رواية أحببت عنيد الفصل الثالث عشر 13 - بقلم سجود بكري

نادين بعصبية: نادين! عشق ملهاش دعوة، خليها ترجع وأنا هديكي الفلوس اللي انتي عاوزاها. نادين بخبث: إيه ده؟ أدهم باشا وقع وبقى بيحب تاني ولا إيه؟ أدهم بنرفزة: سمعتي أنا قولت إيه؟ خليها ترجع أحسنلك. نادين ببرود: لو عاوزها، تعالي هنا ومعاك 10 مليون. وقفل. أدهم بعصبية، فضل رايح جاي. مراد بقلق: أدهم، نادين قالتلك إيه؟ زياد: هتعمل إيه يا أدهم؟ أدهم بحزن: مش عارف... مش عارف أعمل إيه يا زياد.

مراد ببرود: هنعمل اللي اتفقنا عليه. ندي وسما باستغراب: قصدكم إيه؟ زياد وأدهم بصوا لمراد، ومراد هز راسه. *** نروح عند نادين ومارك. عشق فاقت، لقت مارك ونادين. عشق بخوف لنادين: انتي مين وعاوزة مني إيه؟ نادين قربت منها وشدت شعرها بقوة: اسمعي يابت، انتي بلاش شغل البراءة ده عشان مش هياكل معايا. انتي هتعملي اللي هقولك عليه، فاهمة؟ عشق برعشة: عاوزني أعمل إيه؟ نادين بخبث: عاوزاكي تعملي...

عشق برفض: لا طبعاً، أنا مستحيل أعمل كده، انتي مجنونة. نادين بنرفزة: بت انتي، هتعملي اللي قولتلك عليه، فاهمة؟ عشق بشجاعة: وأنا مش هعمل كده. نادين ابتسمت بشر: تمام، يبقى انتي اللي اخترتي. مارك، أنا هطلع فوق شوية، وانت عيش بقى. وغمزت. مارك ابتسم بخبث: من عيوني. نادين طلعت، ومارك قرب من عشق وهي عمالة تبعد. عشق برعب: انت بتقرب كده ليه؟ ابعد عني. مارك بتسلية: أبعد، أبعد إيه بس؟ بقا حد يشوف الجمال ده كله ويبعد؟

عشق عيطت: ونبي ابعد عني، متقربش مني. مارك قرب منها وفضل يقطع في هدومها وبيحاول يبوسها، وهي عمالة تزق فيه. أدهم دخل بسرعة: عشششششششششقق! قرب من مارك وفضل يضرب فيه. نادين نزلت على صوت الضرب، واتصدمت من شكل مارك بسبب ضرب أدهم، وخافت. ولسه هتخرج، كان زياد ومراد دخلوا ومسكوه. أدهم قرب من عشق وحضنها جامد. عشق بعياط وخوف: أدهم، أنا عاوزة أمشي من هنا، ونبي مشيني من هنا. وفضلت تترعش، وقاموا ومشوا. نادين شافت، وطلعت المسدس.

أدهم شافها، وقف وعشق واقفة وراه. أدهم ببرود: نزلي المسدس ده، أحسنلك يا نادين. نادين بشر: وأنا مش هسيبك تمشي كده بالساهل. أنا هقتلك، هقتلك. أدهم بجمود: وأنا قدامك أهو، اضربي. نادين بنرفزة ضربت الطلقة، بس عشق وقفت قدامه وخدت الطلقة بداله. أدهم بجنون: عشششششششششق! لاء... لاء! عشق قومي، قوووومي، ونبي متسبنيش. البوليس فجأة دخل وخد نادين ومارك، اللي مش قادر يقف من ضرب أدهم.

زياد قرب من أدهم: أدهم، قوم شيل عشق بسرعة، خدها المستشفى. أدهم شالها بسرعة وجرى. *** كلهم راحوا المستشفى. سامية ورنا عرفوا وراحوا برضه. عشق في أوضة العمليات، وقدام أوضة العمليات كانوا واقفين. أدهم قرب من الكيلاني: بابا، أنا آسف، سامحني. أنا عرفت كل حاجة، أنا آسف. الكيلاني بهدوء خدوا في حضنه، وأدهم فضل يعيط: أنا عايز عشق يا بابا، مش لما أحبها هي تمشي وتسبني.

الكيلاني بحنان: بس يا أدهم، وبعدين تعرف، أنا بقالي كتير مسمعتش كلمة بابا، بس طلعت حلوة أوي. وكمل بحب: عشق هترجع يا أدهم، هي كمان بتحبك على فكرة، بس كانت خايفة منك. أدهم بضياع: ترجع بس؟ وأنا والله مش هزعلها مني تاني. مراد شاف سما واقفة لوحدها بتعيط، راح ليها. مراد بحنان وحب: بس يا سما، اهدي، عشق هتبقى كويسة والله. سما بعياط: انت متعرفش عشق بالنسبالي إيه يا مراد. عشق دي أختي وصحبتي وحبيبتي، دي عشقي، عشقي أنا وبس.

وفضلت تعيط جامد. مراد مكنش عارف يعمل إيه، شدها لحضنه وفضل يطبطب عليها. عند زياد، شاف ندي بتعيط في حضن أبوها، وكان واقف حزين عليها. عند سامية ورنا، كانوا واقفين مبسوطين. فجأة الدكتورة خرجت، وكلهم وقفوا.