رواية أحببت غامض الفصل الثالث عشر 13 - بقلم نورا

الحج أبو زين كان ينادي على البنت الملزقة دي. وفجأة سمعوا صوت جامد اتدب على الأرض. دخلوا كلهم المطبخ لقوا جاسمين وقعت على الأرض. زين بخضة راح بسرعه وقالها: جاسمين، جاسمين فوقي يا حبيبتي. وضربها بالقلم عشان تفوق، مفيش فايدة. راحت سيلا جابت مياه في إيدها ورشتها عليها جامد. فتحت عينيها وكانت هتزعق وكده، بس مسكت نفسها. أصلها كانت بتمثل. وقالت: زين الحقني مش قادرة، هو إيه اللي حصل؟ زين:

كنا بنادي عليكي، سمعنا صوت حاجة وقعت لقيناكي واقعة. جاسمين: طب قومني لأحسن مش قادرة. شالها زين. وسيلا بصت بصدمة وغيرة. وكانت هتعيط بس مسكت نفسها. وقالتله: شايف يا عمي، دا شالها وطلعها فوق كمان. أبوه بغضب منه: متخافيش يا حبيبتي، أنا هوريهولك. بس تعالي نطلع عشان نشوف اللي بتمثل دي، لأحسن تضحك عليه تاني. سيلا استغربت وقالتله: تضحك عليه تاني إزاي؟ مش فاهمة. أبوه: بعدين بعدين يا سيلا، تعالي بس. وطلعوا جري وشافوا الأوض.

لقوها في أوضة زين. سيلا اتدايقت أكتر وقالت: دا كان بيدايق أما بدخلها، اصبر عليا يا زين. بس أما ترجعلك ذاكرتك هتشوف، هه. وكانوا هيدخلوا. زين طلع وقالهم: معلش، بس جاسمين دلوقتي تعبانة ومش عايزة حد يدخل يشوفها. أبوه بعصبية: زين دي واحدة كدابة. ولسه هيكمل، قاطعه زين وقاله: بابا، أنا عارف كويس إنك مبتحبش جاسمين. لو سمحت بلاش تقول عليها كلام مش كويس. وبص على سيلا وقاله: وبعدين مين البنت دي وانت تعرفها منين؟ أبوه:

دي سيلا مراتك. واللي جوه دي. قاطعه زين وقاله: آه قول كدا بقى، انت اللي جايبها تقول كدا عشان جاسمين تشوفها وتقول إني بخونها. فتسبني. أحب أقولك إني بحبها وهي بتحبني وهتجوزها كمان بعد يومين. سيلا اتصدمت وبرقت. وأبوه اتصدم واتعصب وقاله: إنت بتقول إيه؟ دا مستحيل يحصل. زين ببرود: لأ هيحصل يا بابا وهتشوف. واتفضلوا بقا انت واللي معاك دي من هنا عشان عايزين نرتاح. أبوه بغضب: بتطرد أبوك عشان اللي جوه دي؟

انت فاقد الذاكرة، افهم بقى. زين اتعصب وقاله: أنا مش فاقد الذاكرة، أنا كويس. انتوا اللي بتعملوا خطة عشان تبعدوني عن حبيبتي. سيلا اتصدمت وقالتله: زين إيه اللي بتقوله ده؟ وبعدين انت مش فاكر، بس بس والله أنا مراتك. زين اتعصب عليها وكان هيضربها بالقلم. أبوه مسك إيده وقاله: انت اتجننت؟ هتمد إيدك عليها؟ لحد هنا وكفاية. يلا يا سيلا حضري هدومك ويلا عشان تيجي معايا الفيلا. سيلا أومأت له وقالتله: حاضر يا بابا.

وراحت تلم الهدوم وهي مدايقة وعايزة تعيط. دخلت تلم الهدوم وهي في الأوضة اللي فيها البنت الملزقة. وأول ما دخلت لقت جاسمين قامت وقالتلها: ......... فسيلا اتصدمت وبرقت.