رواية احببت اعمى الفصل الرابع عشر 14 - بقلم سندس محمد

بدأت الدكتورة تفك الشاش، وبعد ما خلصت قالت: "دلوقتي تقدر تفتح عينك يا عمر بيه." منصور بخوف شديد: "هااا يا عمر شايفني؟ عمر بفرحة شديدة: "آه آه يا بابا شايفك، شايفك يا بابا. أنا رجعت أشوف تاني يا بابا. آه الحمد لله، الحمد لله يا رب." منصور خده في حضنه بفرحة: "آه يا بني آه، حمد الله على سلامتك يا حبيبي، حمد الله على سلامتك. الحمد لله يا رب، الحمد لله. يا بني أنا مش قادر أصدق نفسي من الفرحة." عمر بفرحة:

"أنا شايفك يا بابا، شايف نور. أنا رجعت أشوف النور تاني يا بابا." منصور بفرحة: "الحمد لله يا بني، الحمد لله." صفية بفرحة مصطنعة: "مبروك يا بني، ألف مبروك. والله فرحت لك أوي." عمر من غير نفس: "الله يبارك فيكي." يارا بدلع: "مبروك يا روحي، أنا هطير من الفرحة والله مش مصدقة نفسي إنك رجعت زي الأول." عمر بسخرية شديدة: "آه مصدقك، مصدقك." وكمل في سره: "بدأ العد التنازلي ليكوا، نهايتكوا قربت."

الباب خبط واتفتح ودخل شخص مكنش متوقع إنه يجي في الوقت ده. صفية بفرحة: "سامر! سامر بصلهم كلهم بخبث: "هاي يا جماعة." عمر بصله بعصبية: "نورت يا ابن عمتي." سامر بخبث: "حبيبي، ألف سلامة عليك. أنا أول ما عرفت قولت لا يا سامر لازم تقف جنب ابن خالك ده زي أخوك برده، ولا إيه؟ ده إحنا متربيين." عمر بسخرية: "حبيبي تسلم، أنا عارف إنك صاحب واجب برضه." صفية حضنته: "حبيبي وحشتني أوي." وقربت من ودنه: "إنت مقلتش إنك جاي دلوقتي ليه؟

مش قولت مش هاجي دلوقتي يا غبي؟ سامر بهمس: "قولت أعملكوا مفاجأة ونبدأ في الجد بقى." صفية بمكر: "عندك حق." بعدت عنه، ومنصور قرب منه حضنه، ويارا برضه. عمر بحب: "بابا، أنا عايز أروح أشوف رحمة، نفسي أشوف ملامحها." منصور بحب: "حاضر يا بني، تعالى معايا." وبصلهم كلهم: "بعد إذنكم يا جماعة." كلهم: "اتفضلوا." خرجوا هما الاتنين من الأوضة وسابوا ثلاثي الشر. عمر: "نفسي أشوفها أوي، أنا متأكد إنها قمر." منصور:

"هي زي البدر يا بني، وشاور على أوضة أهي، دي الأوضة، خش." دخل عمر الأوضة بخطوات مترددة، حاسس إن قلبه هيقف من الفرحة، وأول ما عينه وقعت عليها اتصدم. عمر بصدمة: "مش معقول." *** عند ثلاثي الشر كانوا قاعدين في الأوضة. يارا بحقد: "إحنا مش هنفضل قاعدين كده، لازم البت اللي اسمها رحمة دي تموت." صفية بمكر: "آه صح، نسيت أسألك، إنتي اللي عملتي فيها كده؟ يارا بحقد: "آه، أنا اللي عملت فيها كده." سامر بخبث: "مش ندمانة بقى يا يويو؟

يارا بسخرية: "لأ طبعاً مش ندمانة، هندم على إيه يعني؟ وبعدين متحسسنيش إنك بتبيع سبح." صفية بمكر: "جدعة يا بت، أحسن، هي تستاهل بصراحة، بس الخوف كله لا تصحى، ممكن تقول لعمر، ساعتها هتبقى مصيبة، ربنا يستر." يارا: "لأ مش هتقوله، ولا فكرت، عادي جداً، هقتلها تاني." سامر: "إنتي إيه يا بنتي؟ أهدي على نفسك عشان كل حاجة تمشي زي ما إحنا عايزين، إنتي ممكن تيجي وبكل غباء تضيعي كل حاجة، وساعتها أنا اللي هموتك." يارا بخوف مخفي:

"طب وأنا أعمل إيه؟ أنا نفسي عمر يطلقها بقى." سامر بخبث: "هو إنتي لسه فاكرة إني عمر هيجيلك بعد اللي عملتيه؟ يارا: "هو إنتوا ليه كل شوية تفكروني؟ أنا فاكرة، أنا عملت إيه كويس أوي ومش غلطانة في أي حاجة، فاهمين؟ وإنتوا اللي قولتولي أعمل كده." صفية بخبث: "إحنا لازم ناخد عمر لصفنا عشان يدينا الثقة تاني ونرجع معاه زي الأول." يارا بسخرية: "طب ده إزاي هنعملها؟ مش فاهمة." صفية بمكر وخبث: "هقولك، بس في شخص مهم هيساعدنا."

يارا وسامر باستغراب: "مين؟ صفية بمكر: "... يارا وسامر بصدمة شديدة: "إيه؟!