رواية احببت دكتوري الفصل الثاني عشر 12 - بقلم حبيبه سيد

رحمه: بتخلص مع ريم وبتبدأ المذاكرة بتاعتها. بدر: بيقعد يفهمها كذا حاجة بس بيلاحظ أنها متلخبطة خالص. بدر: رحمه، انتي فاهمة اللي شرحته؟ أكمل ولا إيه؟ رحمه: أها، تمام، كمل. بدر: بيشاور على مسألة. طب قوليلي كدا دي بتتحل إزاي؟ رحمه: أنا مش قادرة أستوعب حاجة. بدر: طب براحة وأنا معاكي أهو، ركزي شوية بس. بيبدأ يشرح تاني. رحمه بتحل كذا تمرين وبتخلص. بتروح على أوضتها. بتفتح الباب وتدخل وبتقفل الباب.

لحظات وبدر بيسمع صوت صرخة من أوضة رحمه. بيطلع يجري. الباب بيبقى مقفول. بيخبط جامد برجله. بيتفتح. بدر: مالك؟ في إيه؟ رحمه: بتبقى واقفة فوق السرير ومش قادرة تتكلم. بتشاور بإيديها على الأرض. بدر: بيبص مكان ما بتشاور. بيلاقي تعبان. بيجري عليها بيشيلها. بيطلعها برا الأوضة. وبيدور على حاجة يقتل بيها الـ تعبان. بيقرب من رحمه. بدر: متخافيش، خلاص مات. رحمه: في اللحظة دي بتحضن بدر جامد. بدر بيبادلها نفس الحضن عشان يطمنها.

بدر: أنا جنبك، متخافيش. رحمه: بتبعد. بدر: بيقرب منها. بيحط إيديه على خدها براحة. بيبوّسها في شفايفها. في اللحظة دي ريم بتخرج من أوضتها وبتشوف بدر وهو قريب من رحمه. ريم: ب... بابا. رحمه: أول ما بتسمع صوت ريم بتزق بدر وبتجري على أوضتها وبتقفل الباب. بدر: بيروح ناحية ريم. ريم: هو إيه دا يا بابا؟ إيه اللي بيحصل؟ ورحمة؟ بدر: مفيش حاجة. كان عندها حاجة في أوضتها وخلاص خرجتها. وكانت خايفة عشان كدا. ريم: عشان كدا كنت بتحضنها؟

بدر: كنت بطمنها عشان كانت خايفة. وبعدين إنتي سهرانة ليه لحد دلوقتي؟ مش المفروض عندك مدرسة بكرة؟ طول اليوم بتقولي مستقبلي هو مستقبلك. بقى في السهر ولا إيه؟ ريم: خلاص خلاص. أنا إيه اللي بيخرجني؟ ما أنا قاعدة في أوضتي ونايمة. إيه اللي يصحيني؟ أنا مش فاهمة والله. إيه اللي يصحيني؟ بدر: واقف يتابع ريأكشن وشها والتمثيل والكلام. خلاص خلصتي الفقرة بتاعتك؟ يلا روحي نامي. ريم: بتقف زي العسكري. تمام يا فندم.

بدر: بيفضل يضحك على منظرها وهي ماشية زي العساكر وكلامها. وبعدين اليوم. تاني يوم. بدر: صاحي بدري. بيخلص شغل على اللاب. رحمه: بتصحى بتحضر فطار. ريم: بتطلع من أوضتها. صباح الخير يا بابا. بدر: صباح الخير يا قلب بابا. إيه جاهزة للامتحان؟ ريم: ليه بس السيرة دي على الصبح؟ بدر: الله، مش عندك امتحان؟ أنا قولت حاجة. ريم: أيوا عارفة إن عندي امتحان. بس ليه تفكرني يعني قبل الفطار؟

خليني أفطر ونفسي مفتوحة للحياة. بلاش السيرة دي بقى. بدر: 😂😂😂 حاضر يا بتاعة الامتحان. قصدي خلاص يا ريم مش هتكلم تاني أهو. ريم: صباح الحلويات. رحمه: مفيش حلويات غيرك هنا. إنتي بتصبيحي على نفسك ولا إيه؟ ريم: لاء، بصبح على الحلويات اللي في المطبخ. رحمه: طب يا ست اللمضة، اتفضلي على الترابيزة بقى عشان تفطري. رحمه بتحط الأكل وبيقعدوا يفطروا. بدر: صح، هما بيعلموكي إيه في المدرسة بتاعتك دي؟ ريم: نفس اللي بيتعلموه في الكلية.

بدر: مش هتبطلي لمضة خالص. صدقي أنا بدأت أخاف على العيال اللي في المدرسة منك. ريم: بكل براءة. دا أنا طيبة خالص. يتخاف عليا والله. بتظلمني كدا. بدر: لا لا، صدقي بظلمك. طيبة أوووي. ريم: 😂😂 شوفت أهو، قulتها بنفسك. ظهر الحق الحمد لله. خليكي شاهدة يا رحمه، قال إني طيبة أهو. رحمه: خلصي عشان تدخلي تشوفي حاجتك عشان تنزلي الامتحان. ريم: حد مسلطكم عليا ولا إيه؟

خلاص أنا هاكل اهو عشان الامتحان وربنا يتوب عليا بقى. الواحد زهقان وعايز يشوف نفسه شوية. بدر: 😂😂😂 في إيه؟ هما بيعذبوكي؟ وبعدين تشوفي نفسك إزاي؟ ريم: أيوا، أفسح وأعمل ماسكات وأروّق على نفسي شوية بقى بدل المذاكرة والقرف اللي مش بيخلص دا. بدر: 😂😂😂 الله وأكبر. المرتب طار وأنا قاعد. فسح وماسكات؟ عيلة زيك تعمل ماسكات ليه؟

ريم: عشان بشرتي والهالات وإرهاق. حاجات كتير يعني بسبب المذاكرة. ولازم الواحد يهتم بنفسه شوية برضه. وبعدين إيه عيلة دي؟ أنا كبرت على فكرة. هو عشان لسه مبقتش طولك متقلقش. كلها كام سنتي كدا وأبقى طولك. ولا إيه يا رحمه؟ رحمه: لا، سيبك مني. باللي إنتي بتقولي عليه يبقى راحت عليا خالص. بدر: إنتي في كل حاجة قمر أصلاً ومن غير أي حاجة. ريم: الله الله. وأنا يعني اللي وحشة يا سي بابا؟ رحمه: إنتي جميلة الجميلات.

وبعد كل الرغي ده بينزلوا يركبوا العربية. بيوصلوا ريم الأول قبل ما تنزل من العربية. رحمه: بقولك إيه يا ريم، ركزي في الامتحان وشوفي الأسئلة كويس. ومتقلقيش. هييجي من اللي ذاكرتي. ومتنسيش تقرئي قرآن. ريم: مالك قلقانة ليه كدا؟ أنا اللي همتحن. رحمه: ماشي يا لمضة. ركزي وخلي بالك من نفسك. بدر: بقولك يا حمييييل، أوعي حد يعاكسك ها؟ ريم: هو حد يقدر؟ طب يبقى حد يعملها كدا. بدر: الله، أنا خلفت شبح وأنا معرفش؟

ريم: بقولك خلي بالك من المزة اللي معاك بقا. حد يعاكسها؟ أنا مليش دعوة 😉. بدر: هاا. طب يلا توكلي على الله وركزي في امتحانك. بتوصل المدرسة. وبدر بيكمل على الكلية مع رحمه. بدر: أنا... احم... أنا آسف. رحمه: ريم متعرفش إننا؟ بدر: لاء، في الحقيقة لسه متكلمتش معاها. رحمه: كان واضح... بس المفروض إنك متجوزني عشان ريم؟ يبقى إزاي هي متعرفش؟ بدر: إحنا وصلنا. انزلي احضري وركزي. وبعدين نبقى نتكلم.

فعلاً بتنزل تروح على المحاضرة بتاعتها. بتلاقي يارا قاعدة مستنياها. بتدخل تقعد جنبها. يارا: كنت بايته معاكي أنا ولا إيه؟ مفيش صباح الخير. رحمه: صباح الخير. يارا: مالك بتقوليه من غير نفس كدا؟ رحمه: مفيش. خلينا نركز في المحاضرة. يارا: طب بذمتك، الخلقة دي جاي معاها تركيز في حاجة أصلاً؟ مالك؟ رحمه: علينا امتحانات. خلينا نركز في المحاضرة بقا. ولا عايزين نفضل فرقة أولى طول العمر؟ ولا إيه؟ يارا: حاضر. نركز.

وبيقعدوا يحضروا المحاضرة. مع إن رحمه بتبقى مشتتة ومش فاهمة. بس بتحاول تقنع نفسها إنها فاهمة. وبتفضل قاعدة مكملة. بتخلص المحاضرة وبتطلع. وهي ماشية في الجامعة بتشوف نفس البنت اللي كانت في المكتب مع بدر واقفة معاه. في اللحظة دي بتقرر تمشي. يارا: مالك النهارده؟ في إيه؟ رحمه: معلش، أنا همشي. يارا: طب والمحاضرة اللي فاضلة إيه؟ رحمه: هكلمك بالليل. ابعتيها لي ونبقى نشوف كدا مع بعض. هنرتب وقتنا إزاي.

يارا: إذا كان كدا ماشي. بس اعملي حسابك مش هحضر طول الوقت لوحدي. رحمه: خلاص بقا يا يارا. يارا: مالك يا رحمه؟ في إيه؟ من وقت ما جيتي حاسة إن فيكي حاجة. زعلانة أو سرحانة؟ مش معايا خالص. رحمه: مفيش حاجة. شوية إرهاق بس. هروح وبعدين نتكلم. ركزي إنتي بس في المحاضرة واكتبي كل حاجة عشان أقدر أستوعب. يارا: طب انتي خلي بالك من نفسك. رحمه بتطلع من الجامعة. تروح على مدرسة ريم. بتفضل واقفة مستنياها تخلص وتخرج عشان تطمن عليها.

بتبقى واقفة مشتتة في كل حاجة. وبيقطع التشتت ده يوسف اللي بيتصل بيها. يوسف: الووو. رحمه: أيوا يا دكتور. يوسف: أخبارك إيه؟ رحمه: أنا كويسة. في حاجة ولا إيه؟ يوسف: لا أبداً. بس أصلك مش بتتكلمي ومختفية. قولت أطمن عليكي. هو في حاجة ولا إيه؟ رحمه: أها، معلش بقا. أصل رجعت الجامعة وكدا. مش ببقى فاضية ديماً. يوسف: طب إيه؟ رحمه: إيه؟ في إيه؟

يوسف: وحشتيني. مرضى بتوعك. ومش هخبي عليكِ. وحشتيني. مختفية. مبقتش أشوفك. ولا بتصبيحي عليا. ولا بشوف ضحكتك اللي بتخلي يومي جميل زيك. رحمه: يوسف، معلش. أنا هقفل. يوسف: ليه؟ في حاجة؟ رحمه: هسيبك للمرضى بتوعك بقا. يوسف: إنتي أهم. رحمه: لو سمحت يا دكتور. الكلام اللي بتقوله ده مينفعش. معلش. أنا هقفل. باي. يوسف: استني يا رحمه. الوووووو. رحمه. بتكون قفلت فعلاً. ريم بتخلص امتحانها وتطلع. رحمه: ها؟ إيه الأخبار؟

ريم: الأخبار عندك إنتي يا جميل يا عسل إنتي. رحمه: يا بت إنتي مش هتبطلي الكلام ده؟ والله بدر عنده حق. بدأت أخاف على العيال منك. ريم: الله! كلام بدري معلق معاكِ يا جميل؟ إيه بقا 😉. رحمه: بت، يلا قدامي عشان نروح. ريم: يلا يا قمر. إنتي في العربية. رحمه: عربية إيه؟ ريم: هو حبيبي مش معاكي ولا إيه؟ رحمه: مين حبيبك؟ ريم: اللي واكل عقلك يا جميل. رحمه: قصدك بدر. ريم: 😂😂😂 أنا قولت واكل عقلك. محدش صدقني. اقتنعتي بقا.

رحمه: يابت بطلي لمضة شوية ويلا بقا عشان نروح. ريم: ما إحنا هنروح. بس فين حبيبي الأول. رحمه: لسه في الشغل. يلا بينا على الشقة على ما باباكي يخلص شغل ويرجع. المهم قوليلي عملتي إيه في الامتحان. ريم: في الأمان. رحمه: أجبتي كويس يعني؟ ريم: يعني إنتي عايزة تقعدي تذاكري ليا ومأجبش كويس يا جميل إنتي؟ وبعدين أصلاً المفروض أما يعرفوا إنك كنتي بتذاكري ليا ينجحوني علطول. رحمه: 😂😂 أها. المرة الجاية بقا يا أختي.

بيوصلوا الشقة. بيقعدوا شوية. رحمه بتدخل تنام في أوضتها عشان مرهقة. والآنسة ريم بتستنى بدر يوصل. وبتقعد تتكلم معاه. رحمه بتفضل نايمة حوالي ساعتين. وإما بتصحى بتخرج من أوضتها. بدر بيكون قاعد في الصالة. وريم بتكون قاعدة في أوضته. بدر: صح النوم. بقالك سنة منمتيش ولا إيه؟ رحمه: معلش بقا كنت مرهقة شوية. بدر: نوم الهنا يارب. بس تكوني نمتي كويس. رحمه: الحمد لله. بدر: مكملتيش محاضرات النهارده ليه؟

رحمه: اها، واضح يا دكتور إنك مركزتش في كلامي. قولت لحضرتك مرهقة ومقدرتش أكمل. وبعدين صحبتي هتبعتلي المحاضرات. وبعدين هتمشي. بدر بيمسكها من إيديها. وبيفربها منه. بدر: إيه الطريقة الجديدة دي؟ دكتور وحضرتك في إيه يا رحمه؟ رحمه: لو سمحت، أبعد عني. بدر: معقولة معاملتك معايا بتتغير كل شوية بسبب دكتور يوسف؟ رحمه: مال دكتور يوسف بطريقتي معاك.

بدر: إنتي مع يوسف بتضحكي وتهزري وبتبقي رايقة أوي. معايا أنا لأ. طريقتك، كلامك. هو في إيه بالظبط؟ رحمه: بدر، مش هسمحلك بكلمة تانية بعد كدا. يوسف صديقي. وأكتر واحد وقف معايا. أكتر واحد ساعدني. بدر: وأكتر واحد بيكلمك في الفون وبتقعدي تهزري وتضحكي معاه. لكن أنا بالنسبة لك كابوس، صح؟ رحمه: خلصت كلامك ولا لسه في حاجة تانية؟ بدر: تمام يا رحمه. اتفضلي شوفي هتعملي إيه.

رحمه: بتبدأ تذاكر لـ ريم. بتفضل معاها تقريباً 3 ساعات. حفظ وشرح وتدريبات. بدر: مش كفاية كدا بقا؟ كفاية اللي ذاكرتيه. ريم: حاضر يا بابا. هخلص بس الصفحة دي. بدر: طب بسرعة عشان تلحقي بس تظبطي حاجتك. ريم: حاضر يا بدري. بتقعد شوية. ريم: بقولك إيه يا رحمه. رحمه: أيوا يا ريم. ريم: اكتبيلي كدا كذا مسألة أحلها جوا قبل ما أنام. رحمه: بتخلص وبتكتب لها كذا مسألة فعلاً. بدر: ها، خلصتي؟ ريم: أيوا. هقوم اهو.

بدر: رحمه، جهزي حاجتك عشان تذاكري. رحمه: طب هدخل أجيب الكشكول وجاية. بتقعد مع بدر حوالي ساعة. وبتبقى جعانة. بدر بيكون قاعد يشرح لها حاجات عشان الامتحانات بتاعتها. رحمه: استني شوية. بدر: مالك؟ في حاجة؟ رحمه: لاء، بس جوعت. هروح أجيب ساندوتش عشان أقدر أكمل. بدر: طب بقولك إيه؟ ابقي اعمليلي سندوتش معاكي. بتروح المطبخ تعمل سندوتشات. بترجع تقعد تاني عشان تكمل مذاكرة. بدر بيبدأ ياكل وهو قاعد يشرح ليها. بدر: إيه؟ مش هتاكلي؟

مش كنتي جعانة؟ ولا أبعت أجيبلك أوردر من برا؟ رحمه: لاء، أوردر إيه؟ بدر: أي أكل إنتي عايزاه يجيلك لحد هنا. رحمه: لاء، أنا هاكل سندوتشات. بدر: بيمسك سندوتش وبيديه ليها. تاكل. بتاخد منه السندوتش. وهو بيبدأ يشرح تاني. رحمه أول ما بتاخد حتة من السندوتش بتسيبه تاني. بدر: مالك يا رحمه؟ إنتي كويسة؟ رحمه: بتطلع تجري على الحمام وبترجع. بدر بيطلع يجري وراها. وبيكون قلقان وعايز يطمن عليها. بدر: في إيه؟ إنتي تعبانة؟

رحمه: لاء، أنا كويسة. متقلقش. بدر: مقلقش إزاي؟ إنتي مأكلتيش حاجة ورجعتي؟ في إيه؟ رحمه: مفيش يا بدر. يلا عشان الامتحانات. بدر: هتذاكري وإنتي تعبانة كدا؟ رحمه: قولتلك أنا كويسة. خلاص بقا. بدر: ماشي. الي يريحك. وبيرجع تاني يشرح. بيفضل ساعتين. وبعدين كل واحد بيدخل ينام في أوضته. تاني يوم الصبح. بدر: بيصحى بدري. يخلص شغل على اللاب. وبيحضر الفطار. ريم: صباح الخير. إيه دا؟ بابا بيعمل الفطار؟

الحمد لله. ضمنت إني مش هعرف أركز النهارده. بدر: صباح النور يا لمضة. في إيه على الصبح؟ ريم: هي رحومة حبيبتي فين؟ اللي بتعمل أكل حلو. بدر: لسه نايمة. وأنا كنت صاحي. قولت أعمل الأكل عشان تاكلوا وتروحي مدرستك. وهي تروح الكلية. رحمه: صباح الخير. ريم: الجمييييل اللي صاحي من النوم. هو في حد يبقى صاحي من النوم قمر كدا بقا؟ صباح الجمال. رحمه: هو إنتي مش هتبطلي كلامك ده؟ عموما يا ست شكراً على الكلام الجميل اللي زيك ده.

بدر: صباح النور. ريم: بقولك، اعملي حسابك في حباية للمغص النهارده قبل ما تخرجي. رحمه: 😂😂😂 ليه يعني؟ ريم: عشان الفطار. رحمه: إيه دا؟ هو حضرتك اللي حضرت الفطار؟ ريم: شوفت عرفت إزاي؟ بدر: بس يلا، تعالوا كلوا. وبعدين نتكلم. بيقعوا ياكلوا على الترابيزة. ريم بتبدأ تفطر. وبدر كمان. رحمه بتحاول تاكل بس مش بتقدر. ريم: إنتي خايفة تاكلي ولا إيه؟ أنا كنت بهزر معاكي. أكل بابا لا يعلى عليه. بدر: كتر خيرك يا أختي. بعد ما خوفتيه.

ريم: طب أنا هقوم بقا أجهز حاجتي عشان الامتحان. وإنتوا كملوا أكل. بدر: طيب. متتأخريش. وبتقوم تدخل أوضته. بدر: مالك يا رحمه؟ رحمه: مفيش حاجة. أنا كويسة. بدر: أمال ليه مش بتاكلي؟ رحمه: مش جعانة. أنا هقوم أحضر حاجتي عشان الكلية. بدر: طيب. بيخلصوا وينزلوا يركبوا العربية. رحمه: حليتي المسائل بتاعت امبارح ورجعتي على اللي حفظتيه؟ ريم: أيوا. متقلقيش. رحمه: طب خلي بالك وركزي كويس. ريم: طب يلا باي.

بتكمل مع بدر لحد الكلية. بتحضر محاضرتين. وبتخرج مع يارا. بتبقى ماشية في الكلية دايخة. يارا: إنتي كويسة؟ رحمه: أيوا. ليه؟ يارا: شكلك بيقول إنك تعبانة. رحمه: لاء، أنا كويسة. بتمشي خطوتين وبتفقد الوعي. بدر بيكون قريب منها. قبل ما تقع بيمسكها. بيشيلها ويطلع بيها على المستشفى. يوسف بيدخل غرفة الكشف هو ودكتورة معاه. وبدر بيبقى مستني برا. يوسف: مبروك يا رحمه. رحمه: نعم؟ مبروك على إيه؟ يوسف: إنتي حامل. و... يتبع.

يا ترى هيحصل إيه؟ وبدر هيكون رد فعله إيه؟ هنشوف كل ده الجزء الجاي. أتمنى يكون الجزء ده عجبكم. مستنية رأيكم في كومنتات حلوة شبهكم. أنا حاولت أطول البارت عشان أعوضكم. يارب بقا يكون عجبكم بجد. ❤❤❤