رواية اغتصبت خطيبة اخي الفصل السادس 6 - بقلم مهرائيل ماجد عادل

استمرت حنين في التعب والدوخة شهر. فحست بحاجة غريبة، راحت تكشف. الدكتورة: اهلا، اتفضلي احكيلي مالك. حنين: بقالي شهر يا دكتورة تعبانة جداً وعلطول بستفرغ ودوخة وتعب مستمر. الدكتورة: اتفضلي على السرير اكشف عليكي. راحت حنين ناحية السرير وفردت جسمها، وابتدت الدكتورة تكشف عليها. الدكتورة: مبروك يا مدام، انتي حامل في شهر وأسبوع. حنين دمعت بفرحة: بجد؟ بجد شكراً ليكي.

لبست بسرعة وروحت على البيت علشان تقول لسيف على الخبر الحلو ده. *** حنين روحت، وبعدها بشوية سيف وصل البيت. كان لسه راجع من الشغل، فتح باب الشقة لقي الشقة كلها ضلمة. غريبة، فين حنين؟ وفجأة الشقة نورت نور هادي، وكانت حنين مجهزة له جو رومانسي. سيف بابتسامة: وحشتيني، تعبتي نفسك ليه. حنين: تعبك راحة يا حبيبي. وكملت بمشاكسة: وانا معلمتش الحاجة دي ليك أصلاً. سيف: وأين جبهتي لا أراها؟ حنين ضحكت: هو ليك بس مش ليك.

سيف: إيه جو الغموض ده؟ حنين: ششش، تعالي معايا بس غمض عينك. سيف بضحك: ابتديت أقلق منك على فكرة. حنين: متقلقش يا مان. خلته يغمض عينه ومسكت ايده وخدته على الأوضة. سيف: ها؟ افتح عيني. حنين: آه بس استنى، استنى. سيف: إيه تاني؟ حنين ظبطت هدومها وقالتله: فتح عينك. سيف فتح عيونه: إيه؟ حنين: إيه؟ آه صح، استنى نسيت. ارفع كُم التيشرت بتاعي. سيف: حاضر، اهو. لقي كلمة، بص على شعره. بص على شعرها لقي ورقة صغيرة،

اخدها وفتحها ولقي فيها: بص على كعب رجلي. سيف: ودي أعملها إزاي؟ حنين بضحك: خلاص استنى. وميلت جابت الورقة من كعب رجلها وادتهاله. سيف: إيه شغل التشويق ده؟ ماشية بمبدأ "شوق ولا تدوق". حنين بضحك: ششش، كمل وانت ساكت. فتح الورقة لقي كلمة: بص على بطني. سيف بص على بطنها: إيه؟ مفيش حاجة؟ حنين: ارفع التيشرت. رفع التيشرت لقاها لابسة تيشرت أبيض مكتوب عليه "Hello Daddy".

حنين بفرحة حضنته: مبروك يا أحسن أب في الدنيا، أنا حامل في شهر وأسبوع. سيف بفرحة: إيه ده بجد؟ أنا هكون أب؟ ألف ألف مبروو... سيف افتكر إن ده ابن حازم. حنين بقلق بعدت عنه ومسكت وشه: مالك؟ سيف اتنهد بحزن: ماليش يا حبيبتي، ألف مليون مبروك هتكوني أم. حنين حضنته: وانت هتكون أحلى أب في الدنيا دي كلها. سيف باسها من دماغها: طب أنا جعان، ممكن ناكل ونرجع نحتفل. حنين: أكيد، هقوم أحضرلك الأكل.

سيف: لا، انتي من انهارده متقوميش من مكانك. هقوم أجيب الأكل وانتي استني هنا. حنين: ربنا يخليك ليا يا أحسن زوج في العالم. سيف: ويخليكي ليا يا أحسن زوجة في الدنيا. *** سيف في عقله: حامل في شهر وأسبوع واحنا متجوزين من شهر. يا رب ما تاخدش بالها، لأن دي للأسف بتعد الأيام من ساعة ما اتجوزنا. *** سيف بحنان: حنين يروحي فين؟

ملقهاش في الأوضة، قال ممكن تكون في الحمام. خبط على الباب مفيش رد. قلق لأن الباب مقفول من جوه، فضل يخبط مفيش رد. مكنش فيه إيده غير إنه يكسر الباب. فضل يخبط في الباب بجسمه لغاية ما الباب اتفتح، لقاها مرمية على الأرض غرقانة في دمها وسكينة في بطنها. سيف: حنيييييين. *** سيف بزعيق: عايز دكتوررر بسرعةهههه. الممرضة: حطها هنا على السرير ده بسرعة.

سيف حطها على السرير، اخدوها الممرضين بسرعة على أوضة العمليات. فضل واقف ساعة ونص بيبكي وخايف عليها هو وأهلها اللي رن عليهم وجم. الأم بعياط: انت السبب، انت السبب. يارتني ما خليتها اتجوزتك أو اتخطبتوا من الأول أصلاً. أه يا بنتي ياني ياللي ماليش غيرك. الدنيا كلها جاية عليكي. الدكتور خرج: عايزين ليها دم لأنها نزفت كتير. حد منكوا نفس فصيلة دمها؟ سيف وأبوها: أيوه، أنا.

الدكتور: تمام، روحوا الأوضة اللي آخر الطرقة وفيه ممرضة هبعتها تسحب منكوا دم. وسابهم ودخل العمليات تاني. *** بعد مرور تلات ساعات. الدكتور: الحمدلله أنقذناها، بس للأسف مقدرناش ننقذ الطفل. وهي مش هتفوق غير بكرة، لأنها أخدت جرعة كبيرة من البنج. الأم ببكاء: يغور مليون طفل، أصلاً هو ابن حرام، أهم حاجة بنتي. الأب بزعيق: خديججججههه. سيف سجد يشكر ربنا وهو بيبكي إنه أنقذها. سيف: الحمد والشكر ليك يا رب. ***

تاني يوم سيف ماسك إيدها وبيترجاها تفوق. وعايز يعرف مين اللي عمل فيها كده. حس بصوابعها بتشد على إيده. سيف وفيه آثار دموع على وشه: حنيين. حنين بابتسامة ألم: الطفل ده مكنش ابنك صح؟ سيف بص لها بصدمة: هي عرفت إزاي؟ إيه اللي بتقوليه ده؟ حنين: حازم بعتلي رسالة وقال إنه اغتصبني والطفل ده ابنه. هو، وكمان أنا كنت حامل في شهر وأسبوع واحنا متجوزين من شهر بس.

وابتدت تبكي. افتكرت، افتكرت كل حاجة والقرف اللي هو عمله، وإنه اعتدى عليا. ابتدأ عياطها يزيد. وانت اتجوزتني علشان بس بتشفق عليا؟ وبعت أنور صحبك يقتلني؟ سيف بصدمة مش مستوعب هي بتقول إيه. دخل الدكتور بسرعة لما الممرضة قالتله إنها سامعة صوتها وهي بتعيط. الدكتور: اطلع بره علشان ما أبلغش البوليس. صفاء، المهدئ بسرعة، والأكسجين نفسها بيقل. وفجأة جهاز القلب فضل يعمل صوت عالي دليل على فقدانها الحياة.