رواية احباء يجمعهم القدر الفصل الرابع 4 - بقلم لولا

في الدرس عند روح. روح: خلصت وسالت المستر علي كذا سؤال، بعدين طلعت ومشيت في الشارع. وفجأة لقيت ايد حد بتشدها. روح: بخضه. مين؟ يوسف: يوسف. يوسف: بحب. واحشتيني اوي. فقولت اجي اشوفك. روح: انت اتجننت؟ لو حد شافني يقول عليا ايه. يوسف: روح، انا عايز اتكلم معاكي. ممكن تيجي ثواني. روح: لا، هتاخر. وجوز امي انهارده هيروح بدري. فممكن يضربني لو اتاخرت. يوسف: مش هطول عليكي. ارجوك. روح: بتوتر. طب بسرعه. ركبت جنبه العربية.

وصل عند شقته. روح: بصدمه. انا مستحيل اطلع معاك. يوسف: هو انتي مش واثقه فيا؟ روح: بحزن. لا طبعاً. بس اتكلم هنا. يوسف: في الشارع واللي رايح واللي جاي يسمعنا. مسك ايديها في وسط اعتراضها وطلع ودخل شقته. وفونه رن. يوسف: ايه يا فارس؟ فارس: بحده. تجيلي حالا. وقفل في وشه. يوسف: بنفخ. اووف، ناقصاك الصراحة. روح: بتوتر. ها، عايز ايه؟

يوسف: قعد قدامها واكمل. بقالنا سنة بنحب بعض. وانا فكرت في كل الطرق اللي تخلينا سوا. ملقتش غير طريقة واحدة. روح: وايه هي؟ يوسف: بتنهيدة. احنا في فرق مستوي اجتماعي بينا كبير. وانا امي مش هتوافق بالوضع ده. وانا عايزك وانتي عايزاني. فباقترح ان نتجوز عرفي ونتقابل هنا لحد ما امي تقبل بالامر الواقع. روح: بصدمه. ضربته بالقلم واكملت بحده. انت فاااكرني ايه؟

منهم. هو انا علشان فقيرة فاكرني رخيصة. واكملت بدموع. انسي يا يوسف. ومش عايزاك في حياتي تاني يا حيوان. ورايحة تمشي. يوسف: مسك ايديها واكمل بهدوء مخيف. افتكري انك ضربتي يوسف الشافعي القلم ده. وهدفعك تمنه هو ورفضك غالي اوي. روح: بعياط حقيقي. كلب. وغلطانة اني حبيتك. وطلعت وزعت الباب ونزلت وهي بتعيط. وروحت بيتها. في البيت. مجدي: بحده. مسك شعرها واكمل. كنتي فين يا محروسة كل ده؟ كلمت استاذك. قالي خلصت من ساعة ونص.

روح: بعياط وخوف. كنت كنت عند صاحبتي. مجدي: زقها على الارض واكمل بحده. وازاي تغوري عند صاحبتك من غير اذني. وخلع حزامه وبقي يضربها واكمل بعصبية. انا مش قاايلك متتحركيش في حتة من غير اذني. يا حيوانة. وفضل يضربها وهي بتصرخ وتعيط وتترجاه يسيبها. روح: بعياط. والله مش هقررها تاني. وحياة ربنا. خلاص. مجدي: رمى الحزام واكمل بحده. تبقي تقرريها تاني اصلا. وانا اموتك. وقامت دخلت اوضتها وهي بتعيط ومتوجعة اوي. -في الشركة.

يوسف: دخل واكمل. ايه يا فارس؟ فارس: ضربه بوكس وقعه واكمل بحده. انت كنت واخد البت تعمل فيها ايه؟ يوسف: الله. هو انت بتراقبني يا فارس؟ فارس: بحده. ايوه. براقبك علشان مش عايزك تضيع زي الحيوان التاني. فوق لنفسك. الحلال طعمه أحلى. يوسف: بحده. انت قولت رايك. وانا حر. عن اذنك يا فارس بيه. وخرج وهو بيقفل الباب برزع. غادة السكرتيرة: خبطت. فارس: بزهق. ادخلي. غادة: الورق اللي حضرتك طلبته يا فندم. فارس: حطيه عندك واطلعي.

غادة: حطت الورق وقربت منه ببطء وحطت ايديها على كتفه واكملت. مالك يا فارس بيه؟ زعلان من ايه بس؟ فارس: بحده. مسك ايديها. تناها ورا ضهرها واكمل بعصبية. انا فارس العامري يا روح امك. اتعدلي وانتي بتتكلمي معايا. بدل ما. قسمًا بالله اطردك من الشغل. انا يوم ما اعوز واحدة هتجوزها يا روح امك. ومحدش هيقدر يمنعني. مش اعمل القرف ده. غادة: بوجع من ايديه ودموع. اكملت. انا اسفة. خلاص. فارس: ساب ايديها. فطلعت وهي بتعيط.

فارس: بنفخ. حاجة تقرف. والله العظيم. -في البار وتحديداً مكتب معتز. معتز: وهو بينفخ دخان السيجارة. اكمل. انا عايز اعرف بقي دلوقتي انتوا التلاتة متمسكين بفارس اخويا ليه؟ سارة: بتوتر. هيكون ليه؟ ماهو شغلنا. معتز: ايوه. بلظبط كده. معتز: بضحك. ايه شغلكم؟ هو انتي يا بت فكراني عيل صغير علشان اصدق الكلام ده. ده احنا بنتحايل عليكم تشتغلوا. وجودي علشان بس فارس حنين.

معتز: بضحك. حنين. ااه. عموما مبلعتهاش. بس هسكت بمزاجي مؤقتاً. وقتكم خلص. على برا. البنات طلعت وهي بتشتمه في سرها. في البار. لميس: ها. خلصتوا مع معتز؟ سارة: اه. لميس: طيب يا اختي. مش خلصتوا شغلكم. على تخت بقي. ملك: طيب يلا يا بنات. ونزلوا المخزن. في المخزن. ياري: قاعدة بتعيط. سارة: هو انتي لسه بتعيطي؟ ياري: بدموع. انا حبيته. ليه يعمل فيا كده؟ ملك: كلنا يا اختي حبناه. مش انتي بس. كلنا وقعنا في فخه. ورضينا نتساهل.

جودي: بدموع. اللي زي معتز ده معندوش قلب اصلا. يحب بيه. حد ازاي صدقناه. ده مش بني ادم. ده حيوان. سارة: وهي بتقعد. اكملت. طب بالله اقعدوا ساكتين. انا مش طايقة نفسي اصلا. ولا طايقة قلبي اللي في يوم حب المهزق القذر ده. ياري: بعياط. انا متخيلتش يحصلي كل ده. طلعوني لواحد واتعاملت أسوأ معاملة. جودي: بدموع. انا من رايي انك تتعودي يا يارا. -في الشغل عند شروق.

المدير: في رجل اعمال جاي في موعد غدا هنا. هو وكام فرد من المهمين. مش عايز اي غلطة. هتطلعوا تقدموا ليهم الأكل بكل هدوء وتدخلوا. ومعلش يا شروق. انتي وحور طلعوا معاهم. لانها تربيزة كبيرة جداً. شروق: بس. انا مش ده شغلي. مدحت المدير: طب اجيب منين ناس تخلص كل ده بسرعة. علشان مش ناقصين. ده تقيل أوي. يقدر يقفل المطعم كله. شروق: بتنهيدة. طيب يا عم مدحت. حور: بحزن. عدي ليلتك يا شروق.

شروق: بحزن في سرها. انهارده عيد ميلادك ال 27 يا فارس. كل سنة وانت جوايا يا حبيبي. وغيرت هدومها وابتدت تتطلع تودي الأكل والعصير مع العمال على التربيزة. ورجال الأعمال قاعدين. وهي ماشية خبطت في واحد منهم ودلقت العصير. شروق: بخوف. انا. انا آسفة يا بيه. حقك عليا. فارس: بحده. يا بنتي حرام على اهلك. اقعد مع الناس كده ازاااي بس؟ اوووف. انتي حماره. شروق: بحده. مخدتش بالي. ايه حماره دي؟ ماتحترم نفسك. مدحت: بخوف. في ايه يا بيه؟

فارس: الهانم دلقت العصير عليا. وانا ورايا اجتماع حالا. اهبب ايييه دلوقتي. مدحت: بخوف. ثواني حالا. نجبلك غيره. واخليها تديه لحضرتك. وشد شروق وطلع معاها لبرا المطعم. واكمل بحده. نهاااارك أزرق. ملقتيش غير ده تدلقي عليه العصير. وبعت حد جابله قميص واكمل بحده. امسكي. اديه للبيه في الأوضة. شروق: بدموع. خدته ودخلت الأوضة. واكملت بتوتر. يا باشا. انت فينك؟ فارس: خرج من الحمام وهو عاري الصدر واكمل بحده. هاتي.

شروق: باحراج. احمم. آسفة اني دخلت وحضرتك كده. فارس: بحده. محصلش حاجة. خلاص. وبيقفل زراير القميص. ورفع عينه ليها بتركيز أكتر. سحرته بجمالها وعيونها. وهي كذلك. كانت بتسرح فيه وفي جماله. بعدين نزلت نظرها بسرعة واكملت في سرها بحزن. بس يا حيوانة. انتي كده بتخوني حب فارس ليك. فارس: بحده. احمم. احمم. ممكن تعديني؟ شروق: بتوتر. طبعا. وبعدت عن الباب وسابته يخرج. شروق: لنفسها بدموع. واحشتني اوي يا فارس.

وطلعت كملت شغلها. وكانت بتابعها عيون فارس في كل مكان. لغاية ما انتهت وراحت غيرت هدومها وروحت. -في بيت ليلي. ليلي: قاعدة ماسكة صورة رسمتها لملامح فهد اللي فاكرها لما كانوا صغيرين. وحاطة تورته قدامها. واكملت بدموع. عيد سعيد يا نور عين ليلي. 27 سنة يا فهد. ومنهم 10 سنين وانت بعيد عني. واحشتني اوي. نفسي ألمحك وأقولك سامحني وأعوضك عن كل ده. بس غصب عني يا فهد. وحياتك عندي.

وحضنت صورته وابتدت تعيط وتقول. ماما بتقولي انساك وأعيش. طب أعمل كده ازاي بجد. وابتدت تغني أغنية لساندرا حجاج. لأن هي صوتها حلو. وحضنت صورته واكملت بدموع وهي بتغني. (أغنية) "انسى اللي كان بيضحك لما يشوف ضحكتي انسى اللي كان بيفرح لما يشوف فرحتي انسى اللي كان بيبكي لما يشوف دمعتي انسى اللي كان حنين غيرلي دنيتي موجوعة أنا من الفراق ولا عارفة أعيش حياتي كان أغلى من حياتي وقاتلني الاشتياق

قاتلني الاشتياق يا حبيبي أنا عايشة ليك لو ثانية أنساك هموت أنا قلبي طلعله صوت عمال ينده عليك عمال ينده عليك انسى اللي كان بيضحك لما يشوف ضحكتي انسى اللي كان بيفرح لما يشوف فرحتي انسى اللي كان بيبكي لما يشوف دمعتي انسى اللي كان حنين غيرلي دنيتي" وكانت واقفة سوسن وبتعيط على كلام أغنيتها. ودخلت واكملت بدموع. متنسيهوش يا ليلي. مش هجبرك يا بنتي. بس انا مش عاجبني وجعك ده.

ليلي: بعياط. انهارده تم 27. وانا مش معاه بقالي 10 سنين. هموت وألمحه يا ماما. مش عارفة. أنا عايشة على أمل. صح ولا غلط أصلاً. بس كل ما أفكر إنه عايش وبعيد عني أموت من وجعي. قاعدين تحت سما واحدة. ومش عارفة أكون معاه. فهد كان بيحميني من وأنا صغيرة. حتى من ضرب بابا ليا أو أي حد من عيال الجيران. كان بيعتبرني بنته وصاحبته وحبيبته. كان بيفرحني ويدلعني. كل عيد ميلاد. إنما دلوقتي مبقتش احتفل بعيد ميلادي أصلاً. ولا هحتفل. حياتي مليش قيمة من غير وجوده. واحشني أوي.

وضمت صورته أكتر واكملت بدموع. سااااامحني يا فهد. سوسن: حضنتها بعياط واكملت. ربنا يريح قلبك يا بنتي يارب. -في بيت روح وشروق. شروق: دخلت لقيت مجدي قاعد قدام التلفزيون. شروق: مساء الخير. مجدي: مساء النور يا اختي. دخلت الأوضة لقيت روح بتعيط. شروق: بخوف. جريت عليها واكملت. مالك يا بت؟ في ايه؟ روح: بعياط. جوز امك ضربني علشان اتاخرت شوية. وروحت عند صاحبتي. شروق: بحده. نعمم. هو فاكر نفسه مينو؟

وطلعت واكملت بحده. انت ملكش دعوة بينا تاني. انت فااااهم؟ لا تضربها ولا زفت يخش. تروح كباريه ميخصكش. هي مش بنتك ولا أنا بنتكم. مجدي: قام مسك شعرها واكمل بحده. نعم يا اااروح امكك. انتي بتعلي صوتك عليا. وتقوليلي اعمل اي ومعملش ايه. وجاب حزامه وفضل يضرب فيها. روح: بعياط. ابوس ايديك سيبها خلاص. وبتشد اخته. مجدي: ضربهم هما الاتنين واكمل بعصبية. اي و*س*خة هسمع صوتها هوريها الويل. انتواا فاااهمين؟ روح: بعياط. فاهمين.

مجدي: بصق في وشهم واكمل. جتكم الارف. هي تموت وتسبلي بلاوي. والله لولا الكام جنيه اللي باخدهم من وراكم. كنت رميتكم. بس الصبر حلو. اقرب جوازة هرمي كل كلبة. شروق: بعياط. روح منك لله ياشيخ. ربنا ينتقم منك.

وقامت غسلت وشها ولبست بيجامة وجابت تورته ووقفت جمبها واكملت بحب. كل سنة وانت حبيبي الوحيد. يا فارس. هفضل عايشة على أمل يجي يوم تخلصني من القرف ده. وتكون انت عوضي. هفضل مستنية النصيب يجمعني بيك. بحبك يا نور عيني. كل سنة وانت بالف خير. اينما كنت. -في البار. لميس: ها. نزلت اعلان للشغل في الفندق. معتز: اه. متشغليش بالك انتي بأي حاجة. لميس: عفارم عليك يا معتز. يعتمد عليكم. معتز: جمال بيه سافر. لميس: من بدري. وزمانه وصل.

معتز: تمام. قومي شوفي هتعملي ايه. وانا هروح. لميس: تمام يا حبيبي. -في فيلا العامري. معتز: قابل فارس على الباب. معتز: حضنه واكمل. كل سنة وانت في حياتي يا حبيبي. فارس: فرح بحضن اخوه وضمه أكتر ليه واكمل. وانت طيب. ومعايا يا فهد. معتز: بص له واكمل. فارس. ارجوك بلاش كده. فارس: حضنه واكمل بتنهيدة. يا معتز. بس واثق هترجع تاني. فهدم. معتز: بضحك وهو بيفتح باب الفيلا. اكمل. يبقي بتحلم وانت صاحي يا تؤامي.

فارس: هتمني كده في عيد ميلادي. معتز: بضحك. يبقي مش هتتحقق. ودخلوا لقوا تولين وداده نفين جايبين تورته وزينة. تولين: بحب. مفاجأة. معتز: بفرح. تولي. انتي عندنا؟ فارس: انت في عالم تاني. اه. جات امبارح. تولين: كل سنة وانتم طيبين يا أمز واجمد تؤام في الكوكب. فارس: باس جبينها واكمل بضحك. معاكسة مقبولة يا ست تولين. معتز: باس جبينها واكمل. وانتي طيبة. ومعانا يا حبيبتي.

نفين: حضنتهم واكملت. انتوا عارفين بعتبركم ولادي واكتر. كل سنة وانتم طيبين يا حبايب قلبي. فارس: باس ايديها واكمل. ربنا يخليكي لينا يا داده نفين. بجد. معتز: باس جبينها واكمل. ربنا يخليكي لينا يا أجمل داده نفين في الدنيا. تولين: وقفتهم جمبها واكملت. يلا هابي بيرث داي تو يوووو. وسقفوا وطفوا الشمع وقعدوا في جو من المرح والحب. كان مفتقده البيت. -تاني يوم في بيت ليلي. سوسن: سيبي ام الجورنال وكلي الاكل اللي برد ده.

ليلي: استني بس يا سوسو. بدور على شغل كويس. سوسن: جتك وكسه. شغل ايه اللي في جورنال. ليلي: بفرح. بس بس. اهو. ومرتب حلو جداً. 5000 في الشهر. هشتغل في فندق five star. اخيرا لقيت شغل.