رواية احببني بلطجي الفصل الثالث 3 - بقلم وردة سمراء

حاضر يا ميس نور. استغفر الله العظيم يارب. أنا مش عارفة اللي اسمه ياسين ده يطلع لي منين. حنان: أهدي يا نور، وإن شاء الله خير يا بنتي. نور: يا ماما أنا مش عايزة أتجوز واحد زي ده، أنا عايزة أكمل تعليمي وأشوف حياتي. حنان: إن شاء الله خير يا حبيبتي. نور: يارب يا ماما. (منزل ياسين) أم ياسين: أهلاً يا حبيبي، طمني عملت إيه؟ ياسين: لسه يا أمي. أبوها قال هسأل عليك الأول وبعد كده هرد عليك. أم ياسين: إن شاء الله خير يا حبيبي.

ياسين: مش متفائل يا أمه. دي أمها كانت مرعوبة مني أول ما سمعت اسمي. أم ياسين: هههههههه، تلقيها سمعت عنك يا قلب أمك. ياسين: تسمع إيه؟ هو أنا مالي. إن شاء الله ده أنا زي الفل، ميت فل وعشرة. أم ياسين: يا حبيبي، تلقيها سمعت الكلام اللي الناس بتقوله عنك. ياسين: بيقولوا إيه بقا الناس يا أمي؟ أم ياسين: بيقولوا عنك بلطجي يا حبيبي.

ياسين: يا أمي أنا مش بلطجي، بس أنا مش بحب حد ييجي على حد. وبعدين أنا الناس كلها بتحترمني وبتعملي ألف حساب. أم ياسين: علشان بيخافوا منك يا قلب أمك. ياسين: طيب يا أمه، اسكتي بقا وقومي هاتي لي أكل. وصحّي سلمى تاكل معايا. أم ياسين: حاضر يا حبيبي. سلمى: قولي بقا يا ياسو عملت إيه مع العروسة؟ يا قمر انتي. ياسين: (بابتسامة) لسه معملتش حاجة. هما قالوا هيسألوا عليه الأول. سلمى: يا لهوي، كده الجوازة هتبوظ؟

ياسين: هتبوظ ليه يا بت؟ سلمى: علشان أول ما يسألوا هيعرفوا إنك بتاع مشاكل. ياسين: طيب وأخوكي حبيبك بتاع مشاكل؟ سلمى: (بعفوية) أيوه. فاكر الشاب اللي... عكسني. وله الشباب اللي كانه على القهوة. انت مفتري قوي يا أخويا. ياسين: تعالي يا قلب أخوكي. تعالي في حضني. والله كبرتي يا سلمى وبقيتي تعرفي تتكلمي. سلمى: هههههههه، ما أنا تربيتك يا ساسو. وبعد مرور من الوقت، يذهبون إلى النوم.

ياسين يفكر بنور ويقول: البنت دي قوية مش هتوافق بسهولة. علشان كده لازم أشوفها الصبح إن شاء الله. ويغلبه النوم. وفي صباح اليوم الجديد. (منزل نور) نور تستيقظ وتجهز نفسها للخروج إلى الجامعة. وعندما نزلت من البيت، كان ياسين في انتظار نور. ياسين يمسك يد نور. نور: (باستغراب وخوف شديد) تبص وراها تشوف ياسين ماسك إيدها. ياسين: عايزك في موضوع. نور: سيب إيدي يا همجي. ياسين: قالت لي إيه؟ همجي؟ نور: أيوه، إزاي تمسك إيدي؟ ياسين:

(بوقاحة) أنا أمسك أي حاجة فيكي. عارفة ليه يا نور؟ (بصوت كله قوة وجبروت) نور: ليه؟ ياسين: علشان انتي بتاعتي أنا بس ومراتي أنا بس. ومحدش يقرب منك غيري. نور: (بضعف) بس أنا مش موافقة إني أتجوزك. انت صايع يا ياسين والناس كلها بتخاف منك. وكمان أنا عايزة جوزي يكون متعلم. سيبني في حالي بقا. ياسين يقترب منها ويجذبها له ويمسك وجهها بيده.

ياسين: انتي يا نور مش لحد غيري. وحطي الكلام ده حلقة في ودنك. ومتلبسيش البلوزة دي تاني، أصلها مش عاجباني. نور: انت مالك؟ انت بتعمل كده ليه؟ حرام عليكي. ياسين: علشان حبيتك يا نونو. نور: لو سمحت سيبني علشان ورايا محاضراتي. ياسين: حاضر. يلا ادخلي الجامعة. ولم تخلصي هتلاقيني مستنيكي هنا علشان أوصلك البيت. نور: وانت توصلني ليه بقا؟ متخليك في حالك وسبني في حالي. ياسين: انتي هو حالي. وتدخل نور الجامعة. تخلص المحاضرات.

ياسين قاعد على القهوة مستني نور تخلص المحاضرات علشان يوصلها. وتنزل عينه على أكثر من شخص مسلحين واقفين قدامه. وفيهم أحمد اللي ياسين خاله يوسف ضربه بالقلم قدام الناس كلها. ياسين: (بزهول وحاجب مرفوع) يبص لأحمد بعين يخرج منها شرار من النار. أحمد: هو أنا مش قلت لك؟ أنا هوريك يا ياسين. يلا بقا وريني هتعمل إيه مع الوحوش دي. ياسين: (بابتسامة وكل غرور وكبرياء) يقوم

من على الكرسي ويقول لأحمد: تعالي وريني يلا. أنا واقف أهو ولوحدي. وريني بقا هتعمل إيه يا دكر. أحمد يشير للشباب بعنيه ليقتربوا من ياسين. وشخص منهم ضرب ياسين بوكس قوي جدا في وشه. ياسين: (بكل غضب) مسك الترابيزة وبقى كل اللي يقرب منه يضربه بكل قوة بلا رحمة وبلا شفقة. لحد ما وصل لأحمد. ياسين: تعالي يلا وريني يا دكر. إيه قلبت قطة دلوقتي؟ أحمد يقترب من ياسين بسلاح أبيض.

ياسين يمسك من إيده السلاح وينزل فيه ضرب بلا توقف. لدرجة إن أحمد كان هيموت في إيده. ياسين يجلس على الكرسي يستريح. لحد من نور تخلص المحاضرات. وبالفعل خرجت نور من الجامعة لتتفاجأ بياسين واقف قدامها وهدومه متبهدلة وفي كدمات في وشه من الكمه اللي أخدها في وشه. نور: إيه ده؟ مين اللي عمل فيك كده؟ ياسين: مليكيش دعوة وامشي معايا أوصلك من غير ما تفتحي بقك. نور: إزاي يعني؟ إن شاء الله. مش همشي معاك.

ياسين يمسك يدها بقوة ويمشي بها بدون أي كلام. نور: انت مجنون إيه اللي انت بتعملو ده؟ وتحاول تفلت نفسها منه، بس للأسف مش هتعرف لأنها في يد ياسين القوية. وتحاول إنها تصرخ. ياسين: مش عايز أسمع صوتك يا نور. اخرسي بقا. نور: على فكرة أنا مش موافقة أتجوزك. انت بتعمل كده ليه؟ فهم بقا. ياسين: أنا بقا هتجوزك غصب عنك وغصب عن عين أهلك كمان. واسكتي بقا علشان ما أمدش إيدي عليكي في الشارع.

نور تمشي دون أي رد فعل لحد ما توصل إلى منزلها. حنان: حمدل على سلامتك يا قلبي. نور: (ببكاء) الله يسلمك يا ماما. حنان: في إيه؟ نور: ياسين يا ماما. بيقول لي إنه هيجوزني غصب عنكم وعني كمان. حنان: وانتي شفتي ياسين فين؟ نور: وأنا نازلة راحة الجامعة لقيته مستنيني ووصلني وفضل مستنياني لحد ما أنا خلصت ورجعني البيت.

حنان: استغفر الله العظيم من كل ذنب. أهدي يا حبيبتي. وأنا لما أبوكي يرجع من الشغل هخليه يتصل بيه ويقولوا إننا معندناش بنات للجواز.