رواية احباء يجمعهم القدر الفصل الخامس والعشرون 25 - بقلم لولا

تاني يوم الصبح عند ليلي وفهد. ليلي بتصحي بتلاقي فهد نايم وواخدها في حضنه. فخرجت من حضنه براحه واتعدلت وبتبص قدامها. اتصدمت إن في شخص واقف ملثم ورافع عليه مسدس. ليلي بدموع وخوف: انت انت مين؟ الشخص مردش ووجه المسدس ناحية فهد. ليلي بخوف: لالا ابوس ايديك. وبتروح تشده، بس الشخص كان سبقها وضربه بالنار. بعدين ليلي صحيت بتصرخ باسمه. ليلي: فهددددد! فهد بفزع قام من النوم واكمل: إيه في إيه يا ليلي؟

يخربيت أهلك قطعتي خلفي. مالك يا حبيبتي؟ ليلي بعياط: انت كويس صح؟ انت بخير؟ فهد: اه. مالك يا ليلي؟ في إيه يا حبيبتي؟ ليلي حضنته واكملت بعياط: شوفت حلم وحش أوي. فكرتك روحت مني. قلبي واجعني أوي. فهد طبطب عليها واكمل بحب: بس بس اهدي يا حبيبي. مفيش حاجة. ده كابوس. ليلي بعياط: أنا خايفة عليك أوي يا فهد. جمال مش هيسيبك بسبب كل اللي عملته.

فهد: المهم عندي إن محدش إذاكي. مش مشكلة بعد كده يحصل إيه. ده أنا لما كان مخلي الرجالة ماسكاني وهو مسك إيديكي بس وكان عايز يعتدي عليكي، كنت هموت فيها يا ليلي. كنت حاسس روحي بتطلع وإني شايفك بتتأذي وعاجز أساعدك. أنا حياتي بتتلخص فيكي. انتي، وإنتی طول ما بخير خلاص.

ليلي بدموع: وأنا مش هقدر أعيش من غيرك يا فهد. أنا ما صدقت إنك رجعتلي. أنا كنت بموت في بعدك عني وحاسة كأن روحي فارقتني ورجعتلي بحضنك تاني وادتني أمل إن الحياة حلوة. مش عايزة تبعد عني تاني مهما يحصل. أنا تعبت وأنا كل يوم بصحي وبعيش معناه في بعدك عني. 10 سنين انت مفارقتش خيالي ولا تفكيري ولا حتى قلبي. حتى في دراستي تعبت فيها علشان بس أحققلك حلمك انت وأبقى خريجة علوم. أنا من زمان وأنا مش عايزة غيرك يا فهد.

فهد بحب: مش هبعد يا ليلي. لأن زي ما ليلي متقدرش تعيش من غير فهد، هو كمان ميعرفش يعني إيه حياة أصلاً غير لما رجع لـ ليلي. 10 سنين تعبت وقسيت وشوفت مرار في بعدك. بس أول مرة شافتك عيني بعد غياب عوضتني كل اللي فات. وباس جبينها ومسح دموعها واكمل: خلاص والله بلاش عياط. انتي عارفة إني مش بحب أشوف دموعك ولا إيه؟ ليلي: اه عارفة. ربنا يخليك ليا يا حبيبي. فهد: ويخليكي ليا يا نور عين حبيبك.

واكمل بضحك وهو بيغمز: بس بعد كل الكلام الجامد ده مفيش بوسة، حضن، أي حاجة من ما شبه؟ ليلي: مش مشكلة. ليلي ضربته في صدره واكملت: احترم نفسك واتربي. انت لسه فيك حيل بعد ضربة امبارح؟ فهد بضحك: ده انتي ليلة أهلك مش هتعدي بسبب الضربة دي. قدام الراجل، بس حسابنا بعدين. ليلي بضحك: اتلهي بس واقعد على جمب يا حبيبتي. فهد برفعة حاجب: حبيبتك مين يا روح أمك؟ ليلي بضحك: بعد اللي حصل امبارح خلاص طبيعي تبقي حبيبتي. فهد: ااه قولتيلي.

وقرب منها وهي بتبصله ومتوترة وحاوطها بين إيديه واكمل: قولتيلي مين بقي اللي حبيبتك؟ ليلي بتوتر: مش انت طبعاً. أنا بتكلم عن صاحبتي أصلاً. إيه دخلك في الحوار انت؟ فهد بضحك: لو تقصديني اثبتلك العكس حالا. معنديش مشكلة. ليلي بتوتر: لا طبعاً. انت هو حد يقدر يشكك فيك يا روحي. فهد بضحك: أيوه كده اتعدل. ليلي

رفعت صباعها محذرة واكملت: اياااك تقرب مني كده ها. وخلي فارس يجبلنا هدوم بدل ما انت قاعدلي من غير تيشرت كده. احترم نفسك شوية. فهد وهو بيفتح علبة السجاير وخد منها واحدة ولعها واكمل: أنا براحتي في بيتي وقدام مراتي. ليلي بحده: إيه ده يا معتز؟ مش قولنا على الريق؟ لاا. والأحسن بلاش منها. خلاص. فهد وهو بينفخ دخان السيجارة اكمل: معتز بردو. وسكت ثواني واكمل: والله مفرقتش. معتز من فهد. الاتنين عندك واحد.

ليلي بحده: مش الاتنين واحد طبعاً. بس انت اللي كل ما أحاول أنسي تفكرني. وقامت وقفت وشدت السجاير منه، رمتها من البلكونة واكملت: فهد ابن عمي مكنش بيشرب سجاير. بلاش تمسح صورة الشخص اللي حبيته كلها بأفعالك دي. فهد بحده: انتي اتجننتي؟ إيه اللي هببتيه ده؟ دي مش أول مرة تقلبي أدبك وتاخديها مني ترميها كده. ليلي بعصبية: ده كل اللي فارق معاك إنها اترمت. ومش فارق معاك إن قولتلك إنك بتشوه صورة الشخص اللي حبيته بأفعالك الزبالة دي.

فهد بحده: ليلي! ليلي بحزن: نعم؟ فهد بحده: بعيدااا عن أي كلام قولتييه سواء صح أو غلط. صوتك لو علي عليا تاني وإنتي بتتكلمي، أقسم بالله هوريكي هعمل فيكي إيه. ليلي بدموع: تمام. وراحت على السرير نامت وادته ضهرها. فهد نفخ واكمل: طب من غير عياااط. ليلي بدموع: خلاص يا فهد. سيبني في حالي واسكت. فهد نام على جنبه وشد وسطها ليه وحضنها واكمل بحب: حقك عليا. بس انتي اللي بتعصبيني يا ليلي. ممكن بطريقة أحسن من كده تقوليلي رأيك؟

إنما مينفعش تتعصبي عليا. أنا جوزك مش عيل صغير. ليلي بدموع: تمام. فهد: طب يارب أموت لو مبطلتيش عياط. ليلي لفتله وهو حاضنها وبقت وشها في وشه واكملت: بعد الشر. متقولش على نفسك كده. فهد قرب باسها بحب واكمل بضحك: يا خواتي على الحنية والقمر. ليلي بخجل: طب اوعي كده واتلم. فهد: لا بصراحة أنا لسه عايز أنام. تعبان أوي وإنتي خضتيني. فانامي يلا شوية. ليلي بتنهيدة وهي بتتاوب اكملت: طيب. أمري لله. وغمضت عينيها ونامت في حضنه. ***

في فيلا العامري. شروق صحيت وخدت شاور، صلت. بعدين لبست دريس بيتي قصير وسابت شعرها ونزلت تحضر الفطار مع نيفين. نيفين: صباح الفل يا حبيبتي. شروق: صباح الخير يا طنط. ها أساعدك في إيه؟ نيفين: لا. ده أنا يعتبر خلصت. صحي جوزك بس. شروق: رايحة تطلع لقيت تولين واقفة على أول السلم من فوق. فاكملت: تولي معلش صحي فارس. تولين: حاضر. وراحت شروق قعدت. وبعد شوية فارس جه وكان لابس وجاهز عشان يخرج. فارس وهو بيقعد اكمل: صباح الخير.

نيفين: صباح النور يا حبيبي. فارس: انتي إيه نزلك بشعرك. وبلبس ده؟ هو مش المفروض إن حضرتك اتحجبتي؟ شروق بسخرية: على أساس في رجالة غيرك هنا؟ منا مش فاهمة. فارس بحده: إيه يا فارس؟ هي البت قالت إيه؟ تولين: حبيبي عدي ليلتك. هي مغلطتش صح؟ البت لو مقعدتش في بيتها براحتها تقعد في إيه؟ شروق بحده: والله أنا بتكلم عادي. انت اللي بتتلكك.

فارس بحده: لا ما هو لو ده كلامك العادي، فيبقى مع أي حد تاني غيري أنا يا هانم. الشغل ده أنا عارف سببه إيه. شروق بحده: فارس! فارس بحده: هششش. هو أنا قولت إيه؟ وخلاص مش عايز أسمع ولا كلمة تاني. وصوتك ميعلاش علشان قسماً بالله همد إيدي عليكي لو عليتي صوتك تاني. نيفين: يابني أهدي. مالك؟ كبرت الدنيا ليه؟ الموضوع مش مستاهل.

فارس بحده: أول حاجة. هي من ساعة ما اتحجبت وهي بتخرج من أوضتنا بالحجاب وبلبس محتشم. حتى قبل الحجاب كنت بقولها البسي حاجة طويلة. مش بفستان بيتي قصير وشعرها. وحتى لو مفيش حد غيرك، الباب ممكن يخبط. ممكن يوسف يجي أو سيف ييجي. ممكن أي حاجة. فا إيه؟ هتجري؟ تاني حاجة. شروق قاصدة تحرق دمي. شروق بدموع: واحرق دمك ليه يعني؟ مجنونة؟

فارس وهو بياكل اكمل: ما هو لو طلع كل اللي بيحصل ده بسبب اللي في دماغي، متبقيش مجنونة. بس ده تبقي جرا لمخك حاجة كمان. تولين بتنهيدة: حصل إيه بس؟ فارس: فكك وكلي يا تولين. نيفين: طب عملت إيه مع أخوك امبارح؟ طمني.

فارس بتنهيدة: كل اللي حصل إن لميس كشفتهم وخطفت ليلي. وهو راحلهم. وكان جمال هيعتدي على ليلي، بس نشكر ربنا عدت. والبيه العاقل ولع في الفندق وهرب هو وليلي. وخدتهم في عربيتي ورجالة جمال كانت بتطاردنا في الغابة. لما وقفنا بالعربية وضربوا فهد بالنار. ومراته داست على إزاز وشوك ورجلها اتفتحت. وكانت حاجة آخر بهدلة. بس حالياً خبّتهم في حتة بعيدة. نيفين بخضة: يا نهار أسود! كل ده يابني يحصلك يا حبيبي يا فهد؟

طب وهو عامل إيه دلوقتي؟ تولين بخوف: هو كويس صح؟ فارس: اه الحمد لله كويس. متخافوش. طلعنا الرصاصة وبقي أحسن. نيفين بقلق: طب وجمال ده هيعمل معاه إيه؟ فارس بتنهيدة: والله منا عارف. ربنا يستر. جمال مش هيسيبه. ده راجل تقيل أوي. تولين بقلق: ربنا يستر يارب وتعدي على خير. نيفين بحزن: عايزة أشوفه يا فارس. واحشني وقلقانة عليه.

فارس: عنيا. هبقى أخليه يكلمكم مؤقتاً. إنما تشوفيه صعب شوية. علشان أكيد جمال هيراقبني. فمش عايز أروح لفهد خالص الفترة دي. وكمان فرصة إن هو ومراته ينعزلوا عن الناس ويتصالحوا. تولين: عرفت إنه فاق. فارس: اه الحمد لله. نيفين بحب: الحمد لله. شروق بغيره: الحمد لله. ورجل ليلي عاملة إيه؟ بتمشي عليها ولا لسه مش بتقدر؟ فارس ابتسم غصب عنه واكمل وهو بيسيب المعلقة: إنتي عايزة إيه انهارده يا شروق؟

شروق بغيره: مش عايزة الحق عليا بطمن عليها. فارس بص لطبقه وكمل أكله واكمل: لا فيكي الخير. وطلعي بنت عمي وأختيييي. ها. أختيييي ومرات أخويا من دماغك يا شروق. شروق بدموع: عن إذنكم. وطلعت على أوضتهم. فارس بنفخ: أوووف. دي مبقتش طريقة بصراحة. الأكل ماله يعنى؟ نيفين: إيه يا فارس؟ زعلتها ليه يابني؟ فارس ضرب كف في كف واكمل: ياحول الله يارب. هو أنا نيلت حاجة؟

يا داده منا قدامك أهو. اتنيلت. اتكلمت. هي اللي بقيت تغير من كل اللي حواليه. تولين: إيه اللي حصل؟ أنا مش فاهمة. فارس بتنهيدة: ليلي مكنتش قادرة تمشي وفهد اتصاب. شلتها لحد العربية. وهي من ساعة ما عرفت وهي بالمنظر ده. وتقول لفهد ليه اتشلت؟ طب بلزمة الراجل يقول إيه؟ يعني ماهي دي مش طريقة. ومن امبارح مقموصة. بقي وعملت كده الصبح. لبست كده وسابت شعرها. قاصدة تضايقني أنا عارف. نيفين بضحك: يخرب عقلك يا شروق.

تولين بضحك: عسل. بتغير عليك أوي يا فارس. اخص عليك. ده حب. فارس بتنهيدة: يا حول الله يارب. هو أنا قولتلك بكرهها وبتكرهني. بس تميز تغير من مين ومين لأ. تولين بضحك: معلش. ست حامل و بتبقى هرموناتها كده. استحمل. فارس مسك الصنية الصغيرة بتاعتها وحط عليها أكل واكمل بضحك: أمري لله. ليا الجنة والله. نيفين بضحك: ربنا يخليكم لبعض يارب. فارس طلع الأوضة ودخل حط الأكل وسمع صوت شروق بترجع. فدخلها بسرعة. فارس بخوف: مالك يا حبيبتي؟

فيكي إيه؟ وشال شعرها بعيد عن وشها وهي بترجع. بعدين وقفت بتعب وغسلها وشها وشالها بين إيديه وخرج. شروق بتعب: ااه. مش قادرة بجد. فارس حطها على السرير واكمل وهو واخدها في حضنه: بس بس اهدي. مالك يا حبيبتي؟ شروق بتعب: عادي يا فارس. من الحمل. مفيش حاجة. أنا كويسة. فارس باس جبينها واكمل: معلش. ربنا يديكي القوة والاحتمال يا نور عيني. يلا علشان أكلك ودواكي بقى. شروق بتعب: لا. بطني وجعاني أوي.

فارس بتنهيدة: شروق. الله يخليكي بلاش عناد في دي بالذات. كلي وخدي دواكي. ربنا يهديكي يابنتي. شروق: بجد مش قادرة. انت ليه محسسني إني مش هخاف على ابني أو بنتي؟ مش فاهمة. فارس وهو بيقرب الأكل منها وبيأكلها اكمل: أنا مقولتش كده. بس لازم ساعات تيجي على نفسك. شروق هزت راسها بـ اه وسكتت. فارس باس خدها ومسك وشها بين إيديه وسند جبينه

على جبينها واكمل بحب: مقولتلش تغيري. لا. أنا بفرح بغيرتك عليا. بس مش من ليلي. البت اللي اتربيت معاها وبنت عمي. أختي. وإنتي من زمان عارفة ليلي عندي إيه. شروق: ليلي أو غيرها. أنا مش هنق. فارس: طب إشمعنى تولين مش بتغيري منها؟ شروق: مين قالك كده؟ أنا بغير منها. بس مش هقولك في وشها يعني. فارس بضحك: والله إنتي مجنونة. بس بحبك. أعمل إيه؟ شروق: طب اوعي كده وروح شوف ليلي. لو مش قادرة تتحرك. شيلها ولا حاجة. أخوك تعبان.

فارس: يا شروق. متعصبنيش عليكي يابنت الناس. خليني ساكت. شروق بصت للأكل وكلت وهي ساكتة. بعدين قامت غيرت. لبست دريس كشمير وطرحة بيضة وكوتش أبيض. فارس بستغراب: على فين؟ شروق: هو إيه اللي على فين؟ هو أنا مش المترجمة الخاصة بحضرتك في الفرنش؟ ولا نسيت؟ رايحة الشركة طبعاً. فارس: بلاش يا شروق. علشان حملك لسه في الأول. متتعبيش نفسك.

شروق: فارس. الله يخليك. شغلي ده أكتر حاجة أنا بحبها. والوحيد اللي اخترته بمزاجي ومن غير ضغط. إني لازم أشتغل. لاي سبب. فارس: يا حبيبتي. أنا مش عايز أتعبك. شروق: لا. أنا قاعدة البيت بتتعبني. فارس بتنهيدة: جزمة قديمة. دماغك دي. على راحتك خلاص. شروق مسكت إيده واكملت: أيوه كده. ربنا يهديك. فارس بضحك: ربنا يهديكي إنتي والله. ونزلوا وركبوا العربية. فارس: اطلع يا مجدي. وبراحه وإنت بتسوق. علشان الهانم حامل. مجدي بتفاجئ: حامل؟

فارس: اه حامل. وفي إيه؟ مش فاهم؟ مجدي بابتسامة مزيفة: ولا حاجة يا بيه. مبروك. ومبروك يا هانم. فارس: الله يبارك فيك. شروق اكتفت بأنها هزت راسها بـ اه. في الشركة. دخل فارس وهو ماسك إيد شروق ودخلوا المكتب. فارس قعد واكمل: متخرجيش برا. خلتهم نقلوا مكتبك في نفس الأوضة. اهو. واقعدي ترجمي الإيميلات. شروق: تمام يا حبيبي. والباب خبط. فارس: ادخل. حور: صباح الخير. فارس: صباح النور. حور بابتسامة: الميتينج بعد 10 دقايق من دلوقتي.

فارس: تمام يا حور. روحي انتي. حور: تمام يا فندم. وخرجت. شروق: فارس. فارس: إيه يا حبيبتي؟ شروق: الا المزغودة اللي اسمها غادة دي مالها مش ظاهرة ليه؟ فارس بتنهيدة: أنا مش حاططها في دماغي يا شروق. سايبها براحتها. هي بتعمل شغلها كل يوم وتروح. متقلقيش منها. شروق بتنهيدة: مش مرتاحة لها. البت دي مش سهلة. ومش معقول بعد الموقف اللي عملته فيها ده هتسكت. فارس: معاكي إنها مش سهلة. بس هتعمل إيه يعني؟

شروق: مش عارفة. ربنا يستر منها بجد ويخيب ظني. فارس: متقلقيش. لو فكرت تعمل حاجة. هي عارفة أنا مين وهعمل فيها إيه. برا المكتب. عمر: الجميل أخبار إيه؟ حور بابتسامة: بخير يا عمر. وانت؟ عمر قعد قدام مكتبها واكمل: زي الفل. حور: ها محكتليش حصل إيه امبارح؟ عمر: لا. ده أنا دماغي هتتفرتك. ومنمتش حلو. انتي تقومي تعمليلي كوباية قهوة بإيديكي الحلوين دول زي بتاعت أول مرة. بعدين أفوق وأحكيلك.

حور بحب: من عنيا. بس كده. هقوم أعملهالك حالا. عمر بحب: مستنيكي. وقام خبط على باب فارس. فارس: ادخل. عمر: صباح الخير يا فارس بيه. فارس بابتسامة: صباح الخير يا حبيبي. فارس: بس مش كل شوية بيه بيه دي. محسسني إني وزير في الداخلية. عمر بضحك: ياباشا. انت مقامك أكبر من كده. بس بحكم إنك أكبر مني سناً ومديري. لازم أحترمك طبعاً. فارس بضحك: طيب يا بكاش. عموماً أنا مبحبش الغالين عليا يقولولي بيه يا عمر.

عمر بحب: ماشي يا حبيبي. ممكن أكلم مدام شروق في حاجة؟ شروق بستغراب: رفعت وشها واكملت: أنا؟ عمر بابتسامة: أيوه. فارس: تكلمها في إيه؟ ومينفعش أكون أنا حاضر؟ عمر: لا طبعاً ينفع. أنا بس بستأذن من حضرتك إني أوجهلها كلام. فارس: مفيش مشكلة. تعالي يا شروق. شروق قامت وقعدت معاهم واكملت: اتفضل يا عمر. سمعاك. *** عند فهد وليلي. ليلي صحيت. لقت نفسها في حضن فهد. راحت خرجت براحة وبصت على ملامحه بحب. وحطت إيديها على وشه وابتسمت

وقربت باسته واكملت بحب: حقيقي محبتش في الدنيا كلها قدك. بس على قد حبي ليك، على قد وجعي منك. بحاول أتغاضى عن كل ده وأبدأ معاك صفحة جديدة. بس أتمنى ده يحصل ونخلص من كل القرف اللي إحنا فيه ده على خير. وقامت خدت شاور ولبست قميص فهد تاني وسرحت شعرها ونزلت. في المطبخ. ليلي مسكت فون معتز وكلمت مامتها وسابت الإسبيكر مفتوح. وابتدت تفتح التلاجة علشان تعمل فطار. ولقيت أكل كتير موجود. فهمت إن أكيد رجالة فهد اللي عملوا كده.

سوسن: إيه يا فهد يابني؟ عامل إيه؟ ليلي بصدمة: فهد يابنك؟ يظهر إني أنا الوحيدة اللي كنت مغفلة. سوسن بصدمة: ليلي؟ إيه يا بنتي؟ كل الحكاية إن... ليلي بحزن: ماما. متكمليش. أنا عرفت كل حاجة. وعرفت إني طول الفترة دي كنت غبية. بس متوقعتش تكوني انتي عارفة وشايفة بنتك هتموت من بعده. واهون عليكي تخبي عليا؟ سوسن بحزن: ليلي. جوزك قالي علشان شاف إني بحبك قد إيه وبعتبرك بنتي. فحب ميخوفنيش عليكي.

وقالي: أنا بحبها وهي بتحبني. وأنا ابن عمها وهحميها بروحي. فطمن قلبي. بس طلب مني إني متكمليش انتي. يرضيكي أقول سر غيرك؟ ليلي بدموع: بس السر ده كان يخصني. سوسن بتنهيدة: إنسي يا ليلي كل اللي فات. وابدأي مع جوزك الوحيد اللي حبيته. واختارته من أول وجديد يا بنتي.

ليلي بدموع: أوقات بشوفه هو اللي حبيته. وأوقات بحس إني أذنبت إيه علشان الشخص الوحيد اللي حبيته يتحول ويقسى للدرجة دي. بتصعب عليا نفسي أوي. وبيصعب عليا قلبي. بس الحقيقة اللي مش هقدر أغيرها. إن مفيش راجل في الدنيا غير فهد هيقدر ياخد ولو 1% من حبي ليه. مهما يكون أفضل منه بمراحل. أنا محبتش غير فهد يا ماما. ومش هحب غيره. حتى لو ببان قوية قدامه ومش هاممني. بس أنا ببقى بكذب. وبمجرد ما يقربني منه بحس إن حصوني هاتنهار في إيديه. وهستسلم للحب ده. فعلشان أبين جامدة ببعده عني قبل ما يبان إني بحبه أوي زي ما بيحبني. بس تعرفي ليه؟

لآني مش قادرة أتقبل شخصيته الجديدة. بس هو بيحاول يتغير. وأنا سواء بإرادته أو غصب عنه هرجعه فهد بكل ما فيه. لأني مهما كترت عيوبه. أنا مش هقدر أبعد عنه. ولا هقدر أشوف غيره. حبيبي وجوزي وأب لأولادي. سوسن بفرح: ريحتي قلبي يا ليلي. ربنا يهديكي يا بنتي. سامحي وعدي بقى. وابدأي من جديد مع جوزك. ليلي بتنهيدة: مسحت دموعها واكملت: حاضر. أسيبك بقى لحسن الأكل يتحرق. سوسن: ماشى يا حبيبتي. وابقي طمنيني عليا. ليلي: حاضر.

وقفت. وكان واقف فهد وسامع كل كلمة هي قالتها. وتمنى لو يرجع بيه الزمن وميغلطش كده. هي تستحق إن يكون الشخص اللي أتمنته وحبته كل حياتها. فتنهد بحزن وراح حضنها من ضهرها وباس رقبته. ليلي بخضة: بسم الله. إيه يا فهد؟ خضتني يا حبيبي. فهد لفها إيه؟ واكمل بحب وهو بيبوس جبينها: حقك عليا يا حبيبتي. بتعملي إيه بقي؟ ليلي: بعمل الفطار. رجالتك جابوا أكل كتير. طلعوا بيفهموا بس نسوا أهم حاجة. اللبس. فهد بضحك: ده مش مشكلة.

ليلي بضحك: طب اتلم واتربي علشان مضربكش. فهد شد وسطها ليه وبص في عنيها واكمل بحب: عادي يا روحي. أي حاجة تيجي منك حلوة. مش مشكلة. ليلي بحب: طب ممكن تبعد علشان الأكل؟ فهد سابها واكمل: روحي انتي علشان رجليكي. وأنا هكمل. ليلي: لا روح انت. وأنا هجيبه اهو. وجاية. فهد: خلاص. هساعدك. وفعلاً صمم وساعد ليلي. وطلعوا حطوا الأكل على السفرة وقعدوا ياكلوا. وفهد مسك فونه. فهد: الو. يا حازم. حازم: إيه يا فهد بيه.

فهد: ها. طلعت برا مصر؟ حازم: اه الحمد لله. حالياً أنا في لندن. فهد: طب الحمد لله. عرفت جديد عن جمال؟ حازم: للأسف لا. بس كل اللي عرفته من واحد منهم. علشان محدش عرف إني معاك. إن جمال ناوي لما يشوفك يقتلك. بس قبلها عايز ليلي هانم. وقدام عنيك. فهد قلبه اتقبض واكمل بجدية مزيفة (علشان ميبينش لـ ليلي) : تمام يا حازم. أي جديد بلغني. حازم: تمام يا بيه. سلام. فهد سلام. وساب الفون وبص للطبق وابتدا ياكل.

ليلي بستغراب: في إيه يا فهد؟ فهد بلع ريقه واكمل: احم احم. مفيش حاجة يا حبيبي. قالي إن جمال بيدور علينا. بس لسه. ربنا يستر. ليلي بقلق: يارب. بجد الموضوع ده مخوفني أوي. فهد بقلق: مين سمعك. بس بإذن الله خير. *** في فيلا الشافعي.

يوسف: يا ماما يا حبيبتي. الفيلا اللي أنا وفارس وفهد بنيناها أجمل وأوسع من دي بكتير. وبعدين إحنا بصراحة كنا مش ناوين نتجوز. وقولنا هننقل فيها إحنا التلاتة طول. بس اتجوزنا. فمفيهاش حاجة لو قعدنا سوا. وإنتي تيجي معايا عادي. سعاد بحزن: أنا مش هسيب بيتي. إنت حر. اعمل اللي انت عايزه. يوسف بتنهيدة: منا أكيد مش هسيبك. روح قربت بكرسيها عليها واكملت بحب: بس أنا مش هعرف أقعد من غيرك يا ماما. سعاد بحزن: خلاص. خليكم معايا.

روح بمرح: بصي يا حبيبتي. هناك هنبقى كتير. والبيت هيبقى فيه بهجة. كده أحسن من القعدة لوحدك لما أنا أكون نايمة ويوسف في الشغل. سعاد بتنهيدة: طيب. هفكر. روح بمرح: وافقي بقى يا سوسو. طب علشان خاطر حفيدك حبيبك. يوسف بحب: أه. وافقي بقى يا ست الكل. سعاد بتنهيدة: خلاص. موافقة. أمري لله. هتتنقلوا إمتى؟ يوسف بفرح: أيوه كده. هو ناقص اتفق مع فارس وخلاص. سعاد: طيب يا يويو. يوسف: روح. قربت بـ. أهم حاجة حضرتك ماتكونيش مضايقة.

سعاد بحب: مش مضايقة يا حبيبتي. وكده فعلاً لمة. وأحس. يوسف: طب مش يلا يا حبيبي بقى علشان معاد دكتورتك. روح: يلا. وشالها يوسف بين إيديه وخرجوا. وركبوا العربية متجهين للعيادة. في العيادة. يوسف: ها يا دكتورة؟ طمنيني. الدكتورة بحب: زي الفل. والبيبي كويس جداً. واضح إن حضرتك بتهتم بأكلها وعلاجها حلو أوي. يوسف بحب: باس إيديها واكمل: طبعاً. هو أنا ليا غيرهم. الدكتورة بحب: ربنا يقومهالك بخير يارب. يوسف بحب: يارب.

ومسحت الجل من على بطن روح. ويوسف ساعدها في هدومها وشالها. الدكتورة: هنمشي على نفس العلاج. بس هنوقف حقن. روح: ياااه. يارب. أخيراً. يوسف بضحك: ابسطي. أهو. الدكتورة بضحك: إنتي كده عملتي الواجب وزيادة. طول الفترة دي. اترمي شوية بقى من الحقن. روح بضحك: حقيقي أحلى خبر سمعته في حياتي. شكراً يا دكتورة. تعبناكي. الدكتورة بحب: العفو. ده شغلي. وفعلاً يوسف شال روح ونزلوا. ركبوا العربية متجهين للبيت. وفونه رن. يوسف: إيه يا فهد؟

فهد: إيه يا حبيبي. عامل إيه؟ ومراتك عاملة إيه؟ يوسف: أحمد لله على كل حال يا حبيبي. كويسين. فهد: بقولك إيه؟ دنيت رجليها دلوقتي. يوسف بتنهيدة: والله يا فهد في تحسن. بس بسيط. علشان نفسيتها مش متظبطة خالص. فهد: بإذن الله هتقف في أقرب وقت. طب بقولك إيه؟ أنا عندي حل. يوسف: قول. فهد: هقولك. بس متبيّنش قدامها رد فعلي. يوسف: تمام. *** في مكتب عمر. حور بابتسامة: أحلى كوباية قهوة في الدنيا. عمر بحب: تسلم إيدك يارب.

غادة بصتلهم بقرف وسكتت. حور بحب: الله يسلمك. شروق: حور تعالي نرغي شوية لحد ما فارس يخلص اجتماعه. حور: أنا مش عارفة إنتي إيه جابك بصراحة. عمر: أنا مع حور يا مدام شروق. إنتي حامل جديد. مينفعش تيجي وتتعبي نفسك كده. غادة بصدمة: حامل؟ حور بستغراب: اه حامل. في إيه؟ مش فاهمة؟ شروق بضحك: لا دي متتاخديش عليها. وبصت لعمر واكملت: أنا قاعدة البيت بتتعبني. بتجبلي ضيقة تنفس. بعدين طول ما أنا قاعدة قدام فارس ببقى مرتاحة.

غادة لوت بوقها واتعدلت وبصت في مكتبها. عمر ضحك وشاور بعنيه لشروق على غادة. شروق بضحك: منا واخدة بالي. شيرين بحب: عمر حبيبي. واحشتني. وحضنته. حور بستغراب: مين دي؟ شيرين بحب: أنا شيرين سعد. بنت عم عمر وحبيبته. عمر باس خدها بحب واكمل بحب: وإنتي واحشتيني أكتر يا روح قلبي. بجد.