رواية أحببت غامض الفصل الثاني عشر 12 - بقلم نورا

طلعت سيلا تحط الأكل، لقت تلات بنات قاعدين جنب زين، فوقعت الطبق. زين بص لها وللبنات، واحدة منهم قالت له بغضب مزيف: "مين دي يا زين؟ انت بتخوني؟ زين: "لا لا والله يا حبيبتي، ده أنا مش عارف أصلًا هي جات منين ولا تعرفني منين. بس شكلها نصابة لأني معرفهاش، وهي عمالة تقول لي أنا مراتك." البنت دي طلعت جاسمين، كانت حبيبة زين، بس هنعرف إيه اللي حصل بينهم وليه مابقوش مع بعض بعدين. المهم نرجع لموضوعنا. جاسمين اتوترت،

بس بعدين قالت بغضب: "إنتي مين يا بت إنتي؟ وعايزة إيه من حبيبي؟ ومين اللي زقك عليه؟ سيلا كل ده مصدومة من كلام زين، بس اتعصبت من البت دي، وقالت لها بعصبية: "إنتي اللي مين؟ وجاية تعملي هنا إيه؟ وإيه علاقتك بجوزي أصلًا؟ وراحت بعدتها عنه. زين زق سيلا وقال لها: "إنتي اتجننتي؟ إنتي إزاي تعملي معاها كده؟ سيلا بدموع: "زين صدقني دي كذابة وهي اللي بتستغلك، أنا مراتك حبيبتك." جاسمين بعصبية:

"لا بقى دي كل شوية تغلط فيا، وأنا مش هقبل ده. لو سمحت يا زين، طلع البتاعة دي من هنا وإلا هفقد أعصابي." زين قال لسيلا: "اطلعي بره، بره." سيلا اتصدمت وقالت له: "اطلع بره إيه؟ إنت بتطردني عشانها؟ مين دي أصلًا؟ إنت مقلتليش إنك كنت بتحب حد أصلًا. إنت إزاي تقول لي كده؟ أنا مش طالعة من هنا، ده بيتي." زين اتعصب وقال لها: "بيت مين يا نصابة إنتي؟

لولا إنك بنت كنت وريتك وعرفتك قيمتك. وبعدين أنا معرفكيش أصلًا ولا شوفتك قبل كده. إنتي حد زقك عليا عشان توقعي بيني وبين حبيبتي." ومسكها من إيدها وجرها وراه وقال لها: "يلا بقى بره ومش عايز أشوف وشك تاني نهائي." وطلعها بره خالص وقفل في وشها. سيلا مصدومة وبتعيط، مش عارفة تعمل إيه، ومش عارفة ليه باباها مجاش لسه، ومش عارفة تروح فين. وعمالة تعيط أكتر وتقول: "طب أعمل إيه؟ أروح فين دلوقتي؟ أستنى باباه طيب؟ ورجعت قالت:

"لا لا، أنا هستنى. مش هسمح إن جوزي يضيع من إيدي، ولازم أعرف حكاية البت دي إيه، وهل هي فعلًا كانت حبيبته ولا لأ، وإيه اللي بعدهم عن بعض." ومسحت دموعها ومستنية باباه. عند زين: جاسمين فرحانة وبتقول له: "أنا عارفة يا حبيبي إنك مستحيل تخوني، وإني أنا حبيبتك وبس." زين بحب: "أكيد يا عمري، بس إنتي مجيتيش ليه؟ شوفتيني في المستشفى، أنا ملقتش حد غير البنت دي." جاسمين اتوترت ومعرفتش تقول إيه، فـ ميرا صاحبتها

ردت بسرعة وقالت له بكذب: "اسكت يا زين، ده جاسمين كل شوية تقول زين فيه حاجة وترن عليك، مبتردش لحد ما اغمى عليها من الخوف وقعدنا نفوقها بالعافية، وبعدها جات على هنا أول ما فاقت بسرعة." زين بخوف: "طب إنتي كويسة دلوقتي؟ معلش يا حبيبتي قلقتك عليا، حقك عليا. وبعد كده هخلي بالي." جاسمين بحب مزيف: "حبيبي متقلقش، أنا كويسة، مفيش حاجة. المهم إنك رجعتلي بالسلامة." وحضنته، فهو حضنها بس حس بإحساس بالضيق، ميعرفش ليه، بس بعد

نفض إحساسه ده وقال لها: "طب خلاص، تعالي نعمل أكل سوا بقى. يلا يا ميرا، يلا يا شاهي، منشوفكوش في حاجة وحشة بقى." شاهي: "بقى كده يا زين؟ ماشي، إحنا هنمشي، بس عشان كنت عامل حادثة وعايزين تقعدوا سوا، تمام." زين: "شاطرة، يلا بقى." ميرا: "يلا يا بنتي، دول بيطردونا، يلا." ومشوا. عند سيلا:

لقت الباب بيتفتح، فكرت إن زين هيقولها تعالي، راحت تجري. لقت البنتين طلعوا وقفلوا وراهم. وقفت، ولقت إن التالتة البجحة مطلعتش. فداقت، إزاي يعني جوزها يبقى مع واحدة لوحدهم، وخصوصًا إنه فاقد الذاكرة؟ فراحت تخبط. ميرا مسكت إيدها وقالت لها: "اقفي عندك، رايحة فين؟ سيلا نفضت إيدها منها وقالت لها:

"ملكيش دعوة، وحاجة متخصكيش يا كذابة إنتي وهي. أنا هعرفكوا مقامكوا كويس أوي، وإزاي تستغلوا إن جوزي فاقد الذاكرة وتعملوا المسلسل ده." شاهي بضحك: "حاولي تثبتي بقى، لو من هنا لبكرة زين مش هيصدقك أصلًا، لأنك انمحيتي من حياته أصلًا. ولو خبطتي عليه وشافك، هيعمل منك شاورما." و بتضحك وبتقول لميرا: "يلا يا بنتي." ومشوا. سيلا عيطت وقعدت تقول: "يارب يارب ساعدني." فجه عمها وقال لها:

"سيلا، معلش يا حبيبتي، البنزين خلص واضطريت أحط، فـ اتعطلت شوية." سيلا حضنته وهي بتعيط وبتقول له: "بابا، الحق ابنك طردني عشان واحدة اسمها جاسمين." وحكت له اللي حصل وقالت له: "أنا مش عارفة أعمل إيه." باباها ماهر: "اهدّي يا حبيبتي، متخافيش، أنا معاكي. يلا ندخل." سيلا مسحت دموعها وقالت: "يلا." وراحوا يخبطوا على زين، مفتحش. خبطوا جامد. فزين فتح بإنزعاج وبيقول: "مين؟ ولسه بيبص لقى أبوه، فقاله: "بابا، اتفضل يا حبيبي."

وبص على سيلا، فقاله: "بابا، إنت جايب البنت دي معاك ليه؟ باباه قاله: "اوعى." ودخل هو وسيلا وقاله: "نادي على البت اللي جوه دي." زين قاله: "بابا، اهدى، إيه فيه؟ قاطعه باباه وقاله: "طب أنا هنادي جاسمين. جاسمين إنتي يا بت."