رواية أحببت غامض الفصل الثالث 3 - بقلم نورا

قفلت الباب عليها وفجأة بتلتفت بتلاقي كلب قدامها. بتصرخ وبتطلع بسرعة بره وتقفل الباب، ومخضوضة وعيطت. طلع زين على صوتها وبيضحك ومش قادر من الضحك. وسيلا اتضايقت منه لأنه بيضحك عليها. بس ركزت في ضحكته وقعدت تقول في سرها: "يالهوي يخربيت ضحكتك، مانت حلو أهو، أومال في إيه؟ وبعدين قالت: "إيه اللي بقوله ده، عيب كدا." وبعدين لا لا، دا مش استايلي. فاقت على إنه بيقولها بغرور: "أنا عارف إن ضحكتي حلوة، بس مش للدرجادي." سيلا اتكسفت

بس اتكلمت بغضب وعصبية: "لأ مش حلوة خالص. وبعدين إنت إزاي تعمل كدا؟ حرام عليك، على فكرة." واتكلمت بدموع وببراءة: "أنا بخاف من الكلاب، وكان ممكن يغمى عليا وأقطع الخلف بسببك. منك لله، منك لله." كشفت راسها ودعت عليه. زين بيضحك تاني وبيقولها: "إنتي مجنونة يا بنتي، شكلك إنتي اللي عندك انفصام والله. بس مش مهم." وقرب منها وبيقولها: "بس شكلك قمر أوي وإنتي زي الطفلة كدا." وغمزلها.

سيلا بكسوف وتوتر وبتبعد: "إنت إيه اللي بتعمله ده يا يا إنت؟ أوعى كدا، عيب. وبعدين أهو إنت اللي عندك انفصام، إنت مش كنت من شوية متعصب وواحد تاني؟ إنت هتجنني ولا إيه؟ وحطت إيدها على دماغها وقالت: "يالهوي، هيجنني بدري بدري. يا صغيرة على الهم يا لوزة. أهئ أهئ، يلا مش مهم بقا، أخد فيك ثواب وخلاص." زين: "والله أنا اللي شكلي هتجنن بسببك. تعالي يا مصيبتي." ومسكها من قفاها زي الأرنب كدا وقالها: "على أوضتي فوراً."

وزقها برجله زي ما عمل كركور بالظبط في الفيلم كدا. وقفل عليها وقالها: "مسمعش حسك بقا. هروح أخرج ريمي (اسم الكلب) وأجيلك." وراح واخد الكلب وطلع. وهي قعدت تتفرج على الأوضة وإد إيه هي حلوة ومنسقة، وفيه صور ليه كتير. فبتقول: "بيحب نفسه أوي، مش عارفة على إيه دا." ولسه هتكمل قاطعها ودخل بيقولها: "كنتي بتقولي إيه بقا؟ سيلا بتوتر: "هاا، أنا أنا كنت بقول إني لازم أمشي بقا." وجات تهرب مسكها بسرعة وقالها: "على فين يا قمر؟

هو دخول الحمام زي خروجه." وبيغمزلها. سيلا برقت وقالتله: "قصدك إيه؟ وبعدين ابعد كدا، لخلى أمك لا إله إلا الله تتفرج عليك دلوقتي." زين بضحك: "وهتقولي لهم إيه بقا؟ سيلا: "ما بلاش، لاحسن هتزعل." زين: "وريني هتزعليني إزاي؟ سيلا: "طيب، إنت اللي اخترت." وعيطت جامد وبصوت عالي. (تمثيل يعني) زين اتخض وقالها: "فيه إيه؟ إيه يا بنتي مالك؟ سيلا لسه مكملة عياط وبتشاور الناحية التانية عشان يبص وكدا. فبيبص،

قامت جريت بسرعة وقالتله: "سلام يا مغفل. نيهاهاهاها." وجريت. وهو ضحك وقال: "يا بنت الـ... بتضحكي عليا؟ طب اصبري عليا." سيلا عمالة تضحك وتقول: "يخربيت ذكائي والله. الحمد لله إني بعرف أمثل، دا أنا هجننه وأخليه يخف على يدي." ولسه هتنزل تاكل بتلاقي اللي... عند عيلة سيلا مروة: "بقا يا بابا رايح تجوزها واحد قمر بدل ما تجوزهولنا؟ (بجاحة أوي البت دي)

أبوها: "متعرفيش اللي هيحصلها، اسكتي. الحلو مش بيكمل، دا عنده انفصام، يعني الصبح يبقى حاجة و بالليل حاجة." هبة: "مش مهم يا بابا، المهم معاه فلوس وهيدلعها." أمهم: "ما خلاص بقا، كويس إننا خلصنا وارتحنا منها، إحنا هنستنفع منها بردوا." مروة وهبة: "إزاي؟ أمهم: "هقولكوا." وقالتلهم. "بس كدا فهمتوا؟ أبوهم: "والله وطلعتي مش سهلة يا حبيبتي." مامته: "عيب عليك، دا أنا مراتك بردوا." وبصت بخبث.