رواية أحببت غامض الفصل الرابع عشر 14 - بقلم نورا

جاسمين قالت لسيلا: أحسنلك تبعدي عن زين وإلا هأذيكِ. ولسه هتكمل، سيلا اتصدمت وضربتها بالقلم وقالت لها: أوعي، أوعي تفكري بس إنك ممكن تعملي كده أو ممكن تأذيه وأنا موجودة. وفي أقرب وقت هطلعك من هنا فوراً، انتي فاهمة؟ جاسمين بغضب: انتي إزاي تعملي كده؟ انتي اتجننتي بقا؟ أنا حتة بت زيك تعمل كده؟

طب إيه رأيك إني هخليه يكرهك أكتر وأكتر. أساساً هو مستحيل يفتكرك. زين فاقد الذاكرة، فقدان نصفي يعني فاكر النص الأول من حياته بس مش فاكر أي حاجة تخصك. حتى الناس ما يعرفوش إنكم متجوزين، لأن زين قالش لحد ليه عشان مش بيحبك. يعني مهما حاولتِ تثبتي له مش هيصدقك. سيلا بصدمة: وانتي عرفتي كل ده منين؟ آه، ده انتي مراقباه بقا؟

آه، قولي كده. وهعرف قريب حكايتك وهخلي زين يعرف الحقيقة. انتي إنسانة مقرفة أصلاً، ولا يمكن تكوني إنسانة. لأ، وأحب أقولك حاجة، زين مش هيتجوزك أصلاً، لأني مش هخليه يكرر الغلط ده مرة تانية. وأوعي من طريقي. زقتها وراحت تاخد الهدوم. وجاسمين اتضايقت منها أكتر وفكرت في حاجة وعيطت بتمثيل وبتقول: زييين... زييين... تعالى بسرعة. زين دخل بسرعة وقال لها: إيه؟ في إيه؟ وأبوه بيبص لسيلا بمعنى: إيه اللي واقفة مش فاهمة في إيه؟

فبتبص لباباه ورفعت كتفها بمعنى متعرفش في إيه. جاسمين بعياط مصطنع: بتقولي... بتقولي إنك مش هتتجوزني وبتضحك عليا. زين بص لسيلا بغضب ورجع بص لها وقال لها: حبيبتي، ملكيش دعوة بحد. أنا قولتلك إيه؟ مش قولتلك هتجوزك. جاسمين: آه، بس هي بتقول إنك بتقول كده، وإنك بتقول عليا إني قاعدة معاك، فمش هتتجوزني. زين اتعصب وقال لسيلا: انتي إزاي تقوليلها كده؟ ثم إنك أصلاً قاعدة هنا بتعملي إيه؟

يلا، مش لميتي هدومك اللي معرفش انتي أصلاً جبتيها هنا إزاي؟ أكيد أبويا هو اللي حطها عشان يثبت إنك فعلاً مراتي. بس لو شوفتك مرة تانية هبلغ عنك وأقولهم إنك دخلتي بيتي من غير علمي، وكمان بترمي نفسك عليّا. سيلا اتصدمت وعيطت وطلعت تجري. أبوه اتصدم وقال له بغضب: بكرة تندم يا زين، وهوريك على اللي قولته ده كله. ولما تعرف الحقيقة هيبقى الوقت اتأخر ومش هرجعها لك. سلام. ومشي نزل بسرعة وراح لسيلا، لقاها بتعيط فحضنها وقال لها:

اهدّي، اهدّي يا حبيبتي. كل حاجة هتتحل وهننقذك منها. بس وقتها مش هخليكي ترجعي له غير لما يندم بجد ويحاول عشانك. سيلا مسحت دموعها وقالت له: شكراً يا بابا. لولاك مش عارفة كنت عملت إيه. مبقاش حد ليا غيرك. حتى عيلتي سابوني. أنا مش عارفة من غيرك كنت هعمل إيه. أبو زين: بس يا بت، فيه حد بيشكر أبوه بردوا كده؟ هزعل منك. ويلا بقا عشان نروح ناكل سوا عشان جوعت ونشوف حل للموضوع ده. سيلا بابتسامة حاولت تطلعها بالعافية قالت له: يلا.

ودخلوا العربية ومشيوا. عند زين. جاسمين بتقوله بدلع: حبيبي، أنا بحبك أوي. أوعى تبعد عني. زين: وأنا أكتر يا حبيبتي، ومستحيل أبعد عنك. دانتي كل حياتي. بس يلا بقا عشان الوقت اتأخر، يلا عشان أروحك. وفجأة جالها مسج، فهي بصت على الاسم واتوترت وخافت. لقت زين بيقول لها: مالك يا جيسي؟ في حاجة في الفون ضايقتك؟ وريني كده. ولسه هياخدها منها قالت له بسرعة: لا. وبعدين هو استغرب وقال لها: في إيه؟ مالك يا بنتي؟ جاسمين بتوتر أكتر:

لا، لا مش قصدي. بس لازم أروح فوراً. أختي بعتت لي مسج إن بابا متعصب مني وكده، ومينفعش أروحك. أنا هروح لوحدي. زين: لا طبعاً، أنا اللي هروحك. ثم إني كدا كدا عايز أتعرف على والدك. جاسمين اتعصبت وقالت له: زين، مينفعش. قولتلك مش دلوقتي. وبعدين شافته ملامحه اتغيرت وقال لها بنظرة تخوف وبعصبية ومسكها من شعرها: صوتك... صوتك مرة تانية لو على هزعلك. انتي فاهمة ولا إيه؟ جاسمين خافت منه وحاولت تدلع عليه وقالت له:

فاهمة، فاهمة. خلاص بقا يا حبيبي مش هتتكرر. أنا بس عشان بابا مستنيني وكده. ممكن أروح بقا؟ زين ساب شعرها وقال لها ببرود: تمام. جاسمين بتوتر: تمام. يلا باي بقا. ومشت بسرعة وطلعت لقت اللي واقف مستنيها ومتعصب. ولسه رايحة عشان تزعق له حصل... عند سيلا. هي وأبو زين أكلوا وخلصوا وقعدوا عشان يشوفوا هيعملوا إيه. فقالت له: هي إيه حكاية جاسمين دي يا عمي؟ وزين كان بيحبها بجد؟ وليه مقاليش؟ أبو زين: هقولك. بصي الحكاية بدأت...

ولسه هيتكلم لقى جرس بيرن... واستغربوا وراحوا يفتحوا لقوا...