رواية أحببت غامض الفصل التاسع عشر 19 - بقلم نورا

زين أخد جاسمين من إيدها عشان تروح تعتذر لسيلا. ولسه بيفتح الباب، لقى اللي في وشه. وبتبص بصدمة وهي سيلا. طبعاً قالها: "متفهمنيش غلط، والله أنا كنت قاطعته." وقالتله بصراخ وعياط: "بس بس مش عايزة أسمع حاجة منك يا خاين يا أناني. طلقني طلقني." وطلعت تجري، ركبت عربية كرم وساقيتها بسرعة وهي بتعيط. وعمالة تعيط أكتر وتمسح دموعها عشان تشوف الطريق. وكل شوية تفتكر إن جاسمين كانت معاه وكمان كان ماسك إيدها.

وبتقول: "شكله رجع، حن. أنا بكرهه، بكرهه." وبتعيط جامد لدرجة إنها مبتشوفش حاجة. وهوب تلاقي عربية قدامها. وهوب كانت هتلبس في واحد، بس لحقت بسرعة وراحت الناحية التانية. وقفت وخدت نفسها وقالت: "الحمد لله، الحمد لله يارب." لقت اللي بيزعق وبيقول: "أما إنتي مبتعرفيش تسوقي العربية، بتسوقيها ليه يا متخلفة إنتي." سيلا اتعصبت ونزلت تطلع اللي جواها فيه.

وقالتله: "مين دي اللي متخلفة يا حيوان ياللي مبتفهمش إنت. ثم إني بعرف أسوق غصب عنك. أنا آه غلطت بس مكنتش شايفه. محدش قالك تطلع قدامي." الشاب بعصبية: "إنتي اتجننتي يا بت إنتي إزاي تتكلمي معايا كده؟ وبعدين اتعميتي ولا إيه؟ أنا هسجنك عشان مرة تانية بعد كده تفكري ميت مرة قبل ما تعملي كده." ولسه هيكلم الشرطة، أخدت منه الفون ورزعته على الأرض وركبت العربية وجريت بيها. وهو اتعصب وأخد نمرة العربية وتوعد إنه يوريها. عند زين.

واقف متعصب مش عارف يعمل إيه. وعمال يقول: "كل حاجة بتبوظ، كل حاجة. حتى هي مسمعتنيش. ليه ليه؟ وبخبط إيده في الحيط. جاسمين مسكت إيده وقالتله: "كده غلط يا زين، ده مش حل. إحنا لازم نروح نفهمها." زين بعصبية: "أفهمها؟ أفهمها إيه؟ هي ماديتنيش فرصة أصلاً. هي عشان زعلانة مني تشك فيا؟ لا مش هفهمها حاجة وكده خلاص. وإنتي كمان دورك انتهى. وخمس دقايق وهتغوري من هنا." جاسمين مش فاهمة وقالتله: "يعني إيه؟ زين ببرود: "هتعرفي دلوقتي."

جات الشرطة. وجاسمين اتصدمت وبرقت وقالتله: "زين، إنت هتخليهم ياخدوني؟ زين بضحك: "آه، مفكراني هسيبك بعد كل ده كده؟ تؤ تؤ، بتحلمي. دانتي أكبر نصابة وغشاشة. مكنتش عايز أعمل كده أول مرة وقولت يمكن تندمي. وعشان كنت مفكر إني بحبك فمش قادر أعمل كده. بس أنا مبحبكيش، وإنتي غلطتي لما حاولتي تضحكي عليا المرة التانية. وده جزائك. يلا خدوه من هنا، مش عايز أشوف وشها." جاسمين بتعيط وبتقوله: "زين، لا يا زين. آخر مرة خلاص ندمت."

وهما بيشدوه وبيقولولها: "يلا." وأخدوها ومشوا. وهو فرحان عشان خلص منها. ومدايق من سيلا ومن إنها صدقت. مع إنه كان مستني الأول إنها تعتذر لسيلا وبعدين يقبض عليها. بس يلا. وقعد يقول: "لا لا، أنا مش لازم أستسلم. أنا بردوا لازم أحاول. أنا بس كنت بتكلم بعصبية عشان كده قولت كده. بس أنا بحبها ومش هخليها تبعد عني أبداً." وراح خد عربيته ومشي على بيت كرم. عند كرم.

وصلت سيلا وقالتله بعياط: "كرم، كرم الحقني. بيخونى، بيخونى. شفته معاها وماسك إيدها وكان طالع عايش حياته عادي وسايبني. رجع لحالها." كرم: "اهدي، اهدي بس يا حبيبتي. يمكن فيه سوء تفاهم. زين بيكره جاسمين أصلاً وبيحبك إنت. ونفسه ترجعيله." سيلا بعياط: "لا لا يا كرم، شوفته بعنيا." كرم: "اهدي إنتي الأول بس. طب هو قالك إيه؟ سيلا: "أنا مرضتش أسمعه ومش عايزة أسمعه."

كرم: "غلط يا سيلا غلط. كان لازم تديله فرصة وبعدين تقرري إنتي. عشان اتصدمتي بس فتسرعتي. ومش عشان زعلانة منه تعملي كده." سيلا بعياط أكتر: "طب ملكش دعوة بيا بقا وخللي صاحبك ينفعك. هه." وقعدت تعيط.

قام كرم حضنها وقالها: "سيلا، أنا مش عشان هو صاحبي بس بالعقل كدا. إنتي عارفة إن مستحيل زين يرجع تاني لجاسمين. وهو أصلاً طلع مبيحبهاش. هو قالي كده وقالي إنه بيحبك وعايزني أساعده عشان ترجعيله. وأنا شفت الصدق في عيونه. مش إنتي بتثقي فيا؟ سيلا فرحت من جواها إنه عايزها ترجعله. بس حلفت لتوريه الأول. فقالتله بفرح وهي بتمسح دموعها: "يعني هو قالك كده بجد؟ بس جاي دلوقتي يعرف إنه بيحبني؟ دانا هخليه يلف حوالين نفسه. اصبر عليا."

كرم ضحك وقالها: "أكيد. هنخليه يقول حقي برقبتي." سيلا ضحكت وقالتله: "حبيبي حبيبي." كرم بضحك: "حبيبك؟ يلا يا بت من هنا." سيلا بضحك: "معلش حبيبي هو زين وبس." وضحكت وقالتله: "صحيح أنا زعلانة منه بس أنا بحبه أوي." وسرحت. كرم ضحك وضربها على قفاها وقالها: "إيه يا محنو؟ مفيش كرامة كده خالص؟ كتك نيلة. يلا يا بت من هنا." سيلا ضحكت وقالتله: "إممم، غيران عشان إنت لسه متجوزتش ولا حبيت حتى؟ هنفرح فيك؟ آآه قصدى هنفرح بيك إمتى؟

كرم: "أنا أغار؟ ومنكوا؟ يلا يا معفنة وملكيش دعوة. مش هتجوز. هه." وضربها على قفاها ومشي بسرعة. وهي قالتله بغيظ: "والله لأوريك." بعد شوية. سيلا راحتله وقالتله: "كرم، عايزة أقولك حاجة." كرم: "قولي يا أختي." سيلا: "كن... ولسه هتكمل، رن الجرس. فهي اتوترت وقالتله: "أكيد هو. بص لازم يبان إني متعصبة. لازم أوريه. هه." وعملت نفسها مكشرة ومتعصبة. وراحت جابت إزازة مياه واستخبت ورا الباب وهي بتفتح ودلقتها. وبعدين حصل...