رواية احببت الفتى الغامض الفصل الثاني 2 - بقلم محمد شحاته

ياسمين قعدت مكانها وهو قرب من الدولاب ياخد حاجة ويخرج. فجأة النور جه وهى اتصدمت اول ما شافته. فتحت بوقها بصدمة وقالت: هو انت اومال مين الراجل العجوز اللى كان بيتكلم هنا؟ الشاب: انا. ياسمين: وحضرتك تبقى مين ان شاء الله؟ الشاب: مش عيب عروسة بفستان فرحها متعرفش عريسها! ياسمين: عريسى؟! هو انت العريس؟ الشاب: ايون واسمى شهاب ع فكرة.

ياسمين: ممكن اعرف انت عاوز تتجوزنى ليه ومكمل ليه بعد ما عرفت انى مش عاوزه اكمل ومجبورة عليك؟ شهاب: لانى زيك برضه مجبور ع الجوازة دى. ياسمين: مش فاهمة يعنى ايه؟

شهاب: بصى يا ستي، ابوكى عنده قطعة ارض في المكان اللي جدي اشتراه عشان يعمله منتجع سياحي. وابوكي كان رافض يبيعها وعشان الصفقة تتم اشترط ان حد من عيلة السوالمي يتجوز واحدة من بناته. وطبعا كان الاتفاق ان نادين تتجوزني لكن هي هربت واتدبستي انتي. ولأن أنا مقدرش اكسر كلمة جدي خصوصا ان صحته تعبانة مقدرتش اقول لا. عشان كمان شكلنا قصاد الناس والإعلان والسوشيال مش هيسيبونا بحالنا. بس ادي كل الحكاية.

ياسمين: ايوة بس الكلام اللي اتقال ليا غير كده. شهاب: عارف ان ابوكى فهمك. أنا إحنا هنحبسهم وكل ده عشان يجبرك مش أكتر. ياسمين حست بالقهر وحطت وشها بالارض وغصب عنها دمعت. شهاب حاول يهديها لكنها انهارت أكتر. قرب منها وشدها لحضنه وهى استسلمت وفضلت تعيط لحد ما هديت. حست إنها بحضنه فبعدت عنه بخجل. ياسمين: أنا آسفة جدا. شهاب: مفيش داعي للاسف بس ارجوكى اهدى وانا هتفق معاكى اتفاق يرضيكى. ياسمين: ايه هو؟

شهاب: إحنا هنعيش في شقة واحدة كل واحد بغرفة مستقلة. أصحاب وبس لحد ما نرتاح لبعض. ولو ده محصلش وحبيتي تتطلقي هعمل كده. بس نعطي لنفسنا فرصة. ها قولتي إيه؟ ياسمين كانت مترددة لكنها وافقت. بعد شوية وصل المأذون. وجد شهاب وابو ياسمين واخواتها الولاد الاثنين ياسين ويوسف. نزلت ياسمين مع شهاب. واول ما ياسين شافها قرب عليها بغضب: كنتي عايزة تهربي وتفضحينا يا بنت... شهاب مسك إيده.

واتكلم بحدة: حسك عينك تفكر ترفع إيدك على حرم شهاب السوالمي. والا صدقني إيدك هتوحشك. ياسين بغضب: انت هتعلمني أعامل اختي إزاي؟ شهاب: هي اختك وحاليًا بقيت مراتي ومسؤولة مني. ولو دكر فكر تمس منها شعرة. يوسف بص بابتسامة وقرب على ياسمين حضنها وهمس ليها: حاسس إنه هيكون سند ليكي وهيعوضك عن كل اللي شوفتيه معانا. ياسمين: انت سندي الحقيقي بعد ربنا. ولولا وجودك جنبي كنت موت نفسي من زمان أوي. أنا مش عارفة ليه ياسين بيكرهني كده.

يوسف: ربنا يهديه. وبعدين انتي عايزة منه إيه؟ أنا جنبك. ياسمين: ربنا يخليك ليا يا حبيبي. تم كتب الكتاب. وبعد كده استأذن شهاب جده إنه ياخد ياسمين ويروحوا على شقتهم ووافق. في مكان تاني جلست فتاة تشبه ياسمين بالملي وكأنهما فولة وانقسمت نصفين. في بلكونة تنظر في ترقب للنجوم اللامعة. ليأتي من خلفها شخص ويعانقها بحب. نادين: تفتكر اللي عملناه ده صح؟ شادي: عندك شك إنه صح؟

نادين: لا طبعًا. بس ياسمين صعبانة عليا. أكيد هيغصبوها على الجواز منه. شادي: ممكن تبطلي تفكير في أي حاجة وتخليكي معايا. إننا ما صدقت إنك بقيتي ملكي. نادين بخجل: انت أعظم انتصاراتي. شادي: وانتي حب حياتي. نسيبهم ونرجع لشهاب وياسمين اللي وصلوا على شقة في كومباوند شيك جدا. نزلوا من العربية وفجأة...