رواية احببني بلطجي الفصل الثاني 2 - بقلم وردة سمراء

ويذهبون إلى الغرفة. يذكر ياسين قاعد مع صحابه في قهوة تحت بيت نور. يوسف: عارف يا ياسين، العماره دي فيها بنتين زي القمر، الاتنين أجمل من بعض. ياسين: وانت عرفت منين يا يوسف؟ يوسف: ما أنا بعاكسهم على طول. ياسين: نعم يا روح أمي؟ يوسف: في إيه؟ ياسين: بقالك إيه؟ البيت ده كله يخصني بعد كده. وربي يا يوسف ما أسمعك بتجيب سيرة حد فيهم ولا عاكس حد منهم. ألافقك نصين ومش هعيد كلامي تاني، انت عرفني.

يوسف: أسف يا كبير، معرفش إنهم تبعك، مش هتتكرر تاني أكيد. ياسين: يلا بقا قوم غور، أنا سهران على القهوة النهارده. يوسف: حاضر. وفي صباح اليوم الجديد، نور جاهزة نفسها ونازلة راحة الجامعة. ياسين لمحها بعنيه، مشي وراها. نور أخذت بالها: هو في حاجة يا كابتن؟ حضرتك ماشي ورايا من ساعة ما نزلت من البيت، خير يا ربي. ياسين: خير طبعاً. بصي يا نور، أنا اسمي ياسين. نور: انت كمان تعرف اسمي؟ انت مين وعايز إيه؟

ياسين: أنا من ساعة ما شفتك وأنا مانمتش، واعد تحت بيتكم عشان أشوفك وأتكلم معاكي. بصي يا بنت الناس، أنا عارف إنكم ناس محترمة وأنا عايزك في الحلال. نور: لا ده انت أكيد اتجننت، هو أنا أعرفك أصلاً. ياسين بصوت مخيف: هتعرفيني لما أجي أقابل أهلك. نور: نعم نعم، انت بتقول إيه؟ انت مين أصلاً؟ انت أكيد مجنون. يارب أنا أصبحت بوش مين على الصبح.

ياسين بكل قوة وجبروت: نور، مش عايز dizziness كتير. افصلي بقا، اوخشي الجامعة، خلصي محاضراتك. ولما تخرجي أنا هعرف ألاقييكي وأتكلم معاكي. يلا أمشي. نور بدون كلام دخلت الجامعة. ياسين: مش عارف إيه بس الناس دي لازم تنرفز الواحد بس. قمر بنت الحتة، مزة مزة يعني. ويذهب إلى المنزل. نور: نهار أسود، مين المجنون اللي طلعلي فجأة ده؟ ياااارب بس هي ناقصة مشاكل، وكمان بيشخط فيا.

خلصت المحاضرات بتاعتها رجعت البيت وهي متعصبة، ودوخة، وبتكلم نفسها. حنان: في إيه يا نور؟ مالك يا بنتي؟ نور: والله يا ماما مش عارفة أقولك إيه، في واحد مجنون فضل ماشي ورايا من ساعة ما نزلت من البيت لحد ما وصلت الجامعة، وكمان بيعلي صوته عليا وبيقولي إنه جاي يتقدم لي. حنان: مين الولد ده؟ تعرفيه؟ نور: لا يا ماما، أول مرة أشوفه، بس هو شكله يعرفني كويس لأنه عارف اسمي كمان. حنان: هو قالك اسمه؟ نور: اسمه ياسين يا ماما.

حنان: ينهار أسود، ربنا يستر وميكونش ياسين اللي أنا أعرفه. نور: مين ده يا ماما؟ حنان: استني بس لما أبوكي يرجع من الشغل وأنا هعرفه اللي حصل ده. وانتي ياريت ماتروحيش الجامعة دلوقتي خالص. نور بخوف: ليه بس يا ماما؟ هو في إيه؟ حنان: اسمعي الكلام وخلاص يا نور. نور تدخل غرفتها. نزل ياسين. ياسين: على فكرة يا زازة، أنا هروح أخطب بكرة. زينب: نعم يا روح أمك، تخطب مين يا واد انت؟ وعرفتها منين؟

ياسين: دول ناس جيراننا، بعدين بشر. بنت اسمها نور، في تانية كلية. زينب: ونور دي بقا اللي في كلية، هتوافق بيك يا صايع انت؟ ياسين: ليه متوافقش؟ وبعدين هو أنا صايع؟ زينب بكل فخر: يا قلب أمي، مصر كلها بتقول عليك كده. ياسين: طيب والله العظيم يا مه، نور دي متتجوز غيري، حتى لو غصب عنها. لما أشوف آخرتها معاكم إيه. وقومي نامي بقا، قعدتيش معايا.

زينب: ماشي يا دكوري، هنام. مسلمى يااسو حبيبي، مين البنت دي اللي عجباك أوي كده وهتروح تخطبها؟ ياسين: وانتي بتدخلي في اللي ملكيش فيه ليه يا طفلة؟ لما تكبري هبقى أقولك. يا سلمى، يلا روحي ذاكري، ولا نامي انتي كمان. سلمى: وعلى إيه؟ أنا هقوم أدخل أحسن. ياسين: أيوه كده، شاطرة. وفضل قاعد ياسين لوحده سرحان في نور، وجمال نور، ويقول: معقول القمر ده هيبقا بتاعي أنا؟ يلا يا نور، كلها كام ساعة وأجيلك.

وبعد عدد من الساعات، نزل ياسين. راح عند الحلاق ظبط شعره وذقنه، ورجع أخد دش ولبس قميص أبيض يظهر عضلات جسده، ويظهر سماته واطلالته الجميلة أكثر، بغض النظر عن إنه بلطجي بردو هههه. ويلبس بنطلون كحلي. سلمى: أشاش، إيه القمر ده؟ يخربيت جمالك، أنا لو مش أختك والله ما كنت سبتك. إيه القمر ده يا ياسين، عسول أوي كده ليه؟ ياسين بابتسامته الساحرة وبكل غرور: ده العادي بتاعي أخوكي. يا بت يا سلمى.

زينب: ما شاء الله تبارك الرحمن، ربنا يحميك يا ابني. طبعاً رايح للعروسة. ياسين: أيوه يا أمه، ادعيلي والنبي يا أم ياسين. زينب: روح يا ابني، ربنا يجعلها من نصيبك يارب. بما إنك داخل جد كده والبنت عاجباك. ياسين يبوس إيد أمه ويقولها: أنا هنزل بقا. ويذهب إلى أحد محلات الحلويات يشتري علبة شوكولاتة، ويذهب إلى منزل نور. ياسين يخبط على الباب. حنان تشوف قدامها شاب وسيم للغاية، في قمة الجمال، وشكله ميقولش إنه بلطجي خالص.

ياسين: مساء الخير. حنان: مساء النور يا ابني، مين حضرتك؟ ياسين: مش ده بيت نور؟ أنا ياسين. حنان بخوف شديد: طيب عايز إيه يا ابني؟ ياسين: عايز أدخل الأول يا مه، وبعد كده هقولك عايز إيه. حنان: اتفضل ادخل. يدخل ياسين ويجلس على الكرسي. ياسين: فين عمي محمد؟ أنا عايزه في موضوع. حنان: هندهولك حاضر يا ابني. محمد: السلام عليكم. ياسين: وعليكم السلام ورحمة الله وبركاته. محمد: خير يا ابني؟

ياسين: بص يا عمي، أنا مبحبش اللف والدوران، أنا راجل دوغري. محمد: طيب كويس. ياسين: أنا جاي أتقدم لبنتك نور، ودخلت من الباب عشان أنا مبحبش الهري الكتير. محمد باستغراب: هري؟ ماشي يا ابني. بس انت بقا بتشتغل إيه؟ ياسين: أنا معايا دبلوم تجارة، وفاتح سوبر ماركت كبير في مصر القديمة هنا، على البحر. محمد: طيب، وانت مش شغال بشهادتك ليه يا ابني؟ ياسين: مش بتاكل عيش يا عمي، وبعدين أنا أبويا متوفى، وعايش أنا وأمي وأختي الصغيرة.

محمد: طيب، انت تعرف نور منين؟ ياسين بتنهيدة: شفتها وهي راحة الجامعة، وسألت عليها، وعرفت إنها محترمة، وإنكم ناس غلابة. محمد: الحمد لله يا ابني. لحظة، هنادي نور تشوفك على الأقل. نور: مش موافقة يا بابا، ده شكله صايع. محمد: والله يا بنتي، اللي يشوف شكله مستحيل يقول عنه صايع. وعلى كل حال، انتي هتخرجي تشوفيه، وأنا هقوله محتاجين وقت نفكر. نور: حاضر. وتخرج نور من غرفتها، تجلس بجانب والديها. ياسين يتفحص ملامحها بعناية.

نور ترفع وجهها إليه، تتفاجئ بالجمال والوسامة اللي قدامها، تنزل نظرها إلى الأسفل. ياسين بقوة وصوت جاحد: بص يا عمي محمد، أنا راجل دوغري، وقولتلك كل ظروفي، وأي حاجة تطلبها رقبتي ليكم. محمد: بص يا ابني، أنا نور بنتي في الكلية، ولازم تكمل تعليمها. ياسين: تكمل؟ معنديش مشكلة، بس بعد ما نتجوز. محمد: بص يا ابني، أنا هسأل عليك، ورد عليكي. ياسين بكبرياء وغرور: ماشي، هستنا ردك، بس ياريت بسرعة.

محمد: إن شاء الله يا ابني، في أسرع وقت. ياسين: طيب، استأذن أنا بقا. وهو ينظر لنور بخبث، ويغادر المنزل. نور تأخذ علبة الشوكولاتة وتذهب بها إلى الغرفة. جنى: خير يا رب. نور: اخرسي، ابتجنا طيب. والله العظيم ده قمر، يخربيت جماله، وله جسمه طول بعرض، إيه الواد ده؟ جايبينه منين؟ نور: طيب اتجوزيه انتي، أنا هكمل تعليمي يا هانم، وعايزة اللي يبقى جوزي يبقى شخص محترم وطيب ويكون متعلم، يعني زيك كده مثلاً، يعني أمال أنا بتعلم ليه؟

جنى: ربنا معاكي يا قلب أختك، بس أنا لو مكانك مش هسيبه. ده أنا أتجوزه يوم، وبعد كده عادي هههههههه. نور: اتلمي يا بت. جنى: حاضر يا ميس، هههههههه.