رواية احببت احدهم الفصل الثاني 2 - بقلم دنيا حسن

كارما: نعم، بتكلمني أنا. خالد باستغراب: أيوة يا كارما بكلمك انتِ. هو في حد غيرنا؟ كارما ببرود: لا مفيش، بس استغربت. أصل مفيش حاجة بينا عشان تتعدى حدودك معايا وتقولي أني وحشتك مثلًا. خالد بصدمة من ردها: مكنتش متوقع الرد دا منك يا كارما. كارما: أبهرتك صح! اممم طبعًا كنت مستني مني إني أفرح وأدمع وأقولك وانت كمان ياروحي وحشتني، وكأن أنت موجعتنيش.

دا أنا مشوفتش في أنانيتك ياشيخ. عارف كنت مفكرة إني هبقى ملهوفة عليك كده وإنك واحشني وإني عاوزة أشوفك، بس اللي حصل عكس كده خالص. لما شوفتك محستش بأي انبهار ولا لهفة، حسيتك عادي ابن خالتي وأخويا وبس. خالد بعصبية: انتِ في حد دخل حياتك؟ كارما ببرود: أظن السؤال دا مش من حقك تسأله ليا. دي خصوصيات. خالد بشك: اممممم ياستي من باب إننا أخوات. كارما: امممم عندي اتنين إخوات، محدش قالك إني محتاجة التالت يابن خالتي.

واللي بينا انت نهيته بإيدك، متجيش تفتح في القديم وتجر. اتقفلت من زمان عشان وجعها مش هيطول حد غيرك. خالد: اتغيرتي أوي يا كارما. مكنتيش كده! كارما: البركة فيك بس. أنا متغيرتش ولا حاجة. الفرق إنك مبقتش تهمني. الأول كنت بشوفك بقلبي، دلوقتي بشوفك بعيني. فـ شوفت عيوبك وشوفت إنك مش الشخص المناسب ليا. خالد: مش مناسب ليكي بعد 22 سنة؟ دا انتِ متربية على إيدي. دا أنتِ أول ما فتحتي فتحتي على إيدي. إيه اللي اتغير يا كارما!

كارما بأستهزاء: مفكرتش في كل دا ليه وانت بتقولي كلام زي السم وقتها؟ كنت حاسه بسكاكين بتقطع في قلبي. مش من كلامك بس، لا من إن الكلام طلع منك انتَ يا خالد. بعد إذنك، سيبني أخلص. وقفتنا مع بعض لوحدنا متصحش. بعد إذنك، لما أخلص ادخل اعمل اللي انت عايزو. ولا أقولك خلص وبعدها هدخل أنا. طلعت كارما من المطبخ وراحت البلكونه وسابت خالد في حيرته وصدمته من كلامها معاه. فلاش باك كده.. كارما: بخ يا خالودي، بتكلم مين؟ ها ها قفشتك.

خالد بتوتر: طيب اقفلي دلوقتي وشوية وهكلمك. كارما: أنت كنت بتكلم واحدة؟ خالد: أيوه يا كارما، في إيه؟ كارما: في إيه!! انت بجد بتسأل في إيه؟ يعني انت متغير معايا عشان في غيري في حياتك يا خالد. خالد: بصراحة يا كارما، أنا حاسس إني مشدود ليها وحاسس إن اللي بينا مكنش حب. هو بس عشان من ساعة ما جيتي وهما بيقولوا خالد لكارما وكارما لخالد، وفسروا خوفي عليكي على إنه حب وغيرة، بس دا واجبي. انتي بنت خالتي وزي أختي.

كارما بدموع: زي أختك وايه كمان؟ كمل يا خالد. خالد: متصعبهاش عليا يا كارما، لو سمحتي. ياريت تفهميني وتقدر كلامي. كارما: لا متقلقش، مش هصعبها عليك يابن خالتي يا أخويا. •• باك كنزلت دمعة من عيون كارما ومسحتها بسرعة. كارما: اجمدي كده، اجمدي. مينفعش تتضعفي، خليكي استرونج كده. بدل ماكنتي استرونج على ظابط، وجه في بالها حسام وافتكرت طريقته وضحكت. وفجأة تليفونها رن. كارما: يلهووي، رقم غريب. أنا والله معملتش مصايب.

وجمدت قلبها كده وردت. -عاملة إيه. كارما: وانت مالك، انت عاملة إيه ولا مش عاملة إيه؟ هتصحابني؟ بقولك مين؟ -اييييي راديو بالعة رااااديو، ماتهدي شوية أبو شكلك. كارما وفاتحة بوقها وعينيها كده، أه زي مانتو متخيلين. ح حسااام؟ حسام: امممممم، وكمان فاكرة اسمي. واضح إن أنا السئ في رواية احدهم فعلًا. كارما كانت هتضحك بس شغلت وضع سيد. جبت رقمي منين وبتكلمني ليه؟ حسام: لو عاوزة تعرفي تعالي قابليني في كافيه****.

كارما: نعممممم ياخويا، أقابلك لييي؟ كنت أخويا ولا جوزي؟ مش جاية ومش عاوزة أعرف. حسام: كده كده هتيجي. كارنيه كليه معايا يا خفة، فـ كده كده جاية. كارما: اهاااا، يبقى عشان كده لما صحيت مكنتش موجود. حسام ضحك جامد: مش بقولك طفلة. ويوم لما أسرق هسرق كارنيه بتاعك يعني، ما أخطفك أحسن. بكرة الساعة 6 في الكافيه. خالد: بتكلمي مين؟ كارما: وانت مالك؟ تمام، بكرة إن شاء الله. حسام: تمام، هستناكي. كارما: تمام، باي.

خالد شدها من إيدها: بقولك بتكلمي مين؟؟؟ كارما بعصبية: اوعى إيدك دييي! إزاي تمسكني كده أصلًا؟ ومش هقولك تاني، متدخلش في حياتي. حياتي متخصكش. فريدة: في إيه يا كارما؟ مالك يا خالد؟ خالد: شوفي بت اختك اللي دايرة على حل شعرها. شوفيها كانت بتكلم مين؟ لا وكمان بتبجح. كارما بصدمة: إيه اللي انت بتقوله دا؟ أنا مسمحلكش. بصي يا خالتو، بيقول إيه. فريدة: إيه الكلام الفارغ دا يا خالد؟

لم نفسك. أنا واثقة في كارما وفي تربيتها. ولو انت مش واثق من تربيتك فيها، يبقى حاجة تخصك. كارما: عن إذنك يا خالتو، هدخل أنام. فريدة: انت عاوز منها إيه؟ مش سيبتها وروحت لـ رنا. عاوز منها إيه؟ خالد: أنا نازل، سلام. تليفون كارما رن. -نعم، انت كمان عاوز إيه؟ حسام: ماتلمي لسانك دا اللي عاوز أقطعو. كارما: عاوز إيه ياحسام؟ مش قولت معاد بكرة الساعة 6. حسام: حسيت إني سببت ليكي مشكلة، فقولت أطمن عليكي.

كارما: ياااحنين. لا اطمن يا خويا، مسببتش مشكلة. حسام: أخوكي دا. كارما: وانت مالك. حسام: عندك حق، سلام. كارما: سلام. فريدة: حقك عليا يا كوكو. انتي عارفه خالد. كارما: مش زعلانة يا خالتو. كلمي ماما، عاوزاكي. وأنا هنام شوية. فريدة محبتش تضغط عليها: ماشي ياقلب خالتك. تصبحي على خير. كارما وقفت فالشباك، وفجأة اتصدمت لقت خالد و....... نكمل في البارت الجديد بقى.