رواية احببت الوجه الاخر الفصل السابع 7 - بقلم اميرة احمد

يارا بكل أذن صاغية: قول ياعمو. في منزل الحاج عتمان. يمنى وهي تجلس بجانب جدتها بعد أن انتهوا من تقديم الغداء للعائلتين: ياه يا جدتي أنا تعبت أوي. جدتها بزنزقة: ليه يافرفورة مش واخدة على الشغل اياك. يمنى بزهق: أنا قولتلك يا جدتي مليون مرة ليه مش بتسيبي الخدم يعملوا الأكل. ده بيت العمدة يعني. جدتها: وبعدين معاكي يابت ما قولنا أنا بحب أعمل الأكل بإيدي.

يمنى مغيره مجرى الحديث: ربنا يبارك لنا في عمرك يا نورة البيت ويخليكي لينا. -انطقي عايزة إيه يا يمنى كفايكي دلع ابنته ماسخ. يمنى بضحك: يوه يا جدتي دايما قافشاني كدا. هكون عايزة إيه بس غير هو هو نفس الموضوع. الجده: اسمعي يا حبيبتي أنا طلعت إيدي من الموضوع ده خالص. يمنى على وشك البكاء: أرجوكي يا جدتي اتكلمي معاه. هو هيسمعلك. جدتها وهي تلوح لها بيدها: اهو هو داخل علينا اهو. هو بن عمك. اتحدتي معاه انتي. أنا طالعة فوق.

دلف الجد توفيق وابن ولده عمرو وعلى وجههما علامات الراحة. عمر بجدية: إزيك يا يمنى عاملة إيه؟ يمنى بفرحة داخلية: إزيك يا دكتور عامل إيه؟ عمرو ببسمة خفيفة: كويس يا بنت عمي. الجد ناظراً لها؛ فهرولت إليه يمنى مسرعة تقبل يديه: وحشتني جوي جوي جوي يا جدي. الجد بضحك فهو يعلم جيداً أنها سوف تتحدث في موضوع كل يوم: قولي عايزة إيه من الآخر يا يمنى. يمنى بتوتر ومن

ثم نظرت لعمرو تستنجد به: يا جدي ارجوك وافق على تعليمي. أنا مخي نضيف وهفهم كتير. الجد بجدية: إحنا مش قفلنا الموضوع ده. بكفاكي حديد فيه اياك. عمرو مقاطعاً: يا سيبها تجرب يا جدي. إحنا فضلنا ناجل فيها لغاية ما ضاع عليها سنة أهو. وبعدين متقلقش دي هتكون تحت رعايتي. الجد بنفاد صبر: انت هتاخد بالك من تعليمها ولا منها يا ولدي. وبعدين احمد ربنا إنها كملت لغاية هنا. وبعدين البنات ملهاش خروج بره يرجع يبوظوها وتجبلنا العار.

يمنى على وشك البكاء. نظر لها عمرو ولعينها التي تشبه لون السماء وقد تلألأت بها الدموع. وعد يا جدي هتبقا تحت رعايتي. تروح تجيب محاضرتها بس وبعدين تروح الامتحانات. تنهد الجد بموافقة: ماشي يا ولدي. اللي تشوفه. رقصت يمنى من كثرة فرحتها ثم ماتنحنحت بإحراج. فالفرحة قد أنستها ما موضعها. ثم هرولت إلى أحضان جدها تبلغه عن سعادتها. في بيت الأسيوطي. في تمام الساعة التاسعة ليلاً كانت تجلس يارا مع أبو يامن يتناولون طعام العشاء.

وفجأة دخل يامن فضحك لهم ضحكة سخرية. ومن ثم هم للدرج. فناده أباه بعصبية: انت يا يامن باشا. إيه داخل على هوا. يامن: منا قلت مقطعش الحلوة دي وخصوصاً إن نفسكم مفتوحة. والده بعصبية: ولد لاااا. دانت زودتها خالص. يامن وقد حس بما فعله: مش قصدي يا بابا بس أنا مدايق شوية. معلش. والد يامن: طب اقعد نتناقش. يارا وقد بدأ عليها التوتر من مفاتحته في الموضوع. يامن: إيه هتقول إيه يا بابا. = اقعد يا ابني بسس.

جلس يامن على مضض ونظر ليارا بقرف ولكنها تجاهلت نظراته. أنا موافق إن يارا تتطلق. صدم يامن مما سمعه. فهو يريد ذلك بالفعل ولكن ليس بهذه السرعة. بس بشرط. يامن رافعاً حاجبه الأيسر: شرط إيه يا بابا. والده: تاخد شهر على ذمتك بس. أو شهرين عشان بس أما ترجع بلدها الناس متقولش حاجة. وكمان تكمل تعليمها. يامن بعصبية: وهى ليها عين تتشرط كمان. يارا وقد

بلغت العصبية منها ذروتها: لاااا. دانت زودتها أوووي. اياك تكون فاكر إني عايزة أفضل على ذمتك دقيقة. أنا عاملة حساب لعمو بس. وبعدين ملكش حكم عليا. إحنا متجوزين على الورق بس. ولكن أحرجت مما قالته وعضت على شفتيها بإحراج. يامن ولم ينظر لها واسترسل حديثه مع والده: وأنا مستنضفش يبقى ليا حكم على واحدة زيك. انتي مش شايفة نفسك يابت. والده: ولد عيب كدا كتير. يامن بنفاذ صبر: خلاص أنا موافق بس بشرط. والده ويارا منتبهين: قول.