رواية احببت فارس الصعيد الفصل الثلاثون 30 - بقلم حبيبة محمد

ريتال: بحاول أقلدك. رعد: (ضحك) بتتعلمي بسرعة. ريتال: عيب عليك. بعدين بيركبوا العربية ويمشوا، وطول الطريق يزن وروح عمالين يبصّوا لبعض بقرف. بعد شوية وصلوا ودخلوا. فيروز: (جرت على رعد) رعد: براحة طيب. فيروز: (بدموع) وحشتني أوي، ما كنتش أتخيل إنك ممكن تروح. ريتال: بعد الشر، خلاص بقى كفاية أحضان. فيروز: (بصتلها وغمزت) طيب. رعد: خدها في حضنه ومشي وراحوا يقعدوا. رعد: فطرتي؟ فيروز: الحمد لله. رعد: (قام) هطلع أنا.

ريتال: هتنام؟ رعد: لا، هروح مشوار ع السريع كدا. ريتال: لا، أنت لسه تعبان. رعد: يزن، تعالى ساعدني. يزن: روحي يا ريتال ساعديه، هو مش جوزك؟ ريتال: حاضر. رعد: (بصّ له بقرف ومشي) ريتال: مسكت إيده. رعد: أنا كويس، مش متكسّح. ريتال: لا عشان جنبك برضه. بعدين طلعوا. رعد: طلعي لي هدوم. ريتال: حاضر. (وبدأت تجيب له الهدوم عشان يختار) رعد: اختاري أنتِ، مش مهم. ريتال: (بتفكير) أمم، أنت رايح فين بالضبط؟ رعد: رايح شغلي يا ستي. ريتال:

(بصوت شبه عالي) ننعاااااام!؟ رعد: (رفع حاجبه) إيه الأسلوب دا؟ ريتال: إيه؟ رعد: هتردحي يا ريتال؟ ريتال: لا، بس أنت لسه ما خفيتش، دا تاني يوم لسه وعاوز تروح. رعد: مش مهم، مش هتأخر. ريتال: لا يا رعد، مش هتروح. رعد: مش فاهم. ريتال: يعني أنت لسه تعبان ومينفعش تخرج. رعد: مش بمزاجك أنتِ، مالك أصلاً؟ ريتال: لا، ليا. هو أنا مش مراتك؟ رعد: دلوقتي بقيتي مراتي، مش في اتفاق ولا إيه؟ ريتال: هااا، أيوة بس آآآه... رعد: بس إيه؟

ريتال: ولو برضه، يعني لو حتى لو على ورق لازم أهتم بيك. رعد: شكرًا يا ستي، مش عايزك تهتمي بيا. ريتال: (بعصبية بسيطة) وأنا قلت مش هتخرج عشان أنت تعبان. رعد: (رفع حاجبه وحط إيده الاثنين على بعض) لا ولله!؟ ريتال: ولله. رعد: طب يلا يا حبيبتي وسعي من هنا. (وبيزقّها) ريتال: أوعى يا رعد. رعد: بس يا شاطرة، اطلعي بره، على آخر الزمن حتة بت تتحكم فيا. ريتال: (زقته) ابعد يا رعد، أنا مش هخليك تمشي يعني مش هخليك تمشي. رعد:

(بصلها بغضب وعمل نفسه تعبان عشان هي زقّته) رعد: آآه، ما أنتِ عارفة إني تعبان يا ريتال، تزقيني!؟ ريتال: (ضربت دماغها) أوبس، آسفة ولله، ما كنتش أقصد ولله. رعد: (فضل يكح) آآه. ريتال: (بقلق) أنت كويس؟ رعد: هي ناقصة غباء؟ أنتِ شايفة إيه؟ ريتال: طيب معلش ولله ما كنتش أقصد. رعد: (بتعب) بسبب عنادك يا ريتال. ريتال: خلاص ولله ما عدتش هعاندك. رعد: اوعديني بسرعة قبل ما أموت. ريتال: لا بعد الشر، أوعدك ولله ما عدتش هعاندك تاني.

رعد: (قام لأنه كان قاعد على السرير وحاطط إيده على الجرح) بس يلا زي الشاطرة كدا تطلعي لي غيار عشان ما نزعلش من بعض. ريتال: لا مش هتخرج. رعد: أنتِ لسه وعداني مش هتعانديني. ريتال: إيه الغباء دا؟ هو أنت مش كنت تعبان حالاً؟ رعد: (فضل يضحك وحاطط إيده على الجرح) ريتال: هو أنا ساذجة أوي كدا؟ (وضربت دماغها) رعد: (فضل يضحك) ريتال: (بصت له) هو أنت بتضحك على إيه؟

رعد: عليكي. المهم يلا بقى يا ريتال، هتطلعي الهدوم ولا أخلي يزن ولا روح؟ ريتال: خلاص خلاص هطلعها بس بشرط. رعد: هاا. ريتال: ما تتأخرش وتاخد بالك من نفسك. رعد: حاضر يا ستي بس يلا عشان ما أتأخرش. بعدين ريتال بتطلع له الهدوم وبتديهالوا وتطلع. رعد: شكرًا. ريتال: العفو، أنا تحت لو احتجت حاجة. رعد: تمام. بعد شوية بيلبس وينزل. تحت الكل كان قاعد. يزن: (باستغراب) أنت رايح فين يا رعد؟ رعد: جاي أهو. يزن: أنا جاي معاك.

رعد: عاوز تيجي، تعالى. روح: وأنا يا رعد؟ رعد: بس يا شاطرة. (ومشي هو ويزن) روح: حاسة إني مهزأة سيكا. ريتال: لا، اتأكدي صح يا فيرو. فيروز: صح الصح. ريتال: (ضحكت) آه صح، تعالي نقول لك على أسرار جديدة. فيروز: أمم، بقى في أسرار من ورا فيرو؟ (وبصت لهم بعين واحدة) ريتال: ما أنا جاية أقول لك أهو. فيروز: طيب قولي قولي. ريتال: مش عارفة ممكن تشوفيها حاجة حلوة ولا وحشة بس هقول لك. فيروز: اخلصي يا ريتال، الفضول قاتلني. ريتال:

(بكسوف) أحم، أنا بحب رعد. فيروز: (بصدمة) إيه!؟ قلتي إيه؟ ريتال: الله، أنتِ ما سمعتيش؟ فيروز: لا، لازم نسجل اللحظة دي. ريتال: مش فاهمة. فيروز: (مسكت الفون وفتحت الكاميرا وبدأت تصور) عشان تبقى ذكرى يا ريتااال، أنا فرحانة أوي. ريتال: أنا كنت معجبة بس أنتِ أول واحدة، أنتِ وروح تعرفوا إني بحبه بجد. فيروز: الله بقي، ودلوقتي ريتال وقعت في حب رعد! أععع! ريتال: أنا خايفة يكون مش بيحبني.

فيروز: لا لا بيحبك، وحتى لو بعد الشر مش بيحبك، حببيه فيكي. ريتال: يا رب يا فيرو، أنا خايفة أوي. فيروز: ما تخافيش ولله. طب وأنتِ يا أخت. روح: ... فيروز: أنتِ يا حجة. روح: ... فيروز: (هزتها) إييي! بنادي عليكي من ساعتها. روح: في إيه؟ خضتيني. فيروز: بتفكري في يزن هاا؟ (وغمزت) روح: أنا أفكر في يزن؟ ونبي هاتي سيرة حاجة حلوة. فيروز: هو يزن وحش؟ دا قمر بعينه. روح: قمر بالستر يا أختي. فيروز: طب إيه؟ روح: إيه؟

فيروز: ريتال بتحب رعد. روح: معجبة لسه. فيروز: لا ما هي اتأكدت إنها بتحبه. روح: بجد؟ فيروز: آه ولله، وبصور عشان تبقى ذكرى. أنتِ مش ناوية تقعي ليزن ولا إيه؟ ريتال: (بصت لروح) روح: قولي يا أختي قولي، هي حد غريب. ريتال: روح بتحب يزن. فيروز: بتهزري! ريتال: آه ولله العظيم. فيروز: لا وقمر بالستر هاا، ما طلعتي واقعة أهو! (وغمزتلها) روح: لو سمحتوا، إعجاب بس وخلاص راح لحاله. فيروز: (بخبث) طب تصدقي يا بت يا ريتال.

ريتال: لا إله إلا الله. فيروز: يزن قايلي إنه بيحب روح. روح: (بصتلها بصدمة) كدابة! فيروز: أوبااا، ما أنتِ واقعة أهو، مش راضية تعترفي لي؟ روح: هااا لا، مين دي اللي واقعة؟ على آخر الزمن روح النجار والحب في جملة واحدة مش هتحصل. فيروز: بطلي غرور يا روح، لأن باين عليكي أوي وواضحة في عينك إنك بتحبيه. روح: طب يا فيروز أنتِ وريتال، أنا بحبه هاا، أنا بحب يزن. فيروز: أوعااا، أخيرًا وقعتوا.

روح: مش بإيدي، هو اللي قمر يا أختي بس بارد. فيروز: مين ده يزن؟ لا دا يزن سكرة. روح: أوي. وقعدوا يضحكوا وفيروز تصور فيديوهات عشان تبقى ذكرى ليهم. عند رعد ويزن. رعد: راح القسم ونزل هو ويزن. العسكري: (قدم له تحية) اتفضل يا فندم اتفضل. رعد: فؤاد بيه جوه؟ العسكري: أيوة يا فندم اتفضل. ودخلوا. الظابط فؤاد شريف: أهلاً رعد بيه القط بنفسه هنا! ليك وحشة يا راجل، اتفضلوا اتفضل يا أستاذ يزن.

رعد: أنت أكتر ولله يا فؤاد، أخبارك إيه؟ فؤاد: أهو الحمد لله، خلّفت بنوتة قمر وفي أحسن حال. وأنت؟ رعد: أنا اتجوزت. فؤاد: (بصدمة) مش معقول، رعد اتجوز! ودي مين تعيسة الحظ دي؟ رعد: (بص له) برضه لسه زي ما أنت. فؤاد: قصدي سعيدة الحظ. (وفضلوا يضحكوا وقال للعسكري يجيب لهم قهوة) فؤاد: بس خير يا رعد، مش عادتك تيجي القسم وأنت مخابرات أمن دولة يعني. رعد: جيت أطمن عليك وعشان خدمة منك مش هنساها لك.

فؤاد: أؤمر يا رعد، وبعدين إحنا في بينا الكلام ده؟ دا أنت جمايلك مغرقاني ولله، أؤمر. رعد: تسلم، كان في هنا سجين اسمه إيه؟ يزن: سليم القط. فؤاد: سليم القط، سليم القط آه، دا لسه جاي جديد بس ماله عمل لك إيه؟ رعد: أيوة أنا بقي عاوز يتعمل له أحلى حفلة، مش عاوز أوصيك. فؤاد: من عينيا يا رعد بس كدا؟ بس هو عمل إيه لكل دا وإنك تيجي بنفسك عشانه؟ رعد: اللي عمله كتير وكبير أوي، كان بيتعرض للمدام.

فؤاد: آه طب تمام، المدام على دماغنا واللي تأمري بيه. رعد: تسلم، عاوز بس يتروّق عليه. وعلى فكرة أنا زعلان منك. فؤاد: من عينيا حاضر. ليه بس؟ رعد: بقي يا راجل كنت هموت وما تكلمنيش أجيلك أنا لغاية هنا؟ فؤاد: بعد الشر مالك؟ رعد: كنت بقبض على اللي اسمه سليم ده وكان معاه سلاح، غدر بيا. فؤاد: إزاي دا حصل وامتى؟ رعد: في قسم الأهرام. فؤاد: اعذرني ولله يا رعد، ما كنتش أعرف والمدام عندي لسه والدة جديد فما كنتش مركز معلش.

رعد: ولا يهمك، أنا مش هطوّل عليك بقي، بس حفلة عليه حلوة وهات الأمين بقي ياخد أقوالي عشان يتعرض على النيابة في أسرع وقت. فؤاد: تمام. وأخذوا أقواله عشان هيتحول للنيابة. بعدين بيمشوا في الطريق. يزن: وقف العربية. رعد: في إيه يا ابني؟ يزن: هروح أجيب حاجات من السوبر ماركت دا وهاجي. رعد: لمين؟ يزن: (بص له باستغراب) رعد: آآه، لروح. طب يا أخويا اعمل حساب التانيين. يزن: طيب. (ونزل) بعدين بيجيب الحاجة وبيروحوا. عند البنات.

فيروز: كانت مشغلة أغاني وبيرقصوا. ريتال: أيوة بقااا يا فيروو. فيروز: (بصوت عالي) الللهه! ريتال: أنا مش مبينالوا أنا ناويالوا على إيه. روح: ساكتة ومستحلفالوا ومش قايلالوا ساكتة ليييه. فيروز: خليه يشوف بعينيه إيه اللي ناوياه عليييه. رعد ويزن فتحوا ودخلوا. ريتال: (بصوت عالي وماسكة الريموت بتاع الشاشة كأنه ميكروفون) هخليه يخاف من خيالوا لما أغيب يوم عن عينييه. روح: (أخدت منها الريموت)

أنا مش مبينالوا أنا ناويالوا على إيهه. فيروز: (أخدته منها) ساكتة ومستحلفالوا ومش قايلالوا ساكتة ليييه. ريتال: (بصوت عالي) هخليه يخاف من خيا... ريتال: (لسه بتكمل الأغنية لقت رعد ويزن متنحين ليهم) رمت الريموت. روح وفيروز: (بصوا على عينيها لقوا يزن ورعد جم) اتسمروا مكانهم. يزن: كملوا كملوا. ريتال: قعدت على الركنة. رعد: إيه دا يا فنانة؟ قعدتي ليه؟ قومي كملي. ريتال: (قامت) هاا. رعد: (فضل يضحك) هو ويزن

فيروز: أنتِ غبية يا بت، وزقتها قعدتها. آه بتحبيه بس مش كل ما يجي يكلمك هتنحي كدا. ريتال: بصتلها، ينهار أسوح! هو إيه المنظر اللي شافونا بيه دا؟ روح: كانت مكسوفة. ريتال: احنا كنا كنا كنا... رعد: كان عمال يضحك على شكلها، اسكتي يا ريتال ما تتعبيش نفسك. وفضل يضحك. فيروز: هو انتوا هنا من امتى؟ رعد: من أول ما الفنانة قالت "هخليه يخاف من خياله" ريتال: حطت إيدها على وشها بكسوف، على فكرة أنا كنت آآآه بشغل الشاشة.

رعد: ما أنا أخدت بالي. وفضل يضحك. ريتال: يوه بطل ضحك بقى. رعد: كتم ضحكته بالعافية. روح: جريت راحت على يزن وهي كانت مكسوفة. يزن: بصلها باستغراب. روح: دا ليا صح؟ هات بقى. وشدت الكيس. يزن: أخده منها، لا مش ليكي. روح: بزعل، أمال لمين؟ يزن: لفيروز. فيروز: شكرًا، لما تبقى تجيب تجيب لينا كلنا، هما أخواتك هما كمان. يزن: لا مش أخواتي. روح: بصتله هي وريتال.

رعد: أيي أييي اهدوا، وبعدين مش كنتي زعلانة منه يا ست روح، إيه اللي جابك تاخدي منه الحاجة اللي جايبها لك؟ روح: باااس، أهو الحاجة اللي جايبها لي يبقى الحاجة ليا. وخدت الكيسة. روح: شكرًا يا زينو. وراحت قعدت. يزن: الله يحرقك يا رعد. رعد: مش أنت جايبهولها؟ ما تديهولها وخلاص، وبعدين أهي هبلة وفرحت. يزن: طيب يا خويا، إلا أختك اللي هتبيعنا عشانهم دول. رعد: على رأيك. وراح لريتال. ريتال: كانت قاعدة مكسوفة. رعد: يا خالتي.

ريتال: بصتله، نعم. رعد: خدي يا ستي إيه خدعة. ريتال: دول ليا كلهم؟ رعد: آه. ريتال: حضنته، شكرًا شكرًا شكرًا. رعد: براحة طيب، لسه الجرح ما خفش. ريتال: بعدت عنه بسرعة، آسفة والله نسيت. رعد: ابتسملها، براحتك. وراح لفيروز. رعد: خدي يا فيرو. فيروز: بصتله بحب، بجد جبت لي؟ رعد: آه والله، يزن اللي جاب بس يلا. فيروز: ممكن أحضنك؟ رعد: من غير ما تقولي ممكن. وحضنها. فيروز: أنا بحبكم أوي، ربنا يخليكم ليا يا رب. يزن: وأنا.

وراح لهم وحضنهم. روح: كانت قاعدة بتاكل الحاجة. ريتال: بصتلهم بحب. رعد: هتتفرجي؟ تعالي. وشدها. يزن: بص لروح لقاها بتاكل ومش مهتمية أصلًا. يزن: طفسة. ريتال: ما تقولش عليها كدا، هي آه طفسة بس برضه... روح: بصتلهم بعين واحدة، بتقولوا عليا إيه؟ يزن: الكل خير حضرتك، مش ملاحظة إن احنا حاضنين بعض وأنت طفسة وبتاكلي؟ روح: بزعل، ماشي يا يزن ما عدتش هكلمك. يزن: طب هاتي الحاجة بتاعتي بقى. روح: لا اللي بيروح ما بيرجعش.

بعدين رعد قال هيقوم يغير. ريتال: أجي أساعدك؟ رعد: أنا كويس بس تعالي عشان عاوزك. ريتال: حاضر. وراحوا هما الاتنين. يزن: شد الكيس من روح. روح: بصتله بغضب، هات يا غلس. يزن: لا وتعالي هنا. روح: وقفت عشان تاخد الكيسة. يزن: قام وقف هو كمان. روح: ما بقتش طايلة الكيسة، هات بقى يا يزن. يزن: هدهالك بشرط. روح: هاا؟ يزن: تقولي لسه زعلانة ولا لا. روح: بصتله، كل دا عشان أقول؟ يزن: أممم.

روح: يا زينو أنا لو زعلت من العالم كله ما أزعلش منك أصلًا. يزن: بصلها بحب، أصلًا؟ روح: أصلًا، بس هات بقى. يزن: بقى فيروز تحضني وريتال تحضن رعد وتشكره، وأنت ولا شكر ولا أي حاجة. روح: شكرًا يا سيدي، هات بقى. يزن: على فكرة أنا ما نسيتش عشان لما قولتي "أبقى هاتلي" فاكرة؟ روح: يااه دا أنا كنت بهزر. يزن: بس أنا مش بهزر. روح: طيب هتفضل معلقني كدا كتير؟ أنا عاوزة. يزن: أممم. روح: طيب هات بقى عشان خاطري.

يزن: أنت ما ينفعش معاكي تلميح، أنت عاوزة قالب طوب في دماغك، هاتي حضن يا روح. روح: قول كدا من الصبح يا عم، بس هتديني الكيسة؟ يزن: خدي أهي. روح: حضنته جامد، أنا بحبك أوي يا زينو. يزن: بتحبيني؟ روح: أنت صاحبي وأخويا وأكتر حد بحبه في حياتي، وعمرك ما فرقت بيني أنا وفيروز وريتال. يزن: بادلها الحضن، ما أقدرش أفرق بين القمر بتوعي. روح: ونبي أنت اللي قمر، بس وسع بقى عشان آكل. يزن: طفسة زي ما أنت مش هتتغيري.

فيروز: كانت قاعدة بتاكل وبتتفرج على المسلسل وسايباهم. عند رعد ريتال: دخلت، خير يا رعد أنت كويس؟ رعد: آه الحمد لله، طلعي لي هدوم. ريتال: حاضر، بس غير على الجرح الأول، رعد هو أنا ممكن أسألك سؤال؟ رعد: طيب قولي. ريتال: بتوتر، هو آآآ... رعد: قولي ما تخافيش. ريتال: هو أنت اتعورت إزاي؟ رعد: أممم طب طلعي هدوم وهاتي الحاجة الغيار عشان أغير على الجرح وأحكي لك. ريتال: حاضر. وجابت الهدوم والحاجة. رعد: هاتي.

ريتال: لا أنا اللي هغير. رعد: تغيري على إيه لا مؤاخذة؟ ريتال: على الجرح. رعد: لا أنا هقف قدام المراية وأعمله لنفسي. ريتال: لا ما ينفعش، نام بس. رعد: قلت لك أنا هعمله. ريتال: نام بقى ما تزهقنيش الله. رعد: نام وكشف مكان الجرح اللي هو جنبه. ريتال: بدأت تغير له وشافت في جرح تاني معلم. ريتال: هو إيه الجرح دا يا رعد؟ رعد: أنهي؟ ريتال: اللي في بطنك دا. رعد: آه دا كان هجوم علينا في المخابرات واتجرحت. ريتال: أنت مخابرات؟

رعد: آه. ريتال: ربنا معاك، ابقى خد بالك من نفسك. رعد: طيب. بعدين عقمت الجرح. ريتال: معلش بيوجع عارفة. رعد: ما اتكلمش لأن الألم دا مش هيجي جنب ألم التدريب اللي كان بيتدربه. بعد كام دقيقة خلصت. ريتال: خلصت. رعد: قام، شكرًا. ريتال: الشكر لله، بقول لك بقى. رعد: نعم؟ ريتال: بتوتر، هو هو أنت... رعد: إيه يا ريتال قولي. ريتال: اتعورت إزاي وتعرف ابن خالي ليه؟ رعد: أممم دا حوار كبير. ريتال: طيب ممكن تحكي لي؟

رعد: ممكن بس أنت كمان تحكي لي. ريتال: أحكي لك إيه؟ رعد: مش عارف، شوفي أنت مخبية إيه. ريتال: مش فاهمة. رعد: بصي يا ستي، أنا كنت رايح لسليم ابن خالك عشان حوار كدا فاتخانقنا وخدني على خاوة. ريتال: بشك، بس كدا؟ رعد: أمم، قولي لي أنت بقى بتخافي منه ليه؟ ريتال: هاا دا دا... رعد: دا دا إيه؟ ريتال: مش بخاف، هخاف ليه؟ هو سليم فين حالًا صح؟ رعد: في السجن. ريتال: بصدمة، إيه؟