رواية احببت دكتوري الفصل الرابع عشر 14 - بقلم حبيبه سيد

اسفه جدا والله بس التأخير بسبب شبكة الفون عشان كدا مش بعرف انزل اي حاجة شكرا جدا علي التفاعل بدر: يلا مش هتنامي انتي كمان رحمه: لا انت قولت فاضل نص ساعه هكمل وبعدين انام بدر: انتي تعبانة ولازم ترتاحي رحمه: انا مش تعبانة ولا اي حاجة انا كويسة كمل بس باقي الشرح عشان ادخل انام لو عايزني ادخل ارتاح بدر: طيب هكمل بس لو حسيتي انك تعبتي ياريت تقولي رحمه: حاضر وبدر بيرجع يكمل شرح المحاضرة بدر: بعد شرح ساعة إلا ربع كدا

يا ستي نبقي خلصنا رحمه: هو ده اللي نص ساعة بدر: معلش بقى عارف إني طولت أوي رحمه: طب أنا هحل الامتحان اللي معايا ده وبعدين بدر: لا مفيش الكلام ده امتحان إيه انتي قولتي أخلص الشرح وتدخلي ترتاحي كفاية كده رحمه: طب هحل بس الامتحان ده عشان أعرف أحل بكرة تطبيق على الشرح عشان لو في حاجة تشرحها بدل ما أقعد بكرة معرفش أحل حاجة وأكيد حضرتك مش هتيجي توريني في الامتحان يعني بدر: ماشي يا رحمة هخليكي معايا للآخر بتبدأ تحل الامتحان

رحمه: بدر ده بيتحل إزاي بدر: بيبدأ يشرح لها نقطة فيه بس رحمه النوم بيغلبها وبتنام وهي قاعدة رأسها بتنزل على كتف بدر وخصل شعرها بتنزل على وشها بدر بيفضل يبصلها بيحط إيديه على خدها براحة وبيشيل خصل شعرها بيتكلم في سره: حتى وانتي نايمة قمر أحلى من ملكات الجمال أعرف بس جايبة الجمال ده كله منين بعدين بيشيلها يدخلها أوضتها وبيغطيها وبيخرج يكمل الشغل بتاعه وبينام وهو قاعد تاني يوم

رحمه بتصحى بتخرج من أوضتها بتلاقي بدر نايم مكانه بتروح تقف جنبه عشان تصحيه رحمه: بدر... بدر اصحى بدر: سبيني شوية بقى رحمه: بدر اصحى يابدر بدر: يووو بقى يا شروق سبيني شوية بس وهقوم رحمه لسه هتقول بد... الفون بتاعها بيرن بدر بيصحى بخضة: في إيه يا شرو... وبيفتح عينيه قبل ما يكمل بيشوف رحمه لسه هيتكلم رحمه بتسيبه وتدخل أوضتها وبترد على الفون يارا: الوووو رحمه: في إيه يا بنتي على الصبح حصل إيه يارا: الحق عليا بصحيكي

صباح الخير يا رحومتي رحمه: قولي اللي عندك يارا: ديما ظلمانى كدا رحمه: قصدك فهماكي اخلصي قولي يارا: احم.. طب ردي الصباح الأول رحمه: صباح النور انجزي يارا: إيه يا رحومتي مش معاملة دي والله رحمه: هتقولي اللي عندك ولا أقفل يارا: لا خلاص هقول احم... بقولك إيه انتي صحبتي يعني وكده وعشرة رحمه: كلمة زيادة هقفل الفون يارا: خلاص يا رحمة بقى دكتور بدر كان بيقول إن فاضل نص ساعة كمان وأنا نمت وكنت عايزة يعني رحمه: انتي قولتي في

الأول إيه كان بيقول يارا: يعني إيه مستقبلي ضاع رحمه: تعرفي تتلهي على أساس البت ليها مستقبل أوي يارا: حقك يا أختي ما انتي معاكي الدكتور وبيشرحلك وهتقفلي المواد وانتي مغمضة رحمه: اخرسي يارا: بقى كده يا رحومتي وأنا اللي بقول عليكي أختي حبيبتي رحمه: يارا وفري على نفسك الكلمتين دول أنا فاهماكي والله وجبتلك من الآخر يارا: طب بس انتي قوليله الامتحان فاضل عليه 3 ساعات هنضيع أنا صحبتك يا رحمة مش كده

رحمه: يارا حبيبتي عشان أنا صحبتك بقولك لأ انتي عايزة الدكتور يشرحلك كلميه أنا مالي يارا: خلاص يا رحمة اخرجى بس وأنا هقول للدكتور يشرحلي الباقي رحمه: حاضر هفتحلك كاميرا وانتي اتكلمي يارا: ماشي يا رحمة مش عايزة تقفي معايا رحمه بتخرج من أوضتها رحمه: دكتور بدر بدر: نعم يا رحمة رحمه: حضرتك كنت قولت امبارح إن فاضل نص ساعة باقي المحاضرة يارا عايزة باقي الشرح يارا: بعد إذن الدكتور طبعاً بدر: لازم دلوقتي

يارا: يعني إيه حضرتك قولت امبارح روحي نامي وابقي كملي بكرة بدر: كان قصدي مذاكرتك يارا: رحمة رحمه: أعمل إيه يا يارا ما قدامك أهو قولتله أعملك إيه تاني يارا: يا رحمة أنا كده هضيع ريم بتخرج من أوضتها ريم: إيه القمر صاحي صباح الفل يا رحومة رحمه: صباح العسل يا ريم ريم: بقولك إيه عندي سؤالين كده هحلهم وشوفيهم قبل ما أنزل الامتحان رحمه: بس كده طيب روحي الأول خدي شاور عشان تفوقي أكون حضرت الفطار ونشوف المسألة إيه رأيك

ريم: طب بصي هحل المسألة وعلى ما آخد شاور تكوني شفتيها رحمه: ماشي يا ريم بسرعة عشان متتأخريش يارا: بقى كده يا رحمة أشمعنى ريم بقى بدر: خلاص يا يارا قولي عايزة إيه وأنا هشرحلك بس تركزي عشان وقتي وبيبدأ يشرح ريم بتحل المسألة وبتدخل تاخد شاور وبتخرج تلبس وتصلي عشان تروح الامتحان وبدر بيكون قاعد يشرح لي يارا يارا: دكتور لو سمحت حضرتك في نص المحاضرة كنت شرحت حاجة كده أنا مش فاهماها

بدر: أصلاً أها أنا عارف إني مش هخلص ولا هخرج النهارده بيكمل شرح على ما بيخلص شرح ريم بتكون خلصت ورحمة بتكون راجعت لي ريم وحلت كذا حاجة عشان امتحانها وصلت وحضرت الفطار وبدر بيكون خلص بيقعدوا يفطروا وبينزلوا يركبوا العربية بس رحمة بتركب في الكرسي اللي ورا مع ريم بدر: حد قالكم إني السواق ريم: أنا مليش دعوة رحمة اللي كانت بتقعد قدام بدر: اها وبعدين رحمه: اطلعي يا ريم اقعدي جنب بابا أنا مرتاحة هنا بدر: مش هنفضل كده كتير

أنا مش سواق والله رحمه: يلا يا ريم اطلعي وفعلاً ريم بتطلع تقعد بدر بيظبط مراية العربية على رحمة عشان يطمن عليها كل شوية ريم بتوصل المدرسة رحمة وبدر بيكملوا على الكلية بتوصل الكلية بتنزل تدخل على طول على المحاضرة يارا: بتدخل بعدها أهااا خيانة دخلتي من غيري رحمه: طب ما انتي بتدخلي من غيري في إيه بطلي هبل يارا: بقولك إيه إحنا أصحاب بلاش حركات النص كم بتاعت الامتحانات دي إحنا مع بعض رحمه: هو انتي مش ذاكرتي

كويس عايزة إيه تاني يارا: عايزة أنجح عشان الست الغلبانة اللي في البيت هتطلق بسببى رحمه: اخرسي شوية يا يارا ممكن يارا: لو احتاجت حاجة هتقوليلي صح رحمه: بصي اللي ذاكرتيه وتعرفي تحليه اكتبيه والباقي على ربنا بقى على ما تخلصي اللي انتي عرفاه أكون أنا خلصت وأقولك اللي واقف معاكي يارا: أيوا بقى بيقعو حوالي ساعة والمحاضرة بتبدأ والدكتور بيوزع الطلاب بطريقته والامتحان بيبدأ المحاضرة بتبقى ساعتين

رحمه: بتبدأ تحل الامتحان ويارا برضو بتبدأ تحل الوقت بيخلص وبيخرجوا من المحاضرة يارا: بقولك إيه يا رحمة ما تيجي نروح نقعد في كافيه شوية نشرب حاجة عايزة أتكلم معاكي رحمه: لأ حاجة دي تشربيها في البيت مش هنا يارا: ليه انتي رايحة رحمه: هروح لي ريم المدرسة الأول وبعدين أروحي يارا: في إيه يا بنتي هو انتي مامتها وأنا معرفش رحمه: أيوا يا يارا أنا مامتها وأختها وصاحبتها يلا بقى عشان تشوفي انتي رايحة فين عشان أنا ماشية

يارا: ماشي هكلمك بالليل رحمه بتخرج من الكلية بتلاقي بدر واقف بالعربية مستنيها بتركب ورا برضو بتوصل مدرسة ريم بياخدوها ويطلعوا على الشقة بالليل ريم: رحومة حبيبتي رحمه: هاتي الكتاب وتعالي ريم بتحط الكتاب وبتحضنها وبتبدأ تذاكر لها وبدر بيكون قاعد يعمل الشغل بتاعه على اللاب والفون بتاعه بيرن بدر: الوووو والدة بدر: أيوة يا بدر عامل إيه وحشتني وريم أزيها بدر: إحنا كويسين يا حبيبتي انتي اللي عاملة إيه والحج وحشني أوي والله

والدة بدر: عشان كده بتسأل بدر: غصب عني يا حبيبتي انتي عارفة الشغل بقى والدة بدر: الله يعينك يبني قولي مراتك عاملة إيه ريم مرتاحة معاها بدر: احم.. طب ثانية يا حبيبتي بيدخل يكمل المكالمة في الأوضة بتاعته بس رحمة بتبقى عايزة تعرف مين حبيبته دي ولاما هو بيحب ليه اتجوزها كذا سؤال في بال رحمة بدر بعد ما دخل أوضته: أيوة يا أمي إحنا الحمد لله بخير والدة بدر: ومراتك يا بدر انت مرتاح معاها كويسة مع البنت

بدر: أيوة يا أمي أنا مكنتش متخيل إن ريم بعد فترة التعب اللي مرت بيه ترجع تتكلم وتضحك وتهزر تاني وكله بفضل ربنا ورحمة والدة بدر: طيب يبني ربنا يباركلك فيها ويحفظلك بنتك بدر: يارب يا أمي ويخليكي ليا يا ست الكل والدة بدر: بقولك إيه يا بدر بنت عمتك جاية عندك يومين هتخلص شوية ورق كده خلي بالك منها بدر: من غير ما تقولي يا أمي والدة بدر: طب يا حبيبي كويس إني اطمنت عليك انت ومراتك وبنتك هسيبك بقى تشوف اللي وراك مع السلامة

بيخلص ويطلع يكمل شغل تاني وبيعدي اليوم تاني يوم ريم بتصحى تروح امتحانها رحمة بتروح الكلية مع بدر وبتخلص وترجع على الشقة ريم بتدخل تنام عشان ترتاح رحمة بتكون قاعدة تذاكر وفجأة جرس الشقة بيرن رحمة بتقوم تفتح بتقابلها بنت البنت: بدوري موجود رحمة: بدورك مين انتي مين بدر بيخرج يشوف مين اللي برا البنت أول ما بتشوف بدر بتقول لرحمة هو ده بدورى بتزقها وتدخل بدر: نورهان عاملة إيه نورهان: كده يا وحش مش بتسأل عليا

رحمة: طب عن إذنكم وهي ماشية بدر بيمسك إيدها بدر: استني أعرفك نورهان بنت عمتي رحمة: أهلاً وسهلاً وبعدين بيبص ل نورهان: والقمر دي تبقى مراتى طبعاً نورهان بتبقى واقفة شايطة عشان بدر بيتكلم وهو حاطط إيديه على وسط رحمة رحمة: اتشرفت بيكي نورهان: الشرف ليا أنا يا حبيبتي المهم نورهان بتقعد تضحك وتهزر مع بدر ورحمة تكون قاعدة تذاكر، ياعيني البت متمرمطة خالص لاء وجات لها واحدة بتحب جوزها وبترسم عليه كمان الفون بتاع رحمة بيرن

يارا: الوووو رحمة: أيوة يا يارا في إيه يارا: بقولك إيه انتي مش كنتي بتشتغلي في مستشفى رحمة: أيوة ليه يارا: طب شوفيلي شغل رحمة: حاضر هكلم دكتور يوسف وهقولك يارا: حبيبت قلبي رحمة: عايزة حاجة تانية يارا: لأ يا حبيبتي رحمة: طب يلا بقى روحي ذاكري بدر بيكون في أوضته نورهان بتخبط على الباب بدر: تعالي رحمة: مين نورهان بتدخل: أنا مش رحمة بدر: نورهان في حاجة ولا إيه محتاجة حاجة نورهان وهي بتقرب من بدر: محتاجةك يا بدر بدر: في

إيه يا نورهان مالك نورهان: بدر أنا بحبك أنا قولت بعد موت شروق هتبقي معايا أنا هتبقي بتاعي ومحدش هيشاركني فيك هتحس بحبي ليك وهتحبني زي ما بحبك بدر: اهااا..... والمطلوب مني إيه دلوقتي بقى أقولك أنا هسيب مراتي وهطلقها عشان بحبك انتي يا نورهان في الوقت ده رحمة بتكون خارجة من أوضتها بتسمع آخر حاجة قالها بدر ل نورهان