رواية أحببت أخي حب جنوني الفصل الثالث عشر 13 - بقلم ايات عبد الرحمن

أسر بدء في شغله الجديد وبقت مقابلاته مع ليالي كتير أوي طول الوقت مكالمات وخروجات. ليالي: فرحانة أوي يا أسر. أسر: ليه؟ ليالي: عشان خطوبتنا قربت. أسر: أنا أكتر منك على فكرة، أنا مش عايز الخطوبة اللي تقرب، أنا عايز الجواز النهارده قبل بكرة. ليالي بصوت عالي: بحباااااااااااك. أسر: بس هتفضحينا. ليالي: عايزة الكل يعرف إني بحبك أوي وبموت فيك كمان. أسر: هههههههه ماشي يا ستي، بس عمرك ما هتحبيني زي ما بحبك.

ليالي: ربنا يخليك ليا يا أحلى وأجمل أسر في الدنيا كلها. أسر: ربنا يخليكي انتي ليا يا أجمل بنت دخلت حياتي. طبعًا نسي مي وحبها ليه وخلاص قرر يتجوز ليالي. قبل الجواز نروح لمي ونشوف لما تعرف هتعمل إيه. ندى: مي مي مي. مي: في إيه يا ندى؟ ندى: عندي ليكي مفاجأة حلوة أوي. مي: الحقيني بيها. ندى: بابا قرر إننا هنروح مدينة خالو أحمد عشان نحضر خطوبة أسر. مي بصدمة: إيه؟

ندى: أيوه أسر خلاص قرر يخطب وبابا بيقول إن هما الاتنين بيحبوا بعض. أسيبك بقى عشان الحق أجهز نفسي لأننا هنسافر بكرة. مصطفى: انتي لسه ماجهزتيش يا مي؟ مي: مش عايزة أسافر معاكم. مصطفى: عارف إن انتي بتحبيه من طفولتك، بس هو شايفك أخته، أسر بيحبك كأخت مش أكتر، وانتي كمان لازم تحبيه كأخ. مي: مش قادرة يا بابا، عارف حب أسر ليا يشبه إيه؟

يشبه المخدرات اللي بتدخل جسمه مش بتخرج منه بسهولة، وفي اللي روحه بتطلع معاها، أسر بالنسبة ليا إدمان. ومش هقدر أتعالج منه. مصطفى: عشان خاطري انسيه. مي: صعب أوي يا بابا، صعب، والأصعب إني أشوفه مع غيره. أنا اللي حبيت واستحملت وخوفت على جرحه، مجرد ما يبعد ينسي، ده كلهم. مصطفى: أهدي بس وربنا هيبعتلك اللي يريحك ويخليكي تنسي أسر. وهتندمي على حبك ليه. مي: مش قادرة أتخيل نفسي مع غيره.

مصطفى: أهدي بس وسافري معانا، ووقتها هتكلم معاه. (بيكدب عليها) العيلة كلها سافرت، وأسر أول ما شافهم وكأنه روحه رجعت ليه، وخصوصًا مصطفى كان بيسلم عليهم وبيحضنهم، ما عدا مي هي اللي حضنت. مصطفى: بقولك يا أسور خد مي فرجها على المدينة لأنها جننتني بصراحة. (عشان يقدروا يتكلموا) ندى كانت عايزة تروح معاهم لكن والدها رفض، وواحد من إخوات أسر خدها يفرجها على المدينة. طول الطريق أسر ومي مفيش كلام خالص، لحد ما مي بدأت. مي: مبروك.

أسر: الله يبارك فيك. مي: بتحبها؟ أسر: أكيد. مي: وأنا؟ أسر: انتي إيه؟ مي: ماليش مكان في قلبك. أسر: مي افهمي، إحنا أخوات. مي: لا يا أسر إحنا مش أخوات، وانت عارف كده، زي ما انتوا متأكدين إني بحبك وعمري ما هحب غيرك. أسر: ده اللي عندي، حتى لو بتحبيني، أنا دايما هفضل شايفك أختي مش أكتر. مي: هي فيها إيه أحلى مني يا أسر؟ أسر: مي بابا طلب أخرجك وبس، فلو سمحتي مش عايز كلام في الموضوع ده. مي: 😭

أسر بصوت عالي: ممكن بقى تمسحي دموعك عشان نرجع البيت. وفي طريقهم تليفونه رن. أسر: أيوه يا بيبي أنا برا دلوقتي، وأول ما أوصل هكلمك.