رواية أحببت غامض الفصل التاسع 9 - بقلم نورا

وصلوا ودخلوا سوا لقوا أم سيلا وأخواتها قاعدين مفرفشين وبياكلوا. سيلا بصدمه واستغراب: انتوا إزاي دخلتوا وإزاي متقولوليش إنكم جايين؟ أمها بخبث: إيه يا سيلا، انتي فاقدة الذاكرة ولا إيه يا حبيبتي؟ انتي مش كنتي مديني نسخة من المفتاح وقولتيلي في أي وقت أجي أقعد هنا. زين بص لسيلا بصدمة وغضب. فسيلا اتصدمت من كلام مامتها ومن بصته وبتهز دماغها بلا وقالتله: والله محصلش يا زين، والله. لمروة بحقد: إيه ده يا سيلا؟ انتي بتكذبي ليه؟

انتي خايفة منه ليه؟ وبعدين إيه يعني لما تدينا المفتاح ونيجي نقعد بيت أختنا. زين حاول يبقى هادي وقال: ومش هيبقى بيت أختك من النهارده يا أخت مروة. سيلا بصدمة وعدم فهم: يعني إيه؟ زين بهدوء: يعني تاخدي عيلتك وتروحي لبيت عيلتك. سيلا اتصدمت وقالتله: زين، انت بتقول إيه؟ زين: اللي سمعتيه، يلا خدي أهلك ويلا. أمها بغضب: إيه اللي بيقوله جوزك ده يا سيلا؟ إزاي يطردنا كده؟

إحنا أصلاً مش جايين هنا تاني، إحنا غلطانين إننا سمعنا كلامك واتعشمنا فيكي، يلا يا بنات. زين: مع السلامة، وخدوا بنتكم معاكوا. سيلا لسه مصدومة وبتقوله: زين، افهمني. أنا قاطعها وقالها: أنا قولت كلمة، لو عايزة تفضلي هنا يبقى ملكيش دعوة بعيلتك، يا تختاريني يا تختاريهم. أمها: هااا، قوليله هتختاري مين يلا. سيلا بدموع وهدوء: هختارك انت يا زين، وراحت وقفت جنبه.

أمها اتصدمت وقالتلها: خليه ينفعك، إحنا مش عايزينك أصلاً، لو رجعتي في يوم لينا مش هنفتحلك أي باب، يلا يا بنات، ومشيوا. زين لسه واقف وقالها: والله مفكرة المسلسل ده هيعمل عليا؟ انتي مفكراني هحبك يعني عشان عملتي كده؟ سيلا راحت حضنته وقالتله: زين، صدقني أنا مش بكذب، أنا معملتش كده. زين زقها وقالها: بس مش عايز أسمع حاجة. سيلا بدموع أكتر: بالله عليك اسمعني، مانا اديتك فرصة، انت ليه مش عايز تديني فرصة؟

زين: هاا، اتفضلي قولي، هتقولي إيه؟ سيلا بدموع: أنا... أنا مديهمش حاجة والله، أنا معرفش دخلوا إزاي أصلاً ولا أعرف إنهم جايين ولا قولت لهم حاجة والله. زين بعصبية: اومال دخلوا إزاي؟ فهميني، وهيكذبوا ليه؟

سيلا بدموع: عشان هما عايزين يخربوا عليا عشان أرجع تحت طوعهم تاني وأعملهم كل اللي عايزينه، عشان أعمل كل حاجة البيت وأخواتي يقعدوا كده، عشان عرفوا إن أنا الوحيدة اللي بسمع كلامهم، عشان يقولولي كلام وحش تاني، عشان يأذوني، ووقعت على الأرض. زين اتضايق عشانها ونزل

قعد قدامها وحضنها وقالها: بس بس، اهدى، أنا جنبك ومعاكي اهو، حقك عليا أنا اتعصبت بس عشان افتكرتك عملتي كده ومينفعش، وإن هما هيكذبوا ليه، بس بس خلاص مش مهم، المهم إننا سوا. سيلا بتمسح دموعها زي الأطفال بضهر أيدها وبتقوله: زين، أنا أول مرة أحس بحنان كده، أول مرة أحس إن فيه حد جنبي وبيطمني، أنا... أنا بحبك أوي يا زين. زين اتصدم وقالها: بتحبيني؟ بتحبيني إزاي أو ليه؟ سيلا بخجل مما قالته قالتله: يعني إيه ليه وازاي؟

وبعدين هو انت مش بتبادلني ده؟ زين: في الوقت المناسب هقولك. سيلا: يعني إيه في الوقت المناسب؟ ما تقول لي دلوقتي. زين: أنا قولت إيه؟ في الوقت المناسب. وبعدين انتي حبيتي بجد ولا قولتي الواد وسيم وحلو وكمان حنين فحبيتي ده؟ سيلا بحب: الحب مش بالشكل يا زين، الحب مالهوش سبب، إحساس كده جميل ونقي مش عارفة أوصف بس هو مش بالكلام هو بالأفعال، يعني الأفعال اللي بتثبت ده. زين: طب وانتي شايفة أفعالي تثبتلك إيه؟

سيلا: ما المشكلة إني مش فاهماك يا زين، انت كل يوم بحالة وبمزاج، بس أنا معاك وهتتخطي ده وهترجع أحسن من الأول وهتخف، أنا معرفش حبيت فيك إيه، دانت غامض جدا، وضحكت. زين قالها:......... سيلا اتصدمت وقالت:.......