رواية احببت احدهم الفصل الثالث 3 - بقلم دنيا حسن

خالد: أنتِ إيه اللي جابك هنا؟ رنا: ومجيش ليه عشان ست الحسن والجمال متشوفنيش صح؟ خالد: لما تيجي تتكلمي على كارما، تتكلمي بأسلوب أحسن من كده. مهما كان دي بنت خالتي. رنا بضعف: وأنا يا خالد.. أنا إيه بالنسبالك؟ إنت معلقني شوية بحس إنك بتحبني وشوية. طب أنت عايز مني إيه؟ لو مش بتحبني عرفني، بلاش تعلقني. أنا مبقاش عندي حجج أقولها لأهلي صدقني. خالد: طيب روحي دلوقتي ياحبيبتي وبليل نتكلم. لما تروحي طمنيني عليكي.

رنا مسكت إيده: خالد ممكن متبعدش عني، أنا حبيتك! خالد: متقلقيش ياحبيبتي. يلا عشان متتأخريش. كارما: واقفه متابعه كل ده. وقفت الشباك بهدوء وصمت ونامت. فريدة: كوكوووو كااااارماااا! يلا اصحي عشااان نفطر. وزي أي أم مصرية فتحت الشباك. كارما: صباح الفل يفوفا ياست الكل ياست الناس ياست الستات. أبوس إيدك خليني أحس إني في إجازة وأصحى براحتي. أنا جايه أتفسح ولا أصحى بدري؟ فريدة: اصطبحي على الصبح ياراديو. يلا قومي.

قامت كارما وحضرت الفطار وفطروا وخالد معاهم. وكارما اتجاهلته خالص. خالد: ماما كنت عاوزك في موضوع كده. فريدة: اتفضل. خالد: أنا عاوز أتقدم لـ رنا. فريدة: نعم؟ خالد: إيه اللي نعم؟ عاوز أتقدم لرنا، هفضل معلقها معايا؟ فريدة: اللي يريحك. خالد: هحدد معاهم ميعاد وابلغك ياست الكل. كارما: ألف مبرووووك يا أبيه خالد مقدمًا. فريدة وخالد: أبيه؟؟؟؟ كارما باستغراب: أيوه أبيه. مش ملاحظ فرق السن بينا ولا إيه؟ خالد بصدمة: فرق سن..؟؟؟؟

كارما: فوفا ياثكر إنتي أنا هنزل الساعة 5 هااا. هروح أجيب كارنيه بتاعي وهاجي. خالد: هه كارنيه. كارما: قولتي إيه يافوفا؟ فريدة مش عاوزة تزعلها: ماشي ياحبيبتي بس متتأخريش. كارما بفرحة: قامت باستها حبيبتي يافوفا ودخلت أوضتها. خالد: هتسبيها تنزل لوحدها؟ فريدة: هيخصك في إيه؟ استأذنت مني وأنا وافقت. خالد: مش فاكرة يخصني أو لأ. أنا خايف عليها مش أكتر. هي زي أختي. فريدة: هه أختك. إنت بتحب رنا؟

خالد: أيوه طبعًا، اومال هخطبها ليه. فريدة: مممممم ربنا يهديك يابني. البت دي أنا مش مرتاحة ليها، بس طالما إنت مرتاح يبقى خلاص تمام. ربنا يسعدكم. تليفون كارما بيرن. نادية: إيه ياست كارما؟ من لقى أحبابه نسى أمه ولا إيه؟ كده يابت متسأليش على أمك من ساعة ماسافرتي لخالتك. كارما بضحك: دودو اللي وحشاني. نادية: بصي البت بتاكل بعقلي حلاوة.

كارما: بالله يامامتي جيت أكلت ونمت زي الفرخة الدايخة. وأختك ياختي مصحيني من بدري عشان أفطر. فريدة دخلت على سهوة وزي أي أم مصرية استخدمت السلاح الطاير (الشبشب) أنا غلطانه إني صحيتك. تطفحـ ـي. كارما: إنتو جايبني تهزقوني هنا ولا إيه؟ كده ياخالتشي؟ فريدة: خالتشي؟؟؟ جايبة بتك منين يا نااادية. كارما فاتحة السبيكر: نادية: لازم نعرفها الحقيقة إننا لقيناها عند باب الجامع. كارما: طيب واخدوتني ليييي؟

ماكنت سبوني يمكن حد أحسن يتبناني. فريدة فعلت نظام الأخ وعطتها قفا. كارما: اااه ياما الحقيني اختك بتعذبني وبتطفي السجاير في (قفايا) نادية: تستاهلي عشان لسانك طويل. كارما: ماشي ياست الكل ماشي. هسيبك مع اختك الرغاية وهروح أعمل قهوة. فريدة: أنا رغاية يام شبر ونص. كارما طلعت لسانها: أها رغاية. إنتو أصلا عيلة راديو. وراحت كارما المطبخ وهي بتعمل القهوة بتغني: (غيرك حاااول بس اتزااول) أه هي سرسجة.

خالد: ذوقك اتغير في الأغاني. كارما: بتقول حاجة؟ مأخدتش بالي. خالد: مممممم هنفضل نتعامل كده كتير. كارما: بعاملك إزاي؟ خالد: مش شايفة أسلوبك. أنا مش متعود إنك تبقي جد كده معايا. كارما: كل حاجة وليها وقتها. وسيب لكل حاجة وقتها. أنا مش بكرهك ولا بقيت بحبك. إنت بجد بالنسبالي بقيت أخ. خالد بابتسامة: وإنتي أختي الصغننه يابتاعت فرق السن. كارما: ابتسمت. اومال مفكراني عجوزة ولا إيه. خالد: قصدك إيه يابت؟ كارما: مقصدش. أصل.

تليفون خالد رن. خالد: ثواني ياكارما. إيه ياحبيبي عاملة إيه؟ مكلمتنيش إمبارح ليه؟ رنا: روحت تعبانة ونمت. خالد: طيب ياقلبي. عرفي بابا إن يوم الخميس هجيب والدتي وأجي أتقدملك. رنا: بجد ياخالد؟ خالد: أه ياقلب خالد. كارما: نينينينينييييييييي. ولا ياخالد روح اتلزق برا. إيه التلزيق دا؟ رنا: مالها دي؟ وإنت واقف معاها ليه؟ خالد: صبرك عليا أما أخلص بس. رنا: والله هو أنا مش بكلمك؟

خالد: بت انتي كمان نكد. مش عااااوز. بقولك هتقدملك. رنا: اممممم خلاص سامحتك. خالد: أيوه كده. فريدة: عاوزة أكلمك في موضوع. نادية: هاااا خير. إيه المصيبة. فريدة: خالد عاوز يخطب رنا. نادية: اممممم طيب إيه المشكلة؟ فريدة: البت دي كل مابيجبلي سيرتها قلبي بيتقبض يانادية. نادية: عشان إنتي مش حباها بس. وكنتي عاوزة خالد لكارما بس ياحبيبتي دا نصيب. افرحي لابنك وفرحيه. فريدة: هحاول يانادية.

نادية: خلي بالك من أم لسانين اللي عندك دي. فريدة: عيب عليكي بتوصيني على بنتي. نادية: ربنا يخليكي لينا يارب. فريدة: خدي ياختي تليفونك. ربنا مايحوجنا لحد. كارما: وووووه بعد ساعة رغي بتقولي كده. فريدة: مش إنتي نازلة؟ ادخلي البسي يلا. الساعة 4. كارما: اوبسسس صدقي نسيت. كارما لبست ونزلت وراحت الكافيه. ولقت حسام هناك ومستنيها. حسام: مممم مواعيدك مظبوطة. كارما: طول عمري. حسام: ثقة ولا غرور؟ كارما: لا تناحة.

ضحك حسام: خفة يابت. كارما: بت في عينك. اسمي كارما. عامل إيه؟ حسام: اسمي حسام كويس الحمدلله. وإنت؟ كارما: هنهزر بقى هنهزر. حسام: ومنهزرش ليه ياختي. كارما: فين الكارنيه؟ حسام: تشربي إيه؟ كارما: عصير مانجا. حسام: لو سمحت 2 مانجا. كارما: الللله! طالبلي 2. كرم أخلاق. حسام: لا ال2 ليا أنا. كارما: بخل دا بخل. حسام: أه أنا جلدة. عاوزة إيه؟ كارما: هعوز منك إنت إيه يعني؟ عاوزة الكارنيه. واخدته إزاي؟ حسام: رغاية أوي. كارما: هه.

حسام: كارنيه بتاعك اهو ياستي. وبالنسبة، اخدته إزاي؟ بعد ما القطر وقف وخلاص كلكم بتنزلوا. كنت أنا مع العساكر. وبعدها جيت عشان آخد شنطتي ولقيت كارنيه بتاعك واقع. اهو. ربنا حب يخلينا نتقابل تاني مثلا؟ كارما: أما قصة عبرة بصحيح. حسام: يخربيت فصلانك ياشيخها. طـ فـحـ ـي العصير. اطـ فحـ ـي. كارما: اها هو عشان عازمني هتعايرني بقى ولا إيه؟ حسام: كارما ممكن نبقى صحاب؟ كارما: هـا. حسام: إيه اللي ها؟ ممكن نبقى صحاب؟

خالد: وإنت مين بقى إن شاء الله؟ كارما: خالد؟ حسام: مين دا..؟؟