رواية احببت عنيدة الفصل الحادي عشر 11 - بقلم الاء

نور بعياط وقلق: بابا ماله الدكتور: الحمد لله لحقنا في آخر لحظة مكرم: هو حصله إيه؟ الدكتور: جلطة في القلب وربنا ستر. وضغط كان عالي سلمي بعياط هي ونور: بقى كويس صح؟ الدكتور: اهدا أيوه بقى أحسن بس لازم يرتاح خالص وبلاش شغل كتير. والأحسن بلاش شغل لأن أستاذ عاصم كبر ومحتاج راحة مكرم بحزن: بإذن الله عز: طيب هو ينفع ندخل؟ الدكتور: لا وباذن الله بالليل لما يفوق هيتنقل في أوضة عادية نور بخوف: لا أنا عايزة أشوف بابا

الدكتور: صدقيني صعب يعدي بس وقت ونطمن عليه وكلكم تدخلوا بعد إذنكم. ومشي ... تسريع الأحداث مكرم فضل يهدي نور وعز يهدي سلمي لحد ما عدى الوقت والدكتور نقله الأوضة العادية ودخلوا يطمنوا عليه. وبعد نقاش كبير مين يقعد مع مكرم صمم عشان نور وسلمي كانوا تعبانين جدا. مكرم: كده توجع قلبي عليك عاصم ابتسم: الصفقة تمشي زي ما هي مكرم بضيق: يا عم أنت في إيه ولا إيه؟ لما تقوم بالسلامة وسيبك من شغل ده دلوقتي خالص. المهم صحتك

بناتك محتاجينك عاصم ابتسم: بلاش الاتفاق ده يا مكرم أنا قلبي مش مطمن مكرم باستغراب: هو ده سبب تعبك؟ عاصم: مش بالظبط بس نور تعبت يا ما وخايف أكون بأذيها. أصلاً إيه نجوزهم بالغصب زي الأفلام؟ بالعكس ممكن نكون إحنا كده بنوجعهم أكتر مكرم ابتسم: اللي تشوفه بس ده كان مجرد اقتراح كنت ترفض لكن متتعبش نفسك لحد ما تجلط. ربنا يديك الصحة وتفرح بيها هي وسلمي عاصم ابتسم براحة: يارب ويهديلك سليم وعز مكرم: ياريت كان زي عز ...

عدت الأيام عاصم بيتحسن لحد ما طلع من المستشفى. عاصم: أنا عايز آكل الشغل أكل كده نور: لا لا انسي الشغل خالص سلمي: أنت ترتاح كده وتحط رجل على رجل عاصم: والشغل والصفقة؟ أنتم بتهزروا أكيد سلمي: أبداً والله وبعدين أنا ونور قرارنا قرار كده هيفرحك عاصم باستغراب: إيه؟ نور: أنا وسلمي هنستقيل من شغلنا ونمسك ليك الشركات سلمي: وأي حاجة تقف معانا الباركة فيك وعمو مكرم نور وغمزت لها: وعز يا أختي سلمي اتكسفت: أنتي رخمة

عاصم ضحك: أنتم بتهزروا صح؟ نور ابتسمت بحب: أبداً يا بابا أنت فعلاً لازم ترتاح تعبت كتير عشاننا وجه الوقت اللي ترتاح عاصم: ده كان تعب بسيط نور: كان هيضيعك مني لا يا بابا إحنا خلاص قرارنا سلمي: عشان خاطري يا بابا عاصم: مش هتقدروا ده في صفقة كبيرة نور لسه هتتكلم فون سلمي رن سلمي بكسوف: ده عز وجريت نور ضحكت: هبلة بس تعرف يا بابا عز إنسان محترم ماسابناش أبداً هو وعمو مكرم عاصم: وسليم جه برضو؟

نور بضيق: كأنه بيعمل الواجب اللي عليه وخلاص عاصم ابتسم: الدكتور اللي عالجني لو تسألي عنه إنه مشهور جداً في العالم كله نور بفرحة: أها من حسن حظك إنه نزل مصر كان برا عاصم: وكان مسافر تاني وسليم اللي راجعه عشاني نور بصدمة: إيه؟ عاصم: سليم شخص غامض ومتعرفيش هو إيه بس جدع صدقيني نور: المهم دلوقتي إنك ترتاح يا حبيبي ... تاني يوم مكرم وعز جم عشان يطمنوا عليه. مكرم: حمد الله على سلامتك عاصم: الله يسلمك

عز: عامل إيه دلوقتي يا عمي؟ عاصم: الحمد لله أحسن بكتير عز: أنا آسف بس الصفقة لازم تتم مكرم: هو ده وقته نور: أنا وسلمي هنمسك شغل مكان بابا عاصم: تاني يا نور سلمي: طب لحد ما تتحسن وعز هيبقا معانا وعمو مكرم مكرم: لو كده أنا معنديش مانع عز: ولا أنا عاصم: ام نشوف آخرتها سليم دخل: السلام عليكم عاصم: وعليكم السلام أهلاً يا ابني اتفضل عز ومكرم بصوا لبعض باستغراب نور وسلمي زيهم بالظبط

سليم سلم عليه وقعد: عامل إيه حضرتك دلوقتي؟ عاصم: الحمد لله أحسن بفضل ربنا سلمي بهمس لـ عز: مش غريبة إن سليم يجي؟ عز بهمس: سليم لو بيعز حد بيطمن عليه سلمي: أو جي يضايق نور عز: مظنش نور بصتله وساكتة عاصم: نور شوفي سليم يشرب إيه نور: ليه؟ عاصم بص لها لحدة: نور وبص لـ سليم تشرب إيه يا ابني؟ سليم بنظرة استهزاء لـ نور: اعملي قهوة نور ابتسمت: حاضر.. وقامت بعد وقت نور: أهي سليم أخدها وبيشرب فجأة وسه أحمر وفضل يكح:::

نور من جواها: يكش الشطة تولع فيك نور ابتسمت بشر: إيه مالك؟ عز وبهمس لـ سلمي: شكلها حطتله حاجة سلمي ابتسمت: ماتستبعدش عاصم: مالك يا ابني أنت كويس؟ مكرم: وشك أحمر كده ليه مالك؟ نور: شكله مش قد القهوة أعملك عصير ليمون؟ سليم غمض عينه جامد وفتحه: أنا تمام ورجع شرب من القهوة تاني وبص لـ نور بغضب وتوعد نور تنحت:: عاصم ومكرم بصوا ليهم وتأكدوا إن في حاجة مكرم بيأس من جواه: مش هيعقلوا أبداً

سليم: أنا عارف إن مش وقته بس. الصفقة انت عارف مش أنا وبابا وعز وحضرتك ده وفد من برا كمان وأنا قولت لـ عز يفتحك في الموضوع بس محروج منك نور: عنده ذوق وبيحس وعموماً أنا وسلمي هنمسك شغل الفترة دي سليم بص لها من فوق لتحت: وده إزاي أصلاً؟ نور: زي سكر في شاي سليم بص لـ عاصم: حضرتك موافق على الكلام ده؟ عاصم: احم نور شاطرة وذكية هي وسلمي وعز هيفهموهم كل حاجة مكرم: وأنا معاهم برضو متخافش المهم أنت تقوم بالسلامة وتتحسن أكتر

نور بصه لـ سليم بغيظ::... سليم بصلها: تمام بكرة تكوني في شركة بدري انتي وبص لـ سلمي وحضرتك سلمي: حاضر نور بغضب: أنت بتتكلم معانا كأننا شغالين عندك كده ليه؟ سليم تجاهلها وبص لـ عاصم: حمد لله على سلامتك يا عمي بعد إذنك وسلم عليه ومشي نور: شايف يا عمو أسلوبه إزاي عاصم: حطيت إيه في القهوة يا نور؟ نور بصتله بتوتر: أنا أبداً عاصم: عيب ده في بيتك نور بغيظ: يستاهل إنسان متكبر وشايف نفسه وأول ما دخل عمال يبصلي بقرف

مكرم: اهدو يا جماعة المهم دلوقتي ياريت تتعاملوا كويس مع بعض لأن ده هيبقا شغل مش خلافات شخصية… وقام.. يلا يا عز عاصم: رايح فين؟ مكرم: لازم ترتاح وبكرة موال. كبير وبص لـ نور… هو أسلوبه صعب بس معلش وباس راسها سلمي بهمس لـ عز: أنا خايفة من بكرة عز ابتسم: متخافيش هبقى معاكي ودا أخويا وانتي هتبقي مرات أخو وغمز سلمي ابتسمت بكسوف ... بعد وقت مكرم وصل بيته أمل: عاصم عامل إيه دلوقتي؟ مكرم: الحمد لله بقى أحسن فين سليم؟ أمل:

مجاش من الصبح مكرم: هو بيختفي كتير كده ليه؟ أمل: أكيد شغل مكرم: كنت هبقى عارف. ربنا يستر مش مطمن ... عند سليم واقف قصاد حد وبيبتسم بسخرية سليم: أتمنى يكون الاستضافة عجباك ... : أنا لحد دلوقتي مش فاهم أنت ناوي على إيه سليم ابتسم: خير شبهك بالظبط تخيل بقا ... هتندم سليم: تؤتؤ تؤ الكلمة دي أنت مش قدها صدقني ... تاني يوم في شركة سليم: هو إيه اللي مش فاهمه؟ أنتي لو حماره هتفهمي عز: سليم براحة مش كده سلمي: عادي

هي مش مستوعبة كلامك نور: شرحك مقرف أصلاً سليم بسخرية: واللهي حبة أشرحلك إزاي… وبستهزء… إيه أحب فيكي وأنا بشرح نور بصتله بغيظ: لا حب في أمك أمك أولى بيك سليم::