رواية احببت الفتى الغامض الفصل الخامس 5 - بقلم محمد شحاته

يهمس شخص من وراء أذنها: بس أنا مش هسيبك ومحدش يملى عيوني غيرك. يارا بصدمة: كااااارم! انت... انت رجعت امتى وليه مقلتش إنك هتنزل النهاردة من السفر؟! كارم: كنت حابب أعملهالك مفاجأة، بس من الواضح إنك محبتهاش. يارا بتوتر: لا، ابداً. أنا بس متوقعتش إنك هتنزل دلوقتي. سهيلة برقة: ازيك يا كارم؟ حمدالله على سلامتك. كارم: الله يسلمك يا سهيلة. يلا يا يارا عشان أروحك. يارا: تروحني؟ ده إيه؟

أنا لسه واصلة دلوقتي والسهرة صباحي مع الشلة. كارم بغضب: مفيش زفت سهر تاني. متخلينيش أوريك وشي التاني اللي مكنتش أحب إنك تشوفيه. يارا بزعيق: إيه هو أصله ده؟ انت مفكر نفسك مين عشان تكلمني بالطريقة دي وتتحكم فيا كده؟ انت يدوب ابن عمي وبس، غير كده متحلمش إني ممكن أحبك. كارم بضحكة وجع: عارف إنك مبتحبنيش، وأنا عمري ما هفرض نفسي عليكي. بس أنا دلوقتي مبكلمكيش بمنطلق إني بحبك، أنا بكلمك من منطلق إنك بنت عمي وأختي الصغيرة.

وقبل ما تتكلم، شالها وهي قعدت تصرخ. وقفه الجاردات اللي ع باب الملهى. كارم بحدة: أنا كارم المهدى، وكيل نيابة. ألقى كلمته، فأفسح له الحرس. دخل يارا العربية وساق بأقصى سرعته متجه إلى منزلها. نزل وشالها طلع بيها ع غرفتها وقفل عليها بالمفتاح، وهي فضلت تصرخ. منال والدتها: إيه يا كارم اللي بتعمله ده؟ هات المفتاح! كارم:

لا يا مرات عمي، هتفضل محبوسة بأوضتها. ومن هنا ورايح الدخول والخروج بحساب. إن مفيش حد في عيلتنا كده، هي مستهترة. وبعدين إزاي حضرتك تسمحي ليها تروح أماكن زي دي؟ منال باستغراب: أماكن إيه اللي بتتكلم عنها؟! كارم: أنا جايب بنت حضرتك من ديسكو. فاهمة يعني إيه ديسكو؟ يعني خمرة وفسوق وكل حاجة حرام وشمال. منال بصدمة: يا مصيبتي! وربنا ما أعرف. دي كانت مفهماني إنها بتروح لسهيلة صحبتها تقعد معاها. كارم:

أهي سهيلة دي بالذات لازم تقطع علاقتها بيها. ولو مفكرة إن عمي مات ومبقاش فيه راجل يوقفها عند حدها، اديني جيت. اسمعيني، مش هتخرج من أوضتها النهاردة. وبعد كده أنا هعرف تحركاتها وهراقبها. ويا ويلها لو راحت أماكن زي دي تاني، مش هرحمها. منال: حقك يا ابني. كتر خيرك إنك بتودنا وبتاخد بالك مننا. من يوم ما عمك مات وانت سافرت، لا أبوك ولا حد من أعمامك أو عماتك أو ولادهم زارونا. ولو أنا مرفعتش سماعة تليفون وسألت، محدش بيسأل.

باسها كارم من رأسها وبعدها خرج. عند ياسمين، اللي اتجبست رجلها بسبب كسر. دخلها شهاب وباين عليه الخوف: انتي كويسة؟ ياسمين: آه الحمدلله، بس رجلي تعبانة أوي. قعد جنبها شهاب وحضنها وابتدى يملس ع شعرها بحنان، وفجأة نامت بين أحضانه كالاطفال. دخل الدكتور وكتب ليها إذن خروج، وأخبره إنها هتفضل في الجبس لمدة شهر. فأومأ شهاب وحملها وراح بيهم ع شقتهم. نيمها وقام بتبديل ملابسها، وسمع فونه بيرن. شهاب: الو يا جدي. منصور:

تعالى دلوقتي حالا يا شهاب، فيه مصيبة. شهاب: مصيبة إيه؟! منصور: مش وقته، تعالى حالا وهفهمك. اتصل شهاب ع مربيته وطلب منها تيجي تقعد مع ياسمين، واتجه لفيلا منصور اللي كان رايح جاي ع أعصابه. شهاب: خير يا باشا، في إيه بالظبط؟ قلقتني. منصور: عثمان ضحك عليا ومتمتش البيعة بتاعت الأرض، وراح باعها لغريمي توفيق المليجي. وبكده المشروع مش هيتم. شهاب: اهدى بس يا جدي. انت عرفت الأخبار دي منين؟ منصور أخرج هاتفه ووراه العقد. شهاب:

طيب والعمل؟ منصور: هتطلق بنته. شهاب: نعععععععم؟ أطلق مين؟ إحنا لسه متجوزين امبارح. منصور: مهمنيش. أنا جوزتك لبنته عشان البيعة تتم. ومكملتش يبقى نرميها ليه؟ شهاب: آسف يا جدي، أنا مش هطلق ياسمين. منصور بغضب: انت بتعصى أوامري يا ولد؟ شهاب:

آيوه يا جدي، للأسف. آيوه. أول مرة هعصى فيها أوامرك. من صغري وأنا بسمع كلامك في كل حاجة، وعمري ما قولتلك على حاجة. اتحكمت فيا وكأني آلة مش بني آدم وليا حقوق اختياراتي. وجوزتني ليها بالغصب، لكن إني أطلقها ده هيكون بكيفي أنا. منصور: اسمع يا شهاب، قسما عظما لو ما طلقت بنت عثمان، لأحرمك من الميراث. شهاب: اللي حضرتك شايفه صح اعمله، عن إذنك. ذهب شهاب من أمام جده ليترك النار تأكل به.

بعد مرور شهر، تحسنت حالة ياسمين وفكت الجبس. وخلال الوقت ده، اتقربت جدا من شهاب وحبت وجوده. لحد في يوم، جه شهاب وقالها: ياسمين، البسي. ياسمين: ليه؟ شهاب: هاخدك أعرفك على أخويا ومراته. ياسمين باستغراب: إيه ده؟ انت ليك أخ ومتجوز كمان؟ غريب، عمرك ما حكيتلي عنه قبل كده! شهاب: يمكن لأنك مسألتش، أو عشان مجتش مناسبة. ع العموم، البسي وفي الطريق هفهمك كل حاجة. بالفعل، لبست ياسمين ونزلت مع شهاب اللي فضل يحكي ليها كتير عن شادي.

بس يا ستي، بس أنا بصراحة معرفش مراته ولا عمري شفتها، حتى معرفش اسمها. ياسمين بابتسامة وهي بتحط إيدها ع إيده: هنتعرف عليها سوا يا صاحبي. بادلها الابتسامة ووصلوا ع مكان شقة نادين وشادي. دق الجرس. شادي: حبيبي، جهزي نفسك على ما أستقبلهم. دخلت نادين لغرفتها، وحين فتح شادي الباب ورأى شهاب وياسمين حتى صدم وفتح فمه وقال: مش ممكن! مستحيييييل! إزاي ده يعني؟ و...