: أنا لسه في القاهرة بخلص حاجات وهسافر بكرة. مراد: تسافري مين؟ أنا عايزك في مهمة. جنا: مهمة إيه؟

مراد: بصي يا ستي بقى البنت اللي بحبها سايقة التقيلة عليا أوي ومسكانى حضرتك وبيه والكلام ده. جنا: طب وانت عايز مني إيه؟ مراد: اصبري على رزقك أنا عايزك تكملي موضوع إنك خطيبتي وكده عايز أشوف هتتغيري ولا لأ أشوف لسه بتحبني ولا فعلاً نسيتيني. جنا: وايه المقابل يا مراد؟ مراد: اللي عايزاه. جنا: عليه شوكولاتة كبيرة. مراد: مادية حقيرة. موافق. جنا: بالبندق. مراد: ما قولنا موافق. جنا: تمام أنا جاية في الطريق.

مراد: ماشي تعاليلي على المستشفى يالا عشان ابن أخوكي تعبان وهيعمل عملية كبيرة بكرة. جنا: بجد انت بتتكلم بجد؟ مراد: هو فيه هزار في كده. جنا: طب أنا جاية حالا. حسام: يالا يا قلبي نروح المستشفى لمراد. حور: أووف هو أنا نمت كتير. حسام: انتي شكلك بقالك كتير منمتيش. حور: فعلاً بقالي كتير منمتش كل يوم بفضل صاحية طول الليل ومعرفش أنام من التفكير. حسام: خلاص يا روحي أنا معاكي ومعدش فيه تفكير بقى في حاجة تضايقك.

حور: ممكن أطلب منك طلب؟ حسام: إيه يا قلبي؟ حور: ممكن بلاش تسافر وتشغل الشركة وتفضل هنا في مصر. حسام: ماشي يا روحي هلغي كل حاجة وهفضل معاكي. حور باسته في خده: ماشي يا حبيبي. حسام: إيه ده ده بجد أخيراً. حور: مالك يا حسام؟ حسام: مش مصدق نفسي أخيراً رجعت ليه روحي. حور: إزاي؟ حسام: مش قولتي حبيبي. حور: يالا يا قلبي نروح للولد. حسام شدها وقعت فوقه وراح باصص في عينيها: أنا بحبك أوي.

حور: وأنا كمان بموت فيك بس سيب إيدي بقى عشان مراد وحشني. حسام: مراد مين؟ حور: مراد ابنك يا حبيبي. في إيه مالك؟ حسام: ضاقت بيكم الدنيا ملقتوش غير مراد. حور: الاستاذه نور هي اللي صممت ومرضتش أزعلها. حسام: عارفة أنا نفسي في إيه؟ حور: إيه؟ حسام: مراد ونور يرجعوا لبعض. حور: أممم. حسام: إيه هتعترضي تاني؟ حور: أنا اتكلمت دلوقتي. حسام: يعني موافقة يرجعوا لبعض؟

حور: يا ريت يرجعوا لبعض هي مموتة نفسها عياط وكانت كرهاني من يوم ما اعترضت على الجوازة. حسام: تمام هحاول أرجعهم لبعض. حور: ماشي بس يالا بقى عايزة أروح لمورى. حسام: ماشي يا قلبي قومي اجهزي يالا. حور: ماشي يا حبيبي بس سيبني عشان أقوم. حسام: ههههه تصدقي أنا مرتاح كده. حور: والله طب سيب بقى. حسام سابها تقوم تجهز عشان تروح المستشفى لابنها. الدكتور: آنسة نور. نور: خير يا دكتور. الدكتور: هو خير متقلقيش. نور: طب في إيه؟

الدكتور: بصراحة أنا معجب بيكي وعايز أتقدم ليكي. نور بصت قدامها لقت مراد داخل وماسك إيد جنا. نور: تمام يا دكتور معنديش مانع حضرتك ممكن تكلم حور أختي الكبيرة واللي فيه الخير ربنا يقدمه. مراد: هو الدكتور بيكلمها وبيسيبها كده ليه؟ جنا: أنا أعرف تعالي نسرع نعرف. مراد: ماشي يالا شرعي رجلك. جنا: ماشي. الدكتور: تمام متشكر جداً ليكي أنا والله العظيم معجب بيكي من أول ما شفتك وكان نفسي أتكلم معاكي من زمان.

مراد: واتكلمت يا حيلتها. الدكتور: في حاجة؟ نور: انت إزاي تكلم خطيبي كده؟ مراد: خطيبك؟ نور: أيوة. جنا: اهدا يا عم انت إيدي فعصتهالي. مراد: آسف. اتعصبت على إيدك. جنا: ولا يهمك. مراد: بقولك يا حياتي تعالي ندخل نشوف مراد الصغنن اللي جوه. جنا: الله هو اسمه مراد زيك يا حياتي؟ مراد: أه شوفتي بقى يالا تعالي ندخل. جنا: يالا يا بيبي. الدكتور ونور واقفين متنحين ليه. الدكتور: ده إيه المجانين دول.

نور: ملناش دعوة بحد. أنا داخلة أقعد جوه عن إذن حضرتك. الدكتور: ماشي يا قمر. نور بصت له وحطت وشها في الأرض ودخلت. مراد: عجبتيني يابت يا جنا بجد. جنا: بس متقوليش بت دي. مراد: أنا آسف يا قمر انتي ست البنات كله. نور خبطت ودخلت. مراد: هشش أهي جت. جنا: الله ده البيبي شبهك خالص يا مرمورة. نور: إيه العبط ده شبهه إزاي ده شبه أبوه وأمه. جنا: وابن عم أبوه بردك. نور: اممم وماله.

جنا: بقولك يا مرمورة احنا أما نتجوز أنا عايزة أجيب ولادي كلهم شبهك. نور: أنا هسيبكم تقعدوا براحتكم وهنزل أجيب حاجة آكلها أصلي لسه مفطرتش. مراد: ده الساعة عشرة إزاي تقعدي لحد دلوقتي من غير أكل؟ نور: وانت مالك؟ وراحت باصة لجنا: خطيبك ده بيحشر نفسه كتير في حاجات ملوش فيها. جنا ضحكت وراحت غمزة لنور. نور: دي مجنونة دي ولا إيه. عالعموم خلوا بالكم من الولد عما أطلع. خرجت ركبت الأسانسير لقت مراد وراها وراح داخل.

نور بصت في الأرض معبرتوش. مراد: بقولك ياااا. نور: نور اسمي نور. مراد: طب ما أنا عارف. نور: عايز إيه؟ مراد: مالك هااا والدكتور ده كان عايز منك إيه وخطيبك إزاي؟ نور: وانت مالكم؟ مراد زنقها في الأسانسير وراح ماسك وشها في إيده بكل عصبية. نور: آآآه سيبني. مراد: عارفة لو سمعتك مرة تانية بتقوليلي انت مالك عارفة ممكن أعمل إيه؟ نور شدت إيده من على وشها وراحت نطراها بعيد. نور: هتعمل إيه يا مراد بيه ها هتعمل إيه رد.

مراد: نور متعصبنيش بقولك. نور: أنا أعصبك ليه أنا مالي ومالك أصلاً. مراد: انتي لسه بتحبيني على فكرة وأنا عارف ومتأكد كمان. نور: انت موهوم. أنا دكتور علاء اتقدملي وأنا وافقت. مراد: عارفة لو ده حصل يا نور عارفة هعمل إيه؟ نور: إيه؟ مراد: هقتله يا نور والله لهقتله. وسابها وخرج من الأسانسير. نور خرجت جرى وراه. نور: مراد. مراد: نعم. نور: انت عايز إيه؟ مش انت بتحب خطيبتك؟

مراد: أنا جايبها أغظك مش أكتر وهي أصلاً مش خطيبتي دي بنت عمي وأختي الصغيرة. نور: طب وتغيظني ليه؟ مراد: معرفش. وسابها ومشي وهي جرت وراه تاني. نور: مرررراد استنى. مراد: عايزة إيه؟ نور: تتجوزني. مراد بص لها بصدمة: هااا. نور: ههههه مالك يابني. مراد: انتي بتكلمي بجد؟ نور: أيوة أنا عايزة أتجوزك. مراد: لا أنا معدتش جايب المأذون تيجي نروحله إحنا؟ نور: ههههه ماشي.

مراد: نور بسرعة قبل ما يحصل حاجة إحنا نروح المأذون ونكلمهم ييجوا عشان يمضوا. نور: ماشي يالا. مراد مسك إيدها وطلع يجرى على العربية ركبوا وراح المأذون.