رواية أحببت فتاه ملجأ الفصل الخامس 5 - بقلم سارة عبدالباري

وقفنا البارت إللى فات لما آدم خد تقى على المستشفى. آدم قاعد بره قلقان على تقى ومستنى الدكتور يطمنه عليها. الدكتور طلع من عند تقى. آدم. خير يا دكتور طمني على تقى. الدكتور. الحقيقة تقى عندها تسمم شديد جدا. إحنا عملنالها غسيل معدة. والحقناها على آخر لحظة. آدم. يعني أقدر أطمن عليها. الدكتور. آه طبعًا تقدر. أنا كتبتلها على شوية أدوية هتاخدهم وهتبقى أحسن. آدم. شكرًا جدًا يا دكتور.

الدكتور. العفو يا آدم بيه، ده واجبي. بعد إذنك. آدم دخل الأوضة عند تقى. آدم. تقى حبيبتي. انتي كويسة. تقى. الحمد لله أحسن بس بطني قاعدة بتوجعني. آدم. زي بعضه يا حبيبتي. قوللي يا تقى انتي أكلتي إيه النهارده. تقى. أنا فطرت الصبح. مع ماما سامية. آدم. طيب انتي عندك حالة تسمم. ممكن تفتكري أكلتي أو شربتي إيه النهاردة. علشان أعرف مين اللي عمل كده. تقى. أنا آخر حاجة شربتها. العصير اللي انت بعتهولي مع طنط سوسي.

آدم. عصير. أنا مبعتش عصير مع حد. هي اللي قالتلك كده. تقى. آه هي جابت عصير وأنا مكنتش عايزة أشرب. وهي قالت إن أبيه آدم هيزعل. علشان كده تقى شربت العصير كله. آدم زعل جدًا على براءتها وتوعد لسوزي. بعد ساعتين آدم خد تقى وراحوا على الفلا. سامية. خير يابني طمني مالها تقى. آدم. والله أنا عايزك تسألي سوزي هانم مالها تقى. سامية. أنا مش فاهمة حاجة يا آدم، إيه علاقة سوزي.

آدم. أقولك أنا يا أمي. الهانم حطت لتقى سم في العصير. طبعًا علشان تقى تموت وهي اللي تقدم عرض الأزياء. سامية بصت بصدمة لسوزي. سامية. صحيح الكلام ده يا سوزي. سوزي. لا طبعًا مين اللي قالك الكلام الأهبل ده. آدم. إنتي إيه يا شيخة مفيش في قلبك رحمة. عايزة تقتلي طفلة علشان تقدمي العرض. سوزي. آه أقتلها وأقتل أي حد يقف في طريقي. أنا اللي بقدم العرض ده كل سنة يا آدم. ومش هسمح لأي حد يقف في طريقي. آدم ضرب سوزي على وشها بالقلم.

آدم. يلا اطلعى بره مش عايز أشوف وشك تاني. والبيت ده لو شفتك فيه هقطعلك رجلك بره. سوزي طلعت بره. وسامية فضلت تعتذر لآدم على اللي عملته سوزي. آدم. متعتذريش يا أمي. خالتي تيجي هنا في أي وقت بس لو سمعت إن سوزي جات هنا تاني أنا فعلًا هزعل. آدم طلع عند تقى يطمن عليها. آدم. عاملة إيه يا تقى دلوقتي. تقى. الحمد لله يا أبيه تقى بقت كويسة. آدم. يلا يا حبيبتي خفي بسرعة علشان آخدك معايا الشركة. لأن محدش هيقدم العرض غير تقى.

تقى فرحت جدًا. وقالت خلاص تقى بقت كويسة. آدم عطى تقى العلاج بتاعها ونام هو وتقى. تاني يوم في شركة آدم. ليلى. صباح الخير مستر آدم. آدم. صباح النور. تعالي يا ليلى على المكتب عايزك ولما يجي معتز دخليه. ليلى. تحت أمرك يا مستر آدم. معتز جه ودخل هو وليلى لآدم المكتب. معتز. صباح الخير يا آدم. أكيد دي تقى. آدم. صباح النور. أيوه يا سيدي هي دي تقى. هات بقى التصميم علشان نجربه.

معتز طلع فستان كان شكله جميل جدًا لونه بنك وكان على شكل فراشة. وستايله كان رائع. آدم. خدي يا ليلى تقى لبسيها الفستان. تقى. بس. آدم. مالك يا حبيبتي. متخافيش ليلى ظريفة وهتحبيها جدًا. ليلى خدت تقى ولبستها الفستان كان غاية في الجمال زي ما يكون متصمم مخصوص لتقى. آدم ومعتز كانوا مصدومين من جمال الفستان على تقى. تقى. إيه رأيك يا أبيه آدم. آدم. جميل جدًا يا حبيبتي. زي الأميرات بالظبط. معتز. يخرب عقلك يا آدم جبتها منين دي.

آدم. احترم نفسك يا معتز، هتعاكسها ولا إيه. معتز. براحة يا عم آدم دي طفلة 😅 هعاكس طفلة. آدم. ماشي يا خفيف. جه معاد حفلة عرض الأزياء. تقى كانت لابسة الفستان وكانت متوترة جدًا لأن كل اللي في الحفلة كانوا بنات كبار تقى الوحيدة اللي صغيرة. آدم. تقى حبيبتي مالك خايفة كده ليه. أنا دربتك على الوقفة والماشية. متخافيش من أي حاجة. تقى بصت لآدم بابتسامة وقالت حاضر تقى مش هتخاف.

كل عضو من الشركات التانية قدم العرض لشركته وجيه دور آدم. آدم دخل هو وتقى. كان شكلهم جميل جدًا وكانت مفاجأة للجميع لأن تقى سنها صغير والفستان كان جميل جدًا. الكل أعجب بفستان تقى وفضلوا يسقفوا وتقى كانت مبسوطة جدًا. جت لحظة إعلان الفوز. أعلنوا فوز شركة آدم بالعرض. آدم كان مبسوط جدًا لأن دي تعتبر نقلة تانية لشركته وتقى فرحت جدًا وجريت على آدم وحضنته. آدم بفرحة. شكرًا جدًا يا تقى. تقى بفرحة. فستان تقى عجبهم.

آدم. أيوه يا ستي عجبهم. وتقى أجمل من كل البنات دول. تقى فرحت جدًا لكلام آدم. آدم. وبمناسبة الحلوة دي آدم هياخد تقى يفسحها ويوديها الملاهي. تقى فرحت جدًا. آدم. مبسوطة يا تقى. تقى. جدًا يا أبيه آدم. آدم كان ماشي هو وتقى وفجأة هجم اتنين واحد حط منديل على وش تقى فيه مخدر. أغمى عليها والتاني ضرب آدم على راسه.