رواية احببت فارس الصعيد الفصل السادس عشر 16 - بقلم حبيبة محمد

ريتال: (كانت بتعيط، راحت حضنته جامد وسط عياطها) رعد: (مش فاهم حاجة وسابها تحضنه) ريتال: ونبي عاوزة أنزل مصر. رعد: طيب اهدي في إيه؟ ريتال: الحيوان! رعد: مين ده؟ ريتال: سليم... رعد: مين؟ ريتال: (كانت بتعيط وبس) رعد: ما تعيطيش. (ما كانش لمسها) ريتال: (كانت بتعيط) (عند سليم كان بيتوجع وراح وراها لقى رعد حاضنها، استخبى وكان متعصب جامد) ريتال: (بعدت عنه) أنا آسفة يا رعد. رعد: بتعيطي ليه؟ ريتال: مش مهم.

رعد: أمال في إيه وبوقك عامل كده ليه؟ ريتال: (بتوتر واضح) مالها فيها إيه؟ رعد: مش عارف، إنتي كنتي بتعملي إيه؟ ريتال: مش مهم دلوقتي، يلا نمشي. رعد: تمام، ظبطي مكياجك وتعالي. ريتال: لا عادي يلا بقى. رعد: (بشك) طيب. (بعدين مشيوا. بعد شوية، فقرة السلو جت) رعد: (قام هو وريتال ويزن وروح وفضلوا يرقصوا) (بعد شوية الفقرة خلصت وروح وسحر ونجوى وفيروز رقصوا شوية وهيصوا، وبعدين الفرح خلص) ريتال: هننزل مصر حالاً، صح؟ رعد: آه.

ريتال: تمام، شنطتي جاهزة، يلا. رعد: تمام. (بعد شوية وصلوا عند بيت إيهاب القط والكل نزل) نجوى: هتوحشوني أوي يا حبايبي. يزن + رعد: إنتي أكتر. نجوى: (نادت على الخدم تجيب الشنط) رعد: (باس إيديها ودماغها هي وأبوه) وقال لهم: عاوزين حاجة؟ نجوى + إيهاب: سلامتك يا حبيبي، خد بالك من ريتال وأوعى تزعلها، أنا بوصيك عليها. رعد: حاضر. يزن: (عمل نفس اللي رعد عمله وأبوه وأمه وصوه على روح برضو)

(بعدين خدوا الشنط وراحوا لبيت محمد القط ونزلوا) ريتال: باي يا سوسو. سحر: باي يا حبيبتي نتقابل بكرة بقى والشنط أهي. محمد: مع السلامة وخد بالك منهم يا رعد إنت ويزن. رعد + يزن: ما تقلقش يا عمي. (بعدين خدوا الشنط وطارق قال لهم هيجي وراهم) (في الطريق، عند روح ويزن) روح: يزن. يزن: نعم؟ روح: أنا جعانة. يزن: تاكلي إيه؟ روح: أي حاجة. يزن: تمام، في الطريق اللي جاي في كافيه كده، هاتي اللي عاوزاه. روح: يخليك ليَّ يا زينو. يزن:

(ما ردش) (بعد كام دقيقة وقف) رعد: في إيه؟ يزن: روح جعانة فـ قولت أجيب لها أكل. ريتال: وأنا كمان. يزن: حاضر هجيب لكم سوا. (ودخل يجيب) ريتال: رعد أنا هنزل أروح لروح. رعد: تمام. (بعدين نزلت وراحت ركبت جنب روح) روح: إيه يا بنتي؟ ريتال: إيه؟ روح: حصل إيه في الفرح؟ ريتال: سليم جه ورايا الحمام... (وحكت لها كل حاجة) روح: (مصدومة) يا لهوي طب الحمد لله إن ربنا ستر. ريتال: (بدموع خفيفة) آه أنا كنت خايفة أوي.

روح: معلش يا قلبي، الحمد لله إن رعد جه في الوقت المناسب. ريتال: آه. يزن: (طلع وراح لهم) روح: شكراً، تعال كل معانا إنت ورعد، يلا. يزن: لا أنا جبت قهوة لينا وخلاص. روح: لا يلا عشان ناكل بقى. يزن: رعد، إنت جعان؟ رعد: لا عادي. يزن: خلاص تعال ناكل عشان الطريق. رعد: مش عاوز، كل إنت. يزن: ولا أنا بس عادي. رعد: تمام. (بعدين يزن ركب مكان السواق ورعد جنبه وريتال وروح ورا) روح: (طلعت الأكل وأدت لهم) رعد: شكراً. يزن: تسلمي.

ريتال: (خدته وسكتت) (بعدين بدأوا ياكلوا وكان الصمت سيد المكان) روح: (كسرت الصمت) هو إحنا هنعيش فين في مصر؟ رعد: أنا عندي فيلا صغيرة في مصر أنا ويزن. روح: آه ما فهمتش برضه هنعيش فين؟ رعد: يزن، فهمها عشان دي ما بتفهمش وأنا مليش خلق. يزن: (ضحك) حاضر، يعني هنعيش في الفيلا أو نعيش في الشقة عادي يا روح. روح: (بزعل) إنت بتضحك عليا، وإنت يا رعد ماشي؟ ريتال: أنا خلصت. روح: (سابت الأكل) يلا نمشي. يزن: كملي الأكل.

روح: مش عاوزة. رعد: (نزل هو وريتال وركبوا العربية) (ويزن بدأ يسوق وروح طلعت جنبه) يزن: (وهو باصص للطريق) كملي أكلك يا روح. روح: (بزعل) كلت. يزن: مش هقولك تاني، كملي أكلك. روح: (أخدت الأكل بتوتر وأكلت) يزن: (ابتسم بس ما بينش وكمل طريقه) (بعد كام ساعة وصلوا وكانت ريتال وروح نايمين) يزن: بت يا روح. روح: أمم. يزن: يلا انزلي. روح: لا أنا عاوزة أنام. يزن: انزلي نامي فوق، وصلنا. روح: (بعصبية) سيبني أنام بقى. يزن:

(يأس منها راح شايلها ودخل) رعد: (كان بيحاول يصحي ريتال مش راضية) رعد: قومي بقى بدل ما أشيلك. ريتال: (أول ما سمعت إنه هيشيلها قامت بسرعة) نعم نعم. رعد: في إيه؟ يلا وصلنا. ريتال: (بنوم) ماشي يلا. (ونزلت ودخلوا) ريتال: يزن، دخل روح الأوضة اللي هناك فيها عشان هننام سوا. يزن: ليه؟ ريتال: كده. يزن: تمام. (ودخلها أوضة ليهم) (وريتال دخلت هي كمان أول ما دخلت نامت. أما رعد ويزن فـ كل واحد راح أوضته بهدوء وغير ونام)

(الساعة بقت 10 الصبح) ريتال: (قامت أخدت شاور ولبست بيجامة بنص كم ولغاية الركبة وصحت روح) روح: (قامت غيرت ولبست البيجامة اللي زي بتاعت ريتال ونزلوا) (عند رعد كان قاعد في الصالون هو ويزن وبيتكلموا لقوهم نازلين) ريتال: صباح الخير. يزن: صباح الفل. روح: (بصوت عالي من على السلم) صباح الخير يا نفسي! ريتال: روح اتهدي صوتك صدعنا. روح: هو في غيرنا. (ونزلت وانصدمت لما شافت يزن ورعد) روح: (بكسوف) أحم أنا آسفة معلش. يزن: (ضحك)

لا عادي. روح: إنت بالذات ما تكلمنيش. يزن: (بضحك) ليه بس؟ روح: مش عارف ليه. يزن: لا والله ما عرفش. روح: تعالي أقولك. (وقالت لما ضحكت عليا وخلتني آكل بالغصب) يزن: (بضحك) إنتي لسه فاكرة؟ يا ستي خلاص ولا تزعلي نفسك. روح: لا يا عم. يزن: خلاص بقى، بصي ادخلي يا أختي هتلاقي أم الشوكولاتة اللي زهقتيني بيها في التلاجة خديها واسكتي. (وقال لها مكان المطبخ) روح:

(بجد وجريت على التلاجة أول ما فتحتها لقيتها مليانة شوكولاتة كتير أنواع مختلفة صوتت من الفرحة) يزن: ماتت دي ولا إيه؟ ريتال: لا دي كده. يزن: (ضحك) طيب. ريتال: طب يلا عشان نفطر. يزن: فطرنا. ريتال: من غيري يا زينو؟ يزن: إنتوا فضلتوا نايمين ما رضيناش نصحيكم. ريتال: أوك. (ودخلت المطبخ) (بعد شوية) ريتال: (طلعت وكانت مرهقة) يزن: عملتي الأكل؟ ريتال: (بخنقة) أخيراً! ده اللي عرفت أعمله من ساعتها. يزن: إيه ده؟

ريتال: بيض محروق وطعمه مسكر أوي. يزن: (فضل يضحك جامد ورعد كان كاتم ضحكته) ريال: في إيه؟ يزن: إنتي حرقتي البيض وبدل ما تحطي ملح حطيتي سكر. رعد: ما بتفهميش في حاجة خالص. ريتال: (نظرة استياء) يزن: ما تزعليش نفسك هنجيب لك شغالة يا ستي. ريتال: لا أنا عندي دادا. يزن: مين دي؟ روح: (جت وكانت بتاكل شوكولاتة وعملت على بوقها شوية) دي دادا هانم. يزن: فين دي؟ ريتال: دي عايشة معايا في شقتي اللي هنا.

يزن: آه خلاص بكرة أخلي حد يجيبها. ريتال: شكراً يا زينو. يزن: روح، إنتي وسختي نفسك كده ليه؟ ولا كأنك طفلة يا طفلة. روح: (بزعل) ملكش دعوة هو ده أكلي. يزن: ماشي. ريتال: طب جعانة. رعد: دماغي بتوجعني. ريتال: معلش آسفة. يزن: تاكلي إيه؟ ريتال: أي حاجة. يزن: خلاص اطلبي اللي عاوزاه لأن أم روح وأبوها جايين. ريتال: في إيه؟ يزن: جايين يطمنوا عليكوا. روح: (بضحك) وحشناهم. يزن: أمم. روح: طب هنعمل إيه؟ يزن: نمثل إننا بنحب بعض وكده.

ريتال: تمام. (الباب خبط) ريتال: يا لهوي دول جم. يزن: مش عارف، هروح أفتح. ريتال: هروح أنا. يزن: لا هروح. (وراح فتح لقاهم هما) سحر: إزيك يا زينو؟ يزن: الحمد لله، إنتي عاملة إيه؟ سحر: أنا كويسة يا حبيبي، روح وريتال صاحين؟ يزن: آه اتفضلوا. (ودخلوا) سحر: (حضنت روح وريتال) وحشتوني والله. ريتال: أكتر يا سوسو والله. سحر: كلتي يا قلبي؟ ريتال: (بحزن) لا يا سوسو والله، شوفتي ما كلتش لحد حالاً.

سحر: يا روحي أنا جبت لك أكل، وإنتي يا هبلة ملحوسة نفسك شوكولاتة كده ليه؟ زمانك جننتي يزن يا قلب أمه. روح: لا والله يا ماما حتى ما نمتش جنبه. سحر: ما نمتيش جنبه ليه يا أختي؟ مش جوزك؟ يزن: عشان يلحق اللي هبلته، تقصد إنها نامت جنبي كويس يعني ما زهقتنيش يا سوسو. سحر: (بشك) ماشي. يزن: (بصوت واطي) الله يحرقك هتودينا في داهية. روح: أنا آسفة. سحر: إزيك يا رعد؟ رعد: الله يسلمك إنتي عاملة إيه؟

سحر: الحمد لله يا بني، ريتا عاملة معاك إيه؟ رعد: كويسة زي ما إنتي شايفة. سحر: ربنا يسعدكم يا حبيبي ويبعد عنكم أي شر إنتوا ويزن وروح يا رب. رعد: طب اتفضلوا افطروا معاهم بقى. سحر: لا يا حبيبي إحنا فاطرين قبل ما نيجي. طارق: فضلت أقول لها زمانهم نايمين بس هي ما نامتش أصلاً من قلقها على روح وريتال وعشان وحشوها فـ جيت بدري عشان كده. رعد: تنوروا في أي وقت. سحر: تسلم يا حبيبي أمال دول نن عيوني. ريتال: أنا بحبك أوي.

سحر: أنا أكتر يا حبيبتي. ريتال: طيب أنا جعانة. سحر: عملت لك الأكل اللي بتحبيه يا روحي، تعالي. (وخدتها وراحت المطبخ) يزن: (خد الشوكولاتة من روح) كفاية عشان بطنك، إنتي لسه ما فطرتيش روحي افطري. روح: (شدتها) لا يا عم سيبني أنا مرتاحة كده. يزن: قلت كلمة يلا. روح: إنت بارد أوي يا يزن. (وسابته ودخلت بعصبية) طارق: (ضحك) معلش يا بني هي دي كده هبلة.

يزن: والله أنا خايف عليها بس عشان لسه ما فطرتش، لو عليا أنا جايب لها جوه أصلاً. طارق: (بحب) عارف يا بني. يزن: الشغل معاك عامل إيه يا عمي؟ طارق: كله تمام يا حبيبي، وإنتوا عاملين إيه؟ رعد + يزن: هننزل الشغل بكرة. طارق: بس ده إنتوا لسه متجوزين. يزن: عادي بس عشان ما بنحبش نقعد وكده. طارق: اللي يريحكوا اعملوه. (عند ريتال وروح) سحر: قولي يا هبلة إنتوا نمتوا فين؟ ريتال: عادي يا سوسو. سحر: أيوا فين برضه؟ ريتال: جنب بعض. سحر:

(بشهقة وحطت إيديها على قلبها) ليه يا عبيطة ما نمتوش جنب بعض؟ مش جوزك؟ ريتال: إنتي عارفة اللي فيها إن إحنا فعلاً مغصوبين زيهم بالظبط، وإمبارح في الفرح سليم اتحرش بيا وما كنتش عارفة أعمل إيه. سحر: يا نهار أسود إزاي؟ ريتال: كنت... وحكتلها. سحر: يا روحي معلش، طب الحمد لله إن رعد جه. ريتال: أيوه والله الحمد لله، أصل بوقي بيوجعني من امبارح هو وإيدي من ساعة ما مسكهم. سحر: وريني إيديكِ كده.

ريتال: وريتها إيديها، كانت حمرا شويه وفيها علامات إيد، لإن سليم كان ضاغط عليهم جامد. سحر: يا روحي ما تزعليش. ريتال: طب أعمل إيه؟ سحر: حطي عليهم مرهم. ريتال: ما أنا مش عارفة فين علبة الإسعافات. سحر: استني، ومشيت. ريتال: في إيه؟ وكل دا وروح أخذت شوكولاتة من الثلاجة تاني وعمالة تأكل فيها، وأخذت الثانية وبتاكلها. سحر: طلعت بره وقالت لهم: يا رعد، فين علبة الإسعافات الأولية؟ يزن ورعد: بقلق، حصل إيه؟ سحر: ما فيش، هي فين؟

يزن: هأجيبها عشان مش هتطوليها، بس حصل إيه؟ سحر: إيد ريتال متعورة بس. رعد: من إيه؟ سحر: شكل في حد مسك إيديها جامد فاتعورت. يزن: أنتِ قصدك ريتال ولا روح؟ سحر: روح! يا لهوي قصدي ريتال. يزن: بعد ما جاب العلبة، أنا هأروح أشوفهم. وراح هو ورعد وطارق. ريتال: كانت قاعدة حزينة وروح بتاكل شوكولاتة وسنانها وجعتها. يزن: دخل بسرعة على روح الأول، مسك إيديها. روح: في إيه؟ يزن: إيدك مالها؟ روح: ما لهاش، حلوة سناني بس. يزن: مالها؟

روح: بتوجعني. يزن: أخذ الشوكولاتة رماها، عشان أنتِ بتاكلي دا وأنا أخذت الثانية منك، ما بتسمعيش الكلام؟ روح: خلاص معلش. يزن: أمال بتقول إيد مين اللي متعورة؟ روح: آه، دا ريتال أصل سليم مسك إيديها جامد وعورها. يزن ورعد: باستغراب، يمسك إيديها ليه؟ ريتال: الله يحرقك يا روح! لا دا إيدي اتخبطت بس مش أكثر. يزن ورعد: بشك، تمام، وما كانوا مصدقين. ريتال: بصت لروح بعتاب. سحر: هات يا يزن أنا أحط المرهم على إيديها. يزن: ماشي.

رعد: هأحطه أنا. ريتال: لا. رعد: أخذ المرهم عشان يشوف إيديها ويشوف هي مخبوطة ولا لا. ريتال: لا سحر اللي هتحطه. سحر: خلاص يا رعد أنا هأحطه. رعد: بجدية، وأنا قلت أنا اللي هأحطه، وأخذه ومسك إيديها عشان يحطه. ريتال: بصت له بتوتر، رعد خلاص ما تحطش حاجة. رعد: ما ردش وحطه، وشاف علامات إيد ودي مش خبطة. رعد: قرب من ودنها، قال: عارف إن دي مش خبطة وهأعديها. ريتال: بتوتر بعدت عنه وراحت لروح. روح: أنا آسفة والله.

ريتال: آسفة إيه بس؟ أهو عرف إنها مش خبطة يا روح، أعمل إيه؟ يزن: خذي يا أختي دي حبوب لسنانك، والله لو أخذتِ شوكولاتة تاني هأعمل حاجة مش هتعجبك، ماشي؟ روح: ماشي خلاص. سحر: معلش يا حبيبتي. روح: أنا من رأيي نصارح رعد، وهو بقى جوزها وهيعرف يحميكي. ريتال: بتوتر، لا طبعًا، هو أنا هبلة؟ أنتِ بتقولي إيه يا روح؟ رعد: مش خلاص؟ ولو سمحتِ يا سوسو اعملي لريتال تأكل، وقال: ريتال بحذر. سحر: حاضر يا ابني.

بعدين الكل طلع وسحر وقفت تعمل أكل. بعد شويه جابت الأكل وروح وريتال أكلوا. ريتال: شكرًا يا سوسو. سحر: العفو يا قلبي. يزن: ما أنتم قاعدين يا عمي. ريتال: اقعدي معانا حبة. سحر: هأبقى أجي يا حبيبتي، وخذوا بالكم منهم واسمعي الكلام يا روح. روح: حاضر. بعدين مشيوا. يزن: بجدية: روح تعالي. روح: لو جيت هتديني الشوكولاتة؟ يزن: لا، وقلت تعالي. روح: خلاص مش هأجي. يزن: شدها وراح مكتبه ودخل وقفل.