رواية احببت بنت الد اعدائي الفصل الحادي عشر 11 - بقلم مريم جلال

اتجه أدهم للمقر ودخل مكتب اللواء. ادهم: كل اللي قولته عليه حصل يا باشا. اللواء سامح: حلو جدا. أنا بعت فرقة تفجر المصنع ونخلص منه ونتجه للقصر بتاع الساحل. ادهم: تمام ماشي. أنا قلبي مش مطمن، مش عارف ليه حاسس فيه حركة غدر هتحصل. اللواء سامح: وأنا كمان حاسس بكده، بس نحاول نخلي عينينا مفتحة أول بأول. ادهم: إن شاء الله يا باشا. خرج أدهم من المكتب وذهب لمكتبه. ادهم لنفسه: أنا ليه حاسس إن فيه حاجة هتحصل؟

يارب الإحساس ده تعبني، يارب يكون إحساس عادي. وجد أدهم هاتفه يرن، نظر للهاتف وابتسم وأجاب. ادهم: إيه يا قلبي، لحقت أوحشك؟ شهد بكسوف: أدهم بس بقى. أنا اتصلت أستأذن منك أروح مع رانيا نجيب فستان الخطوبة. ادهم: ماشي يا قلبي، روحي. بقولك يا شهد افتحي الدولاب بتاعي هتلاقي خزنة، افتحيها. شهد: حاضر ثانية. فتحت شهد الدولاب ووجدت الخزنة. شهد: أدهم دي بكلمة سر. ادهم: عارف، اكتبي تاريخ جوازنا.

شهد اتصدمت واتكسفت: احم، هو أنت عاملها بتاريخ جوازنا؟ ادهم: أيوه. ملقيتش تاريخ مميز على قلبي غير ده واليوم ده عشان دخلت أحسن وأنقي بنت حياتي، إزاي ميكونش مميز. شهد بكسوف: كل يوم بتخليني أحبك أكتر. ادهم: وأنا مش عارف أوصفلك حبي إزاي. يلا افتحي. شهد: حاضر. فتحت شهد الخزنة ووجدت ورق كتير وفلوس. شهد: أدهم فيها ورق وفلوس.

ادهم: آه ما أنا عارف. هتلاقي كريديت كارد لونه أسود، خديه. والباسورد أربع خمسات، وهاتي لبس وكل اللي أنتِ عايزاه. شهد بإحراج: لأ مش عايزة حاجة. مش هشتري حاجة، أنا هروح مع رانيا بس. ادهم بيمثل الحزن: للدرجادي مش عايزة مني حاجة كده؟ مش معتبراني جوزك خلاص؟ ماشي يا شهد. شهد بسرعة وبدموع: والنبي ما تزعل مني، والنبي خلاص أخدتها أهو. ادهم بفرح: طب ما تعيطيش خلاص مش زعلان، بس توعديني إنك تشتري كل حاجة ناقصاكي.

شهد بإحراج: مش عايزة أبقى تقيلة عليك. ادهم بعتاب: أخص عليكي يا شهد، إنتي تقيلة عليا؟ إنتي مراتي وملزومة مني لحد ما أموت. شهد بتسرع: بعد الشر عليك. ادهم بابتسامة: يلا يا حبيبتي روحي اشتري كل اللي نفسك فيه. شهد: تمام ماشي، سلام. ادهم: سلام. لف أدهم وشه ولقى إسلام باصص له بطريقة مضحكة. إسلام: متقولش إن المسلسل الهندي ده خلص... ده أنا اندمجت. ادهم: مسلسل إيه؟ إسلام بخبث: بتاعك إنت وشهد. ادهم بتساؤل: أنت هنا من إمتى؟

إسلام بخبث: من أول "ألو يا بيبي". ادهم: آه يا زبالة بتتجسس عليا. إسلام بضحك: ده أنت طلعت رومانسي أهو وبيقلد ادهم "يا حبيبتي إنتي ملزمة مني لحد ما أموت" وبيقلد صوت شهد "بعد الشر عليك" وانفجر ضحك. ادهم بضحك على صاحبه: يخربيتك، أنت سمعت كمان هي قالت إيه؟ إسلام: لأ بس استنتجت هي قالت إيه، وأكيد قالت كده. ادهم: أوحش حاجة فيك من ساعة ما دخلت عمليات خاصة وانت بقيت لاماح جامد وبتلمع أوكر كتير.

إسلام: أنا يا ابني، شكراً على ثقتك فيا. وانفجر الاثنان في الضحك. ادهم: طب يا ابني موضوع المصنع حصل إيه فيه؟ إسلام: عيب عليك يا بجوص. بقى تراب دلوقتي، كده نقدر ننسف رأفت من على الأرض. ادهم بقلق: مش عارف حاسس بحاجة غريبة هتحصل هتبوظ كل حاجة، مش مرتاح. إسلام حس بقلق صاحبه: متخافش يا ادهم، كل هيمشي بالظبط بإذن الله. 🌞عند شهد ورانيا🌞

شهد بتعب: الله يحرقك يا رانيا، رجلي هتموتني والله ما قادرة. ده أنا اشتريت كل حاجة وإنتي لسه بتدوري على الفستان. آه يا أني يمااا. رانيا بضحك: إنتي اللي مكسحة، خليكي نشيطة كده. جتك خيبة، هقول لأدهم إيه؟ يعيني عليك يا ابيه متجوز واحدة أنثى البطريق. شهد: أنا أنثى البطريق؟ يا أنثى البقرة إنتي. رانيا: بس بقى عشان بتكثف الصراحة. شهد بضحك: بتتكثفي؟ طب يلا يا أختي لما نشوف آخرتها معاكي إيه.

رانيا بحب: آخرتها مع إسلام حبيبي طبعًا. شهد: أوعي، القلوب بتطلع من عنيكي. رانيا: طبعًا ده إسلام. شهد: طب يلا يا بتاعة إسلام. وضحكوا وذهبوا يكملوا تسوق. 🌞عند ادهم ف المقر ف مكتب اللواء🌞 ادهم: طب الشحنة قولت إنها آخر الشهر جاية، طب هما ليه راحوا من دلوقتي؟ اللواء سامح: عشان عايزين يضحكوا علينا إن معاد التسليم الأسبوع ده، لكن إحنا هنعمل نفسنا معرفناش حاجة ونقبض عليهم في الوقت ده. ادهم: بس يا باش...

قطع كلام ادهم تليفونه بيرن. ادهم باستغراب: رانيا بترن ليه؟ إسلام بقلق: طب شوف. ادهم: ألو يا رانيا. رانيا ببكاء شديد: ابيه ادهم... ادهم بفزع: بتقولي إيه؟ إسلام بخوف: فيه إيه يا ادهم؟ ادهم بعدم وعي: شهد اتخطفت. إسلام بصراخ: بتقول إيه؟ ادهم بصراخ جامد: شهد يا إسلام، شهد اتخطفت يا إسلام. إسلام بيحاول يهدي صاحبه: اهدي، هنلاقيها. ادهم: هنلاقيها فين، فين؟ بصراخ... أبوها أكيد خطفها، أنا قلبي كان مش مرتاح ليه.

اللواء سامح: اهدي يا ادهم عشان نعرف نفكر. ادهم بصراخ: أفكر إيه، مراتي مخطوفة، والله أعلم هي فين وبيعملوا فيها إيه. أهدي إزاي؟ اللواء سامح: اهدي، هنلاقيها. الجاسوس بتاعهم معانا، هنحاول نعرف منه. ادهم قام من مكانه: أنا اللي هعرف منه، أنا مش هنام النهارده إلا لما أعرف مكانها. إسلام: معلش يا سيادة اللوا، إنت عارف ادهم، سيبه ينزلوا، وأنا نازل معاه. اللوا سامح: ماشي يا إسلام، خلي بالك منه، الصدمة وحشة عليه.

إسلام هز رأسه وجري ورا ادهم. ادهم عند الجاسوس. ادهم ماسكه من هدومه: انطق، خاطفها فين؟ انطق بصراخ. الجاسوس: والله ما أعرف يا باشا. ادهم فقد كل ذرة عقل وطلع المسدس من جنبه: هتُنطق ولا أنطقك الشهادة؟ انطق بصراخ. إسلام جري عليه، أخد منه المسدس وأمر الظابط ياخد الجاسوس ويحطه في السجن تاني. إسلام مسك ادهم بالعافية وأخده المكتب بتاعه. إسلام: اهدي عشان نفكر يا ادهم.

ادهم جلس على الكرسي يبكي: مش قادر يا إسلام، أنا عايز أجيبها، زمانها خايفة. أنا وعدتها إني هحميها من أي أذى يا إسلام. هتتأذي بسببى يا إسلام، هتتجنن. وأنا أقولها معايا تنسي كلمة خوف، تلاقيها خايفة دلوقتي. أنا فشلت في حمايتها، فشلت يا إسلام. مش قادر، حاسس إن قلبي راح مني بعد ما سمعت كلام رانيا. إسلام بدموع لأنه برضه بيحب شهد أخته، وحضن ادهم. إسلام: اهدي يا ادهم عشان نفكر. طيب نجيبها...

طريقتك دي مش هترجعها، وأنت مفشلتش ولا حاجة، هنجيبها ورحمة أمي لأجيبها وهو"لع في رأفت. ادهم: والله لأندمه على اليوم اللي اتولد فيه. بيأذيني فيها، والمشكلة إنها نقطة ضعفي، ومسكني من إيدي اللي بتوجعني. بس وربنا لأنتقم منه بإيدي. إسلام: طب اهدي، والله هنجيبها وهتنام في حضنك والله. ادهم لسه هيتكلم، تليفونه رن، وجده رقم غريب، أجاب ادهم على التليفون. ادهم: ألو. الشخص: ادهم باشا. ادهم قام من مكانه بسرعة و ........